ಹೈದರಾಬಾದ್: ಫಿಟ್ನೆಸ್ ವಿಚಾರದಲ್ಲಿ ಮುತುವರ್ಜಿ ವಹಿಸುವ ಬಾಲಿವುಡ್ ನಟಿಯರ ಪಟ್ಟಿಯಲ್ಲಿ ಅಲಯಾ ಎಫ್ ಕೂಡ ಒಬ್ಬರು. ಉಲ್ಲಾಸ ಮತ್ತು ಉತ್ಸಾಹದಿಂದರಲೂ ತಪ್ಪದೇ ವರ್ಕೌಟ್ ಮಾಡುವುದು ನಟಿಯ ಪ್ರತಿದಿನದ ಅಭ್ಯಾಸ. ಆಗಾಗ ತಮ್ಮ ಫಿಟ್ನೆಸ್ ವಿಡಿಯೋಗಳನ್ನು ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ಫಾನ್ಸ್ಗಳಿಗೆ ಈ ಬಗ್ಗೆ ಮಾರ್ಗದರ್ಶನ ನೀಡುತ್ತಿರುತ್ತಾರೆ.
ಸದ್ಯ ಯೋಗ, ತಾಲೀಮು ಮತ್ತು ನೃತ್ಯ ಮಾಡುತ್ತಿರುವ ಹಲವು ವಿಡಿಯೋಗಳನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದು ನೆಟಿಜನ್ಸ್ ಫಿದಾ ಆಗಿದ್ದಾರೆ. ವಿಡಿಯೋಗೆ ಅಂದದ ಶೀರ್ಷಿಕೆ ಕೂಡ ನೀಡಿದ್ದಾರೆ. ಲೈಕ್ ಮತ್ತು ಕಾಮೆಂಟ್ ಮಾಡುವ ಮೂಲಕ ನಟಿಯ ವರ್ಕೌಟ್ ಅನ್ನು ಹೊಗಳುತ್ತಿದ್ದಾರೆ. ನಟಿಯ ಈ ಫಿಟ್ನೆಸ್ ವಿಡಿಯೋ ಜಾಲತಾಣದಲ್ಲಿ ಹೆಚ್ಚು ವೀಕ್ಷಣೆ ಕೂಡ ಕಂಡಿದೆ.
ನಟಿ ಅಲಯಾ ತಮ್ಮ ಜಿಮ್ ತರಬೇತಿಗಾರರಿಂದ ಹೊಟ್ಟೆಗೆ ಪಂಚ್‌ ನೀಡುತ್ತಿರುವುದನ್ನು ಮೊದಲ ವಿಡಿಯೊದಲ್ಲಿ ಕಾಣಬಹುದು. ನಗುತ್ತಲೇ ಪಂಚಿಂಗ್ ಸ್ವೀಕರಿಸುತ್ತಿರುವುದನ್ನು ವಿಡಿಯೋದಲ್ಲಿ ಗಮನಿಸಬಹುದು. ತನ್ನ ನೃತ್ಯ ತರಬೇತಿದಾರರ ಜೊತೆ ಡಾನ್ಸ್ ಮಾಡುತ್ತಿರುವುದನ್ನು ಎರಡನೇ ವಿಡಿಯೋದಲ್ಲಿ ನಾವು ಗಮನಿಸಬಹುದು. ಮೂರನೇ ವಿಡಿಯೋದಲ್ಲಿ ಯೋಗ, ನಾಲ್ಕನೇ ವಿಡಿಯೋದಲ್ಲಿ ಸ್ಕಿಪ್ಪಿಂಗ್, ಐದನೇ ವಿಡಿಯೋದಲ್ಲಿ ವರ್ಕೌಟ್ ಮಾಡುತ್ತಿರುವುದು, ಆರನೇ ವಿಡಿಯೋದಲ್ಲಿ ಟೆನ್ನಿಸ್ ಆಟ ಆಡುತ್ತಿರುವುದು, ಏಳನೇ ವಿಡಿಯೋದಲ್ಲಿ ಅಪಾಯಕಾರಿ ಯೋಗಾಸನ ಮಾಡುತ್ತಿರುವ ವಿಡಿಯೋಗಳನ್ನು ಅವರು ಹಂಚಿಕೊಂಡಿದ್ದಾರೆ. ದೇಹ ದಂಡಿಸುವ ನಟಿಯ ಹಲವು ವಿಡಿಯೋಗಳನ್ನು ಕಂಡು ನೆಟಿಜನ್ಸ್ ಶಾಕ್ ಆಗಿದ್ದಾರೆ.
ಕೆಲವರು ಅಚ್ಚರಿ ವ್ಯಕ್ತಪಡಿಸಿ "ನೀವು ಮಾಡಲಾಗದ ಯಾವುದಾದರೂ ಕೆಲಸ ಮತ್ತು ವರ್ಕೌಟ್ ಇದೆಯೇ?, "ನೀವು ಎಲ್ಲದರಲ್ಲೂ ಪರಿಪೂರ್ಣರು", "ನಿಮ್ಮ ಪ್ರತಿದಿನದ ಈ ಯೋಗಾಭ್ಯಾಸ ನಮಗೂ ಸ್ಫೂರ್ತಿ" ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನು ಕೆಲವರು "ಅಪಾಯಕಾರಿ ವರ್ಕೌಟ್ ಮಾಡುವುದರಿಂದ ಸ್ವಲ್ಪ ದೂರುವಿರಿ" ಎಂದು ಸಹ ಸಲಹೆ ನೀಡಿದ್ದಾರೆ. ಮತ್ತೆ ಕೆಲವು ಅಭಿಮಾನಿಗಳು ಅವರ ಫಿಟ್ನೆಸ್ ಪ್ರೀತಿಯನ್ನು ಶ್ಲಾಘಿಸಿ 'ಸ್ಟ್ರಾಂಗ್ ವುಮೆನ್' ಮತ್ತು 'ಕಿಲ್ಲಿಂಗ್ ಇಟ್' ನಂತಹ ಕಾಮೆಂಟ್‌ಗಳನ್ನು ಬರೆದಿದ್ದಾರೆ.
ನಟಿಯು ಕೆಲವು ದಿನಗಳ ಹಿಂದೆ ಬಿಕಿನಿಯಲ್ಲಿರುವ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದರು. ನಟಿಯ ಹಾಟ್ ಅವತಾರಕ್ಕೂ ಸಹ ನೆಟಿಜನ್ಸ್ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಅದಕ್ಕೂ ಮುನ್ನ ಬಗೆ ಬಗೆಯ ಬಟ್ಟೆಯಲ್ಲಿ ಕಾಣಿಸಿಕೊಂಡಿರುವ ಫೋಟೋಗಳಿಗೆ ಪೋಸ್ ನೀಡಿದ್ದರು. ವೃತ್ತಿ ವಿಷಯದಲ್ಲಿ ಚೂಸಿಯಾಗಿರುವ ಅಲಯಾ, ಹಲವು ಹಿಟ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ. 2020 ರಲ್ಲಿ ಬಿಡುಗಡೆಯಾದ 'ಜವಾನಿ ಜಾನೆಮನ್' ಎಂಬ ಹಾಸ್ಯ ಸಿನಿಮಾದಲ್ಲಿ ನಟಿಸುವ ಮೂಲಕ ಅವರು ಮೊದಲ ಬಾರಿಗೆ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಫ್ರೆಡ್ಡಿ, ಆಲ್ಮೋಸ್ಟ್ ಪ್ಯಾರ್ ವ್ಯೂತ್ ಡಿಜೆ ಮೊಹಬ್ಬತ್‌ ಇವರು ನಟಿಸಿದ ಸಿನಿಮಾಗಳು. ಶ್ರೀ, ಬಡೇ ಮಿಯಾನ್ ಚೋಟೆ ಮಿಯಾನ್, ಏಕ್ ಔರ್ ಗಜಬ್ ಕಹಾನಿ ಅವರ ನಟಿಸುತ್ತಿರುವ ಚಿತ್ರಗಳಾಗಿವೆ.
ಇದನ್ನೂ ಓದಿ: ನ್ಯೂಯಾರ್ಕ್‌ನಲ್ಲಿ 41ನೇ 'ಇಂಡಿಯಾ ಡೇ ಪರೇಡ್‌': ಗೌರವ ಅತಿಥಿಯಾಗಿ ನಟಿಯರಾದ ಸಮಂತಾ, ಜಾಕ್ವೆಲಿನ್ ಭಾಗಿ
