ರಾಕಿಂಗ್ ಸ್ಟಾರ್ ಯಶ್ ಹಾಗೂ ನಟಿ, ಪತ್ನಿ ರಾಧಿಕಾ ಪಂಡಿತ್ ಕನ್ನಡ ಚಿತ್ರರಂಗದ ಮಾದರಿ ತಾರಾ ದಂಪತಿ. ಸಿನಿಮಾ ಸಾಧನೆಯ ಜೊತೆಜೊತೆಗೆ ವೈಯಕ್ತಿಕ ವಿಷಯಗಳಿಂದಲೂ ಹಲವರಿಗೆ ಸ್ಫೂರ್ತಿಯಾಗಿದ್ದಾರೆ. ಯಶ್ ಕೇವಲ ಸೂಪರ್ ಸ್ಟಾರ್ ಮಾತ್ರವಲ್ಲ, ಓರ್ವ ಪರ್ಫೆಕ್ಟ್ ಫ್ಯಾಮಿಲಿ ಮ್ಯಾನ್ ಕೂಡ ಹೌದು.
ಕಡಲ ತೀರದಲ್ಲಿ ಸಂಭ್ರಮದ ಕ್ಷಣ: ರಾಧಿಕಾ ಪಂಡಿತ್ ಆಗಾಗ್ಗೆ ಹೊಸ ಫೋಟೋಗಳನ್ನು ಹಂಚಿಕೊಳ್ಳುತ್ತಾರೆ. ಖುಷಿ ಕ್ಷಣಗಳ ಚಿತ್ರಗಳು ಅಭಿಮಾನಿಗಳ ಹೃದಯ ಆವರಿಸುತ್ತವೆ. ಅದರಂತೆ ಇಂದೂ ಕೂಡ ಸುಂದರ ಚಿತ್ರವೊಂದನ್ನು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ. ಕಡಲ ತೀರದಲ್ಲಿ ರಾಕಿಂಗ್ ಫ್ಯಾಮಿಲಿ ಸಖತ್ ಎಂಜಾಯ್ ಮೂಡ್‌ನಲ್ಲಿರುವುದನ್ನು ಚಿತ್ರದಲ್ಲಿ ನೋಡಬಹುದು.
ಅಭಿಮಾನಿಗಳಿಂದ ಮೆಚ್ಚುಗೆ: ಯಶ್, ಮುದ್ದಾದ ಮಗಳು ಐರಾ ಜೊತೆಗಿನ ಫೋಟೋವನ್ನು ರಾಧಿಕಾ ಶೇರ್ ಮಾಡಿದ್ದಾರೆ. ಕಡಲ ತೀರದಲ್ಲಿ ಮಿಸ್ಟರ್ ಆ್ಯಂಡ್ ಮಿಸೆಸ್ ರಾಮಾಚಾರಿ ಕುಳಿತಿದ್ದಾರೆ. ಪುತ್ರಿ ಐರಾ ತಂದೆಯ ಭುಜದ ಮೇಲಿದ್ದಾಳೆ. ಇದೊಂದು ಕಂಪ್ಲೀಟ್ ಫ್ಯಾಮಿಲಿ ಟೈಮ್ ಎಂದಿರುವ ಅಭಿಮಾನಿಗಳು ಹರ್ಷ ವ್ಯಕ್ತಪಡಿಸಿದ್ದಾರೆ.
ಯಶ್ 19 ಅಪ್ಡೇಟ್ಸ್ಗೆ ಒತ್ತಾಯ: ಸೋಷಿಯಲ್ ಮೀಡಿಯಾದಲ್ಲಿ ರಾಧಿಕಾ ಪಂಡಿತ್ ಹಂಚಿಕೊಂಡಿರುವ ಫೋಟೋ ಸಖತ್ ವೈರಲ್ ಆಗಿದೆ. ಇದೇ ವೇಳೆ, ಯಶ್ 19 ಸಿನಿಮಾದ ಅಪ್ಡೇಟ್ಸ್ ಕೊಡುವಂತೆ ಫ್ಯಾನ್ಸ್‌ ದುಂಬಾಲು ಬಿದ್ದಿದ್ದಾರೆ. ರಾಧಿಕಾ ಪಂಡಿತ್ ಪೋಸ್ಟ್ಗೆ ಪ್ರತಿಕ್ರಿಯಿಸಿದ ಅಭಿಮಾನಿಯೋರ್ವರು, 'ಯಾರ ದೃಷ್ಟಿಯೂ ಬೀಳದಿರಲಿ' ಎಂದು ಹರಸಿದ್ದಾರೆ. ಮತ್ತೊಬ್ಬರು ಕಾಮೆಂಟ್ ಮಾಡಿ 'ನೆನಪುಗಳ ಸೃಷ್ಟಿ' ಎಂದು ಬರೆದಿದ್ದಾರೆ. ಉಳಿದಂತೆ, ಬಹುತೇಕರು 'ಯಶ್ 19 ಅಪ್ಡೇಟ್ಸ್ಗೆ ಕಾಯುತ್ತಿದ್ದೇವೆ', 'ಯಶ್ 19' ಎಂದು ನಿರೀಕ್ಷೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ರಾಕಿಂಗ್ ಸ್ಟಾರ್ ಅಭಿಮಾನಿಗಳೇ ಕೇಳಿ; ಗಣೇಶ ಹಬ್ಬದಂದು ಯಶ್ ಕೊಡಲಿದ್ದಾರೆ ಬಿಗ್ ಸರ್ಪ್ರೈಸ್!
ಯಶ್ ಸರ್ಪ್ರೈಸ್: ಕಳೆದ ವರ್ಷ ಏಪ್ರಿಲ್‍ 14ರಂದು ಕೆಜಿಎಫ್‍ 2 ಸಿನಿಮಾ ಬಿಡುಗಡೆ ಆಗಿತ್ತು. ನಿರೀಕ್ಷೆ ಮೀರಿ ಅಭೂತಪೂರ್ವ ಯಶಸ್ಸು ಗಳಿಸಿತ್ತು. ಈ ಸಿನಿಮಾ ಯಶ್ ಅವರ ಜನಪ್ರಿಯತೆಯನ್ನು ಮತ್ತಷ್ಟು ಎತ್ತರಕ್ಕೆ ಹೆಚ್ಚಿಸಿತ್ತು. ಯಶ್ ನಟಿಸಿದ್ದು 18 ಸಿನಿಮಾಗಳಲ್ಲಾದರೂ, ಸಿಕ್ಕ ಜನಪ್ರಿಯತೆ ಅಷ್ಟಿಷ್ಟಲ್ಲ. ಹಾಗಾಗಿ ಮುಂದಿನ ಸಿನಿಮಾಗಳ ಮೇಲೆ ಎಲ್ಲರ ಗಮನ ನೆಟ್ಟಿದೆ. ಆದ್ರೆ ಯಶ್ ಈ ಕುರಿತು ಯಾವುದೇ ಸುಳಿವು ಬಿಟ್ಟುಕೊಟ್ಟಿಲ್ಲ. ಆಪ್ತರ ಮಾಹಿತಿ ಪ್ರಕಾರ, ಗಣೇಶ ಚತುರ್ಥಿ ಹಬ್ಬದ ಸಂದರ್ಭದಲ್ಲಿ 'ರಾಕಿ ಭಾಯ್‌' ತಮ್ಮ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಕೊಡ್ತಾರಂತೆ!.
ಇದನ್ನೂ ಓದಿ: ವೆಲ್ಕಮ್ ಟು ದ ಜಂಗಲ್ ಟೀಸರ್: ರವೀನಾ ಟಂಡನ್ಗೆ 'Purane Chawal' ಎಂದ ಅಕ್ಷಯ್ ಕುಮಾರ್
