ಆರೋಗ್ಯಕರ-ಆಹ್ಲಾದಕರ ಲೈಂಗಿಕ ಸಂಬಂಧಕ್ಕೆ ಇಲ್ಲಿದೆ ಸರಳ ಸೂತ್ರ: ವಿಶೇಷ ವರದಿ

ಆರೋಗ್ಯಕರ ಮತ್ತು ಆಹ್ಲಾದಕರ ಲೈಂಗಿಕ ಸಂಬಂಧವನ್ನು ಹೊಂದಬೇಕಾದರೆ, ದಂಪತಿಗಳು ತಮ್ಮ ನಡುವಿನ ಆಸೆ, ಕಲ್ಪನೆ, ಸಂತೋಷ ಮೊದಲಾದವುಗಳ ಕುರಿತು ಮುಕ್ತವಾಗಿ ಮಾತನಾಡಬೇಕು ಎಂದು ಮನೋವೈದ್ಯರು ತಿಳಿಸುತ್ತಾರೆ.

ಹೈದರಾಬಾದ್​: ಇತ್ತೀಚಿನ ದಿನಗಳಲ್ಲಿ ಲೈಂಗಿಕ ಸಂಬಂಧ ಅನ್ನೋದರ ಅರ್ಥ ಬದಲಾಗುತ್ತಿದೆ. ಹಿಂದಿನ ದಿನಗಳಿಗೆ ಹೋಲಿಸಿದರೆ, ಪ್ರಸ್ತುತ ದಿನಗಳಲ್ಲಿ ಲೈಂಗಿಕ ಆರೋಗ್ಯ ಸುಧಾರಿಸುವುದಕ್ಕೆ ಹಲವಾರು ವಿಧಾನಗಳಿವೆ. ದಾಂಪತ್ಯ ಜೀವನದಲ್ಲಿ ಲೈಂಗಿಕತೆಯ ದೀರ್ಘಕಾಲಿಕ ಸಂತೋಷದ ಹೆಚ್ಚಳಕ್ಕೆ ವಿವಿಧ ಸಂಶೋಧಕರು, ವೈದ್ಯರು ಸಾಕಷ್ಟು ಸಲಹೆಗಳನ್ನು ನೀಡಿದ್ದಾರೆ. ಈ ಕುರಿತ ಮಾಹಿತಿ ಇಲ್ಲಿದೆ.

ಪ್ರಸ್ತುತ ಕಾಲದಲ್ಲಿ ಲೈಂಗಿಕ ಸಂಬಂಧಗಳನ್ನು ಮೂರು ವರ್ಗಗಳಾಗಿ ವಿಂಗಡಿಸಬಹುದು. ಅವುಗಳೆಂದರೆ:

1. ಶಾಶ್ವತ ಅಥವಾ ದೀರ್ಘಕಾಲದ ಸಂಬಂಧಗಳು (ಸಾಮಾನ್ಯವಾಗಿ ವಿವಾಹ ಸಂಬಂಧಗಳು)

2. ಅಲ್ಪಾವಧಿಯ ಅಥವಾ ತಾತ್ಕಾಲಿಕ ಸಂಬಂಧಗಳು (ಜನರು ತಮ್ಮ ದೈಹಿಕ ಆಸೆಗಳ ಈಡೇರಿಕೆಗೆ ಮಾತ್ರ)

3. ವೇಶ್ಯಾವಾಟಿಕೆ ( ಹಣ ನೀಡಿ ದೈಹಿಕ ಆಸೆಗಳನ್ನು ಈಡೇರಿಸಿಕೊಳ್ಳುವುದು)

ಈ ವಿಷಯದ ಕುರಿತು ಈಟಿವಿ ಭಾರತ್ ಸುಖಿಭವ ತಂಡವು ಹಿರಿಯ ಮನೋವೈದ್ಯ ಡಾ. ವೀಣಾ ಕೃಷ್ಣನ್ ಅವರೊಂದಿಗೆ ಮಾತನಾಡಿ ಚರ್ಚಿಸಿದಾಗ ತಿಳಿದುಬಂದಿರುವ ಮಹತ್ತರ ಅಂಶವೆಂದರೆ, ಪ್ರಸ್ತುತ ಲೈಂಗಿಕತೆಯಲ್ಲಿ ತೊಡಗುವ ಜನರು ಶಾಶ್ವತ ಅಥವಾ ದೀರ್ಘಕಾಲೀನ ಸಂಬಂಧವನ್ನು ಹೊರತುಪಡಿಸಿ ತಮ್ಮ- ತಮ್ಮ ನಡುವೆ ಯಾವುದೇ ಭಾವನಾತ್ಮಕ ಸಂಪರ್ಕವನ್ನು ಹೊಂದಿಲ್ಲ ಎಂಬುದಾಗಿದೆ.

ಅಮೆರಿಕನ್​ ಸೋಶಿಯಲಾಜಿಕಲ್ ರಿವ್ಯೂನಲ್ಲಿ ಪ್ರಕಟವಾದ ಸಂಶೋಧನೆಯ ಪ್ರಕಾರ, ಶಾಶ್ವತ ಅಥವಾ ದೀರ್ಘಕಾಲೀನ ಸಂಬಂಧದಲ್ಲಿರುವ ಜನರು, ವಿಶೇಷವಾಗಿ ಮಹಿಳೆಯರು ಲೈಂಗಿಕ ಸಂಭೋಗದ ಸಮಯದಲ್ಲಿ ಹೆಚ್ಚು ಸಂತೋಷ, ತೃಪ್ತಿ ಮತ್ತು ಉತ್ಸಾಹವನ್ನು ಅನುಭವಿಸುತ್ತಾರೆ, ಕಾರಣ ಅವರು, ತಮ್ಮ ಸಂಭೋಗದ ಸಮಯದಲ್ಲಿ ಹೆಚ್ಚು ಭಾವನಾತ್ಮಕವಾಗಿರುತ್ತಾರೆ ಎಂಬುದು ತಿಳಿದುಬಂದಿದೆ.

ಅದೇ ನಿಟ್ಟಿನಲ್ಲಿ, ಸಾಮಾಜಿಕ ಮತ್ತು ವೈಯಕ್ತಿಕ ಸಂಬಂಧಗಳ ಕುರಿತು 2015 ರಲ್ಲಿ ಪ್ರಕಟವಾದ ಸಂಶೋಧನಾ ಪ್ರಬಂಧವೊಂದರಲ್ಲಿ ಮಹಿಳೆಯರು ಅಲ್ಪಾವಧಿಯ ಸಂಬಂಧಗಳು ಅಥವಾ ಸಾಮಾನ್ಯ ಲೈಂಗಿಕತೆಗಿಂತ ಹೆಚ್ಚಾಗಿ ಶಾಶ್ವತ ಸಂಬಂಧಗಳಲ್ಲಿ ಹೆಚ್ಚಿನ ಸಮಯದ ಲೈಂಗಿಕ ಪರಾಕಾಷ್ಠೆಯನ್ನು ಸಾಧಿಸುತ್ತಾರೆ ಎಂದು ಉಲ್ಲೇಖಿಸಿದ್ದಾರೆ. ಅದೇ ಸಮಯದಲ್ಲಿ, ಮಹಿಳೆಯರಿಗೆ ಹೋಲಿಸಿದರೆ, ಪುರುಷರು ಭಾವನೆಗಳಿಗಿಂತ ಹೆಚ್ಚು ಅನ್ಯೋನ್ಯತೆ ಮತ್ತು ಕ್ಷಣಿಕ ಸಂತೋಷಗಳನ್ನು ಆರಿಸಿಕೊಳ್ಳುತ್ತಾರೆ, ಅದಕ್ಕಾಗಿಯೇ ಅವರು ಡೇಟಿಂಗ್​ ಸಂಸ್ಕೃತಿಯನ್ನು ಆರಿಸಿಕೊಳ್ಳುತ್ತಿದ್ದಾರೆ ಎಂಬುದು ತಿಳಿದುಬಂದಿದೆ.

ಉತ್ತಮ ಲೈಂಗಿಕ ಸಂಬಂಧಗಳಿಗೆ ಭಾವನಾತ್ಮಕ ಅನ್ಯೋನ್ಯತೆಯ ಅಗತ್ಯ