ವಾಷಿಂಗ್ಟನ್ : ಭಾರತದಲ್ಲಿ ನಡೆಯುತ್ತಿರುವ ರೈತರ ಪ್ರತಿಭಟನೆಗೆ ಬೆಂಬಲ ಸೂಚಿಸುವ ಹಿನ್ನೆಲೆ ಸಿಖ್ ಅಮೆರಿಕನ್ ಯುವಕರು ಆಯೋಜಿಸಿದ್ದ ಪ್ರತಿಭಟನೆ ವೇಳೆ ಖಲಿಸ್ತಾನಿ ಪ್ರತ್ಯೇಕತೆಯ ಸದಸ್ಯರು, ರಾಯಭಾರ ಕಚೇರಿಯ ಮುಂಭಾಗದಲ್ಲಿರುವ ಮಹಾತ್ಮ ಗಾಂಧಿ ಪ್ರತಿಮೆ ವಿರೂಪಗೊಳಿಸಿದ್ದಾರೆ.
ಇದನ್ನೂ ಓದಿ: ಕಂದಹಾರ್‌ನಲ್ಲಿ ತಾಲಿಬಾನ್‌ ಮೇಲೆ ವೈಮಾನಿಕ ದಾಳಿ ಮಾಡಿದ್ದು ನಿಜ; ಯುಎಸ್ ಸೇನೆ ಸ್ಪಷ್ಟನೆ
ರಾಯಭಾರ ಕಚೇರಿಯು ಅನ್ವಯವಾಗುವ ಕಾನೂನಿನಡಿ ಅಪರಾಧಿಗಳ ವಿರುದ್ಧ ತನಿಖೆ ಮಾಡಿ, ಕ್ರಮ ಕೈಗೊಳ್ಳಬೇಕು ಎಂದು ಯುಎಸ್ ಕಾನೂನು ಜಾರಿ ಸಂಸ್ಥೆಗಳನ್ನು ಒತ್ತಾಯಿಸಿದೆ ಎಂದು ಯುಎಸ್ನಲ್ಲಿರುವ ಭಾರತೀಯ ರಾಯಭಾರ ಕಚೇರಿ ತಿಳಿಸಿದೆ. ಶಾಂತಿಯುತವಾಗಿ ನಡೆಯುತ್ತಿದ್ದ ಪ್ರತಿಭಟನೆ ವೇಳೆ ಖಲಿಸ್ತಾನಿ ಪ್ರತ್ಯೇಕತೆಯ ಸದಸ್ಯರು ಭಾರತ ವಿರೋಧಿ ಘೋಷಣೆ ಕೂಗಿದರು.
ಇದೇ ವೇಳೆ ಕಚೇರಿಯ ಮುಂಭಾಗದಲ್ಲಿದ್ದ ಮಹಾತ್ಮ ಗಾಂಧಿ ಪ್ರತಿಮೆ ಬಳಿಗೆ ತೆರಳಿ, ಪೋಸ್ಟರ್ ಸುತ್ತಿ ವಿರೂಪಗೊಳಿಸಿದ್ದಾರೆ. ಪ್ರತಿಭಟನಾಕಾರರ ಈ ವರ್ತನೆಯನ್ನು ಭಾರತೀಯ ರಾಯಭಾರಿ ಅಧಿಕಾರಿಗಳು ಖಂಡಿಸಿದ್ದು, ಘಟನೆ ಕುರಿತು ಅಮೆರಿಕಾದ ಕಾನೂನು ಜಾರಿ ಏಜೆನ್ಸಿಯಲ್ಲಿ ದೂರು ದಾಖಲಿಸಲಾಗಿದೆ.
ಈ ಪ್ರತಿಭಟನೆಯು ವಿಶೇಷವಾಗಿ ಸರ್ಕಾರದ ವಿರುದ್ಧವಲ್ಲ. ಆದರೆ, ರೈತರ ಬೆಂಬಲಕ್ಕಾಗಿದೆ. ಇದು ಅಲ್ಲಿನ ಪ್ರಸ್ತುತ ಆಡಳಿತಕ್ಕೆ ವಿರುದ್ಧವಾಗಿದೆ. ಈ ಮಸೂದೆಯನ್ನು ನಮ್ಮ ಸಂಸ್ಕೃತಿಯ ನಿರ್ಮೂಲನೆ ಎಂದು ನಾವು ಭಾವಿಸುತ್ತೇವೆ ಎಂದು ಪ್ರತಿಭಟನೆಯ ಸಂಘಟಕರಲ್ಲಿ ಒಬ್ಬರಾದ ಮನ್ಸಿಮ್ರಾನ್ ಸಿಂಗ್ ಹೇಳಿದರು.
ಇದನ್ನೂ ಓದಿ:ಜೂಲಿಯನ್‌ ಅಸಾಂಜ್‌ ಇರುವ ಜೈಲಿನ ಸೇಲ್ ಅತ್ಯಂತ ಅಪಾಯಕಾರಿ; ಪತ್ನಿ ಸ್ಟೆಲ್ಲಾ ಮೊರೀಸ್
ನಾವು ರೈತರನ್ನು ಬೆಂಬಲಿಸುವ ಮತ್ತೊಂದು ಗುಂಪು. ಖಲಿಸ್ತಾನ್ ಎಲ್ಲಿಂದ ಬರುತ್ತದೆ? ಕಳೆದ 35 ವರ್ಷಗಳಲ್ಲಿ ಈ ಕ್ರಿಯಾಶೀಲತೆ ಬೆಳೆಯುತ್ತಿರುವುದನ್ನು ನೀವು ನೋಡಿದ್ದೀರಿ. ಭಾರತ ಏಕೆ ತನ್ನ ಸ್ವಂತ ಜನರಿಗೆ ಅಥವಾ ತನ್ನದೇ ಸರ್ಕಾರಕ್ಕೆ ಆ ಪ್ರಶ್ನೆ ಕೇಳುತ್ತಿಲ್ಲ. ಆದರೆ, ಅಮೆರಿಕಾದಲ್ಲಿ ಯಾರಾದರೂ ಪ್ರತ್ಯೇಕತೆಯ ಬಗ್ಗೆ ಮಾತನಾಡಿದ್ದಾರಾ, ಅವರನ್ನು ಏಕೆ ಕೇಳುತ್ತಾರೆ ಎಂದು ಮನ್ಸಿಮ್ರಾನ್ ಸಿಂಗ್ ಪ್ರಶ್ನಿಸಿದರು.
