ಲಾಸ್ ಏಂಜಲೀಸ್: ಅಮೆರಿಕದ ಪ್ರತಿಷ್ಠಿತ ನಗರ ಲಾಸ್ ಏಂಜಲೀಸ್ನಲ್ಲಿ ಕಾಳ್ಗಿಚ್ಚು ನಗರಕ್ಕೂ ವಿಸ್ತರಿಸಿದ್ದು, ಪರಿಣಾಮ ಸೋಮವಾರದಂದು ಐದು ದುಬಾರಿ ಬಂಗಲೆಗಳು ಬೆಂಕಿಗಾಹುತಿಯಾಗಿವೆ.
ಲಾಸ್ ಏಂಜಲೀಸ್ನ ಬ್ರೆಂಟ್ವುಡ್ ಪ್ರದೇಶದಲ್ಲಿ ಹತ್ತಾರು ಕೋಟಿ ಬೆಲೆಬಾಳುವ ಮನೆಗಳಿದ್ದು, ಹಾಲಿವುಡ್ ನಟರು, ಫುಟ್ಬಾಲ್ ಹಾಗೂ ಬಾಸ್ಕೆಟ್ಬಾಲ್ ಆಟಗಾರರು ಇಲ್ಲಿ ವಾಸಿಸುತ್ತಿದ್ದಾರೆ.
ಸೋಮವಾರ ತಡರಾತ್ರಿ ಕಾಳ್ಗಿಚ್ಚು ಅಬ್ಬರಕ್ಕೆ ಹಲವು ಹಾಲಿವುಡ್ ನಟರು ಮನೆ ತೊರೆದಿದ್ದಾರೆ. ಪ್ರಮುಖವಾಗಿ ಟರ್ಮಿನೇಟರ್ ಖ್ಯಾತಿಯ ಹಾಗೂ ಕ್ಯಾಲಿಫೋರ್ನಿಯಾ ಗವರ್ನರ್ ಅರ್ನಾಲ್ಡ್ ಶ್ವಾಝ್ನಿಗ್ಗರ್ ಸಹ ರಾತ್ರೋರಾತ್ರಿ ಮನೆ ತೊರೆದಿದ್ದಾರೆ. ಈ ಹಿನ್ನೆಲೆಯಲ್ಲಿ ಸೋಮವಾರ ಆಯೋಜನೆಯಾಗಿದ್ದ ಟರ್ಮಿನೇಟರ್-ಡಾರ್ಕ್ ಫೇಟ್ ಚಿತ್ರದ ವಿಶೇಷ ಪ್ರದರ್ಶನವನ್ನು ಸಮಾರಂಭ ಮುಂದೂಡಲಾಗಿದೆ.
ಕ್ಯಾಲಿಫೋರ್ನಿಯಾದ ಭೀಕರ ಕಾಳ್ಗಿಚ್ಚಿಗೆ ಸುಮಾರು 2 ಲಕ್ಷ ಮಂದಿಯನ್ನು ಸ್ಥಳಾಂತರ ಮಾಡುವ ಪ್ರಕ್ರಿಯೆ ನಡೆಯುತ್ತಿದೆ. ಪ್ರತಿ ಗಂಟೆಗೆ 15ರಿಂದ 20 ಕಿ.ಮೀ ವೇಗದಲ್ಲಿ ಗಾಳಿ ಬೀಸುತ್ತಿದ್ದು, ಸದ್ಯ ಸುಮಾರು 400 ಎಕರೆಯಲ್ಲಿ ಕಾಳ್ಗಿಚ್ಚು ವ್ಯಾಪಿಸಿದೆ ಎಂದು ಅಗ್ನಿಶಾಮಕ ಇಲಾಖೆ ಹೇಳಿದೆ.
