2005 ರಲ್ಲಿ ಬಿಡುಗಡೆಯಾಗಿ ಸೂಪರ್ ಹಿಟ್ ಪ್ರದರ್ಶನ ಕಂಡಿದ್ದ ಸಿನಿಮಾ 'ಬಂಟಿ ಔರ್ ಬಬ್ಲಿ'. ಈ ಚಿತ್ರದಲ್ಲಿ ಅಭಿಷೇಕ್ ಬಚ್ಚನ್, ಐಶ್ವರ್ಯಾ ರೈ ಬಚ್ಚನ್ ಮತ್ತು ಅಮಿತಾಭ್ ಬಚ್ಚನ್ ನಟಿಸಿದ್ದರು. ಸಿನಿಮಾದಲ್ಲಿನ 'ಕಜ್ರಾ ರೇ' ಹಾಡು ಸಖತ್ ಹಿಟ್ ಆಗಿತ್ತು. ಬಿಡುಗಡೆಯಾಗಿ 18 ವರ್ಷಗಳು ಕಳೆದರೂ ಇಂದಿಗೂ ಈ ಹಾಡನ್ನು ಎಲ್ಲರೂ ಗುನುಗುತ್ತಿರುತ್ತಾರೆ. ಬಾಲಿವುಡ್ನ ಅತ್ಯಂತ ಫೇಮಸ್ ಹಾಡುಗಳಲ್ಲಿ 'ಕಜ್ರಾ ರೇ' ಕೂಡ ಒಂದು.
ಇದೀಗ ಈ ಹಾಡಿಗೆ ಅಭಿಷೇಕ್ ಬಚ್ಚನ್ ಮತ್ತೆ ಸ್ಟೆಪ್ ಹಾಕಿದ್ದಾರೆ. ನಟಿ ನೋರಾ ಫತೇಹಿ ಜೊತೆ ಸಖತ್ ಡ್ಯಾನ್ಸ್ ಮಾಡಿದ್ದಾರೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್ ಆಗಿದೆ. ನಟ ಮತ್ತೊಮ್ಮೆ ಈ ಹಾಡಿಗೆ ಕುಣಿದಿದ್ದು ಅಭಿಮಾನಿಗಳಿಗೆ ಖುಷಿ ನೀಡಿದೆ. ಈ ರೀಲ್ಸ್ ಅನ್ನು ನೋರಾ ಫತೇಹಿ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ನಟಿ ಸ್ಟೋರಿ ಹಾಕಿಕೊಂಡಿದ್ದು, 'ಇಟ್ಸ್ ಎ ರ್ಯಾಪ್' ಎಂದು ಕ್ಯಾಪ್ಶನ್ ನೀಡಿದ್ದಾರೆ.
ವಿಡಿಯೋದಲ್ಲಿ ನಟ ಅಭಿಷೇಕ್ ಬಚ್ಚನ್ ಮತ್ತು ನೋರಾ ಫತೇಹಿ ಬ್ಲ್ಯಾಕ್ ಕಲರ್ ಡ್ರೆಸ್ನಲ್ಲಿ ಕಾಣಿಸಿದ್ದಾರೆ. ತಮ್ಮ ಟೀಮ್ ಮೆಂಬರ್ಸ್ ಜೊತೆ ಸೇರಿ ಡ್ಯಾನ್ಸ್ ಮಾಡಿದ್ದಾರೆ. ಎಲ್ಲರೂ ಜೊತೆಯಾಗಿ ಕುಣಿದು ಕುಪ್ಪಳಿಸಿದ್ದಾರೆ. ಇದಲ್ಲದೇ ಇವರಿಬ್ಬರು ಜೊತೆಯಾಗಿ ಸಿನಿಮಾವೊಂದರಲ್ಲಿ ನಟಿಸುತ್ತಿದ್ದಾರೆ. ರೆಮೋ ಡಿಸೋಜಾ ನಿರ್ದೇಶನದ ಸಿನಿಮಾವೊಂದರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 'ಎಬಿಸಿಡಿ' ನಿರ್ದೇಶಕರು ಈ ವಿಚಾರವನ್ನು ಇತ್ತೀಚೆಗೆ ಘೋಷಿಸಿದ್ದಾರೆ.
ಇದನ್ನೂ ಓದಿ: Prabhu Deva ಮನೆಗೆ ಲಕ್ಷ್ಮಿ: 50ರ ಹರೆಯಲ್ಲಿ ತಂದೆಯಾದ 'ಇಂಡಿಯನ್ ಮೈಕಲ್ ಜಾಕ್ಸನ್'
ರೆಮೋ ಡಿಸೋಜಾ ಅವರು ಇನ್ಸ್ಟಾಗ್ರಾಮ್ನಲ್ಲಿ ಫೋಟೋವೊಂದನ್ನು ಹಂಚಿಕೊಂಡು ತಿಳಿಸಿದ್ದರು. ಧೂಮ್ ನಟ ಹಗ್ ಎಮೋಜಿನೊಂದಿಗೆ ಪೋಸ್ಟ್ಗೆ ಪ್ರತಿಕ್ರಿಯಿಸಿದ್ದರು. ವೈರಲ್ ವಿಡಿಯೋ ಕೂಡ ಇದೇ ಪ್ರಾಜೆಕ್ಟ್ನ ರ್ಯಾಪ್- ಅಪ್ ಪಾರ್ಟಿಯಿಂದ ಬಂದಂತೆ ಕಾಣುತ್ತಿದೆ. ಏತನ್ಮಧ್ಯೆ ಅಭಿಷೇಕ್ ಬಚ್ಚನ್ ಮುಂದೆ 'ದಿ ಬಿಗ್ ಬುಲ್' ಸೀಕ್ವೆಲ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಹಲವು ಪ್ರಾಜೆಕ್ಟ್ಗಳನ್ನು ಕೈಗೆತ್ತಿಕೊಂಡ ನೋರಾ: ಇನ್ನು ನೋರಾ ಫತೇಹಿ ಅವರು ಸಾಹಿದ್ ಖಾನ್ ನಿರ್ದೇಶನದ ಕಾಮಿಡಿ ಕಥಾಹಂದರ ಹೊಂದಿರುವ '100%' ನಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಜಾನ್ ಅಬ್ರಹಾಂ, ರಿತೇಶ್ ದೇಶ್ಮುಖ್ ಮತ್ತು ಶೆಹನಾಜ್ ಗಿಲ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಇದಲ್ಲದೆ, ನಟಿ ಕುನಾಲ್ ಕೆಮ್ಮು ಅವರ ನಿರ್ದೇಶನದ ಚೊಚ್ಚಲ ಚಿತ್ರ 'ಮಡ್ಗಾಂವ್ ಎಕ್ಸ್‌ಪ್ರೆಸ್' ನಲ್ಲಿಯೂ ನಟಿಸಲಿದ್ದಾರೆ. ಇದರಲ್ಲಿ ಅವರು ನಟರಾದ ಪ್ರತೀಕ್ ಗಾಂಧಿ ಮತ್ತು ದಿವ್ಯೇಂದು ಶರ್ಮಾ ಅವರೊಂದಿಗೆ ಕಾಣಿಸಿಕೊಳ್ಳಲಿದ್ದಾರೆ.
ಇದನ್ನೂ ಓದಿ: Adipurush: 24 ಗಂಟೆಯಲ್ಲಿ 36 ಸಾವಿರ 'ಆದಿಪುರುಷ್' ಟಿಕೆಟ್ಗಳ ಮಾರಾಟ.. ಆರ್ಆರ್ಆರ್, ಪಠಾಣ್ ದಾಖಲೆಗಳು ಉಡೀಸ್!
ಅಭಿಷೇಕ್ ಬಚ್ಚನ್ ಮತ್ತು ನೋರಾ ಫತೇಹಿ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಆಕ್ಟೀವ್ ಆಗಿದ್ದಾರೆ. ತಮ್ಮ ನಟನೆಯಿಂದಲೇ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಇವರ ಸಿನಿಮಾಗಳಿಗಾಗಿಯೇ ಫ್ಯಾನ್ಸ್ ಕೂಡ ಕಾಯುತ್ತಿರುತ್ತಾರೆ.
