ಮುಂಬೈ: ರೊಮ್ಯಾಂಟಿಕ್ ಕಾಮಿಡಿ ಚಿತ್ರ ''ತು ಜೂಠಿ ಮೇ ಮಕ್ಕರ್' ನಿರ್ಮಾಪಕರು ಶೀಘ್ರದಲ್ಲೇ ಚಿತ್ರದ ಅಧಿಕೃತ ಟ್ರೇಲರ್ ಅನಾವರಣಗೊಳಿಸಲು ಸಿದ್ಧರಾಗಿದ್ದಾರೆ. ಲವ್ ರಂಜನ್ ನಿರ್ದೇಶನದ ಈ ಚಿತ್ರದಲ್ಲಿ ರಣಬೀರ್ ಕಪೂರ್, ಶ್ರದ್ಧಾ ಕಪೂರ್, ಬೋನಿ ಕಪೂರ್ ಮತ್ತು ಡಿಂಪಲ್ ಕಪಾಡಿಯಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಮಾರ್ಚ್ 8, 2023 ರಂದು ಈ ಚಿತ್ರ ತೆರೆಗೆ ಬರಲು ಸಿದ್ಧವಾಗಿದೆ. ಬಾಲಿವುಡ್‌ನಲ್ಲಿ ಕ್ಯೂಟ್ ಜೋಡಿ ಎಂದೇ ಕರೆಸಿಕೊಳ್ಳುವ ಶ್ರದ್ಧಾ ಕಪೂರ್ ಹಾಗೂ ರಣಬೀರ್ ಕಪೂರ್ ಅಭಿನಯದ ’ತು ಜೂಠಿ ಮೇ ಮಕ್ಕರ್’ ಚಿತ್ರದ ಟ್ರೇಲರ್ ಇದೇ 23ರಂದು ಬಿಡುಗಡೆ ಆಗಲಿದೆ.
- " class="align-text-top noRightClick twitterSection" data="
">
ಇದನ್ನೂ ಓದಿ: ಈ ಚಿತ್ರದ ಟೈಟಲ್ ಏನು..? ಅಭಿಮಾನಿಗಳ ತಲೆಗೆ ಹುಳ ಬಿಟ್ಟ ಶ್ರದ್ಧಾ ಕಪೂರ್!
ಈ ಕುರಿತು ತಮ್ಮ ಟ್ವಿಟರ್‌ ಖಾತೆಯಲ್ಲಿ ನಟಿ ಶ್ರದ್ಧಾ ಕಪೂರ್ ಮಾಹಿತಿ ಹಂಚಿಕೊಂಡಿದ್ದಾರೆ. ಚಿತ್ರದಲ್ಲಿನ ವಸ್ತುಗಳು, ಅಲ್ಲಿ ಕಾಣುವಷ್ಟು ಸನಿಹವಲ್ಲ ಎಂಬ ಅಡಿಬರಹವನ್ನು ಉಲ್ಲೇಖಿಸಿ, ಎಮೋಜಿ ಕೊಟ್ಟಿದ್ದಾರೆ. ಮುಂಬೈನಲ್ಲಿ ಅದ್ಧೂರಿ ಸಮಾರಂಭ ಆಯೋಜಿಸಿ 3 ನಿಮಿಷ 26 ಸೆಕೆಂಡ್ ಇರುವ 'ತು ಜೂಠಿ ಮೇ ಮಕ್ಕರ್' ಚಿತ್ರದ ಟ್ರೈಲರ್ ಬಿಡುಗಡೆ ಮಾಡಲಾಗುತ್ತದೆ.
ಈ ಸಿನಿಮಾ ರೊಮ್ಯಾಂಟಿಕ್– ಹಾಸ್ಯ ಕಥಾ ಹಂದಾರವನ್ನು ಒಳಗೊಂಡಿದೆ. ಪ್ರೇಕ್ಷಕರಿಗೆ ಖಂಡಿತ ಇಷ್ಟವಾಗುತ್ತದೆ. ಈ ಚಿತ್ರದ ಟ್ಯಾಗ್‌ಗಳನ್ನು ಪಠಾಣ್ ಸಿನಿಮಾ ಲಿಂಕ್‌ಗಳಿಗೆ ಲಗತ್ತಿಸಲಾಗಿದೆ. ಜಾಗತಿಕವಾಗಿ ಜನರನ್ನು ತಲುಪುವ ಪ್ರಯತ್ನವಾಗಿದೆ. ಚಿತ್ರದಲ್ಲಿ ಪ್ರೀತಮ್ ಮತ್ತು ಭೂಷಣ್ ಕುಮಾರ್ ಹಾಡುಗಳನ್ನು ಸಂಯೋಜಿಸಿದ್ದು, ಲವ್ ರಂಜನ್ ನಿರ್ದೇಶನದಲ್ಲಿ ಚಿತ್ರ ಮೂಡಿ ಬಂದಿದೆ.
-
Objects in the picture are not as close as they appear...😉#TuJhoothiMainMakkaar trailer out on 23rd Jan at 1 PM.#RanbirKapoor @luv_ranjan#AnshulSharma @modyrahulmody @gargankur #BhushanKumar @LuvFilms @TSeries pic.twitter.com/Sn4klu8heF
— Shraddha (@ShraddhaKapoor) January 20, 2023 " class="align-text-top noRightClick twitterSection" data="
">Objects in the picture are not as close as they appear...😉#TuJhoothiMainMakkaar trailer out on 23rd Jan at 1 PM.#RanbirKapoor @luv_ranjan#AnshulSharma @modyrahulmody @gargankur #BhushanKumar @LuvFilms @TSeries pic.twitter.com/Sn4klu8heF
— Shraddha (@ShraddhaKapoor) January 20, 2023Objects in the picture are not as close as they appear...😉#TuJhoothiMainMakkaar trailer out on 23rd Jan at 1 PM.#RanbirKapoor @luv_ranjan#AnshulSharma @modyrahulmody @gargankur #BhushanKumar @LuvFilms @TSeries pic.twitter.com/Sn4klu8heF
— Shraddha (@ShraddhaKapoor) January 20, 2023
ಈ ಚಿತ್ರದಲ್ಲಿ ಕಾರ್ತಿಕ್‌ ಆರ್ಯನ್ ಅವರು ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಬೋನಿ ಕಪೂರ್ ಮತ್ತು ಡಿಂಪಲ್ ಕಪಾಡಿಯಾ ಪ್ರಮುಖ ಪಾತ್ರಗಳಲ್ಲಿ ತೆರೆ ಮೇಲೆ ಕಾಣಿಸಲಿದ್ದಾರೆ. ಪಕ್ಕಾ ಫ್ಯಾಮಿಲಿ ಎಂಟರ್ಟೈನರ್‌ ಚಿತ್ರವಾಗಿದ್ದು, ಎಲ್ಲ ವರ್ಗದ ಜನರು ನೋಡಬಹುದಾಗಿದೆ ಎನ್ನುತ್ತದೆ ಚಿತ್ರತಂಡ. ಆ್ಯಕ್ಷನ್ ಥ್ರಿಲ್ಲರ್ ಚಿತ್ರ 'ಪಠಾನ್' ಪ್ರದರ್ಶನದ ಜತೆಗೆ 'ತು ಜೂಠಿ ಮೇ ಮಕ್ಕರ್' ಚಿತ್ರದ ಟ್ರೈಲರ್ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: ಹೊಸ ಚಿತ್ರದಲ್ಲಿ ರಣಬೀರ್ ಕಪೂರ್ - ಶ್ರದ್ಧಾ ಕಪೂರ್ ಬ್ಯೂಸಿ
ಬಾಲಿವುಡ್ ಬೆಳವಣಿಗೆಗೆ ಮಹಿಳೆಯರೇ ಕಾರಣ: ನಮ್ಮ ಹೊಸ ಕಾಲದ ಸಿನಿಮಾ ಕಥೆಗಳಲ್ಲಿ ಮಹಿಳೆಯರು ಅವಿಭಾಜ್ಯ ಅಂಗವಾಗಿದ್ದು, ಹಿಂದಿ ಚಿತ್ರರಂಗದ ವಿಕಾಸಕ್ಕೆ ಮಹಿಳೆಯರೇ ಕಾರಣ ಎಂದು ಬಾಲಿವುಡ್ ನಟಿ ಶ್ರದ್ಧಾ ಕಪೂರ್ ಇತ್ತೀಚೆಗೆ ಮಹಿಳೆಯರನ್ನು ಹಾಡಿ ಹೊಗಳಿದ್ದರು. ನಾವು ಪರದೆ ಮೇಲೆ ಕಥೆಗಳನ್ನು ಹೇಳುವ ರೀತಿಯಲ್ಲಿ ನಾವು ಸಂಪೂರ್ಣ ವಿಕಸನವನ್ನು ನೋಡುತ್ತಿದ್ದೇವೆ. ಮಹಿಳೆಯರು ಈ ಪ್ರಕ್ರಿಯೆಯಲ್ಲಿ ನಿರಂತರ ಭಾಗಿಯಾಗಿದ್ದಾರೆ. ನಾನು ನಮ್ಮ ಹಿಂದಿ ಚಿತ್ರರಂಗದ ಸಿನಿಮಾವನ್ನು ಮೆಚ್ಚಿಕೊಂಡು ಬೆಳೆದಿದ್ದೇನೆ. ಅದರಲ್ಲೂ ಮುಖ್ಯವಾಗಿ ಮಹಿಳೆಯರು ಚಿತ್ರರಂಗದ ಬೆಳವಣಿಗೆ ಪಥವನ್ನು ಹೇಗೆ ರೂಪಿಸಿದ್ದಾರೆ ಎಂಬುದನ್ನು ವೈಯಕ್ತಿಕವಾಗಿ ಗಮನಿಸಿದ್ದೇನೆ. ಅವರು ಕೇವಲ ಸಿನಿಮಾ ಮಾತ್ರವಲ್ಲದೇ ರಾಷ್ಟ್ರದ ಒಟ್ಟಾರೆ ಬೆಳವಣಿಗೆಯ ಅವಿಭಾಜ್ಯ ಅಂಗವಾಗಿದ್ದಾರೆ ಎಂದು ಕೊಂಡಾಡಿದ್ದರು.
ಇದನ್ನೂ ಓದಿ: ಹಿಂದಿ ಚಿತ್ರರಂಗದ ವಿಕಾಸಕ್ಕೆ ಮಹಿಳೆಯರೇ ಮುಖ್ಯ ಕಾರಣ: ಶ್ರದ್ಧಾ ಕಪೂರ್
