ಸಾರಾ ಅಲಿ ಖಾನ್ ಸದ್ಯ ಬಾಲಿವುಡ್ನ ಬಹುಬೇಡಿಕೆಯ ನಟಿಯರಲ್ಲೋರ್ವರು. ನಟಿಯ ಬೆಳವಣಿಗೆಗೆ ಪಟೌಡಿ ವಂಶಸ್ಥರು ಸಂಪೂರ್ಣ ಬೆಂಬಲ ಸೂಚಿಸಿದ್ದಾರೆ. ಸಾರಾ ಕೂಡ ನಟನೆ ಮಾತ್ರವಲ್ಲದೇ ತಮ್ಮ ನಡೆ ನುಡಿಯಿಂದ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ.
ಸೂಪರ್ ಹಿಟ್ ಜರಾ ಹಟ್ಕೆ ಜರಾ ಬಚ್ಕೆ ಸಿನಿಮಾ ನಟಿ ಇನ್ನೂ ರಕ್ಷಾಬಂಧನ ಸಂಭ್ರದಲ್ಲಿರುವಂತೆ ತೋರುತ್ತಿದೆ. ಆಗಸ್ಟ್ 31 ರಂದು ಸಹೋದರರಾದ ಇಬ್ರಾಹಿಂ ಅಲಿ ಖಾನ್, ತೈಮೂರ್ ಅಲಿ ಖಾನ್ ಮತ್ತು ಜೆಹ್ ಅಲಿ ಖಾನ್ ಅವರೊಂದಿಗಿನ ಫೋಟೋ ಶೇರ್ ಮಾಡಿದ್ದರು. ಪಟೌಡಿ ವಂಶಸ್ಥರ ರಕ್ಷಾಬಂಧನ ಸಂಭ್ರಮವನ್ನು ನಟಿ ಸಾರಾ ಅಲಿ ಖಾನ್ ಮತ್ತು ಬಾಲಿವುಡ್ ಬೇಬೋ ಕರೀನಾ ಕಪೂರ್ ಖಾನ್ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದರು. ಇದೀಗ ತಮ್ಮ ಸ್ವಂತ ಸಹೋದರ ಇಬ್ರಾಹಿಂ ಅಲಿ ಖಾನ್ ಜೊತೆಗಿನ ಸರಣಿ ಫೋಟೋಗಳನ್ನು ಇನ್ಸ್ಟಾ ಖಾತೆಯಲ್ಲಿ ಶೇರ್ ಮಾಡಿ ಅಭಿಮಾನಿಗಳ ಗಮನ ಸೆಳೆದಿದ್ದಾರೆ.
ಲವ್ ಆಜ್ ಕಲ್ ಸಿನಿಮಾ ನಟಿ ಇಂದು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಕಿರಿಯ ಸಹೋದರ ಇಬ್ರಾಹಿಂ ಅಲಿ ಖಾನ್ ಜೊತೆಗಿನ ಸರಣಿ ಫೋಟೋಗಳನ್ನು ಶೇರ್ ಮಾಡಿದ್ದಾರೆ. ನಾಲ್ಕು ವಿಭಿನ್ನ ಹಾರ್ಟ್ ಎಮೋಜಿಗಳನ್ನು ತಮ್ಮ ಪೋಸ್ಟ್ಗೆ ಶೀರ್ಷಿಕೆಯಾಗಿ ಕೊಟ್ಟಿದ್ದಾರೆ. ಕಡಿಮೆ ಮೇಕ್ ಅಪ್ನೊಂದಿಗೆ ನಟಿ ಪಿಂಕ್ ಜಂಪ್ಸೂಟ್ನಲ್ಲಿ ಕಾಣಿಸಿಕೊಂಡರೆ, ಇಬ್ರಾಹಿಂ ಬ್ಲ್ಯಾಕ್ ಶರ್ಟ್ನಲ್ಲಿ ಕೂಲ್ ಆಗಿ ಕಾಣಿಸಿಕೊಂಡಿದ್ದಾರೆ. ಫೋಟೋಗಳಲ್ಲಿ ಅಕ್ಕ ತಮ್ಮ ಫನ್ನಿ ಪೋಸ್ ಕೊಟ್ಟು ಅಭಿಮಾನಿಗಳ ಗಮನ ಸೆಳೆದಿದ್ದಾರೆ. ಫೋಟೋಗಳಿಗೆ ನೆಟ್ಟಿಗರು ಮೆಚ್ಚುಗೆ ಸೂಚಿಸಿದ್ದಾರೆ. ಅಭಿಮಾನಿಗಳು ಕಾಮೆಂಟ್ ಸೆಕ್ಷನ್ನಲ್ಲಿ ಬ್ಯುಸಿಯಾಗಿದ್ದಾರೆ.
ಇದನ್ನೂ ಓದಿ: Chandramukhi 2 Trailer: ಸ್ಟೈಲಿಶ್ ಸೀರೆಯುಟ್ಟು ಮನಮೋಹಕ ನೋಟ ಬೀರಿದ 'ಚಂದ್ರಮುಖಿ' ತಾರೆ ಕಂಗನಾ ರಣಾವತ್
ಚಿತ್ರಮಂದಿರಗಳಲ್ಲಿ ಧೂಳೆಬ್ಬಿಸುತ್ತಿರುವ ಗದರ್ 2 ಸಿನಿಮಾದ ಸಕ್ಸಸ್ ಸಲೆಬ್ರೇಶನ್ ಈವೆಂಟ್ ಅನ್ನು ಚಿತ್ರತಂಡ ಶನಿವಾರ ಸಂಜೆ ಆಯೋಜಿಸಿತ್ತು. ಶಾರುಖ್ ಖಾನ್ ಗೌರಿ ಖಾನ್, ಅಮೀರ್ ಖಾನ್, ಸಲ್ಮಾನ್ ಖಾನ್, ಅನುಪಮ್ ಖೇರ್, ಸಾಜಿದ್ ಖಾನ್ ಸೇರಿದಂತೆ ಬಾಲಿವುಡ್ನ ಯಂಗ್ ಸ್ಟಾರ್ಸ್ ಈ ಕಾರ್ಯಕ್ರಮಕ್ಕೆ ಹಾಜರಾಗಿದ್ದರು. ನಟಿ ಸಾರಾ ಅಲಿ ಖಾನ್ ಕೂಡ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಗಮನ ಸೆಳೆದರು. ಮಾಜಿ ರೂಮರ್ ಬಾಯ್ ಫ್ರೆಂಡ್ ಕಾರ್ತಿಕ್ ಆರ್ಯನ್ ಜೊತೆ ಉತ್ತಮ ಕ್ಷಣ ಕಳೆದು ಸಾರಾ ಅಭಿಮಾನಿಗಳ ಗಮನ ಸೆಳೆದರು. ಲವ್ ಆಜ್ ಕಲ್ ಸಿನಿಮಾದಲ್ಲಿ ಸ್ಕ್ರೀನ್ ಶೇರ್ ಮಾಡಿದ್ದ ಈ ಜೋಡಿ ಡೇಟಿಂಗ್ನಲ್ಲಿದ್ದರು ಎಂಬ ವದಂತಿಗಳಿದ್ದವು.
ಇದನ್ನೂ ಓದಿ: 'ಗದರ್-2' ಪಾರ್ಟಿಯಲ್ಲಿ ಅಪ್ಪಿಕೊಂಡ 'ಮಾಜಿ ಲವ್ಬರ್ಡ್ಸ್': ಕಾರ್ತಿಕ್-ಸಾರಾ ವಿಡಿಯೋ ವೈರಲ್
