ಸರಿಸುಮಾರು ಕಳೆದೊಂದು ವರ್ಷದಿಂದ ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ನಲ್ಲಿಯೋ ಏಕೈಕ ವಿಷಯ 'YASH19'. ಅಭಿಮಾನಿಗಳು ಅದೆಷ್ಟೇ ಬೇಡಿಕೆ ಇಟ್ಟರೂ ಇನ್ನೂ ರಾಕಿಂಗ್ ಸ್ಟಾರ್ ಯಶ್ ಮುಖ್ಯಭೂಮಿಕೆಯ ಮುಂದಿನ ಸಿನಿಮಾ ಘೋಷಣೆ ಆಗಿಲ್ಲ. ಹಲವು ಅಂತೆಕಂತೆಗಳು ಉರುಳಿ ಹೋಗಿವೆ ಹೊರತು, ನಟ ಯಶ್ ಕಡೆಯಿಂದ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಆದ್ರಿಂದು ಸೌತ್ ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಓರ್ವರ ಸೋಷಿಯಲ್ ಮೀಡಿಯಾ ಪೋಸ್ಟ್ ಸಖತ್ ಸದ್ದು ಮಾಡುತ್ತಿದೆ.
ಮನೋಬಾಲಾ ವಿಜಯಬಾಲನ್ ಟ್ವೀಟ್: ದಕ್ಷಿಣ ಚಿತ್ರರಂಗದ ವಿಶ್ಲೇಷಕ ಮನೋಬಾಲಾ ವಿಜಯಬಾಲನ್ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ X (ಹಿಂದಿನ ಟ್ವಿಟರ್) ನಲ್ಲಿ ಹಾಲಿವುಡ್ ಡೈರೆಕ್ಟರ್ ಜೊತೆ ರಾಕಿಂಗ್ ಸ್ಟಾರ್ ಯಶ್ ಫೋಟೋವನ್ನು ಶೇರ್ ಮಾಡಿದ್ದಾರೆ. ಇಬ್ಬರು ಜೊತೆಗಿರುವ ಫೋಟೋ ಶೇರ್ ಮಾಡಿದ ಮನೋಬಾಲಾ ವಿಜಯಬಾಲನ್, ''ಲಂಡನ್‌ನಲ್ಲಿ ಹಾಲಿವುಡ್ ನಿರ್ದೇಶಕ ಜೆಜೆ ಪೆರಿ (Hollywood director JJPerry) ಅವರೊಂದಿಗೆ ಯಶ್ ಅವರ ಲೇಟೆಸ್ಟ್ ಫೋಟೋ. ಯಶ್ 19ಗಾಗಿ ನಟ ಯಶ್ ಲುಕ್ ಟೆಸ್ಟ್‌ಗೆ ಒಳಗಾಗಿದ್ದಾರೆ. ಕೆಜಿಎಫ್ ಚಾಪ್ಟರ್ 2ರ ಯಶಸ್ಸಿನಲ್ಲಿರುವ ನಟ ಅಕ್ಟೋಬರ್ ತಿಂಗಳಲ್ಲಿ ಯಶ್ 19 ಅನ್ನು ಘೋಷಿಸಲಿದ್ದಾರೆ. ಈ ಚಿತ್ರವನ್ನು ಮಲಯಾಳಂ ನಿರ್ದೇಶಕಿ ಗೀತು ಮೋಹನ್‌ದಾಸ್ ನಿರ್ದೇಶಿಸುವ ಸಾಧ್ಯತೆ ಇದೆ ಮತ್ತು ಇದೇ ಸಾಲಿನ ಡಿಸೆಂಬರ್ ತಿಂಗಳಲ್ಲಿ ಶೂಟಿಂಗ್ ಪ್ರಾರಂಭವಾಗುವ ನಿರೀಕ್ಷೆ ಇದೆ'' ಎಂದು ಬರೆದುಕೊಂಡಿದ್ದಾರೆ.
-
Latest pic of Yash with Hollywood director JJPerry at London. #Yash is currently undergoing look tests for #Yash19.
— Manobala Vijayabalan (@ManobalaV) September 26, 2023 " class="align-text-top noRightClick twitterSection" data="
The #KGF star is fresh from the success of monstrous #KGFChapter2 and will be announcing his upcoming biggie Yash 19 in the October month.
The film is likely to… pic.twitter.com/25jCRlgnG7
">Latest pic of Yash with Hollywood director JJPerry at London. #Yash is currently undergoing look tests for #Yash19.
— Manobala Vijayabalan (@ManobalaV) September 26, 2023
The #KGF star is fresh from the success of monstrous #KGFChapter2 and will be announcing his upcoming biggie Yash 19 in the October month.
The film is likely to… pic.twitter.com/25jCRlgnG7Latest pic of Yash with Hollywood director JJPerry at London. #Yash is currently undergoing look tests for #Yash19.
— Manobala Vijayabalan (@ManobalaV) September 26, 2023
The #KGF star is fresh from the success of monstrous #KGFChapter2 and will be announcing his upcoming biggie Yash 19 in the October month.
The film is likely to… pic.twitter.com/25jCRlgnG7
ಅಧಿಕೃತ ಘೋಷಣೆಗೆ ಕಾತರ: ನಟ ಯಶ್ ಅಥವಾ ಚಿತ್ರತಂಡದಿಂದ ಅಧಿಕೃತ ಘೋಷಣೆ ಹೊರಬಿದ್ದಿಲ್ಲ. ಸದ್ಯ ಸಿನಿಮಾ ವಿಶ್ಲೇಷಕ ಮನೋಬಾಲಾ ವಿಜಯಬಾಲನ್ ಮಾಡಿರುವ ಪೋಸ್ಟ್ ಸಖತ್ ಸದ್ದು ಮಾಡುತ್ತಿದೆ.
ಸಿನಿಮಾ ವ್ಯವಹಾರ ವಿಶ್ಲೇಷಕರ ಮಾಹಿತಿ ಹೊರಬಿದ್ದರೂ, ಅಪಾರ ಸಂಖ್ಯೆಯ ಅಭಿಮಾನಿಗಳು ಯಶ್ ಅವರಿಂದಲೇ ಅಧಿಕೃತ ಘೋಷಣೆಗೆ ಬೇಡಿಕೆ ಇಟ್ಟಿದ್ದಾರೆ. ಕಳೆದ ಏಪ್ರಿಲ್ನಲ್ಲಿ ಕೆಜಿಎಫ್ 2 ಸಿನಿಮಾ ತೆರೆಕಂಡು ಚಿತ್ರಮಂದಿರಗಳಲ್ಲಿ ಧೂಳೆಬ್ಬಿಸಿತ್ತು. ಈ ಹಿನ್ನೆಲೆ ಸಹಜವಾಗಿ ನಟನ ಮುಂದಿನ ಸಿನಿಮಾ ಮೇಲೆ ಕುತೂಹಲ ಹೆಚ್ಚಾಗಿದೆ. ಒಂದೂವರೆ ವರ್ಷ ಕಳೆದರೂ ನಟ ತಮ್ಮ ಮುಂದಿನ ಸಿನಿಮಾ ಘೋಷಿಸಿಲ್ಲ. ಕೆಜಿಎಫ್ 2 ಗೆ ಸಿಕ್ಕ ಮನ್ನಣೆ ಗಮನಿಸಿದ್ರೆ ಮುಂದಿನ ಸಿನಿಮಾ ಕೂಡ ಅತ್ಯದ್ಭುತವಾಗಿ ಮೂಡಿ ಬರಬೇಕು. ಈ ಹಿನ್ನೆಲೆ ನಟ ಯಶ್ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಮುಂದಿನ ಚಿತ್ರ, ಕಥೆ, ನಿರ್ದೇಶಕರು ಸೇರಿದಂತೆ ಸಂಪೂರ್ಣ ತಂಡ ಗಣ್ಯರಿಂದಲೇ ಕೂಡಿರುತ್ತದೆ ಅನ್ನೋದು ಅಭಿಮಾನಿಗಳು ಸೇರಿದಂತೆ ಸಿನಿಮಾ ವಿಶ್ಲೇಷಕರ ಅಭಿಪ್ರಾಯ. ರಾಷ್ಟ್ರ ಪ್ರಶಸ್ತಿ ವಿಜೇತ ನಿರ್ದೇಶಕಿ ಗೀತು ಮೋಹನ್ ದಾಸ್ ನಿರ್ದೇಶನದಲ್ಲಿ ಯಶ್ ಸಿನಿಮಾ ಮಾಡಲಿದ್ದಾರೆ ಅನ್ನೋ ವಿಷಯ ಹಲವು ದಿನಗಳಿಂದ ಕೇಳಿಬರುತ್ತಿದೆಯಾದರೂ, ಎಲ್ಲವೂ ಅಂತೆಕಂತೆಗಳೇ. ಹಾಗಾಗಿ ಸ್ವತಃ ನಟ ಯಶ್ ಅವರೇ ಮುಂದಿನ ಸಿನಿಮಾ ಘೋಷಿಸಲಿ ಅನ್ನೋದು ಅವೆ ಕಟ್ಟಾ ಅಭಿಮಾನಿಗಳ ಆಶೆ.
ಇದನ್ನೂ ಓದಿ: 'ಲೋಕಾನೆ ಗರಡಿ..ಬಾಳೇ ಅಖಾಡ': 'ಗರಡಿ' ಟೈಟಲ್ ಸಾಂಗ್ ಬಿಡುಗಡೆ
ಇನ್ನು, ಸೋಷಿಯಲ್ ಮೀಡಿಯಾಲ್ಲಿ ಯಶ್ 19 ಕುರಿತು ಚರ್ಚೆಗಳು ನಡೆಯುತ್ತಲೇ ಇವೆ. ಗೋವಾ ಮಾಫಿಯಾ ಸುತ್ತ ಕಥೆ ಹೆಣೆಯುತ್ತಿರಬಹುದೆಂದೂ ಕೂಡ ಹೇಳಲಾಗಿದೆ. ಕೆಜಿಎಫ್ ರೀತಿಯ ಕಥೆಯನ್ನೇ ಆಯ್ಕೆ ಮಾಡಿಕೊಂಡಿರಬಹುದೆಂದು ಮೂಲಗಳು ತಿಳಿಸಿವೆಯಾದರೂ, ಎಲ್ಲರ ಗಮನ ಸದ್ಯ ಅಧಿಕೃತ ಘೋಷಣೆ ಮೇಲೆ ಕೇಂದ್ರೀಕೃತವಾಗಿದೆ.
ಇದನ್ನೂ ಓದಿ: ಆಸ್ಕರ್ 2024: ನಾಮನಿರ್ದೇಶನ ಪ್ರಕ್ರಿಯೆಗೆ ಮಲಯಾಳಂನ '2018: ಎವ್ರಿಒನ್ ಈಸ್ ಎ ಹೀರೋ' ಎಂಟ್ರಿ
ಯಶ್ 19 ಕಥೆ ಏನು? ನಿರ್ಮಾಪಕರು ಯಾರು? ಯಾರ ನಿರ್ದೇಶನದಲ್ಲಿ ಸಿನಿಮಾ? ನಾಯಕ ನಟಿ ಯಾರಿರಬಹುದು? ಯಾವ ಶೈಲಿಯಲ್ಲಿ ಸಿನಿಮಾ ಮೂಡಿಬರಲಿದೆ ಎಂಬ ಚರ್ಚೆ ನಡೆಯುತ್ತಿದ್ದು, ನಟ ಯಶ್ ಅಧಿಕೃತ ಮಾಹಿತಿ ಕೊಡಬೇಕು ಎಂದು ಅಭಿಮಾನಿಗಳು ಬೇಡಿಕೆ ಇಟ್ಟಿದ್ದಾರೆ.
