ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅಭಿಮಾನಿಗಳು ಟೈಗರ್ 3 ಸಿನಿಮಾದ ಅಪ್‌ಡೇಟ್ಸ್ಗಾಗಿ ಬಹಳ ಕಾತರರಾಗಿದ್ದರು. ಬಿಡುಗಡೆಗೆ ಸಜ್ಜಾಗಿರುವ ಚಿತ್ರದ ಟೀಸರ್, ಟ್ರೇಲರ್ಗಾಗಿ ಕಾದು ಕುಳಿತಿದ್ದ ಸಿನಿಪ್ರಿಯರಿಗೆ ಇಂದು ಚಿತ್ರ ತಯಾರಕರು 'ಟೈಗರ್ ಕಾ ಮೆಸೇಜ್' ಕೊಟ್ಟಿದ್ದಾರೆ.
ಟೈಗರ್ ಕಾ ಮೆಸೇಜ್: ಪ್ರೇಕ್ಷಕರ ಆಸಕ್ತಿ ಹೆಚ್ಚಿಸುವ ನಿಟ್ಟಿನಲ್ಲಿ ಚಲನಚಿತ್ರ ನಿರ್ಮಾಣ ಸಂಸ್ಥೆ ಯಶ್ ರಾಜ್ ಫಿಲ್ಮ್ಸ್ (YRF) ಟೈಗರ್ 3 ಟೀಸರ್ / ಗ್ಲಿಂಪ್ಸ್ (Tiger ka message) ಅನ್ನು ಇಂದು ಸಾಮಾಜಿಕ ಮಾಧ್ಯಮದಲ್ಲಿ ಅನಾವರಣಗೊಳಿಸಿದೆ. ಬಾಲಿವುಡ್ ಭಾಯ್ಜಾನ್ ಸಲ್ಮಾನ್ ಖಾನ್ ಏಜೆಂಟ್ ಟೈಗರ್ ಪಾತ್ರದಲ್ಲಿ ಮರಳಿದ್ದರೆ, ಕತ್ರಿನಾ ಕೈಫ್ ಏಜೆಂಟ್ ಝೋಯಾ ಪಾತ್ರ ಮುಂದುವರಿಸಿದ್ದಾರೆ.
ಯಶ್ ಚೋಪ್ರಾ ಜನ್ಮದಿನ ಹಿನ್ನೆಲೆ ವಿಡಿಯೋ ಅನಾವರಣ: ಪ್ರಸಿದ್ಧ ಚಲನಚಿತ್ರ ನಿರ್ಮಾಪಕ ಯಶ್ ಚೋಪ್ರಾ ಅವರ 91ನೇ ಜನ್ಮದಿನದ ಸಲುವಾಗಿ ಟೈಗರ್ 3 ಚಿತ್ರತಯಾರಕರು ಇಂದು ಸಿನಿಮಾದ ವಿಶೇಷ ವಿಡಿಯೋ ಅನಾವರಣಗೊಳಿಸಿದೆ. 'ಟೈಗರ್ ಕಾ ಮೆಸೇಜ್' ಟೈಟಲ್ನಡಿ ಈ ವಿಡಿಯೋ ಹೊರಬಿದ್ದಿದೆ. 1 ನಿಮಿಷ ಮತ್ತು 43 ಸೆಕೆಂಡುಗಳ ವಿಡಿಯೋದಲ್ಲಿ, ಸಲ್ಮಾನ್ ಖಾನ್ ದೇಶದ ಜನರೊಂದಿಗೆ ಮಾತನಾಡುತ್ತಿರುವುದು ಕಂಡುಬಂದಿದೆ. ಸಲ್ಮಾನ್ರನ್ನು ರಾಷ್ಟ್ರದ "ಎನಿಮಿ ನಂಬರ್ 1" ಎಂದು ಬಿಂಬಿಸಲಾದ ಹಿನ್ನೆಲೆ ಕ್ಯಾರೆಕ್ಟರ್ ಸರ್ಟಿಫಿಕೇಟ್ ಕೇಳುತ್ತಿರುವುದು ಕಂಡುಬಂದಿದೆ. ಎರಡು ದಶಕಗಳ ಕಾಲ ರಾಷ್ಟ್ರಕ್ಕೆ ಸೇವೆ ಸಲ್ಲಿಸಿದ ನಂತರ ತಮ್ಮ ನಿಷ್ಠೆಯನ್ನು ಸಾಬೀತುಪಡಿಸಲು ಹೋರಾಡುವ ಸನ್ನಿವೇಶದಲ್ಲಿ ಸಲ್ಮಾನ್ ಅವರ ಭಾವನಾತ್ಮಕ ನೋಟ ಕಾಣಿಸಿಕೊಂಡಿದೆ.
- " class="align-text-top noRightClick twitterSection" data="">
ಐದನೇ ಬಾರಿ ಸ್ಕ್ರೀನ್ ಶೇರ್ ಮಾಡಿದ ಸಲ್ಮಾನ್, ಕತ್ರಿನಾ: ಮನೀಶ್ ಶರ್ಮಾ ನಿರ್ದೇಶನ ಈ ಸಿನಿಮಾ ಯಶ್ ರಾಜ್ ಫಿಲ್ಮ್ಸ್ನ ಟೈಗರ್ ಫ್ರ್ಯಾಂಚೈಸಿಯ ಮೂರನೇ ಭಾಗ. ಐದನೇ ಬಾರಿ ಸಲ್ಮಾನ್ ಮತ್ತು ಕತ್ರಿನಾ ತೆರೆ ಮೇಲೆ ಒಂದಾಗಿದ್ದಾರೆ. ಸಲ್ಮಾನ್, ಕತ್ರಿನಾ ಕೊನೆಯದಾಗಿ 2019ರಲ್ಲಿ ಬಂದ ಭಾರತ್ ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡರು. ಅದಕ್ಕೂ ಮೊದಲು, ಏಕ್ ಥಾ ಟೈಗರ್, ಟೈಗರ್ ಜಿಂದಾ ಹೈ, ಮೈನೆ ಪ್ಯಾರ್ ಕ್ಯೂನ್ ಕಿಯಾ ಮತ್ತು ಪಾರ್ಟ್‌ನರ್‌ನಂತಹ ಹಿಟ್‌ ಚಿತ್ರಗಳನ್ನು ಈ ಜೋಡಿ ನೀಡಿದೆ.
ಇದನ್ನೂ ಓದಿ: ಸೀರೆಯುಟ್ಟು ಕ್ಯಾಮರಾ ಎದುರು ಬಂದ ಬಳುಕುವ ಬಳ್ಳಿ: ಫಿಟ್ನೆಸ್ ಐಕಾನ್ ದಿಶಾ ಪಟಾನಿ ಫ್ಯಾಶನ್ ಮೆಚ್ಚಿದ ಫ್ಯಾನ್ಸ್
ಬಹುನಿರೀಕ್ಷಿತ ಟೈಗರ್ 2 ಸಿನಿಮಾದಲ್ಲಿ ಇಮ್ರಾನ್ ಹಶ್ಮಿ ಸಹ ಪ್ರಮುಖ ಪಾತ್ರ ವಹಿಸಿದ್ದಾರೆ. ನೆಗೆಟಿವ್ ರೋಲ್ನಲ್ಲಿ ಇಮ್ರಾನ್ ಕಾಣಿಸಿಕೊಳ್ಳಲಿದ್ದಾರೆ. ದೀಪಾವಳಿ ಸಂದರ್ಭ ಚಿತ್ರ ಥಿಯೇಟರ್‌ಗಳಲ್ಲಿ ತೆರೆಕಾಣಲಿದೆ. ಕಳೆದ ಕೆಲವು ವರ್ಷಗಳಿಂದ ಸಲ್ಮಾನ್ ಖಾನ್ ಸಿನಿಮಾಗಳು ದೊಡ್ಡ ಮಟ್ಟದಲ್ಲಿ ಸದ್ದು ಮಾಡದ ಹಿನ್ನೆಲೆ, ಅಭಿಮಾನಿಗಳು ಟೈಗರ್ 3 ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಹೊಂದಿದ್ದಾರೆ. ಚಿತ್ರ ಗೆಲ್ಲುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
