ನಟಿ, ಗಾಯಕಿ ಶೆಹನಾಜ್ ಗಿಲ್ ಅವರು ಸಲ್ಮಾನ್ ಖಾನ್ ಜೊತೆ ಉತ್ತಮ ಬಾಂಧವ್ಯವನ್ನು ಹೊಂದಿದ್ದಾರೆ. ಬಿಗ್ ಬಾಸ್ 13ರಲ್ಲಿ ಶೆಹನಾಜ್ ಕಾಣಿಸಿಕೊಂಡ ನಂತರ ಅವರಿಬ್ಬರು ನಿರಂತರ ಸಂಪರ್ಕದಲ್ಲಿದ್ದಾರೆ. ಇದೀಗ 'ಕಿಸಿ ಕಾ ಬಾಯ್ ಕಿಸಿ ಕಿ ಜಾನ್' ಸಿನಿಮಾದ ಮೂಲಕವು ದೊಡ್ಡ ಪರದೆಯ ಮೇಲೆ ಕಾಣಿಸಿಕೊಳ್ಳಲು ಸಿದ್ಧರಾಗಿದ್ದಾರೆ. ಸಿನಿಮಾದ ಪ್ರಚಾರಕ್ಕಾಗಿ ಶೆಹನಾಜ್ ಸೇರಿದಂತೆ ಚಿತ್ರತಂಡ ಕಪಿಲ್ ಶರ್ಮಾ ಶೋನಲ್ಲಿ ಇತ್ತೀಚೆಗೆ ಕಾಣಿಸಿಕೊಂಡರು. ಈ ವೇಳೆ ಒಮ್ಮೆ ಆಕಸ್ಮಿಕವಾಗಿ ಸಲ್ಮಾನ್ ಖಾನ್ ಅವರ ನಂಬರ್ ಅನ್ನು ಬ್ಲಾಕ್ ಮಾಡಿದ್ದೆ ಎಂಬ ವಿಷಯವನ್ನು ಗಿಲ್ ಬಹಿರಂಗಪಡಿಸಿದರು. ಈ ಸಿನಿಮಾಗೆ ಆಫರ್ ಬರುವ ಮೊದಲು ಸಲ್ಲು ಮೊಬೈಲ್ ಸಂಖ್ಯೆಯನ್ನು ಬ್ಲಾಕ್ ಮಾಡಿದ್ದೆ ಎಂದು ಹೇಳಿದರು.
- " class="align-text-top noRightClick twitterSection" data="
">
"ನಾನು ಅಮೃತಸರಕ್ಕೆ ಹೋಗಿದ್ದೆ. ಅಲ್ಲಿಂದ ಗುರುದ್ವಾರಕ್ಕೆ ತೆರಳುತ್ತಿದ್ದಾಗ ಅಪರಿಚಿತ ಸಂಖ್ಯೆಯಿಂದ ನನಗೆ ಕರೆ ಬಂತು. ಯಾವುದಾದರೂ ಅನ್ನೋನ್ ನಂಬರ್ನಿಂದ ಕರೆ ಬಂದರೆ ನಿರ್ಬಂಧಿಸುವ ಅಭ್ಯಾಸ ನನಗಿದೆ. ಹಾಗಾಗಿ ತಕ್ಷಣವೇ ನಾನು ಆ ಸಂಖ್ಯೆಯನ್ನು ಬ್ಲಾಕ್ ಮಾಡಿದೆ. ನಂತರ ಸ್ವಲ್ಪ ಸಮಯದ ಬಳಿಕ ಸಲ್ಮಾನ್ ಸರ್ ನನ್ನನ್ನು ಸಂಪರ್ಕಿಸಲು ಪ್ರಯತ್ನಿಸುತ್ತಿದ್ದಾರೆ ಎಂಬ ಮೆಸೇಜ್ ನನಗೆ ಬಂತು. ನಾನು ಖಚಿತ ಪಡಿಸಿಕೊಳ್ಳಲು ಟ್ರೂ ಕಾಲರ್ ಆ್ಯಪ್ನಲ್ಲಿ ನಂಬರ್ ಅನ್ನು ಪರಿಶೀಲಿಸಿದೆ. ಅದು ನಿಜವಾಗಿಯೂ ಸಲ್ಮಾನ್ ಖಾನ್ ಅವರ ಮೊಬೈಲ್ ನಂಬರ್ ಎಂಬುದು ಗೊತ್ತಾಯಿತು. ಬಳಿಕ ಅವರನ್ನು ಅನ್ಬ್ಲಾಕ್ ಮಾಡಿ ಅವರಿಗೆ ಕರೆ ಮಾಡಿದೆ. ಅವರು ಈ ಸಿನಿಮಾದ ಆಫರ್ ನೀಡಿದರು. ಹೀಗಾಗಿ 'ಕಿಸಿ ಕಾ ಬಾಯ್ ಕಿಸಿ ಕಿ ಜಾನ್' ಚಿತ್ರದಲ್ಲಿ ನಟಿಸುವ ಅವಕಾಶವನ್ನು ಪಡೆದುಕೊಂಡೆ" ಎಂದು ಹೇಳಿದರು.
ಇತ್ತೀಚೆಗೆ ಸಂವಾದವೊಂದರಲ್ಲಿ ಶೆಹನಾಜ್ ತಮ್ಮ ಮೊದಲ ಮ್ಯೂಸಿಕ್ ವಿಡಿಯೋಗಾಗಿ ತಿರಸ್ಕರಿಸಲ್ಪಟ್ಟದ್ದನ್ನು ನೆನಪಿಸಿಕೊಂಡಿದ್ದರು. "ಇಷ್ಟು ಸಣ್ಣ ಹುಡುಗಿ ನಮಗೆ ಬೇಡ, ಅವಳನ್ನು ಹಿಂದಕ್ಕೆ ಕರೆದುಕೊಂಡು ಹೋಗಿ ಎಂದು ಹೇಳಿದ್ದರು. ನಾನು ಮನೆಗೆ ಬಂದು ಜೋರಾಗಿ ಅತ್ತಿದ್ದೆ. ಆಗ ನನ್ನ ತಾಯಿ, ನೀನು ಯಾಕೆ ಅಳುತ್ತಿದ್ದೀಯಾ? ಒಂದು ದಿನ ನೀನು ಸಲ್ಮಾನ್ ಖಾನ್ ಜೊತೆ ಚಿತ್ರದಲ್ಲಿ ಅಭಿನಯಿಸುತ್ತೀಯಾ ಎಂದು ಹೇಳಿದ್ದರು. ಅದರಂತೆ ಸರ್ ನನಗೆ ಒಂದು ಅವಕಾಶ ನೀಡಿದರು. ಅಮ್ಮನ ಮಾತು ಯಾವಾಗಲೂ ನಿಜವಾಗುತ್ತದೆ ಎಂಬುದು ಸಾಬೀತಾಗಿದೆ" ಎಂದು ಹೇಳಿದ್ದರು.
ಟ್ರೇಲರ್ಗೆ ಎಲ್ಲೆಡೆ ಮೆಚ್ಚುಗೆ: 'ಕಿಸಿ ಕಾ ಬಾಯ್ ಕಿಸಿ ಕಿ ಜಾನ್' ಚಿತ್ರದ ಟ್ರೇಲರ್ ಏಪ್ರಿಲ್ 10 ರಂದು ಬಿಡುಗಡೆಗೊಂಡಿದೆ. ಸಿನಿಮಾ ಟ್ರೇಲರ್ ನೋಡಿದ ಪ್ರೇಕ್ಷಕರು ಸಲ್ಲು ಆ್ಯಕ್ಟಿಂಗ್ಗೆ ಫಿದಾ ಆಗಿದ್ದು, ಸಕಾರಾತ್ಮಕ ಪ್ರತಿಕ್ರಿಯೆ ಗಳಿಸಿದೆ. ಫರ್ಹಾದ್ ಸಾಮ್ಜಿ ನಿರ್ದೇಶನದ ಈ ಚಿತ್ರದಲ್ಲಿ ಸಲ್ಮಾನ್ ಖಾನ್, ಪೂಜಾ ಹೆಗ್ಡೆ, ವೆಂಕಟೇಶ್ ದಗ್ಗುಬಾಟಿ, ಜಗಪತಿ ಬಾಬು, ಭೂಮಿಕಾ ಚಾವ್ಲಾ, ವಿಜೇಂದರ್ ಸಿಂಗ್, ಅಭಿಮನ್ಯು ಸಿಂಗ್, ರಾಘವ್ ಜುಯಲ್, ಸಿದ್ದಾರ್ಥ್ ನಿಗಮ್, ಜಸ್ಸಿ ಗಿಲ್, ಶೆಹನಾಜ್ ಗಿಲ್, ಪಾಲಕ್ ತಿವಾರಿ ಮತ್ತು ವಿನಾಲಿ ಭಟ್ನಾಗರ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. 'ಕಿಸಿ ಕಾ ಬಾಯ್ ಕಿಸಿ ಕಿ ಜಾನ್' ಏಪ್ರಿಲ್ 21ರಂದು ತೆರೆ ಕಾಣಲಿದೆ.
ಇದನ್ನೂ ಓದಿ: "ಅರ್ಹಾಳ ನಟನೆ ನಿಮಗೆ ಇಷ್ಟವಾಗುತ್ತದೆ": 'ಶಾಕುಂತಲಂ' ಚಿತ್ರತಂಡಕ್ಕೆ ಅಲ್ಲು ಅರ್ಜುನ್ ಶುಭಹಾರೈಕೆ
