ಮುಂಬೈ: ಬಾಲಿವುಡ್ ನಟ ವರುಣ್ ಧವನ್, ಕಿಯಾರಾ ಅಡ್ವಾಣಿ ಹಾಗೂ ಅನಿಲ್ ಕಪೂರ್ ನಟನೆಯ ಬಹು ನಿರೀಕ್ಷಿತ ಫ್ಯಾಮಿಲಿ ಎಂಟರ್ಟೈನ್ಮೆಂಟ್ ಸಿನಿಮಾ 'ಜುಗ್ ಜುಗ್ ಜಿಯೋ'ದ 'ನೈನ್ ತಾ ಹೀರೆ' ಹಾಡು ಬಿಡುಗಡೆಯಾಗಿದ್ದು, ಸಾಂಗ್ ರಿಲೀಸ್ ಕಾರ್ಯಕ್ರಮದಲ್ಲಿ ವರುಣ್ ಹಾಗೂ ಕಿಯಾರಾ ಸ್ಟೈಲಿಶ್ ಆಗಿ ಕಾಣಿಸಿಕೊಂಡರು.
'ನೈನ್ ತಾ ಹೀರೆ' ಹಾಡಿಗೆ ವಿಶಾಲ್ ಶೆಲ್ಕೆ ಸಂಯೋಜನೆ ಮಾಡಿದ್ದು, ಗುರು ರಾಂಧವಾ ಮತ್ತು ಅಸೀಸ್ ಕೌರ್ ಹಾಡಿದ್ದಾರೆ. ಇನ್ನು ಸಾಂಗ್ ಬಿಡುಗಡೆ ಕಾರ್ಯಕ್ರಮಕ್ಕೆ ವಿಶ್ವದ ಅತ್ಯಂತ ಚಿಕ್ಕ ಗಾಯಕ ಅಬ್ದು ರೋಜಿಕ್ ಸಹ ಭಾಗಿಯಾಗಿದ್ದು, ಎಲ್ಲರ ಗಮನ ಸೆಳೆದರು.
'ನೈನ್ ತಾ ಹೀರೆ' ಸಾಂಗ್ ಬಿಡುಗಡೆಗಿಂತಲೂ ಮುನ್ನ 'ದಿ ಪಂಜಾಬನ್ ಸಾಂಗ್', 'ರಂಗೀಸಾರಿ' ಹಾಡು ಬಿಡುಗಡೆ ಮಾಡಲಾಗಿದ್ದು, ಈಗಾಗಲೇ ಅಭಿಮಾನಿಗಳ ಮನ ಸೆಳೆದಿದೆ. 'ಜುಗ್ ಜುಗ್ ಜಿಯೋ'ದಲ್ಲಿ ಅನಿಲ್ ಕಪೂರ್, ನೀತು ಕಪೂರ್, ಮನೀಶ್ ಪಾಲ್, ಪ್ರಜಕ್ತಾ ಕೋಲಿ, ಎಲ್ನಾಜ್ ನೊರೌಜಿ ಮತ್ತು ಟಿಸ್ಕಾ ಚೋಪ್ರಾ ಕೂಡ ನಟಿಸಿದ್ದಾರೆ. ರಾಜ್ ಮೆಹ್ತಾ ನಿರ್ದೇಶನದ ಈ ಚಿತ್ರವನ್ನು ಕರಣ್ ಜೋಹರ್ ಅವರ ಧರ್ಮ ಪ್ರೊಡಕ್ಷನ್ಸ್ ನಿರ್ಮಿಸಿದೆ. ಇದೇ ಜೂನ್ 24 ರಂದು ಸಿನಿಮಾ ತೆರೆಕಾಣಲಿದೆ.
- " class="align-text-top noRightClick twitterSection" data="">
ಇದನ್ನೂ ಓದಿ: ಜುಗ್ ಜುಗ್ ಜಿಯೋ ಪ್ರೊಮೋಶನ್ : ಮೆಟ್ರೋ ಏರಿದ ಬಾಲಿವುಡ್ ಸ್ಟಾರ್ಗಳು
