ರಾಣ ಪವರ್ ಟೈಟಲ್ನೊಂದಿಗೆ ಹಾಗೂ ಟ್ರೈಲರ್ನಿಂದಲೇ ಕನ್ನಡ ಚಿತ್ರರಂಗದಲ್ಲಿ ಬೇಜಾನ್ ಟಾಕ್ ಆಗುತ್ತಿರುವ ಚಿತ್ರ. ಈಗಾಗಲೇ ವಿಷ್ಣುದಾದ ಹಾಗೂ ಪವರ್ ಸ್ಟಾರ್ ಫ್ಯಾನ್ ಆಗಿರುವ ಪಡ್ಡೆಹುಲಿ ಶ್ರೇಯಸ್ ಮಂಜು ಸದ್ಯ ರಾಣ ಸಿಲ್ವರ್ ಸ್ಕ್ರೀನ್ ಮೇಲೆ ಅಬ್ಬರಿಸೋದಕ್ಕೆ ಸಜ್ಜಾಗಿದ್ದಾರೆ. ಖ್ಯಾತ ನಿರ್ಮಾಪಕ ಕೆ ಮಂಜು ಮಗನಾಗಿರೋ ಶ್ರೇಯಸ್ ಮಂಜುಗೆ ವಿಷ್ಣುದಾದ ಹಾಗೂ ಅಪ್ಪು ಅವರ ತರ ಅಭಿಮಾನಿಗಳ ಪ್ರೀತಿ ಗಳಿಸಿ ಸ್ಟಾರ್ ಆಗುವ ಕನಸು ಕಂಡಿದ್ದಾರೆ. ಈ ಕನಸಿನೊಂದಿಗೆ ಶ್ರೇಯಸ್ ಮಂಜು ಇದೇ ನವೆಂಬರ್ 11ಕ್ಕೆ ರಾಣನಾಗಿ ಬೆಳ್ಳಿತೆರೆ ಮೇಲೆ ಮಿಂಚಲು ರೆಡಿಯಾಗಿದ್ದಾರೆ.
ಅದಕ್ಕೂ ಮುಂಚೆ ರಾಣ ಸಿನಿಮಾದ ತಾಕತ್ ಏನು ಅನ್ನೋದನ್ನ ಹೇಳುತ್ತೇವೆ. ಈಗಾಗ್ಲೇ ರಾಣ ಚಿತ್ರದ ಟ್ರೈಲರ್ ಪಂಚಿಂಗ್ ಡೈಲಾಗ್ ಜೊತೆಗೆ ಶ್ರೇಯಸ್ ಮಂಜು ಎಂಟ್ರಿ, ಆ್ಯಕ್ಷನ್ ನೋಡಿದವರು ರಾಣ ಚಿತ್ರದ ಈ ವರ್ಷದ ಹಿಟ್ ಸಿನಿಮಾಗಳಲ್ಲಿ ಸಾಲಿನಲ್ಲಿ ಒಂದಾಗಲಿದೆ ಅಂತಾ ಭವಿಷ್ಯ ನುಡಿದಿದ್ದಾರೆ. ಅದರಂತೆ ರಾಣ ಚಿತ್ರದ ಹೀರೋ ಹಾಗೂ ಹೀರೋಯಿನ್ ಇಂಟ್ರುಡಕ್ಷನ್ ಟೀಸರ್ ಅನ್ನು ರಿವೀಲ್ ಮಾಡಿದೆ.
ಮಾಸ್ ಅಭಿಮಾನಿಗಳಿಗೆ ಕಿಕ್: ಸದ್ಯ ಅನಾವರಣಗೊಂಡಿರುವ ನಾಯಕನ ಟೀಸರ್ ನೋಡಿದ್ರೆ ಚಿತ್ರದಲ್ಲಿ ರಾಣನಾಗಿ ಕಾಣಿಸಿಕೊಂಡಿರುವ ಶ್ರೇಯಸ್ ತಮ್ಮ ಪಾತ್ರಕ್ಕೆ ಸಾಕಷ್ಟು ಸಿದ್ಧತೆಗಳನ್ನು ಮಾಡಿಕೊಂಡು ಫೀಲ್ಡ್ಗೆ ಎಂಟ್ರಿ ಕೊಟ್ಟಿದ್ದಾರೆ. ಅದಕ್ಕೆ ಸಾಕ್ಷಿ ಎಂಬಂತೆ ಈ ಕಿಕ್ ಕೊಡುವ ಡೈಲಾಗ್ಗಳು. ಹಳ್ಳಿಯವರು ಅಂದ್ರೆ ಸಾಮಾನ್ಯ ಅಂದುಕೊಳ್ಳಬೇಡ. ಹಳ್ಳಿ ಗಲ್ಲಿಯಲ್ಲಿ ಬೆಳೆದೋರೇ ದಿಲ್ಲಿಯನ್ನು ಆಳೋರೆ.. ನಮಗೋಸ್ಕರ ಇರುವ ರಕ್ಷಕರೇ ಕಣೋ ಈ ಆರಕ್ಷಕರು. ಅಂಥವರ ಮುಂದೆ ಕೈ ಎತ್ತಬೇಕಿರೋದು ಹೊಡೆಯೋದಿಕ್ಕೆ ಅಲ್ಲ. ಸೆಲ್ಯೂಟ್ ಹೊಡೆಯೋಕೆ ಎಂದು ಪಂಚಿಂಗ್ ಡೈಲಾಗ್ಸ್ ಮಾಸ್ ಅಭಿಮಾನಿಗಳಿಗೆ ಕಿಕ್ ಕೊಡಲಿವೆ.
