ದಿವಂಗತ ಸುಶಾಂತ್ ಸಿಂಗ್ ರಜ್ಪೂತ್ ಬಾಲಿವುಡ್ ಚಿತ್ರರಂಗ ಕಂಡ ಅದ್ಭುತ ನಟ. ಆದ್ರೆ ಅವರಿಂದು ನಮ್ಮೊಂದಿಗಿಲ್ಲ ಎನ್ನುವುದು ಮಾತ್ರ ಕಹಿ ಸತ್ಯ. ಇಂದು ಸುಶಾಂತ್ ಸಿಂಗ್ ರಜಪೂತ್ ಅವರ ಹುಟ್ಟುಹಬ್ಬವನ್ನು ಅವರ ಅಭಿಮಾನಿಗಳು ವಿಶೇಷ ರೀತಿಯಲ್ಲಿ ಆಚರಿಸುತ್ತಿದ್ದಾರೆ. 37ನೇ ಹುಟ್ಟುಹಬ್ಬದ ಈ ದಿನದಂದು ನಮ್ಮನ್ನಗಲಿರುವ ಮೆಚ್ಚಿನ ನಟನಿಗೆ ಸೋಶಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳು ಶುಭ ಕೋರುತ್ತಿದ್ದಾರೆ. ಗೆಳತಿಯಾಗಿ ಗುತಿಸಿಕೊಂಡಿದ್ದ ರಿಯಾ ಚಕ್ರವರ್ತಿ ಕೂಡ ಸುಶಾಂತ್ ಸಿಂಗ್ ಅವರಿಗೆ ವಿಶೇಷವಾಗಿ ಶುಭ ಕೋರಿದ್ದಾರೆ.
ಸುಶಾಂತ್ ಜೊತೆ ರಿಯಾ ಚಕ್ರವರ್ತಿ ಫೋಟೋ : ಬಾಲಿವುಡ್ ನಟಿ ರಿಯಾ ಚಕ್ರವರ್ತಿ ಅವರು ದಿವಂಗತ ನಟ, ಗೆಳೆಯ ಸುಶಾಂತ್ ಸಿಂಗ್ ಅವರಿಗೆ ಸಾಮಾಜಿಕ ಮಾಧ್ಯಮದಲ್ಲಿ ವಿಶೇಷವಾಗಿ ಶುಭ ಕೋರಿದ್ದಾರೆ. ಸುಶಾಂತ್ ಸಿಂಗ್ ಜೊತೆಗಿರುವ ಎರಡು ಫೋಟೋಗಳನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ.
ರಿಯಾ ಚಕ್ರವರ್ತಿ ಪೋಸ್ಟ್ : ಸುಶಾಂತ್ ಸಿಂಗ್ ರಜ್ಪೂತ್ ಜನ್ಮ ದಿನೋತ್ಸವದಂದು ಅವರೊಂದಿಗಿನ ಫೋಟೋ ಶೇರ್ ಮಾಡಿದ್ದಾರೆ ನಟಿ ರಿಯಾ ಚಕ್ರವರ್ತಿ. ಈವರೆಗೆ ನೀವು ನೋಡಿರದ ಫೋಟೋ ಹಂಚಿಕೊಂಡಿರುವ ಅವರು, "♾️ +1 ♥️" ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ. ಈ ಪೋಸ್ಟ್ ಹೊರ ಬೀಳುತ್ತಿದ್ದಂತೆ ಅಭಿಮಾನಿಗಳು ಮತ್ತು ಸೆಲೆಬ್ರಿಟಿಗಳು ಕಾಮೆಂಟ್ ವಿಭಾಗದಲ್ಲಿ ಸಂದೇಶಗಳನ್ನು ಕಳುಹಿಸಲು ಆರಂಭಿಸಿದ್ದಾರೆ.
ಅಭಿಮಾನಿಗಳು ಭಾವುಕ : ನಟಿ ರಿಯಾ ಚಕ್ರವರ್ತಿ ಸ್ನೇಹಿತರ ಗುಂಪಿನಲ್ಲಿರುವ ಶಿಬಾನಿ ದಾಂಡೇಕರ್ ಈ ಪೋಸ್ಟ್ಗೆ ರೆಡ್ ಹಾರ್ಟ್ ಇಮೋಜಿ ಹಾಕಿ ತಮ್ಮ ಪ್ತೀತಿ ವ್ಯಕ್ತಪಡಿಸಿದ್ದಾರೆ. ಸೆಲೆಬ್ರಿಟಿಗಳಾದ ಕೃಷ್ಣ ಶ್ರಾಫ್ ಮತ್ತು ಸಿಮೋನ್ ಖಂಬಟ್ಟಾ ಕೂಡ ರಿಯಾ ಚಕ್ರವರ್ತಿ ಅವರ ಪೋಸ್ಟ್ಗೆ ಹೃದಯದ ಇಮೋಜಿ ಮೂಲಕ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ರಿಯಾ ಚಕ್ರವರ್ತಿ ಅವರ ಪೋಸ್ಟ್ ಅನೇಕ ಸೋಶಿಯಲ್ ಮೀಡಿಯಾ ಬಳಕೆದಾದರರನ್ನು ಭಾವುಕರನ್ನಾಗಿಸಿದೆ. ರಿಯಾ ಚಕ್ರವರ್ತಿ ಬೆನ್ನೆಲುಬಾಗಿ ಅಭಿಮಾನಿಗಳು ನಿಂತಿದ್ದಾರೆ.
- " class="align-text-top noRightClick twitterSection" data="
">
ಸುಶಾಂತ್ ಸಿಂಗ್ ರಜ್ಪೂತ್ ನಿಧನ : 2020ರ ಜೂನ್ 14ರಂದು ನಟ ಸುಶಾಂತ್ ಸಿಂಗ್ ರಜ್ಪೂತ್ ಮುಂಬೈನ ತಮ್ಮ ಅಪಾರ್ಟ್ಮೆಂಟ್ನಲ್ಲಿ ಶವವಾಗಿ ಪತ್ತೆಯಾದರು. ನಂತರ ಗೆಳತಿ ರಿಯಾ ಚಕ್ರವರ್ತಿ ವಿರುದ್ಧ ಆತ್ಮಹತ್ಯೆಗೆ ಪ್ರಚೋದನೆ ಹಾಗೂ ಮನಿ ಲಾಂಡರಿಂಗ್ ಆರೋಪದ ಮೇಲೆ ಪ್ರಕರಣ ದಾಖಲಿಸಲಾಗಿದೆ. ಇದಲ್ಲದೇ ನಟನ ಅಕಾಲಿಕ ಮರಣವು ಬಾಲಿವುಡ್ನಲ್ಲಿ ಡ್ರಗ್ಸ್ ಬಳಕೆ ಆರೋಪ ಸಂಬಂಧ ತನಿಖೆ ನಡೆಲು ಕಾರಣವಾಯ್ತು. ರಿಯಾ ಅವರ ಮೇಲಿನ ಆರೋಪವು ಅವರಿಗೆ ಮತ್ತು ಅವರ ಕುಟುಂಬಕ್ಕೆ ಅಮಾಮಾನ ತರಿಸಿತು. ವೃತ್ತಿಜೀವನಕ್ಕೂ ಅಡೆತಡೆ ಆಯ್ತು. 2020 ರ ಮೊದಲು ಅವರು ಚೆಹ್ರೆ (Chehre) ಅಲ್ಲಿ ಕಾಣಿಸಿಕೊಂಡಿದ್ದು ಬಿಟ್ಟರೆ ಈವರೆಗೆ ಅವರು ಯಾವುದೇ ಹೊಸ ಪ್ರೊಜೆಕ್ಟ್ ಘೋಷಣೆ ಮಾಡಿಲ್ಲ.
ಇದನ್ನೂ ಓದಿ: ಇಂದು ಸುಶಾಂತ್ ಸಿಂಗ್ ಜನ್ಮದಿನ.. ಬಾಲಿವುಡ್ ಧೋನಿ ನೆನಪು ಜೀವಂತ!
ಸುಶಾಂತ್ ಸಿಂಗ್ ರಜ್ಪೂತ್ ಸಿನಿಜರ್ನಿ : 1986ರ ಜನವರಿ 21ರಂದು ಬಿಹಾರದ ಪಾಟ್ನಾದಲ್ಲಿ ಜನಸಿದ ಸುಶಾಂತ್ ಸಿಂಗ್ ರಜ್ಪೂತ್ ತಮ್ಮ ಅತ್ಯುತ್ತಮ ಅಭಿನಯದ ಮೂಲಕ ಬಾಲಿವುಡ್ನಲ್ಲಿ ಮಿಂಚಿದರು. ದೆಹಲಿಯಲ್ಲಿ ಇಂಜಿನಿಯರಿಂಗ್ ವಿದ್ಯಾಭ್ಯಾಸದ ವೇಳೆ ಸುಶಾಂತ್ ಮುಂಬೈನ ಬದಿರಾ ಬಬ್ಬಾರ್ ನಾಟಕ ಕ್ಷೇತ್ರಕ್ಕೆ ಸೇರಿಕೊಂಡರು. ಐಶ್ವರ್ಯ ರೈ ಜೊತೆ ಫಿಲ್ಮ್ಫೇರ್ ಸಮಾರಂಭದಲ್ಲಿ ಡ್ಯಾನ್ಸ್ ಮಾಡುವ ಅವಕಾಶವನ್ನು ಸಹ ಪಡೆದುಕೊಂಡರು. ಬಳಿಕ 'ಪವಿತ್ರ ರಿಷ್ತಾ' ಸೀರಿಯಲ್ ಮೂಲಕ ಉತ್ತಮ ನಟನಾಗಿ ಹೊರಹೊಮ್ಮಿದರು. ಧಾರವಾಹಿ ಅಲ್ಲೇ ದೊಡ್ಡ ಅಭಿಮಾನಿ ಬಳಗ ಸಂಪಾದಿಸಿದ್ದರು. 2013ರಲ್ಲಿ 'ಕೋಯಿ ಪೋ ಚೆ' ಸಿನಿಮಾ ಮೂಲಕ ಬಾಲಿವುಡ್ ಲೋಕಕ್ಕೆ ಎಂಟ್ರಿ ಪಡೆದ ಅವರು ಸುಮಾರು 15 ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ದಾರೆ.
ಇದನ್ನೂ ಓದಿ: ಆಸ್ಕರ್ ಅಂಗಳದಲ್ಲಿ ಜೂನಿಯರ್ ಎನ್ಟಿಆರ್.. ಅಮೋಘ ಅಭಿನಯಕ್ಕೆ ಸಿಗುತ್ತಾ ಪ್ರಶಸ್ತಿ ಗರಿ?
