ಓಎಂಜಿ 2 ಮತ್ತು ಗದರ್ 2 ಬಾಲಿವುಡ್ನ ಬಹುನಿರೀಕ್ಷಿತ ಸಿನಿಮಾಗಳು. ಈ ಎರಡೂ ಸಿನಿಮಾಗಳು ಚಿತ್ರಮಂದಿರಗಳಲ್ಲಿ ಒಂದೇ ದಿನ ತೆರೆಕಾಣಲು ಸಜ್ಜಾಗಿವೆ. ಬಾಕ್ಸ್ ಆಫೀಸ್ನಲ್ಲಿ ಫೈಟ್ ನಡೆಯಲಿದ್ದು, ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಮುಖ್ಯಭೂಮಿಕೆಯ ಸಿನಿಮಾ ಹಿನ್ನಡೆ ಕಾಣುವ ಸಾಧ್ಯತೆಗಳು ಹೆಚ್ಚಿವೆ.
ಗದರ್ 2 ಬಾಲಿವುಡ್ನ ಯಶಸ್ವಿ ಚಲನಚಿತ್ರ 'ಗದರ್: ಏಕ್ ಪ್ರೇಮ್ ಕಥಾ'ದ ಸೀಕ್ವೆಲ್. ಪ್ರೇಕ್ಷಕರು ಕುತೂಹಲದಿಂದ ಕಾಯುತ್ತಿರುವ ಈ ಸಿನಿಮಾ ಇದೇ ಆಗಸ್ಟ್ 11ರಂದು ಥಿಯೇಟರ್ಗಳಲ್ಲಿ ಬಿಡುಗಡೆ ಆಗಲಿದೆ. ನಿರೀಕ್ಷೆಗೂ ಮೀರಿ ಮುಂಗಡ ಟಿಕೆಟ್ ಬುಕಿಂಗ್ ನಡೆಯುತ್ತಿದೆ. ಸಿನಿಮಾ ಅಭೂತಪೂರ್ವ ಯಶಸ್ಸು ಸಾಧಿಸುವ ಸಾಧ್ಯತೆ ಇದೆ ಅನ್ನೋದು ಸಿನಿ ಪಂಡಿತರ ಭವಿಷ್ಯವಾಣಿ. ಸನ್ನಿ ಡಿಯೋಲ್ ಮತ್ತು ಅಮೀಶಾ ಪಟೇಲ್ ಜೊತೆಗೆ ಉತ್ಕರ್ಷ್ ಶರ್ಮಾ ಸಿನಿಮಾದಲ್ಲಿ ನಟಿಸಿದ್ದಾರೆ.
ಓಎಂಜಿ 2 ಹಿಂದಿ ಚಿತ್ರರಂಗದ ಮತ್ತೊಂದು ಸೂಪರ್ ಹಿಟ್ ಚಿತ್ರದ ಸೀಕ್ವೆಲ್. ಅಕ್ಷಯ್ ಕುಮಾರ್ ಮುಖ್ಯಭೂಮಿಕೆಯ ಓ ಮೈ ಗಾಡ್ 2 ಸಿನಿಮಾ ಕೂಡ ಆಗಸ್ಟ್ 11ರಂದೇ ಚಿತ್ರಮಂದಿರಗಳಲ್ಲಿ ತೆರೆಕಾಣುತ್ತಿದೆ. ಅಕ್ಷಯ್ ಕುಮಾರ್‌ರೊಂದಿಗೆ ಪ್ರಮುಖ ಪಾತ್ರದಲ್ಲಿ ಪಂಕಜ್ ತ್ರಿಪಾಠಿ ಮತ್ತು ಯಾಮಿ ಗೌತಮ್ ನಟಿಸಿದ್ದು, ಬಾಕ್ಸ್ ಆಫೀಸ್ನಲ್ಲಿ ಗದರ್ 2 ಜೊತೆ ಗುದ್ದಾಟ ನಡೆಸಲಿದೆ.
ಗದರ್ 1 ಚಿತ್ರ ಅನಿಲ್ ಶರ್ಮಾ ನಿರ್ದೇಶನದಲ್ಲಿ ಮೂಡಿಬಂದಿತ್ತು. ಗದರ್ 1 ಚಿತ್ರಕ್ಕೂ ಅನಿಲ್ ಶರ್ಮಾ ಅವರೇ ಆ್ಯಕ್ಷನ್ ಕಟ್ ಹೇಳಿದ್ದು, ಮೊದಲ ಭಾಗದಲ್ಲಿದ್ದ ಸನ್ನಿ ಡಿಯೋಲ್ ಮತ್ತು ಅಮೀಶಾ ಪಟೇಲ್ ಅವರೇ ಸೀಕ್ವೆಲ್ನಲ್ಲಿ ಮುಂದುವರಿದಿದ್ದಾರೆ. ಪ್ರಮೋಶನ್ ಭರದಿಂದ ಸಾಗುತ್ತಿದೆ. 20 ವರ್ಷಗಳ ಬಳಿಕ ಬರುತ್ತಿರುವ ಸೀಕ್ವೆಲ್ ಆಗಿರುವ ಹಿನ್ನೆಲೆಯಲ್ಲಿ ಸಾಕಷ್ಟು ನಿರೀಕ್ಷೆಗಳಿವೆ. ಮುಂಗಡ ಟಿಕೆಟ್ ಬುಕಿಂಗ್ನಲ್ಲಿ ಗಮನಾರ್ಹ ವ್ಯವಹಾರ ನಡೆಯುತ್ತಿದೆ. ಮುಂಗಡ ಟಿಕೆಟ್ ಬುಕಿಂಗ್ ಸಂಖ್ಯೆ ಕ್ಷಣ ಕ್ಷಣಕ್ಕೂ ಹೆಚ್ಚುತ್ತಲೇ ಇದೆ.
ಇದನ್ನೂ ಓದಿ: Friendship Day: ಸ್ನೇಹಿತರೊಂದಿಗೆ ಕುಣಿದು ಕುಪ್ಪಳಿಸಿದ ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್
ಸಿನಿ ಇಂಡಸ್ಟ್ರಿ ತಜ್ಞ ಸ್ಯಾಕ್ನಿಲ್ಕ್ ಪ್ರಕಾರ, ಆಗಸ್ಟ್ 5ರ ರಾತ್ರಿ 9 ಗಂಟೆಯ ಹೊತ್ತಿಗೆ 110K ಗೂ ಹೆಚ್ಚು ಟಿಕೆಟ್‌ಗಳು ಮಾರಾಟವಾಗಿವೆ. ಇದು ಸುಮಾರು 2.80 ಕೋಟಿ ರೂ. ಆದಾಯ ತರಲಿದೆ. ಸಿನಿಮಾ ತೆರೆ ಕಾಣುವ ಮೊದಲ ದಿನಕ್ಕಾಗಿ 31K ಟಿಕೆಟ್ಸ್ ಮಾರಾಟವಾಗಿದೆ. ಆ ಪೈಕಿ, ಪಿವಿಆರ್ ಒಂದರಲ್ಲೇ 15K ಟಿಕೆಟ್ ಮಾರಾಟವಾಗಿದೆ. ಒಟ್ಟಾರೆ ಮುಂಗಡ ಟಿಕೆಟ್ ಬುಕಿಂಗ್ ವ್ಯವಹಾರ ಉತ್ತಮವಾಗಿದೆ.
ಇದನ್ನೂ ಓದಿ: ಮುಂಬೈ ಏರ್ಪೋರ್ಟ್ನಲ್ಲಿ ಬಾಲಿವುಡ್ ಬೆಡಗಿಯರು: ದೀಪಿಕಾ, ಕತ್ರಿನಾ ನೋಟಕ್ಕೆ ಅಭಿಮಾನಿಗಳ ದಿಲ್‌ ಖುಷ್‌
ಅಕ್ಷಯ್ ಕುಮಾರ್ ಮುಖ್ಯಭೂಮಿಕೆಯ ಓ ಮೈ ಗಾಡ್ 2 ಮುಂಗಡ ಟಿಕೆಟ್ ಬುಕಿಂಗ್ ವ್ಯವಹಾರ ಹೇಳುವಷ್ಟೇನು ಉತ್ತಮವಾಗಿಲ್ಲ. ನಿನ್ನೆ ಸಂಜೆ ಹೊತ್ತಿಗೆ 18,000 ಟಿಕೆಟ್ಗಳನ್ನು ಮಾರಾಟ ಮಾಡಿವೆ. ಬಾಕ್ಸ್ ಆಫೀಸ್ನಲ್ಲಿ ಹಿನ್ನೆಡೆ ಕಂಡಿರುವ ಅಕ್ಷಯ್ ಕುಮಾರ್ಗೆ ಗೆಲುವಿನ ಅಗತ್ಯತೆ ಬಹಳಷ್ಟಿದೆ. ಹೀಗಾಗಿ ತಮ್ಮ ಮುಂದಿನ ಚಿತ್ರದ ಮೇಲೆ ಸಾಕಷ್ಟು ಭಾರ ಹಾಕಿದ್ದಾರೆ.
