ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ನಟನೆಯ ಬಹುನಿರೀಕ್ಷಿತ 'ಜವಾನ್' ಸಿನಿಮಾದ ಪ್ರಿವ್ಯೂ ಈಗಾಗಲೇ ಬಿಡುಗಡೆಯಾಗಿ ಟ್ರೆಂಡಿಂಗ್ನಲ್ಲಿದೆ. ಲೇಡಿ ಸೂಪರ್ಸ್ಟಾರ್ ನಯನತಾರಾ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರ ಮಾಡಿದ್ದಾರೆ. ಆದರೆ ಪ್ರಿವ್ಯೂನಲ್ಲಿ ನಯನತಾರಾ ಹಾಗೂ ವಿಜಯ್ ಸೇತುಪತಿ ಅವರನ್ನು ಒಮ್ಮೆ ಮಾತ್ರ ತೋರಿಸಲಾಗಿದೆ. ಇದೀಗ ಚಿತ್ರ ತಯಾರಕರು ನಯನತಾರಾ ಅವರ ಫೋಟೋವನ್ನು ಪ್ರಮುಖವಾಗಿರಿಸಿ ಪೋಸ್ಟರ್ ಅನ್ನು ಬಿಡುಗಡೆಗೊಳಿಸುವ ಮೂಲಕ ಅಭಿಮಾನಿಗಳಿಗೆ ಟ್ರೀಟ್ ನೀಡಿದ್ದಾರೆ.
ಜವಾನ್‌ನ ನಯನತಾರಾ ಅವರ ಉಬರ್-ಸ್ಟೈಲಿಶ್ ಪೋಸ್ಟರ್ ಅನ್ನು ಹಂಚಿಕೊಳ್ಳಲು ನಟ ಶಾರುಖ್ ಖಾನ್ ಇನ್ಸ್ಟಾ ವೇದಿಕೆಯನ್ನು ಬಳಸಿಕೊಂಡರು. ಗನ್ ಹಿಡಿದುಕೊಂಡು ಸಮವಸ್ತ್ರದಲ್ಲಿ ನಯನತಾರಾ ಕಾಣಿಸಿಕೊಂಡಿದ್ದಾರೆ. "ಅವಳು ಚಂಡಮಾರುತದ ಮೊದಲು ಬರುವ ಗುಡುಗು! #Nayanthara #JawanPrevue Out Now! #Jawan ಸೆಪ್ಟೆಂಬರ್ 7, 2023 ರಂದು ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ವಿಶ್ವದಾದ್ಯಂತ ಬಿಡುಗಡೆಯಾಗುತ್ತಿದೆ" ಎಂದು ಕಿಂಗ್ ಖಾನ್ ಪೋಸ್ಟರ್ಗೆ ಕ್ಯಾಪ್ಶನ್ ನೀಡಿದ್ದಾರೆ.
ಜವಾನ್ ಪ್ರಿವ್ಯೂ ಮತ್ತು ಇತ್ತೀಚಿನ ಪೋಸ್ಟರ್‌ನಲ್ಲಿ ನೋಡಿದಂತೆ, ಈ ಆ್ಯಕ್ಷನ್ ಥ್ರಿಲ್ಲರ್‌ನಲ್ಲಿ ನಯನತಾರಾ ಪೊಲೀಸ್ ಅಧಿಕಾರಿಯಾಗಿ ನಟಿಸಿದ್ದಾರೆ. ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ, ವಿಜಯ್ ಸೇತುಪತಿ ಕೂಡ ಚಿತ್ರಕ್ಕೆ ಸ್ಟಾರ್ ಪವರ್ ಅನ್ನು ಸೇರಿಸುತ್ತಾರೆ ಎಂದು ವದಂತಿಗಳಿವೆ. ಕಿಂಗ್ ಖಾನ್ ಅವರ ಜವಾನ್ ಸಿನಿಮಾ ಸೆಪ್ಟೆಂಬರ್ 7 ರಂದು ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ವಿಶ್ವದಾದ್ಯಂತ ಅದ್ಧೂರಿಯಾಗಿ ಬಿಡುಗಡೆ ಆಗಲಿದೆ.
ಇದನ್ನೂ ಓದಿ: ಫುಡ್ ಆರ್ಡರ್ ಮಾಡಿ, ಮನೆಯಲ್ಲೇ ಪತಿ ಜೊತೆ ಸಿನಿಮಾ ನೋಡುವುದು ದಿಪೀಕಾ ಪಡುಕೋಣೆ ಪರ್ಫೆಕ್ಟ್ ಡೇಟ್ ನೈಟ್!
ಆ್ಯಕ್ಷನ್ ಪ್ಯಾಕ್ಡ್ 'ಜವಾನ್' ಪ್ರಿವ್ಯೂ ಪ್ರೇಕ್ಷಕರನ್ನು ಮತ್ತೊಂದು ಲೋಕಕ್ಕೆ ಕೊಂಡೊಯ್ದಿದೆ. ದೀಪಿಕಾ ಪಡುಕೋಣೆ ಕೆಂಪು ಬಣ್ಣದ ಸೀರೆಯಲ್ಲಿ ತಮ್ಮ ಹೋರಾಟದ ದೃಶ್ಯದಿಂದ ಎಲ್ಲರನ್ನೂ ಆಶ್ಚರ್ಯಚಕಿತಗೊಳಿಸಿದ್ದಾರೆ. ಕಿಂಗ್ ಖಾನ್ ವಿಭಿನ್ನವಾದ ನೋಟದಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಚಿತ್ರದ ಪೋಸ್ಟರ್ಗಳಲ್ಲಿ ಶಾರುಖ್ ಗಾಯಗೊಂಡು ಮುಖವನ್ನು ಪೂರ್ತಿ ಬ್ಯಾಂಡೇಜ್‌ನಿಂದ ಮುಚ್ಚಿರುವುದನ್ನು ನೋಡುತ್ತೇವೆ. ಆದರೆ ಬಿಡುಗಡೆಯಾದ ಪ್ರಿವ್ಯೂನಲ್ಲಿ ಅನೇಕ ಅವತಾರದಲ್ಲಿ ಕಿಂಗ್ ಖಾನ್ ಕಾಣಿಸಿಕೊಂಡಿದ್ದಾರೆ.
ಸೂಪರ್ ಹಿಟ್ ಪಠಾಣ್ ಬಳಿಕ ಈ ಸಾಲಿನಲ್ಲೇ ಬಿಡುಗಡೆ ಆಗುತ್ತಿರುವ ಶಾರುಖ್ ಅವರ ಮತ್ತೊಂದು ಬಿಗ್ ಬಜೆಟ್ ಚಿತ್ರವಿದು. ಕಂಪ್ಲೀಟ್ ಆ್ಯಕ್ಷನ್ ಎಂಟರ್‌ಟೈನ್ ಸಿನಿಮಾ ಇದಾಗಿದೆ. ಶಾರುಖ್ ಖಾನ್ ಅವರ ಪ್ರೊಡಕ್ಷನ್ ಬ್ಯಾನರ್ ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್‌ ಈ ಸಿನಿಮಾ ನಿರ್ಮಿಸಿದ್ದು, ಸೌತ್ ಸ್ಟಾರ್ ಡೈರೆಕ್ಟರ್ ಅಟ್ಲೀ ನಿರ್ದೇಶಿಸಿದ್ದಾರೆ. ನಯನತಾರಾ ಅವರು ಲೇಡಿ ಓರಿಯೆಂಟೆಡ್ ಸಿನಿಮಾಗಳಿಗೆ ಹೆಚ್ಚು ಫೇಮಸ್. ಪೊಲೀಸ್ ಪಾತ್ರ ಕೂಡ ಇವರಿಗೇನು ಹೊಸತಲ್ಲ. ಹಾಗಾಗಿ ಅಭಿಮಾನಿಗಳ ನಿರೀಕ್ಷೆ ಮುಗಿಲೆತ್ತರದಲ್ಲಿದೆ.
ಇದನ್ನೂ ಓದಿ: ಕುಟುಂಬದ ಮುದ್ದು ಫೋಟೋ ಹಂಚಿಕೊಂಡ ನಟ ಅಜಯ್ ದೇವಗನ್; ಇದಕ್ಕಿಂತ ಉತ್ತಮ ಸ್ಥಳ ಬೇಕೇ ಎಂದ ನಟ!
