ಶೆರ್ಲಿನ್ ಚೋಪ್ರಾ...ಬಾಲಿವುಡ್ ಬೋಲ್ಡ್ ಬ್ಯೂಟಿ. ಮಾದಕ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ಸದಾ ಸುದ್ದಿಯಲ್ಲಿರುವ ಬೆಡಗಿ. ಕೆಲ ಸಮಯದ ಹಿಂದೆ ಬಾಲಿವುಡ್ನ ದಂತದ ಗೊಂಬೆ ಶಿಲ್ಪಾ ಶೆಟ್ಟಿ ಅವರ ಪತಿ, ಉದ್ಯಮಿ ರಾಜ್ ಕುಂದ್ರಾ ವಿರುದ್ಧ ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ ಆರೋಪಗಳ ಮಳೆಯನ್ನೇ ಹರಿಸಿ ಸುದ್ದಿಯಾಗಿದ್ದರು. ಇತ್ತೀಚಿನ ದಿನಗಳಲ್ಲಿ ಬೆರಗುಗೊಳಿಸುವ ನೋಟ ಬೀರುವ ಮೂಲಕ ಆನ್ಲೈನ್ನ ಬಿಸಿ ಏರಿಸುತ್ತಿದ್ದಾರೆ. ಇದೀಗ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಯವರನ್ನು ಮದುವೆಯಾಗೋ ಇಂಗಿತ ವ್ಯಕ್ತಪಡಿಸಿ ಹೆಡ್ಲೈನ್ ಆಗಿದ್ದಾರೆ. ಮದುಯಾಗೋಕೆ ಕಂಡೀಶನ್ಸ್ ಕೂಡ ಹಾಕಿದ್ದಾರೆ.
ಬಾಲಿವುಡ್ ಬೋಲ್ಡ್ ಬ್ಯೂಟಿ.. ಸೋಷಿಯಲ್ ಮೀಡಿಯಾದಲ್ಲಿ ಶೆರ್ಲಿನ್ ಚೋಪ್ರಾ ಅವರ ಮಾದಕ ಫೋಟೋ, ವಿಡಿಯೋಗಳು ಸದ್ದು ಮಾಡುತ್ತಿರುತ್ತವೆ. ಪಾಪರಾಜಿಗಲು ಹೆಚ್ಚಿನ ಸಂಖ್ಯೆಯಲ್ಲಿ ವಿಡಿಯೋ ಶೇರ್ ಮಾಡುತ್ತಿರುತ್ತಾರೆ. ನಟಿ ಹೋದಲ್ಲಿ, ಬಂದಲ್ಲಿ ಕ್ಯಾಮರಾ ಕಣ್ಣುಗಳಲ್ಲಿ ಸೆರೆಯಾಗುತ್ತಾರೆ. ಬೋಲ್ಡ್ ಲುಕ್ ಆನ್ಲೈನ್ನಲ್ಲಿ ಸದ್ದು ಮಾಡುತ್ತವೆ. ಇದೀಗ ನಟಿ ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಅವರನ್ನು ಮದುವೆಯಾಗುವ ಬಯಕೆ ವ್ಯಕ್ತಪಡಿಸಿದ್ದಾರೆ. ಅಲ್ಲದೇ ಕೆಲ ಷರತ್ತುಗಳನ್ನೂ ಹಾಕಿ ಹೆಚ್ಚಿನವರ ಗಮನ ಸೆಳೆದಿದ್ದಾರೆ.
ಶೆರ್ಲಿನ್ ಚೋಪ್ರಾ ವಿಡಿಯೋ ವೈರಲ್: ರಾಹುಲ್ ಗಾಂಧಿ ಅವರ ಕುರಿತ ಬೋಲ್ಡ್ ಬ್ಯೂಟಿ ಶೆರ್ಲಿನ್ ಚೋಪ್ರಾ ಅವರ ಹೇಳಿಕೆ ಸಾಮಾಜಿಕ ಜಾಲತಾಣದಲ್ಲಿ ಕಾಳ್ಗಿಚ್ಚಿನಂತೆ ಹಬ್ಬಿದೆ. 2024ರ ಸಾರ್ವತ್ರಿಕ ಚುನಾವನೆ ಹಿನ್ನೆಲೆ 24x7 ಶ್ರಮಿಸುತ್ತಿರುವ ರಾಹುಲ್ ಗಾಂಧಿ ಬಗ್ಗೆ ನಟಿ ಕೊಟ್ಟ ಹೇಳಿಕೆಗಳು ಸಖತ್ ಸದ್ದು ಮಾಡುತ್ತಿವೆ.
ಮದುವೆಯಾಗಲು ಕಂಡೀಶನ್ ಏನು ಗೊತ್ತಾ? ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ವಿಡಿಯೋ ಪ್ರಕಾರ, ನೀವು ರಾಹುಲ್ ಗಾಂಧಿ ಅವರನ್ನು ಮದುವೆಯಾಗಲು ಇಚ್ಛಿಸುತ್ತೀರಾ ಎಂಬ ಪ್ರಶ್ನೆ ನಟಿಗೆ ಎದುರಾಗಿದೆ. ಹಿಂಜರಿಕೆಯಿಲ್ಲದೇ ಪ್ರತಿಕ್ರಿಯಿಸಿದ ಬೋಲ್ಡ್ ಬ್ಯೂಟಿ, ಯಾಕಾಗಬಾರದು? ಆದರೆ ಮದುವೆ ಬಳಿಕ ನನ್ನ ಹೆಸರು ಚೋಪ್ರಾ ಆಗಿಯೇ ಉಳಿಬೇಕು ಎಂದು ಷರತ್ತು ಹಾಕಿದ್ದಾರೆ.
ಇದನ್ನೂ ಓದಿ: ಇಂದು ಸಂಜೆಯೊಳಗೆ ಸ್ಪಂದನಾ ವಿಜಯ್ ಪಾರ್ಥಿವ ಶರೀರ ಬೆಂಗಳೂರಿಗೆ : ಶ್ರೀಮುರಳಿ ಆಪ್ತರ ಮಾಹಿತಿ
ಇಬ್ಬರೂ ತಮ್ಮದೇ ಆದ ಕ್ಷೇತ್ರಗಳಲ್ಲಿ ಬ್ಯುಸಿ.. ಕಾಂಗ್ರೆಸ್ ನಾಯಕನ ವಯಸ್ಸು 53. ಸದ್ಯ ಕಾಂಗ್ರೆಸ್ ಪಕ್ಷವನ್ನು ಬಲಿಷ್ಠಗೊಳಿಸಲು ಹಗಲಿರುಳು ಶ್ರಮಿಸುತ್ತಿದ್ದಾರೆ. ಅವರು ಮದುವೆಯಾಗದಿರುವುದರ ಬಗ್ಗೆ ಪ್ರಶ್ನೆಗಳು ಎದುರಾಗುತ್ತಲೇ ಇರುತ್ತವೆ. ಮದುವೆ ಯಾವಾಗ ಎಂಬ ಪ್ರಶ್ನೆ ರಾಹುಲ್ ಗಾಂಧಿವರೆಗೂ ತಲುಪುತ್ತದೆ. ಮತ್ತೊಂದೆಡೆ ಬಾಲಿವುಡ್ ನಟಿ ಶೆರ್ಲಿನ್ ಚೋಪ್ರಾ ಅವರ ವಯಸ್ಸು 36. ತಾರೆಯ ಜೀವನದಲ್ಲೂ ಇನ್ನೂ ಯಾರೂ ಪ್ರವೇಶಿಸಿಲ್ಲ. ಶೆರ್ಲಿನ್ ತಮ್ಮ ಸಿನಿ ವೃತ್ತಿಜೀವನದಲ್ಲಿ ಬ್ಯುಸಿಯಾಗಿದ್ದರೆ, ರಾಹುಲ್ ಗಾಂಧಿ ಪ್ರಧಾನಿ ಕುರ್ಚಿ ಮೇಲೆ ಕಣ್ಣಿಟ್ಟಿದ್ದಾರೆ. ಇದ್ದರೆ ನಡುವೆ ಈ ಇಬ್ಬರ ಮದುವೆ ಬಗ್ಗೆ ಸೋಷಿಯಲ್ ಮೀಡಿಯಾಗಳಲ್ಲಿ ಆಸಕ್ತಿ ಹುಟ್ಟಿಕೊಂಡಿದೆ.
ಇದನ್ನೂ ಓದಿ: 'ರೂಪಸಿ ಸುಮ್ಮನೆ ಹೇಗಿರಲಿ...' ತಮನ್ನಾ ಚೆಲುವಿಗೆ ಅಭಿಮಾನಿಗಳ ಎದೆಯಲ್ಲಿ ಪುಳಕ!
