ಬೆಂಗಳೂರು: ತಮ್ಮ ಅದ್ಬುತ ಲುಕ್ನಿಂದ ಸದಾ ಎಲ್ಲರ ಗಮನ ಸೆಳೆಯುವ ನಟಿ, ಮೌನಿ ರಾಯ್. ನಟನೆ, ಲುಕ್, ಫ್ಯಾಷನ್ನಿಂದ ತನ್ನದೇ ಅಭಿಮಾನಿ ಬಳಗವನ್ನು ಈ ನಟಿ ಹೊಂದಿದ್ದಾರೆ. ದಿನದಿಂದ ದಿನಕ್ಕೆ ತಮ್ಮ ಫ್ಯಾಷನ್ನಿಂದ ಅಭಿಮಾನಿಗಳನ್ನು ಸೆಳೆಯುತ್ತಿರುವ ನಾಗಿನ್ ನಟಿ ಮುಂಬೈನಲ್ಲಿ ನೀಲಿ ಬಣ್ಣದ ಕೋ ಆರ್ಡ್ ಸೆಟ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ನೀಲಿ ಬಣ್ಣದ ಆರಾಮದಾಯಕ ಉಡುಗೆಗೆ ಬಿಳಿ ಸ್ನಿಕರ್ಸ್ ಅನ್ನು ಅವರು ತೊಟ್ಟಿದ್ದಾರೆ. ಕಪ್ಪು ಸನ್ಗ್ಲಾಸ್ ಜೊತೆ ಓಪನ್ ಹೇರ್ ಬಿಟ್ಟಿರುವ ಅವರ ಸ್ಟೈಲ್ಗೆ ಅವರ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಮುಂಬೈನ ವಿಮಾನ ನಿಲ್ದಾಣದಲ್ಲಿ ಅಂದದ ಉಡುಗೆಯಲ್ಲಿ ಕಂಡು ಬಂದ ಆಕೆ ಪ್ರವೇಶದ್ವಾರದ ಮುಂದೆಯೇ ನಿಲ್ಲುವ ಪರಿಸ್ಥಿತಿ ಎದುರಾಯಿತು. ಕಾರಣ ಆಕೆ ಪಾಸ್ಪೋರ್ಟ್ ಅನ್ನು ಮರೆತು ಬಂದ ಹಿನ್ನೆಲೆ. ಪಾಸ್ಪೋರ್ಟ್ಗಾಗಿ ಅವರು ಬ್ಯಾಗ್ನೆಲ್ಲ ಜಾಲಾಡಿದ್ದಾರೆ. ಆದರೆ, ಈ ವೇಳೆ ಎಲ್ಲೂ ಪಾಸ್ಪೋರ್ಟ್ ಕಂಡು ಬಂದಿಲ್ಲ. ಈ ಹಿನ್ನೆಲೆ ಪ್ರವೇಶ ದ್ವಾರದ ಬಳಿಯೇ ನಿಲ್ಲುವಂತೆ ಆಗಿದೆ. ಇದೇ ಸಮಯದಲ್ಲಿ ಅವರು ಪಾಪರಾಜಿಗಳತ್ತ ಸುಂದರ ನಗು ಚೆಲ್ಲಿ, ಕೈ ಆಡಿಸಿದ್ದಾರೆ.
ತಡರಾತ್ರಿ ಮತ್ತು ಬೆಳಗಿನ ಜಾವದ ಕಾರ್ಯಕ್ರಮಗಳಿಂದಾಗ ಹರಿ ಬಿರಿಯಲ್ಲಿ ಪಾಸ್ಪೋರ್ಟ್ ಮರೆತು ಬಂದಿರುವುದಾಗಿ ತಿಳಿಸಿದ್ದಾರೆ. ಇನ್ನು ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ ಬಳಕೆದಾರರೊಬ್ಬರು, 'ನೀವು ನಾಗಿನ್, ಹೆದರುವುದು ಏಕೆ' ಎಂದಿದ್ದಾರೆ.
'2006ರಲ್ಲಿ 'ಕ್ಯೂಂಕಿ ಸಾಸ್ ಬಿ ಕಬಿ ಬಹು ತಿ' ಎಂಬ ಟಿವಿ ಧಾರಾವಾಹಿ ಮೂಲಕ ನಟಿ ತಮ್ಮ ವೃತ್ತಿ ಜೀವನವನ್ನು ಆರಂಭಿಸಿದರು. 2011ರಲ್ಲಿ ಪಂಜಾಬಿ ಸಿನಿಮಾ 'ಹೀರೋ ಹಿಟ್ಲರ್ ಇನ್ ಲವ್' ಸಿನಿಮಾದಲ್ಲಿ ಮೊದಲ ಬಾರಿಗೆ ನಟಿಸಿದರು. ಇತ್ತೀಚೆಗೆ 'ದೊತರಾ' ಎಂಬ ಎಂಬ ಮ್ಯೂಸಿಕ್ ಅಲ್ಬಂನಲ್ಲಿ ಅವರು ಕಾಣಿಸಿದ್ದಾರೆ. ಈ ಆಲ್ಬಂ ಹಾಡಿಗೆ ಜುಬಿನ್ ನೌಟಿಯಾಲ್ ಮತ್ತು ಪಯಲ್ ದೇವ್ ಧ್ವನಿಯಾಗಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸುದ್ದಿ ಮಾಡುತ್ತಿರುವ ಈ ವಿಡಿಯೋ ಯುಟ್ಯೂಬ್ನಲ್ಲಿ 24 ಮಿಲಿಯನ್ ವಿವ್ಯೂ ಗಳನ್ನು ಪಡೆದುಕೊಂಡಿದೆ.
ಮೌನಿ, ಅಬ್ಬಸ್ ಆಲಿಬಾಯಿ ಬುರ್ಮವಾಲಾ ಮಸ್ತನ್ ಮತ್ತು ಆಲಿಬಾಯ್ ಬುರ್ಮಾವಾಲಾ ಅವರ ಕ್ರೈಂ, ಸಸ್ಪೆನ್ಸ್, ಥ್ರಿಲ್ಲರ್ ಚಿತ್ರ 'ಪೆಂಟಾಹೌಸ್'ನಲ್ಲೂ ಅವರು ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ಬಾಬಿ ಡಿಯೋಲ್ ಮತ್ತು ಅರ್ಜುನ್ ರಾಂಪಾಲ್ ಕೂಡ ಪ್ರಮುಖ ಪಾತ್ರದಲ್ಲಿದ್ದಾರೆ. ಇದರ ಜೊತೆಗೆ ನಟಿ, ಸಂಜಯ್ ದತ್ ಅವರ 'ದಿ ವರ್ಜಿನ್ ಟ್ರೀ ಇನ್ ಆರ್ ಕಿಟ್ಟಿ'ಯಲ್ಲಿ ಕೂಡ ಕಾಣಿಸಿಕೊಳ್ಳಲಿದ್ದಾರೆ. 'ಕೆಜಿಎಫ್' ಚಿತ್ರದ ಹಿಂದಿ ವರ್ಷನ್ನಲ್ಲಿ ನಟಿ ಪ್ರಮುಖ ಹಾಡಿಗೆ ಹೆಜ್ಜೆ ಹಾಕಿದ್ದರು. ಇದೇ ಹಾಡಿನ ದಕ್ಷಿಣ ಭಾರತದ ಭಾಷೆಗಳಲ್ಲಿ ನಟಿ ತಮನ್ನಾ ಭಾಟಿಯಾ ಸೊಂಟ ಬಳುಕಿಸಿದ್ದರು.
ಇದನ್ನೂ ಓದಿ: Watch: ಫ್ಯಾನ್ಸ್ ಜೊತೆ ಏರ್ಪೋರ್ಟ್ನಲ್ಲಿ 'ಕಾವಾಲಾ' ಹಾಡಿಗೆ ಸ್ಟೆಪ್ ಹಾಕಿದ ತಮನ್ನಾ ಭಾಟಿಯಾ
