ಚಾಮರಾಜನಗರ: ಕೋವಿಡ್ ಲಾಕ್ಡೌನ್ ಇದ್ದರೂ ಮುಜರಾಯಿ ದೇಗುಲವನ್ನು ತೆರೆಸಿ, ಬಿಜೆಪಿ ಮುಖಂಡರೊಬ್ಬರು ತಮ್ಮ ಮಗನ ಮದುವೆ ಮಾಡಿಸಿರುವ ಘಟನೆ ಗುಂಡ್ಲುಪೇಟೆ ತಾಲೂಕಿನ ಕಂದೇಗಾಲ ಸಮೀಪವಿರುವ ಪಾರ್ವತಿ ಬೆಟ್ಟದಲ್ಲಿ ನಡೆದಿದೆ.
ರಾಜ್ಯ ಬಿಜೆಪಿ ಎಸ್ಟಿ ಮೋರ್ಚಾ ಉಪಾಧ್ಯಕ್ಷ, ಗುಂಡ್ಲುಪೇಟೆ ಪಿಎಲ್ಡಿ ಬ್ಯಾಂಕ್ ಅಧ್ಯಕ್ಷ ಮಲ್ಲೇಶ್ ಅವರು ತಮ್ಮ ಪುತ್ರನ ಮದುವೆಯನ್ನು ಇಂದು ಮುಜರಾಯಿ ಇಲಾಖೆಗೆ ಒಳಪಡುವ ದೇಗುಲದಲ್ಲಿ ಪಾರ್ವತಿ ಬೆಟ್ಟದಲ್ಲಿ ನಡೆಸಿದ್ದು, ವಿವಾಹ ಸಮಾರಂಭಕ್ಕೆ ಪುರಸಭಾ ಅಧ್ಯಕ್ಷ ಗಿರೀಶ್ ಕೂಡ ಭಾಗಿಯಾಗಿದ್ದಾರೆ.
ಲಾಕ್ಡೌನ್ ಹೇರಿ ಎಲ್ಲಾ ದೇಗುಲಗಳಿಗೂ ರಾಜ್ಯ ಸರ್ಕಾರ ಬೀಗ ಹಾಕಿದೆ. ಆದರೆ, ಗುಂಡ್ಲುಪೇಟೆಯಲ್ಲಿ ಹೇಳೋರು - ಕೇಳೋರು ಯಾರು ಇಲ್ಲವೆಂಬಂತೆ ದೇಗುಲ ತೆಗೆಸಿ ವಿವಾಹವನ್ನೇ ನಡೆಸಿದ್ದಾರೆ. ಲಾಕ್ಡೌನ್ ಹೊತ್ತಿನಲ್ಲಿ ಬೈಕ್ ಸವಾರಿ ಮಾಡಿದರೇ ಕೇಸ್ ಹಾಕುವ ಪೊಲೀಸರು ಇಲ್ಲಿ ಮಾತ್ರ ಗಪ್ ಚುಪ್ ಆಗಿದ್ದಾರೆ. ತಾಲೂಕು ಆಡಳಿತವೂ ಜಾಣ ಕುರುಡು ಪ್ರದರ್ಶನ ಮಾಡಿದೆ ಎಂಬ ಆರೋಪ ಕೇಳಿ ಬಂದಿದೆ.
