ಬೆಂಗಳೂರು: ನಟಿ ರಶ್ಮಿಕಾ ಮಂದಣ್ಣ ಹೈದರಾಬಾದ್ನಲ್ಲಿ ನಡೆದ 'ಬೇಬಿ' ಸಿನಿಮಾದ ವಿಶೇಷ ಸ್ಕ್ರೀನಿಂಗ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ನಟ ವಿಜಯ್ ದೇವರಕೊಂಡ ಸಹೋದರ ಆನಂದ್ ಅಭಿನಯದ ಈ ಚಿತ್ರದ ವೀಕ್ಷಣೆಗೆ ಅವರು ಬಂದಿದ್ದಾರೆ. ಚಿತ್ರದಲ್ಲಿ ನಟ ಆನಂದ್ಗೆ ಜೊತೆಯಾಗಿ ವೈಷ್ಣವಿ ಚೈತನ್ಯ ಕಾಣಿಸಿಕೊಂಡಿದ್ದಾರೆ.
ಹೈದರಾಬಾದ್ನಲ್ಲಿ ಪ್ರದರ್ಶನವಾದ ಈ ವಿಶೇಷ ಪ್ರಿಮೀಯರ್ನಲ್ಲಿ ಕಾಣಿಸಿಕೊಂಡ ನಟಿ ಚಿತ್ರ ವೀಕ್ಷಣೆ ಬಳಿಕ ಸ್ವಲ್ಪ ಭಾವನಾತ್ಮಕವಾಗಿ ಕಂಡಿದ್ದಾರೆ. ಬಳಿಕ ಕ್ಯಾಮೆರಾಗೆ ಥಬ್ಸ್ಅಪ್ ಮಾಡಿ ಗಮನಸೆಳೆದಿದ್ದಾರೆ. ಚಿತ್ರ ವೀಕ್ಷಣೆ ಬಳಿಕ ಭಾರಿ ಸೆಕ್ಯೂರಿಟಿ ಸಿಬ್ಬಂದಿ ಜೊತೆ ಹೊರ ನಡೆದ ಅವರು, ಚಿತ್ರದ ಕುರಿತು ಪ್ಯಾಪಾರಾಜಿಗಳು ಪ್ರಶ್ನೆಗೆ ಥಂಬ್ಸ್ ಅಪ್ ತೋರಿಸುವ ಮೂಲಕ ಚಿತ್ರ ಚೆನ್ನಾಗಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
-
Cutiee #RashmikaMandanna got emotional post watching #BabyMovie in Hyderabad@iamRashmika pic.twitter.com/xKTS6OXzOj
— ARTISTRYBUZZ (@ArtistryBuzz) July 13, 2023 " class="align-text-top noRightClick twitterSection" data="
">Cutiee #RashmikaMandanna got emotional post watching #BabyMovie in Hyderabad@iamRashmika pic.twitter.com/xKTS6OXzOj
— ARTISTRYBUZZ (@ArtistryBuzz) July 13, 2023Cutiee #RashmikaMandanna got emotional post watching #BabyMovie in Hyderabad@iamRashmika pic.twitter.com/xKTS6OXzOj
— ARTISTRYBUZZ (@ArtistryBuzz) July 13, 2023
ಚಿತ್ರ ವೀಕ್ಷಣೆಗೆ ಬಂದ ಅವರ ಸರಳ ಮತ್ತು ಕ್ಯಾಶುಯಲ್ ಡ್ರೆಸ್ನಲ್ಲಿ ಕಂಡಿದ್ದಾರೆ. ಎಂದಿನಂತೆ ನಗು ತುಂಬಿದ ಮುಖದಲ್ಲಿ ಕಾಣಿಸಿಕೊಂಡರು. ವಿಜಯ್ ದೇವರಕೊಂಡ ಕೂಡ ಥೀಯೆಟರ್ನಲ್ಲಿ ಸಿನಿಮಾ ವೀಕ್ಷಣೆ ಮಾಡಿರುವ ಚಿತ್ರವನ್ನು ಅವರು, ಫೋಟೋವನ್ನು ಹಂಚಿಕೊಂಡಿದ್ದರು. ಸಹೋದರನ ಚಿತ್ರ ಬಿಡುಗಡೆ ಹಿನ್ನೆಲೆ ವಿಜಯ್ ಕೂಡ ಪ್ರೀತಿ ಮತ್ತು ಬೆಂಬಲ ವ್ಯಕ್ತಪಡಿಸಿದ್ದಾರೆ. ಈ ವೀಕ್ಷಣೆ ಬಳಿಕ ಮಾತನಾಡಿರುವ ಆತ, ಬೇಬಿ ಚಿತ್ರದ ಕುರಿತು ನಾನು ಹೆಚ್ಚು ಮಾತನಾಡುವುದಿಲ್ಲ. ಮೊಟ್ಟ ಮೊದಲಿಗೆ ಚಿತ್ರದ ಪ್ರೀಮಿಯರ್ ವೀಕ್ಷಣೆಗೆ ಬಂದವರಿಗೆ ಧನ್ಯವಾದ ತಿಳಿಸುತ್ತೇವೆ ಎಂದರು.
ಬೇಬಿ ಚಿತ್ರವನ್ನು ಸಾಯಿ ರಾಜೇಶ್ ನಿರ್ದೇಶಿಸಿದ್ದು, ಆನಂದ್ ದೇವರಕೊಂಡ ಮತ್ತು ವೈಷ್ಣವಿ ಚೈತನ್ಯ ಪ್ರಮುಖ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರ ಹೊರತಾಗಿ ನಾಗಬಾಬು, ಲಿರಿಶಾ, ಕುಸುಮಾ ದೆಗಲಮರ್ರಿ, ಸಾತ್ವಿಕ್ ಆನಂದ್, ಬಬ್ಲೂ, ಸೀತಾ, ಮೌನಿಕಾ ಕೀರ್ತನಾ ಮತ್ತು ಇತರರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ಗೀತಾ ಆರ್ಟ್ಸ್ ಅಂಡ್ ಮಾಸ್ ಮೂವಿ ಮೇಕರ್ಸ್ ನಿರ್ಮಾಣ ಮಾಡಿದೆ. ಸಾಂಪ್ರದಾಯಿಕ ತ್ರಿಕೋನಾ ಪ್ರೀತಿ ಕಥೆಗೆ ಆಧುನಿಕ ಟ್ವಿಸ್ಟ್ ನೀಡಲಾಗಿದೆ.
ಹೀಗಿದೆ ಚಿತ್ರದ ಕಥೆ: ನಟ ಆನಂದ್ ಮತ್ತು ನಟಿ ಚೈತನ್ಯ ಹೈಸ್ಕೂಲ್ನಿಂದಲೆ ಪ್ರೇಮಿಗಳಾಗಿರುತ್ತಾರೆ. ಕಾಲೇಜ್ ಮೆಟ್ಟಿಲು ಹತ್ತಿದ ಬಳಿಕ ನಟಿ ಚೈತನ್ಯ ಬದುಕಿನಲ್ಲಿ ಮತ್ತೊಬ್ಬ ಗೆಳೆಯನ ಆಗಮನವಾಗುತ್ತದೆ. ಮೂವರ ಜೀವನದಲ್ಲಿ ಪ್ರೀತಿ ಹೇಗೆ ಮಾನಸಿಕ ಸಂಘರ್ಷಕ್ಕೆ ಕಾರಣವಾಗುತ್ತದೆ ಎಂಬುದು ಪ್ರಮುಖ ಅಂಶವಾಗಿದೆ.
ಇನ್ನು ನಟಿ ರಶ್ಮಿಕಾ ಮಂದಣ್ಣ ಸದ್ಯ ಒಂದಾದರ ನಂತರದಲ್ಲಿ ಒಂದು ದೊಡ್ಡ ಪ್ರಾಜೆಕ್ಟ್ನಲ್ಲಿ ಬ್ಯುಸಿಯಾಗಿದ್ದಾರೆ. ಅದರಲ್ಲಿ ಪ್ರಮುಖವಾಗಿರುವುದು ನಟ ಅಲ್ಲು ಅರ್ಜುನ್ ಅವರ ಜೊತೆ ನಟಿಸುತ್ತಿರುವ ಪುಷ್ಪ 2 ಮತ್ತು ರಣಬೀರ್ ಕಪೂರ್ ಜೊತೆ ನಟಿಸುತ್ತಿರುವ ಅನಿಮಲ್ ಚಿತ್ರವಾಗಿದೆ.
ಇನ್ನು ನಟ ದೇವರಕೊಂಡ ಅಭಿನಯದ ಖುಷಿ ಚಿತ್ರ ಕೂಡ ತೆರೆಗೆ ಬರಲು ಸಜ್ಜಾಗಿದೆ. ನಟಿ ಸಮಂತಾ ಜೊತೆಗೆ ವಿಜಯ್ ದೇವರಕೊಂಡ ಅಭಿನಯಿಸುತ್ತಿರುವ ಎರಡನೇ ಚಿತ್ರ ಇದಾಗಿದ್ದು, ಈಗಾಗಲೇ ಹಾಡುಗಳ ಮೂಲಕ ಈ ಚಿತ್ರ ಅಭಿಮಾನಿಗಳಲ್ಲಿ ಸೆಳೆದಿದೆ. ಇದರ ಎರಡನೇ ಹಾಡು ಆರಾಧ್ಯ ಕಳೆದೆರಡು ದಿನದ ಹಿಂದೆ ಬಿಡುಗಡೆಯಾಗಿ ದೊಡ್ಡ ಹಿಟ್ ಕಾಣಿಸಿಕೊಂಡಿದೆ.
ಇದನ್ನೂ ಓದಿ: Alia Bhatt viral video: ಪಾಪರಾಜಿ ಚಪ್ಪಲಿಯನ್ನು ಕೈಯಲ್ಲಿ ಎತ್ತಿಕೊಟ್ಟ ನಟಿ ಆಲಿಯಾ ಭಟ್
