ಹೈದರಾಬಾದ್: ದಿ ತಾಷ್ಕೆಂಟ್ ಫೈಲ್ಸ್, ದಿ ಕಾಶ್ಮೀರ್ ಫೈಲ್ಸ್ ಚಲನಚಿತ್ರ ನಿರ್ಮಾಪಕ ವಿವೇಕ್ ರಂಜನ್ ಅಗ್ನಿಹೋತ್ರಿ ಅವರು ಬಹು ನಿರೀಕ್ಷಿತ ಚಿತ್ರ "ದಿ ವ್ಯಾಕ್ಸಿನ್ ವಾರ್"ನ ಟ್ರೈಲರ್ ಬಿಡುಗಡೆಯಾಗಿದೆ. ಇದೇ ತಿಂಗಳಾಂತ್ಯಕ್ಕೆ ಚಿತ್ರ ತೆರೆಕಾಣಲಿದೆ. ಕೋವಿಡ್ ವೈರಾಣುವಿನ ಕುರಿತಾದ ವಿಷಯವನ್ನಾಧರಿಸಿ ಅಗ್ನಿಹೋತ್ರಿ ಸಿನಿಮಾ ಮಾಡಿದ್ದಾರೆ. ಕೋವಿಡ್ 19 ಜಗತ್ತನ್ನೇ ಆವರಿಸಿದ್ದಾಗ ಶೌರ್ಯದಿಂದ ಸ್ವದೇಶಿ ಲಸಿಕೆಯನ್ನು ತಯಾರಿಸಿದ ಭಾರತೀಯ ಜೈವಿಕ ವಿಜ್ಞಾನಿಗಳ ಅಸಾಧಾರಣ ಸಾಧನೆ ಮತ್ತು ಜಾಣ್ಮೆಯ ಈ ಸಿನಿಮಾ ಬೆಳಕು ಚೆಲ್ಲಲಿದೆ.
ದಿ ವ್ಯಾಕ್ಸಿನ್ ವಾರ್ ಟ್ರೇಲರ್ನಲ್ಲಿ ವಿಜ್ಞಾನಿಗಳು ಮತ್ತು ದೇಶದ ಜನರು ಕೋವಿಡ್ ಕಾಲದಲ್ಲಿ ಅಭೂತಪೂರ್ವ ಸವಾಲುಗಳನ್ನು ಎದುರಿಸಲು ಒಗ್ಗಟ್ಟಿನಲ್ಲಿ ಒಂದಾಗಿರುವುದನ್ನು ತೋರಿಸಿದ್ದಾರೆ. ನಾನಾ ಪಾಟೇಕರ್, ಅನುಪಮ್ ಖೇರ್, ಪಲ್ಲವಿ ಜೋಶಿ, ರೈಮಾ ಸೇನ್, ಸಪ್ತಮಿ ಗೌಡ, ಗಿರಿಜಾ ಓಕ್ ಗೋಡ್ಬೋಲೆ, ನಿವೇದಿತಾ ಭಟ್ಟಾಚಾರ್ಯ ಮತ್ತು ಮೋಹನ್ ಕಪೂರ್ ಅವರನ್ನೊಳಗೊಂಡ ಸ್ಟಾರ್ಗಳ ಸಮೂಹ ಸಿನಿಮಾದಲ್ಲಿದೆ.
ವಿವೇಕ್ ರಂಜನ್ ಅಗ್ನಿಹೋತ್ರಿ ಅವರು ಕಥೆ ಹುಟ್ಟಿದ ಕ್ಷಣದ ಬಗ್ಗೆ ಇತ್ತೀಚಿನ ಮಾತನಾಡುತ್ತಾ ತಿಳಿಸಿದ್ದರು. ದಿ ಕಾಶ್ಮೀರ್ ಫೈಲ್ಸ್ ಸಿನಿಮಾದ ಶೂಟಿಂಗ್ ವೇಳೆ ಲಾಕ್ಡೌನ್ ಆದಾಗ ದಿ ವ್ಯಾಕ್ಸಿನ್ ವಾರ್‌ನ ಕಥೆ ಹುಟ್ಟಿತು ಎಂದಿದ್ದರು. ಚಿತ್ರದ ಪ್ರೀ-ಪ್ರೊಡಕ್ಷನ್ ಹಂತದಲ್ಲಿ, ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ICMR) ಮತ್ತು ರಾಷ್ಟ್ರೀಯ ವೈರಾಲಜಿ ಸಂಸ್ಥೆ (NIV) ಯ ವಿಜ್ಞಾನಿಗಳನ್ನು ಭೇಟಿಮಾಡಿದ್ದರು. ಅಲ್ಲದೇ ವ್ಯಾಕ್ಸಿನ್ ಸಂಶೋಧನೆಯ ಸಂದರ್ಭದಲ್ಲಿ ಅವರಲ್ಲಿದ್ದ ಮನಸ್ಥಿತಿಯ ಬಗ್ಗೆ ಅವರಲ್ಲೇ ಕೇಳಿ ನೈಜ ವಿಚಾರಗಳನ್ನು ಆಧರಿಸಿ ಸಿನಿಮಾ ಮಾಡಿದ್ದಾರೆ.
ದೇಶ ಕೋವಿಡ್ ಲಾಕ್ಡೌನ್ನಲ್ಲಿದ್ದಾಗ ವಿಜ್ಞಾನಿಗಳು ಲಸಿಕೆ ಕಂಡು ಹಿಡಿಯಲು ಮಾಡಿದ ಶ್ರಮದ ಜೊತೆಗೆ ಅವರ ಸಮರ್ಪಣಾ ಭಾವವನ್ನು ಸಿನಿಮಾದಲ್ಲಿ ಆಳವಾಗಿ ಚಿತ್ರಿಸಲಾಗಿದೆ. ನಮ್ಮ ಸಂಶೋಧನೆಯ ಮೂಲಕ, ಅವರು ಎದುರಿಸಿದ ಅಸಾಧಾರಣ ಸವಾಲುಗಳನ್ನು ನಿರ್ದೇಶಕರು ತೆರೆಯ ಮೇಲೆ ಕಟ್ಟಿಕೊಡುವ ಪ್ರಯತ್ನ ಮಾಡಿದ್ದಾರೆ. ಈ ಲಸಿಕೆಯ ವಿಚಾರದಲ್ಲಿ ವಿದೇಶಿ ವಿರೋಧಿಗಳ ಜೊತೆಗೆ ದೇಶದಲ್ಲೇ ಇದ್ದು ಮಸಲತ್ತು ಮಾಡುವ ಕುತಂತ್ರದ ಬಗ್ಗೆಯೂ ಈ ಚಿತ್ರ ಬೆಳಕು ಚೆಲ್ಲಲಿದೆ. ಈ ಎಲ್ಲ ಅಡೆತಡೆಗಳ ಹೊರತಾಗಿಯೂ ಭಾರತ ಜಗತ್ತಿನಲ್ಲೇ ಮೊದಲ ಬಾರಿಗೆ ಕೋವಿಡ್ ಲಸಿಕೆ ಸಂಶೋಧಿಸಿದ ವಿಜ್ಞಾನಿಗಳ ವಿಜಯದ ಕಥೆ ಇದರಲ್ಲಿದೆ ಎಂದು ವಿವೇಕ್ ಹೇಳಿಕೊಂಡಿದ್ದಾರೆ. ಸೆಪ್ಟೆಂಬರ್ 28 ರಂದು "ದಿ ವ್ಯಾಕ್ಸಿನ್ ವಾರ್" ವಿಶ್ವಾದ್ಯಂತ ತೆರೆಗೆ ಬರಲಿದೆ.
ಇದನ್ನೂ ಓದಿ: ಒಂದು ಸಿನಿಮಾಗೆ ನಟ ದರ್ಶನ್ ಎಷ್ಟು ದಿನ ಕಾಲ್ ಶೀಟ್ ಕೊಡ್ತಾರೆ?
