ಮುಂಬೈ (ಮಹಾರಾಷ್ಟ್ರ): ನಟಿ ಸೋನಾಕ್ಷಿ ಸಿನ್ಹಾ ಅವರು ತಮ್ಮ ಕುಶ್ ಎಸ್ ಸಿನ್ಹಾ ಅವರ ಚೊಚ್ಚಲ ನಿರ್ದೇಶನದ ಸಿನಿಮಾದ ಪೋಸ್ಟರ್ ಬಿಡುಗಡೆಯಾಗಿದೆ. ಈ ಸಿನಿಮಾದಲ್ಲಿನ ಸೋನಾಕ್ಷಿ ಸಿನ್ಹಾ ಅವರು ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ. ಅವರ ಲುಕ್ ಪೋಸ್ಟರ್ನಲ್ಲಿ ತಿಳಿಸಲಾಗಿದ್ದು, ಹಾರರ್ ಚಿತ್ರದ ಹಿನ್ನೆಲೆಯಂತೆ ಕಾಣುತ್ತಿದೆ. ಚಿತ್ರಕ್ಕೆ 'ನಿಕಿತಾ ರಾಯ್ ದಿ ಬುಕ್ ಆಫ್ ಡಾರ್ಕ್ನೆಸ್' ಎಂದು ಹೆಸರಿಡಲಾಗಿದೆ.
ನಿರ್ಮಾಪಕರು ತಿಳಿಸಿರುವಂತೆ ಸಿನಿಮಾದಲ್ಲಿ ಹಿರಿಯ ನಟ ಪರೇಶ್ ರಾವಲ್ ಮತ್ತು ಸುಹೇಲ್ ನಯ್ಯರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಸಿನಿಮಾವನ್ನು ಎನ್ವಿಬಿ ಫಿಲ್ಮ್ನಡಿಯಲ್ಲಿ ನಿಕಿ ಭಗ್ನಾನಿ, ವಿಕ್ಕಿ ಭಗ್ನಾನಿ ಮತ್ತು ಅಂಕುರ್ ತಕ್ರಾನಿ ನಿರ್ಮಿಸುತ್ತಿದ್ದಾರೆ. ಕುಶ್ ಅವರ ಕ್ರಾಟೋಸ್ ಎಂಟರ್‌ಟೈನ್‌ಮೆಂಟ್ ಮತ್ತು ನಿಕಿತಾ ಪೈ ಫಿಲ್ಮ್ಸ್‌ ಈ ಚಿತ್ರವನ್ನು ಪ್ರಸ್ತುತಪಡಿಸುತ್ತಿದೆ.
ಈ ಬಗ್ಗೆ ಮಾತನಾಡಿರುವ ಸೋನಾಕ್ಷಿ ಸಿನ್ಹಾ, ಕುಶ್ ಮತ್ತು ನಾನು ಬಹಳಾ ಸಮಯಗಳಿಂದ ಈ ಸಿನಿಮಾದ ಯೋಜನೆ ಮಾಡಿದ್ದೆವು. ಅಂತಿಮವಾಗಿ ಇಂದು ಈ ಸಿನಿಮಾ ಕನಸು ಈಡೇರಿದೆ ಎಂದಿದ್ದಾರೆ.
ಕುಶ್ ಸಿನ್ಹಾ ಮಾತನಾಡಿ, ನಾನು ಮತ್ತು ಸೋನಾಕ್ಷಿ ತುಂಬಾ ದಿನಗಳಿಂದ ಈ ಸ್ಕ್ರಿಪ್ಟ್ಗಾಗಿ ಕೆಲಸ ಮಾಡಿದ್ದೇವೆ. ನಿಕಿತಾ ರಾಯ್ ದಿ ಬುಕ್ ಆಫ್ ಡಾರ್ಕ್‌ನೆಸ್‌ನಲ್ಲಿ ಸ್ಕ್ರಿಪ್ಟ್ನಲ್ಲಿ ಸೋನಾಕ್ಷಿ ಅವರು ಸಹಕಾರವೂ ಇದೆ. ಪರೇಶ್ ರಾವಲ್ ಜಿ, ಸೋನಾಕ್ಷಿ ಮತ್ತು ಸುಹೇಲ್ ನಯ್ಯರ್ ಅವರಂತಹ ಪ್ರತಿಭಾವಂತ ಕಲಾವಿದರೊಂದಿಗೆ ಕೆಲಸ ಮಾಡಲು ನಾನು ಎದುರು ನೋಡುತ್ತಿದ್ದೇನೆ ಎಂದರು.
ಇದನ್ನೂ ಓದಿ : ರಾಕೇಶ್ ಬಾಪಟ್ ಜತೆಗಿನ ಸಂಬಂಧಕ್ಕೆ ಅಂತ್ಯ ಹಾಡಿದ ಶಿಲ್ಪಾ ಶೆಟ್ಟಿ ತಂಗಿ ಶಮಿತಾ ಶೆಟ್ಟಿ!
