ಮುಂಬೈ: ಸಲ್ಮಾನ್ ಖಾನ್ ಅವರ ಅಭಿಮಾನಿ ಬಾಕ್ಸರ್ ನಿಖಾತ್ ಝರೀನ್ ಅವರು ಮಂಗಳವಾರ ಸಲ್ಮಾನ್ ಅವರನ್ನು‘ಕಿಸಿ ಕಾ ಬಾಯ್ ಕಿಸಿ ಕಾ ಜಾನ್‘ ಚಿತ್ರದ ಸೆಟ್ನಲ್ಲಿ ಬೇಟಿ ಮಾಡಿ ಅವರದೇ ಹಳೆ ಹಾಡಿಗೆ ಹೆಜ್ಜೆ ಹಾಕಿ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹರಿಬಿಟ್ಟಿದ್ದು, ಮೆಚ್ಚುಗೆಯ ಮಹಾಪೂರವೇ ಹರಿದು ಬಂದಿದೆ ಮತ್ತು ಸಾವಿರಾರು ಕಮೆಂಟ್ಸ್ಗಳು ಹರಿದು ಬರುತ್ತಿದೆ.
ಐಬಿಎ ಮಹಿಳಾ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಶಿಪ್ನ 12ನೇ ಆವೃತ್ತಿಯಲ್ಲಿ ಭಾರತದ ನಿಖತ್ ಝರೀನ್ 5-0 ಅಂತರದ ಮೇಲುಗೈ ಸಾಧಿಸಿ ಚಿನ್ನದ ಪದಕ ಗಳಿಸುವ ಮೂಲಕ ದಾಖಲೆಯ ಪುಸ್ತಕಕ್ಕೆ ಸೇರಿದ್ದಾರೆ. ನಿಜಾಮಾಬಾದ್(ತೆಲಂಗಾಣ) ಮೂಲದ ಬಾಕ್ಸರ್ ವಿಶ್ವ ಬಾಕ್ಸಿಂಗ್ನಲ್ಲಿ ಚಿನ್ನಗಳಿಸಿದ 5ನೇಯ ಭಾರತೀಯ ಮಹಿಳೆಯಾಗಿದ್ದಾರೆ.
- " class="align-text-top noRightClick twitterSection" data="
">
ಇದಕ್ಕೂ ಮೊದಲು ಆರು ಬಾರಿ ವಿಶ್ವ ಚಾಂಪಿಯನ್ ಮೇರಿ ಕೋಮ್(2002, 2005, 2006, 2010, ಮತ್ತು 2018) ಸರಿತಾ ದೇವಿ(2006), ಜೆನ್ನಿ ಆರ್ಎಲ್(2006) ಮತ್ತು ಲೇಖಾ ಕೆ.ಸಿ(2006) ಬಾಕ್ಸಿಂಗ್ನಲ್ಲಿ ಚಿನ್ನದ ಪದಕ ಗಳಿಸಿದ ಮಹಿಳೆಯರು.
ಬರ್ಮಿಂಗ್ಹ್ಯಾಮ್ನಲ್ಲಿ ನಡೆದ ಕಾಮನ್ವೆಲ್ತ್ ಗೇಮ್ಸ್ 2022ರಲ್ಲಿ ನಡೆದ ಮಹಿಳೆಯರ 50ಕೆಜಿ( ಲೈಟ್ ಪ್ಲೈವೇಟ್) ಫೈನಲ್ನಲ್ಲಿ ಉತ್ತರ ಐರ್ಲೆಂಡ್ ನ ಕಾರ್ಲಿ ಎಂಸಿ ನೌಲ್ ಅವರನ್ನು ಸೋಲಿಸುವ ಮೂಲಕ ದೇಶಕ್ಕೆ ಸತತ ಮೂರನೇ ಬಾರಿ ಚಿನ್ನದ ಪದಕ ವಶಪಡಿಸಿಕೊಂಡರು.
ಸಲ್ಮಾನ್ ಖಾನ್ ತಮ್ಮ ಮುಂದಿನ ಚಿತ್ರ ಕಿಸಿ ಕಾ ಭಾಯ್ ಕಿಸಿ ಕಾ ಜಾನ್ ಚಿತ್ರೀಕರಣದಲ್ಲಿನ ನಿರತರಾಗಿದ್ದಾರೆ. ಈ ಚಿತ್ರವನ್ನು ಫರ್ಹಾದ್ ಸಾಮ್ಜಿ ನಿರ್ದೇಶನದಲ್ಲಿ ಮೂಡಿ ಬರುತ್ತಿದ್ದು, ಸಲ್ಮಾನ್ಗೆ ನಾಯಕಿಯಾಗಿ ಪೂಜಾ ಹೆಗ್ಡೆ ನಟಿಸುತಿದ್ದಾರೆ.
ಈ ಚಿತ್ರವನ್ನು ಸಲ್ಮಾನ್ ಖಾನ್ ಪಿಲ್ಸ್ಮ್ ಬ್ಯಾನರ್ ಅಡಿ ನಿರ್ಮಾಣವಾಗುತ್ತಿದ್ದು, ಆ್ಯಕ್ಷನ್, ಹಾಸ್ಯ ಎಲ್ಲಾ ಅಂಶಗಳನ್ನು ಚಿತ್ರ ಹೊಂದಿರುತ್ತದೆ. ಈ ಚಿತ್ರವು 2023ರ ಈದ್-ಮಿಲಾದ್ ಹಬ್ಬಕ್ಕೆ ಬಿಡುಗಡೆಯಾಗಲಿದೆ ಎಂದು ಊಹಿಸಲಾಗಿದೆ.
ಇದನ್ನೂ ಓದಿ: ಏಳು ಸಮುದ್ರಗಳ ದಾಟಿ ಬೆಳಗುತ್ತಿರುವ ಆಲಿಯಾ ಭಟ್ ಲುಕ್: ಆದರೆ ಇವರು ಅವರಲ್ಲ!
