ಸೋಷಿಯಲ್ ಮೀಡಿಯಾದಲ್ಲೀಗ 'ಡಾನ್'ನದ್ದೇ ಹವಾ. ನಿನ್ನೆಯಷ್ಟೇ ನಿರ್ದೇಶಕ ಫರ್ಹಾನ್ ಅಖ್ತರ್ ಡಾನ್ 3 ಸಿನಿಮಾ ಘೋಷಿಸಿ ಸಿನಿರಸಿಕರಿಗೆ ಸಿಹಿ ಹಂಚಿದ್ದರು. ಇಂದು ನಾಯಕ ನಟನ ಸ್ಪೆಷಲ್ ವಿಡಿಯೋ ಶೇರ್ ಮಾಡಿ ಪ್ರೇಕ್ಷಕರಿಗೆ ಭರ್ಜರಿ ಪಾರ್ಟಿ ಕೊಟ್ಟಿದ್ದಾರೆ.
ಮುಂದಿನ ಡಾನ್ ರಣ್ವೀರ್ ಸಿಂಗ್: ಅಂದುಕೊಂಡಂತೆ ಮುಂದಿನ ಡಾನ್ ಆಗಿ ಬಹುಬೇಡಿಕೆ ನಟಿ ದೀಪಿಕಾ ಪಡಕೋಣೆ ಅವರ ಪತಿ, ಸೂಪರ್ ಸ್ಟಾರ್ ರಣ್ವೀರ್ ಸಿಂಗ್ ದರ್ಶನ ಕೊಡಲಿದ್ದಾರೆ. ಇಂದು ಚಿತ್ರತಂಡ ಶೇರ್ ಮಾಡಿರುವ ನಾಯಕ ನಟನ ಇಂಟ್ರೂಡಕ್ಷನ್ ವಿಡಿಯೋ ಅದ್ಭುತವಾಗಿದೆ. ಈ ಮೊದಲು ಡಾನ್ 3 ಸಿನಿಮಾದಲ್ಲಿ ರಣ್ವೀರ್ ಕಾಣಿಸಿಕೊಳ್ಳುತ್ತಾರೆ ಎಂದು ಹೇಳಲಾಗಿತ್ತು. ಇನ್ನು, ಮೊದಲೆರಡು ಭಾಗಗಳಲ್ಲಿದ್ದ ಕಿಂಗ್ ಖಾನ್ ಶಾರುಖ್ ಮುಂದಿನ ಭಾಗದಲ್ಲಿಲ್ಲ ಎಂದು ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿದ್ದಾರೆ.
- " class="align-text-top noRightClick twitterSection" data="">
ರಣ್ವೀರ್ ಸಿಂಗ್ ಫಸ್ಟ್ ಲುಕ್ ವಿಡಿಯೋ: ಫರ್ಹಾನ್ ಅಖ್ತರ್ ಅವರ ಆ್ಯಕ್ಷನ್ ಡ್ರಾಮಾ ಡಾನ್ 3ಗಾಗಿ ಪ್ರೇಕ್ಷಕರು ಬಹಳ ಸಮಯದಿಂದ ಕಾದು ಕುಳಿತಿದ್ದರು. ನಿನ್ನೆ ಸಿನಿಮಾ, ಇಂದು ನಾಯಕ ನಟನ ಘೋಷಣೆ ಆಗಿದೆ. ಫರ್ಹಾನ್ ಅಖ್ತರ್ ಮತ್ತು ಅವರ ಆಪ್ತ ಸ್ನೇಹಿತ ರಿತೇಶ್ ಸಿಧ್ವಾನಿ ಜೊತೆಗೂಡಿ ಸ್ಥಾಪಿಸಿರುವ ಸಿನಿಮಾ ಪ್ರೊಡಕ್ಷನ್ ಬ್ಯಾನರ್ ಎಕ್ಸೆಲ್ ಎಂಟರ್ಟೈನ್ಮೆಂಟ್ ಸಿನಿಮಾ ಮತ್ತು ನಾಯಕನನ್ನು ಘೋಷಿಸಿದೆ. ಇಂದು ರಣ್ವೀರ್ ಸಿಂಗ್ ಅವರ ಕುತೂಹಲಕಾರಿ ಫಸ್ಟ್ ಲುಕ್ ವಿಡಿಯೋವನ್ನು ಹಂಚಿಕೊಂಡಿದೆ.
ಶಾರುಖ್ ಬದಲಿಗೆ ರಣ್ವೀರ್: ಎಕ್ಸೆಲ್ ಎಂಟರ್ಟೈನ್ಮೆಂಟ್ ಇಂದು ಇನ್ಸ್ಟಾಗ್ರಾಮ್ನಲ್ಲಿ ರಣ್ವೀರ್ ಸಿಂಗ್ ಫಸ್ಟ್ ಲುಕ್ ವಿಡಿಯೋ ಶೇರ್ ಮಾಡಿ, ''ಹೊಸ ಯುಗ ಪ್ರಾರಂಭ. ರಣ್ವೀರ್ ಸಿಂಗ್ ಮತ್ತು ಫರ್ಹಾನ್ ಅಖ್ತರ್ ಕಾಂಬೋದಲ್ಲಿ ಡಾನ್ 3'' ಎಂದು ಬರೆದುಕೊಂಡಿದ್ದಾರೆ. ಮೊದಲೆಡು ಭಾಗ (ಡಾನ್ 1, 2) ಗಮನಾರ್ಹ ನಿರ್ಗಮನ. ಫರ್ಹಾನ್ ಅಖ್ತರ್ ಅವರ ಡಾನ್ 1 (2006) ಮತ್ತು ಅದರ ಸೀಕ್ವೆಲ್ ಡಾನ್ 2 (2011) ರಲ್ಲಿ ಸೂಪರ್ ಸ್ಟಾರ್ ಶಾರುಖ್ ಅವರು ಅದ್ಭುತ ಡಾನ್ ಆಗಿ ಕಾಣಿಸಿಕೊಂಡಿದ್ದಾರೆ. ಮೊದಲೆರಡೂ ಭಾಗಗಳಲ್ಲಿ ದೇಸಿ ಗರ್ಲ್ ಪ್ರಿಯಾಂಕಾ ಚೋಪ್ರಾ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: DON 3: ಮುಂದಿನ ಡಾನ್ ಶಾರುಖ್ ಅಲ್ಲ ರಣ್ವೀರ್! ಸಿಂಗ್ ಜೊತೆ ಕಿಯಾರಾ ಅಭಿನಯ
ಕಿಯಾರಾ ಅಡ್ವಾಣಿ ರಣ್ವೀರ್ಗೆ ಜೋಡಿಯಾಗ್ತಾರಾ? ಬಾಲಿವುಡ್ ಹಿರಿಯ ನಟ ಅಮಿತಾಭ್ ಬಚ್ಚನ್ ಅವರು 1978ರಲ್ಲಿ ಡಾನ್ ಸಿನಿಮಾದಲ್ಲಿ ನಟಿಸಿದ್ದರು. ಚಲನಚಿತ್ರದ ಹಕ್ಕು ಪಡೆದು ಫರ್ಹಾನ್ ಅಖ್ತರ್ ಅವರು ಡಾನ್ ಪ್ರಾಂಚೈಸಿ ಪ್ರಾರಂಭಿಸಿದರು. ಡಾನ್ 1 ಮತ್ತು 2ರಲ್ಲಿ ಕಿಂಗ್ ಖಾನ್ ಶಾರುಖ್ ಕಾಣಿಸಿಕೊಂಡಿದ್ದಾರೆ. ಇದೀಗ ಡಾನ್ 3ರಲ್ಲಿ ರಣ್ವೀರ್ ಕಾಣಿಸಿಕೊಳ್ಳಲಿದ್ದು ಸಿಂಗ್ಗೆ ಜೋಡಿಯಾಗಿ ಕಿಯಾರಾ ಅಡ್ವಾಣಿ ನಟಿಸಲಿದ್ದಾರೆ ಎಂಬುದು ಬಹುತೇಕ ಖಚಿತ ಮಾಹಿತಿ.
ಇದನ್ನೂ ಓದಿ: Mahesh Babu: ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಕುರಿತ ಇಂಟ್ರೆಸ್ಟಿಂಗ್ ವಿಚಾರಗಳು
