ಮುಂಬೈ(ಮಹಾರಾಷ್ಟ): 29 ವರ್ಷಗಳ ಹಿಂದೆ ಇದೇ ದಿನಾಂಕದಂದು ಮಿಸ್ ಯೂನಿವರ್ಸ್ ಕಿರೀಟ ಮುಡಿಗೇರಿಸಿಕೊಂಡಿದ್ದ ನಟಿ ಸುಶ್ಮಿತಾ ಸೇನ್ ಅವರ ಜೀವನದಲ್ಲಿ ಮೇ 21 ಬಹಳ ವಿಶೇಷವಾದ ದಿನವಾಗಿದೆ. ಈ ಕಾರಣದಿಂದಾಗಿ, ಭಾನುವಾರ ಬೆಳಗ್ಗೆ, ನಟಿ ತಮ್ಮ ಅವಿಸ್ಮರಣೀಯ ಕ್ಷಣ ನೆನಪಿಸಿಕೊಂಡು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಥ್ರೋಬ್ಯಾಕ್ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಅದರ ಮೇಲೆ, 'ಈ ಚಿತ್ರವು ಸರಿಯಾಗಿ 29 ವರ್ಷ ಹಳೆಯದು, ಇದನ್ನು ಛಾಯಾಗ್ರಾಹಕ ಪ್ರಬುದ್ಧ ದಾಸ್‌ಗುಪ್ತಾ ತೆಗೆದಿದ್ದಾರೆ. ಅವರು 18 ವರ್ಷದ ನನ್ನನ್ನು ಸುಂದರವಾಗಿ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.
ನಾನು ಶೂಟ್ ಮಾಡಿದ ಮೊದಲ ವಿಶ್ವ ಸುಂದರಿ ನೀವು ಎಂದು ಅವರು ನನಗೆ ಹೇಳಿದರು, 'ನನ್ನ ತಾಯ್ನಾಡನ್ನು ಪ್ರತಿನಿಧಿಸಿ ಗೆದ್ದಿರುವುದು ನನಗೆ ಗೌರವವಾಗಿದೆ. ಆ ಕ್ಷಣವನ್ನು ನೆನಸಿಕೊಂಡರೆ ಇಂದಿಗೂ ನನಗೆ ಆನಂದಭಾಷ್ಪ ಬರುತ್ತದೆ. 29 ವರ್ಷಗಳ ನಂತರವೂ ನಾನು ಈ ದಿನವನ್ನು ಬಹಳ ಹೆಮ್ಮೆಯಿಂದ ಆಚರಿಸುತ್ತೇನೆ ಮತ್ತು ನೆನಪಿಸಿಕೊಳ್ಳುತ್ತೇನೆ. ಬ್ಯೂಟಿ ಕ್ವೀನ್ ಸುಶ್ಮಿತಾ ವಿಶ್ವದ 77 ದೇಶಗಳ ಸ್ಪರ್ಧಿಗಳೊಂದಿಗೆ ಪೈಪೋಟಿ ನಡೆಸಿ, 1994 ರಲ್ಲಿ ವಿಶ್ವ ಸುಂದರಿ ಪ್ರಶಸ್ತಿಯನ್ನು ಗೆಲ್ಲುವ ಮೂಲಕ ಮೊದಲ ವಿಶ್ವ ಸುಂದರಿ ಕಿರೀಟ ಗೆದ್ದ ಭಾರತೀಯ ಮಹಿಳೆ ಎಂದು ಖ್ಯಾತಿ ಪಡೆದರು. ಅದೇ ವರ್ಷದಲ್ಲಿ ಐಶ್ವರ್ಯಾ ರೈ ಬಚ್ಚನ್ ಕೂಡ ವಿಶ್ವ ಸುಂದರಿ ಕಿರೀಟವನ್ನು ಮುಡಿಗೇರಿಸಿಕೊಂಡಿದ್ದರು.
- " class="align-text-top noRightClick twitterSection" data="
">
ಇದನ್ನೂ ಓದಿ:ಆ್ಯಕ್ಷನ್ ಪ್ರಿನ್ಸ್ ಅಭಿನಯದ ಮಾರ್ಟಿನ್ ರಿಲೀಸ್ ಯಾವಾಗ? ಏನ್ ಹೇಳ್ತಾರೆ ನಿರ್ಮಾಪಕ ಉದಯ್ ಮೆಹ್ತಾ
ಹಮೇಶಾ ಆಪ್ಸೆ ಪ್ಯಾರ್ ಕಾರ್ತಿ ರಹುಂಗಿ ಅಭಿಮಾನಿಗಳು ಸುಶ್ಮಿತಾ ಅವರಿಗೆ ಅಭಿನಂದನಾ ಸಂದೇಶಗಳೊಂದಿಗೆ ಕಾಮೆಂಟ್‌ಗಳ ವಿಭಾಗವನ್ನು ತುಂಬಿಸಿದರು. ಒಬ್ಬ ಬಳಕೆದಾರರು 'ನೀವು ಒಂದು ಪವರ್‌ಹೌಸ್' ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬ ಅಭಿಮಾನಿ, 'ನೀವು ಯಾವಾಗಲೂ ಅತ್ಯುತ್ತಮ ಮಿಸ್ ಯುನಿವರ್ಸ್' ಎಂದು ಬರೆದಿದ್ದಾರೆ. ಮತ್ತೆ ಹಲವರು 'ಮಿಸ್ ಯೂನಿವರ್ಸ್ ಆದ 29ನೇ ವಾರ್ಷಿಕೋತ್ಸವದ ಶುಭಾಶಯಗಳು, ನೀವು ಯಾವಾಗಲೂ ಸಂತೋಷವಾಗಿರಬೇಕು' ಎಂದು ಬರೆದಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಸುಶ್ಮಿತಾ ಸೇನ್ "ಪ್ರೀತಿ, ಒಳ್ಳೆಯತನ, ಮತ್ತು ಅತ್ಯಂತ ಸುಂದರವಾದ ಸಂದೇಶಗಳಿಗಾಗಿ ಎಲ್ಲರಿಗೂ ಧನ್ಯವಾದಗಳು ಎಂದು ತಿಳಿಸಿದ್ದಾರೆ.
ಇನ್ನು ಸುಶ್ಮಿತಾ ಅವರು 'ಆರ್ಯ' ಸೀಸನ್ 3 ರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು OTT ಪ್ಲಾಟ್‌ಫಾರ್ಮ್ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮ್ ಆಗಲಿದೆ. ಇದರ ಹೊರತಾಗಿ, ಟ್ರಾನ್ಸ್ಜೆಂಡರ್ ಶ್ರೀಗೌರಿ ಸಾವಂತ್ ಅವರ ಜೀವನವನ್ನು ಆಧರಿಸಿದ 'ತಾಲಿ'ಯಲ್ಲಿ ಅವರು ಕಾಣಿಸಿಕೊಳ್ಳಲಿದ್ದಾರೆ. 2013 ರ ರಾಷ್ಟ್ರೀಯ ಕಾನೂನು ಸೇವೆಗಳ ಪ್ರಾಧಿಕಾರದ ಪ್ರಕರಣದಲ್ಲಿ ಅವರು ಅರ್ಜಿದಾರರಲ್ಲಿ ಒಬ್ಬರಾಗಿದ್ದರು. ಇವರ ಅವಧಿಯಲ್ಲಿ ಸುಪ್ರೀಂ ಕೋರ್ಟ್ ಟ್ರಾನ್ಸ್ಜೆಂಡರ್ಗಳನ್ನು ತೃತೀಯ ಲಿಂಗಿಗಳು ಎಂದು ಗುರುತಿಸಿತು.
ಇದನ್ನೂ ಓದಿ:ನಿರ್ದೇಶಕ ಪಿ.ಸಿ. ಶೇಖರ್ಗೆ ಬೆದರಿಕೆ ಆರೋಪ: ಲವ್ ಬರ್ಡ್ಸ್ ಸಿನಿಮಾ ನಿರ್ಮಾಪಕ ಕಡ್ಡಿಪುಡಿ ಚಂದ್ರು ವಿರುದ್ಧ ಎಫ್ಐಆರ್
