'ಅನಿಮಲ್'ನ ಪಾಪ ಮೇರಿ ಜಾನ್‌: ಮಕ್ಕಳ ದಿನಾಚರಣೆಯಂದು ತಂದೆ ಮಗನ ಹಾಡು ಅನಾವರಣ

'ಅನಿಮಲ್' ಸಿನಿಮಾದಿಂದ ತಂದೆ ಮಗನ ಕುರಿತ ಹಾಡು 'ಪಾಪ ಮೇರಿ ಜಾನ್‌' ಅನಾವರಣಗೊಂಡಿದೆ.

ಬಾಲಿವುಡ್​ ಸ್ಟಾರ್ ಹೀರೋ ರಣ್​ಬೀರ್​ ಕಪೂರ್ ಮತ್ತು ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ಮುಖ್ಯಭೂಮಿಕೆಯ​ ಮುಂಬರುವ ಆ್ಯಕ್ಷನ್​​ ಥ್ರಿಲ್ಲರ್ ಸಿನಿಮಾ 'ಅನಿಮಲ್'. ಚಿತ್ರ ತಯಾರಕರಿಂದು ಚಿತ್ರದ ಮೂರನೇ ಹಾಡು 'ಪಾಪ ಮೇರಿ ಜಾನ್‌' ಅನ್ನು ಅನಾವರಣಗೊಳಿಸಿದ್ದಾರೆ. ಮಕ್ಕಳ ದಿನಾಚರಣೆಯಂದು ತಂದೆ ಮಗನ ಹಾಡು ಬಿಡುಗಡೆ ಆಗಿದೆ. ಅನಿಲ್ ಕಪೂರ್ ಹಾಗೂ ರಣ್​​​ಬೀರ್ ಕಪೂರ್ ನಡುವಿನ ಸಂಬಂಧ ಈ ಚಿತ್ರದಲ್ಲಿ ಹೇಗಿರಲಿದೆ ಎಂಬುದರ ಒಂದು ಸಣ್ಣ ನೋಟವನ್ನು ಪಾಪ ಮೇರಿ ಜಾನ್‌ ಕೊಟ್ಟಿದೆ.

• " class="align-text-top noRightClick twitterSection" data="">

ನಟ ಅನಿಲ್ ಕಪೂರ್ ತಮ್ಮ ಅಧಿಕೃತ ಇನ್​ಸ್ಟಾಗ್ರಾಮ್​ನಲ್ಲಿ ಹಾಡಿನ ಫೋಸ್ಟರ್ ಹಂಚಿಕೊಂಡು, ಪಂಚ ಭಾಷೆಗಳಲ್ಲಿ ಮನಮುಟ್ಟುವ ಹಾಡು ಅನಾವರಣಗೊಂಡಿದೆ ಎಂದು ಬರೆದುಕೊಂಡಿದ್ದಾರೆ. ಹಿಂದಿ, ತೆಲುಗು, ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷೆಗಳಲ್ಲಿ ಸಿನಿಮಾ ಬಿಡುಗಡೆ ಆಗಲಿದೆ. ಐದು ಭಾಷೆಗಳಲ್ಲಿಯೂ ಇಂದು ಸಾಂಗ್​ ರಿಲೀಸ್​ ಆಗಿದೆ. ಪಾಪ ಮೇರಿ ಜಾನ್​, ನಾನ್ನ ನೂವು ನಾ ಪ್ರಾಣಂ, ನೀ ಎನ್ ಉಲಗಮ್, ನನ್ನ ರವಿ ನೀನೆ, ನೀಯಾನಖಿಲಂ ಶೀರ್ಷಿಕೆಗಳಲ್ಲಿ ಹಾಡು ಬಿಡುಗಡೆ ಆಗಿದೆ. ಹಿಂದಿ ಆವೃತ್ತಿಯನ್ನು ಖ್ಯಾತ ಗಾಯಕ ಸೋನು ನಿಗಮ್ ಹಾಡಿದ್ದಾರೆ. ಸೋನು ಅವರ ಮಧುರ ದನಿ, ರಣ್​​ಬೀರ್ ಮತ್ತು ಅನಿಲ್ ಕಪೂರ್ ಅವರ ನಟನೆ ಈ ಚಿತ್ರದಲ್ಲಿನ ತಂದೆ ಮಗನ ನಡುವಿನ ಸೂಕ್ಷ್ಮ ವಿಚಾರಗಳನ್ನು ಅಚ್ಚುಕಟ್ಟಾಗಿ ಬಹಿರಂಗಪಡಿಸಿದೆ.

ಸಂದೀಪ್​ ರೆಡ್ಡಿ ವಂಗಾ ನಿರ್ದೇಶನದ 'ಅನಿಮಲ್' ಚಿತ್ರದ ಟೀಸರ್ ಕಳೆದ ಕೆಲ ದಿನಗಳ ಹಿಂದೆ ಬಿಡುಗಡೆ ಆಗಿದ್ದು, ತಂದೆ ಮಗನ ಸಂಬಂಧದಲ್ಲಿನ ಅಂತರವನ್ನು ಸೂಚಿಸಿತ್ತು. ಇದೀಗ ಬಿಡುಗಡೆಯಾಗಿರುವ ಈ ಹಾಡು ರಣ್​ಬೀರ್​ ಕಪೂರ್​ - ಅನಿಲ್​ ಕಪೂರ್​​ ರಿಲೇಶನ್​​ಶಿಪ್ ಬಗ್ಗೆ ಕುತೂಹಲ ಹೆಚ್ಚಿಸಿದೆ. ಈಗಾಗಲೇ ಬಿಡುಗಡೆ ಆಗಿರುವ ಹುವಾ ಮೈನ್ ಮತ್ತು ಸತ್ರಂಗ ಹಾಡುಗಳು ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಸ್ವೀಕರಿಸಿದೆ. ಇಂದು ರಿಲೀಸ್​ ಆಗಿರುವ 'ಪಾಪಾ ಮೇರಿ ಜಾನ್' ಪ್ರೇಕ್ಷಕರ ಮನ ಮುಟ್ಟುವಂತಿದ್ದು, ಸಿನಿಮಾ ಮೇಲಿನ ಕುತೂಹಲ ಹೆಚ್ಚಿಸುವುದರಲ್ಲಿ ಸಂದೇಹವೇ ಇಲ್ಲ.

ಇದನ್ನೂ ಓದಿ: 54th IFFI: ಗೋವಾದಲ್ಲಿ ನಡೆಯಲಿರುವ ಪ್ರತಿಷ್ಠಿತ ಚಲನಚಿತ್ರೋತ್ಸವದ ಮಾಹಿತಿ ನಿಮಗಾಗಿ

ಅನಿಮಲ್ ಸಿನಿಮಾವನ್ನು ಭೂಷಣ್ ಕುಮಾರ್ ಮತ್ತು ಕ್ರಿಶನ್ ಕುಮಾರ್ ಅವರ ಟಿ - ಸೀರೀಸ್, ಪ್ರಣಯ್ ರೆಡ್ಡಿ ವಂಗಾ ಅವರ ಭದ್ರಕಾಳಿ ಪಿಕ್ಚರ್ಸ್ ಮತ್ತು ಮುರಾದ್ ಖೇತಾನಿಯವರ ಸಿನಿ 1 ಸ್ಟುಡಿಯೋಸ್ ನಿರ್ಮಾಣ ಮಾಡಿದೆ. ತ್ರಿಪ್ತಿ ಡಿಮ್ರಿ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ರಶ್ಮಿಕಾ ಮಂದಣ್ಣ ಅವರು ರಣ್​​ಬೀರ್ ಕಪೂರ್ ಅವರ ಸಂಗಾತಿ ಗೀತಾಂಜಲಿ ಪಾತ್ರ ನಿರ್ವಹಿಸಿದ್ದಾರೆ. ಚಿತ್ರ ಆಗಸ್ಟ್ 11ಕ್ಕೆ ಬಿಡುಗಡೆಗೊಳ್ಳಲು ಸಿದ್ಧತೆ ನಡೆಸಲಾಗಿತ್ತು. ಆದರೆ, ಪೋಸ್ಟ್ ಪ್ರೊಡಕ್ಷನ್ ಕೆಲಸ ವಿಳಂಬವಾದ ಕಾರಣ ಬಿಡುಗಡೆ ದಿನಾಂಕ ಮುಂದೂಡಲಾಯ್ತು. ಡಿಸೆಂಬರ್ 1ರಂದು ಚಿತ್ರಮಂದಿರಗಳಲ್ಲಿ ಅನಿಮಲ್ ತೆರೆಕಾಣಲಿದೆ.

ಇದನ್ನೂ ಓದಿ: ಸಾಲು ಸಾಲು ಸಿನಿಮಾಗಳಲ್ಲಿ ಶ್ರೀಲೀಲಾ ಬ್ಯುಸಿ: ಹೊಸ ಚಿತ್ತಾರಗಳಲ್ಲಿ ಚೆಲುವೆ ಮಿಂಚಿಂಗ್​