ಬಾಲಿವುಡ್ ನಟಿ, ಲೇಖಕಿ ಟ್ವಿಂಕಲ್ ಖನ್ನಾ ಕಳೆದ ತಿಂಗಳು ಲಂಡನ್ ವಿಶ್ವವಿದ್ಯಾಲಯದ ಪ್ರತಿಷ್ಠಿತ ಗೋಲ್ಡ್ಸ್ಮಿತ್ನಲ್ಲಿ ಫಿಕ್ಷನ್ ರೈಟಿಂಗ್ನಲ್ಲಿ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸಿದ್ದಾರೆ. ಅವರ ಪ್ರಬಂಧವನ್ನು ಪ್ರತಿಷ್ಠಿತ ಪ್ಯಾಟ್ ಕವನಾಗ್ ಪ್ರಶಸ್ತಿಗಾಗಿ ಲಾಂಗ್ಲಿಸ್ಟ್ನಲ್ಲಿ ಸೇರಿಸಲಾಗಿದೆ. ಈ ಸಂತಸದ ವಿಚಾರವನ್ನು ಟ್ವಿಂಕಲ್ ಖನ್ನಾ ಅವರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ ಪತಿ, ನಟ ಅಕ್ಷಯ್ ಕುಮಾರ್ ಬಗ್ಗೆ ಅಪಾರ ಹೆಮ್ಮೆ ವ್ಯಕ್ತಪಡಿಸಿದ್ದಾರೆ.
ಅಲ್ಲದೇ, 'ಸ್ಟೂಡೆಂಟ್ ಆಫ್ ದಿ ಇಯರ್' ಸಿನಿಮಾದಲ್ಲಿ ಅವರ ಸ್ನೇಹಿತ ಕರಣ್ ಜೋಹರ್ ಪಾತ್ರಗಳ ಆಯ್ಕೆಯಲ್ಲಿ ತಪ್ಪು ಮಾಡಿದ್ದಾರೆ ಎಂದು ತಮಾಷೆಯಾಗಿ ಹೇಳಿದ್ದಾರೆ. ಚಿತ್ರದಲ್ಲಿ ಬಾಲಿವುಡ್ ಬಹುಬೇಡಿಕೆಯ ನಟರಾದ ಆಲಿಯಾ ಭಟ್, ವರುಣ್ ಧವನ್ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ಟ್ವಿಂಕಲ್ ಖನ್ನಾ ಇನ್ಸ್ಟಾ ಪೋಸ್ಟ್: ಟ್ವಿಂಕಲ್ ಖನ್ನಾ ಅವರು ಸೋಷಿಯಲ್ ಮೀಡಿಯಾ ವೇದಿಕೆಯಾದ ಇನ್ಸ್ಟಾಗ್ರಾಮ್ನಲ್ಲಿ ತಮ್ಮ ಫೋಟೋವನ್ನು ಹಂಚಿಕೊಂಡು, "ಇಂತಹದ್ದೊಂದು ದೊಡ್ಡ ಕ್ಷಣ, ಇದನ್ನು ನಾನು ಹಂಚಿಕೊಳ್ಳಲು ಮೊದಲು ಹಿಂಜರಿಯುತ್ತಿದ್ದೆ. ಆದರೆ ವಯಸ್ಸು ನಿಜವಾಗಿಯೂ ಕೇವಲ ಒಂದು ಸಂಖ್ಯೆ ಮತ್ತು ನಿಮ್ಮ ಗುರಿಗಳನ್ನು ಸಾಧಿಸಲು ಅದು ಅಡ್ಡಿಯಾಗುವುದಿಲ್ಲ. ನಾನು ಅಂತಿಮ ಪ್ರಬಂಧದಲ್ಲಿ ಡಿಸ್ಟಿಂಕ್ಷನ್ ಪಡೆದಿದ್ದೇನೆ. ಪ್ರಬಂಧವನ್ನು ಲಂಡನ್ ವಿಶ್ವವಿದ್ಯಾಲಯದ ಗೋಲ್ಡ್ ಸ್ಮಿತ್ಸ್ ಅವರ ಪ್ಯಾಟ್ ಕವನಾಗ್ ಪ್ರಶಸ್ತಿಯ ಲಾಂಗ್ಲಿಸ್ಟ್ನಲ್ಲಿ ಸೇರಿಸಲಾಗಿದೆ. ನನ್ನ ಹಳೆಯ ಸ್ನೇಹಿತ ಬಹುಶಃ 'ಸ್ಟೂಡೆಂಟ್ ಆಫ್ ದಿ ಇಯರ್' ಸಿನಿಮಾಗಾಗಿ ನಟರನ್ನು (ಕಾಸ್ಟಿಂಗ್) ಆರಿಸುವಲ್ಲಿ ತಪ್ಪಾಗಿದೆ ಎಂದು ನಾನು ಸೇರಿಸಬಹುದೇ" ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: 'ತೇಜಸ್'ಗೆ ಮಿಶ್ರ ಪ್ರತಿಕ್ರಿಯೆ: ಕಂಗನಾ ರಣಾವತ್ ಸಿನಿಮಾ 'ಗಳಿಕೆ'ಯಲ್ಲಿ ಹಿನ್ನೆಡೆ!
ನೀವು ವರ್ಷದ ಶಾಶ್ವತ ವಿದ್ಯಾರ್ಥಿ..: 'ಸ್ಟೂಡೆಂಟ್ ಆಫ್ ದಿ ಇಯರ್' ನಿರ್ದೇಶಕ ಮತ್ತು ಟ್ವಿಂಕಲ್ ಖನ್ನಾ ಅವರ ಗೆಳೆಯ ಕರಣ್ ಜೋಹರ್ ಈ ಪೋಸ್ಟ್ಗೆ ಪ್ರತಿಕ್ರಿಯಿಸಿ ಟ್ವಿಂಕಲ್ ಅವರನ್ನು ಶಾಶ್ವತ ವಿದ್ಯಾರ್ಥಿ ಎಂದು ಒಪ್ಪಿಕೊಂಡಿದ್ದಾರೆ. "ಅಭಿನಂದನೆಗಳು ಡಾರ್ಲಿಂಗ್. ನಿಮ್ಮ ಬಗ್ಗೆ ಯಾವಾಗಲೂ ಹೆಮ್ಮೆ ಪಡುತ್ತೇನೆ. ನೀವು ಹೇಳಿದ್ದು ಸರಿ. ನೀವು ವರ್ಷದ ಶಾಶ್ವತ ವಿದ್ಯಾರ್ಥಿ (You are the eternal student of the year)" ಎಂದು ಹೇಳಿದ್ದಾರೆ. ಟ್ವಿಂಕಲ್ ಪತಿ ಅಕ್ಷಯ್ ಕುಮಾರ್ ಕೂಡ ಹೆಮ್ಮೆ ಮತ್ತು ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದಾರೆ. ಜೊತೆಗೆ ಪ್ರತಿ ವರ್ಷ ತಮ್ಮ ಮಕ್ಕಳಿಗೆ ಅತ್ಯುತ್ತಮ ತಾಯಿ ಎಂಬ ಬಿರುದನ್ನು ಕೂಡ ನೀಡಿದ್ದಾರೆ.
ಇದನ್ನೂ ಓದಿ: ನಾಳೆ ಹೊರಬೀಳಲಿದೆ 'ಇಂಡಿಯನ್ 2' ಅಪ್ಡೇಟ್ಸ್.. ಕಮಲ್ ಹಾಸನ್ ಅಭಿಮಾನಿಗಳಲ್ಲಿ ಕುತೂಹಲ
