ಲಾಸ್ ಎಂಜೆಲೀಸ್ (ಅಮೆರಿಕ): ಶೀಘ್ರದಲ್ಲೇ ತಯಾರಾಗಲಿರುವ ಹಾಲಿವುಡ್ ಚಲನಚಿತ್ರ 'ಜೋಕರ್: ಫೋಲಿ ಎ ಡ್ಯೂ' ನಲ್ಲಿ ತಾವು ಜೋಕ್ವಿನ ಫೀನಿಕ್ಸ್ ಜೊತೆಯಲ್ಲಿ ನಟಿಸುತ್ತಿರುವುದಾಗಿ ವಿಶ್ವವಿಖ್ಯಾತ ಗಾಯಕಿ ಮತ್ತು ನಟಿ ಲೇಡಿ ಗಾಗಾ ಹೇಳಿದ್ದಾರೆ. ಈ ಚಲನಚಿತ್ರವು 2019ರಲ್ಲಿ ಟಾಡ್ ಫಿಲಿಪ್ಸ್ ನಿರ್ದೇಶನದಲ್ಲಿ ತಯಾರಾಗಿದ್ದ, ಆ್ಯಂಟಿ - ಹೀರೊ ಕ್ಯಾರೆಕ್ಟರ್ ಕಥೆ ಹೊಂದಿದ್ದ 'ಜೋಕರ್' ಚಿತ್ರದ ಮುಂದುವರಿದ ಭಾಗ (ಸಿಕ್ವೆಲ್)ವಾಗಿದೆ. ವಾರ್ನರ್ ಬ್ರದರ್ಸ್ ಬ್ಯಾನರ್ ಪ್ರಾಜೆಕ್ಟ್ ಆಗಿರುವ ಇದರಲ್ಲಿ ತಾವು ನಟಿಸುತ್ತಿರುವ ಬಗ್ಗೆ ಲೇಡಿ ಗಾಗಾ ಇನ್ಸ್ಟಾನಲ್ಲಿ ಟೀಸರ್ ಹಾಕಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಜೋಕರ್ ಸಿಕ್ವೆಲ್ನಲ್ಲಿ ಲೇಡಿ ಗಾಗಾ ಅವರು ಹಾರ್ಲೆ ಕ್ವಿನ್ ಪಾತ್ರ ಮಾಡಲಿದ್ದಾರೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿತ್ತು. ಈ ಪಾತ್ರವು ಸಂಗೀತಮಯವಾಗಿರಲಿದೆ ಎನ್ನಲಾಗಿದೆ. ಜೂನ್ 7 ರಂದು ನಿರ್ದೇಶಕ ಟಾಡ್ ಫಿಲಿಪ್ಸ್ ಇನ್ಸ್ಟಾನಲ್ಲಿ ಸ್ಕ್ರೀನ್ ಪ್ಲೇ ಕವರ್ ಪೋಸ್ಟ್ ಮಾಡಿದ್ದು, ಫೋಲಿ ಎ ಡ್ಯೂ ಸಬ್ ಟೈಟಲ್ ಬಹಿರಂಗಗೊಳಿಸಿದ್ದಾರೆ.
ಫೋಲಿ ಎ ಡ್ಯೂ ಎಂಬ ಪದಪುಂಜವು ಭ್ರಮಾಧೀನ ಅವಸ್ಥೆಯನ್ನು ಸೂಚಿಸುತ್ತದೆ ಹಾಗೂ ಇದು ಬ್ಯಾಟ್ಮ್ಯಾನ್ ಹೊರತಾಗಿ ಜೋಕರ್ನ ಏಕೈಕ ಸಂಗಾತಿಯಾಗಿರಲಿದೆ. ಆದಾಗ್ಯೂ ಲೇಡಿ ಗಾಗಾ ಹಾರ್ಲೆ ಪಾತ್ರ ನಿರ್ವಹಿಸಲಿದ್ದಾರೆ ಎಂಬುದನ್ನು ಟೀಸರ್ ಸ್ಪಷ್ಟಪಡಿಸಿಲ್ಲ.
ಡಾರ್ಕ್ ಅಂಡ್ ಗ್ರಿಟ್ಟಿ ರೀತಿಗೆ ವ್ಯತಿರಿಕ್ತವಾಗಿ ಜೋಕರ್ ಸಿಕ್ವೆಲ್ ಅನ್ನು ಸಂಗೀತಮಯವಾಗಿ ಮಾಡಲಾಗಿದೆ. ಜೋಕರ್ ಆಕಾ ಆರ್ಥರ್ ಫ್ಲೆಕ್ ಪಾತ್ರ ನಿರ್ವಹಿಸಿದ್ದಕ್ಕೆ ಫೀನಿಕ್ಸ್ ಅವರು ಅತ್ಯತ್ತಮ ನಟ ಆಸ್ಕರ್ ಪ್ರಶಸ್ತಿ ಗೆದ್ದುಕೊಂಡಿದ್ದರು. ಡಿಸಿ ಕಾಮಿಕ್ಸ್ ಬ್ಯಾಟ್ ಮ್ಯಾನ್ ಯುನಿವರ್ಸ್ನ ಅತಿ ಸ್ಮರಣೀಯ ಪಾತ್ರ ಅದಾಗಿತ್ತು. ಸಿಕ್ವೆಲ್ನ ಯೋಜನಾ ವರದಿಗಳು ಇನ್ನೂ ಬಂದಿಲ್ಲ. ಸ್ಕಾಟ್ ಸಿಲ್ವರ್ ಅವರೊಂದಿಗೆ ಫಿಲಿಪ್ಸ್ ಸ್ಕ್ರೀನ್ ಪ್ಲೇ ಬರೆಯುತ್ತಿದ್ದಾರೆ.
ಫಿಲಿಪ್ಸ್ ಅವರ ಒರಿಜಿನಲ್ ಜೋಕರ್ 2019ರಲ್ಲಿ ಬಾಕ್ಸ್ ಆಫೀಸ್ ಇತಿಹಾಸ ಸೃಷ್ಟಿಸಿತ್ತು. ವಿಶ್ವಾದ್ಯಂತ 1 ಬಿಲಿಯನ್ ಡಾಲರ್ ಆದಾಯ ಗಳಿಸಿ, ಈ ಸಾಧನೆ ಮಾಡಿದ ಏಕೈಕ ಆರ್ ರೇಟೆಡ್ ಮೂವಿ ಎಂಬ ಹೆಗ್ಗಳಿಕೆಗೆ ಇದು ಪಾತ್ರವಾಗಿತ್ತು. ಈ ಚಿತ್ರವು ವೆನಿಸ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಗೋಲ್ಡನ್ ಲಯನ್ ಪ್ರಶಸ್ತಿ ಗೆದ್ದಿತ್ತು. ಅತ್ಯುತ್ತಮ ಚಲನಚಿತ್ರ ಸೇರಿದಂತೆ ಅಲ್ಲದೆ 11 ಅಕಾಡೆಮಿ ಅವಾರ್ಡ್ ನಾಮಿನೇಶನ್ಗಳನ್ನು ಈ ಚಿತ್ರ ಪಡೆದುಕೊಂಡಿತ್ತು. ಜೋಕರ್: ಫೋಲಿ ಎ ಡ್ಯೂ ಚಿತ್ರವು 2024ರ ಅಕ್ಟೋಬರ್ 4 ರಂದು ತೆರೆಕಾಣಲಿದೆ.
