ಹಿಂದಿ ಕಿರುತೆರೆ ನಟಿ ಮೌನಿ ರಾಯ್ ತಮ್ಮ ಅದ್ಭುತ ಲುಕ್ನಿಂದಲೇ ಸದಾ ಎಲ್ಲರ ಗಮನ ಸೆಳೆಯುತ್ತಿರುತ್ತಾರೆ. ನಟನೆ, ಫ್ಯಾಷನ್ನಿಂದಲೇ ದೊಡ್ಡ ಅಭಿಮಾನಿ ಬಳಗವನ್ನು ಸಂಪಾದಿಸಿದ್ದಾರೆ. 'ನಾಗಿನ್' ಧಾರಾವಾಹಿಯಿಂದ ಖ್ಯಾತಿ ಗಳಿಸಿರುವ ತಾರೆ ಮಲಯಾಳಂ ನಟ ದುಲ್ಕರ್ ಸಲ್ಮಾನ್ ಅವರ ದೊಡ್ಡ ಅಭಿಮಾನಿ. ಇನ್ಸ್ಟಾಗ್ರಾಮ್ನಲ್ಲಿ ನಟನೊಂದಿಗಿರುವ ಫೋಟೋ ಹಂಚಿಕೊಂಡಿರುವ ಮೌನಿ, ಫ್ಯಾನ್ ಗರ್ಲ್ ಎಂದು ಬರೆದುಕೊಂಡಿದ್ದಾರೆ.
ಚಿಕ್ಕ ಪರದೆಯಿಂದ ಬೆಳ್ಳಿ ಪರದೆಯಲ್ಲಿ ಕಾಣಿಸಿಕೊಂಡ ತಾರೆ, ಬ್ರಹ್ಮಾಸ್ತ್ರದಲ್ಲಿ ಜುನೂನ್ ಪಾತ್ರದ ಮೂಲಕ ಖ್ಯಾತಿ ಗಳಿಸಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಆಕ್ಟೀವ್ ಆಗಿರುವ ನಟಿ ದುಲ್ಮರ್ ಸಲ್ಮಾನ್ ಬಗ್ಗೆ ತಮ್ಮ ಮೆಚ್ಚುಗೆ ಹಂಚಿಕೊಳ್ಳಲು ಇನ್ಸ್ಟಾಗ್ರಾಮ್ ಸ್ಟೋರಿಯನ್ನು ವೇದಿಕೆಯನ್ನಾಗಿ ಬಳಸಿಕೊಂಡರು. ಆದರೆ, ಡಿಕ್ಯೂ ಜೊತೆಗಿನ ಫೋಟೋವನ್ನು ಕೂಡಲೇ ತೆಗೆದುಹಾಕಿದರು. ಇದು ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.
"ಲವ್ ಲವ್ ಲವ್ ಹಿಸ್ ವರ್ಕ್! ದುಲ್ಕರ್ ಸಲ್ಮಾನ್ ಪ್ರೀತಿ, ಬೆಳಕು ಮತ್ತು ಪ್ರಕಾಶಮಾನಗಳು. #ಫ್ಯಾನ್ ಗರ್ಲ್" ಎಂದು ಬರೆದು ದುಲ್ಕರ್ ಸಲ್ಮಾನ್ ಜೊತೆಗಿನ ಸೆಲ್ಫಿಯನ್ನು ಇನ್ಸ್ಟಾ ಸ್ಟೋರಿ ಹಾಕಿಕೊಂಡಿದ್ದರು. ಕೂಡಲೇ ಅದನ್ನು ಡಿಲೀಟ್ ಮಾಡಿದ್ದಾರೆ. ಮೌನಿ ರಾಯ್ ಸಿನಿಮಾ, ನಟರ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುವ ವಿಚಾರದಲ್ಲಿ ಎಂದಿಗೂ ಪ್ರಾಮಾಣಿಕರಾಗಿರುತ್ತಾರೆ. ಆದರೆ, ದುಲ್ಕರ್ ಸಲ್ಮಾನ್ ಬಗೆಗಿನ ಪೋಸ್ಟ್ ಅನ್ನು ಯಾಕೆ ಡಿಲೀಟ್ ಮಾಡಿದ್ದಾರೆ ಅನ್ನೋದು ಅವರ ಅಭಿಮಾನಿಗಳಿಗೆ ಗೊಂದಲ ಮೂಡಿಸಿದೆ.
ಇದನ್ನೂ ಓದಿ: ಕನ್ನಡಿ ಮುಂದೆ ಮೈ ಬಳುಕಿಸಿದ ನಾಗಕನ್ಯೆ.. ಸೌಂದರ್ಯ ಕಂಡು 'ಮೌನಿ'ಯಾದ್ರು ಫ್ಯಾನ್ಸ್!
ಬಹುಬೇಡಿಕೆಯ ತಾರೆ.. 2006 ರಲ್ಲಿ 'ಕ್ಯೂಂಕಿ ಸಾಸ್ ಬಿ ಕಬಿ ಬಹು ತಿ' ಎಂಬ ಟಿವಿ ಧಾರಾವಾಹಿ ಮೂಲಕ ನಟಿ ಮೌನಿ ರಾಯ್ ತಮ್ಮ ವೃತ್ತಿ ಜೀವನ ಪ್ರಾರಂಭಿಸಿದರು. 2011 ರಲ್ಲಿ ಪಂಜಾಬಿ ಸಿನಿಮಾ 'ಹೀರೋ ಹಿಟ್ಲರ್ ಇನ್ ಲವ್'ನಲ್ಲಿ ಮೊದಲ ಬಾರಿಗೆ ನಟಿಸಿದರು. ಇತ್ತೀಚೆಗೆ 'ದೊತರಾ' ಎಂಬ ಮ್ಯೂಸಿಕ್ ಆಲ್ಭಂನಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ. ಆ ಆಲ್ಭಂ ಸಾಂಗ್ಗೆ ಜುಬಿನ್ ನೌಟಿಯಾಲ್ ಮತ್ತು ಪಯಲ್ ದೇವಿ ಧ್ವನಿಯಾಗಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸುದ್ದಿ ಮಾಡುತ್ತಿರುವ ಈ ವಿಡಿಯೋ ಯುಟ್ಯೂಬ್ನಲ್ಲಿ 24 ಮಿಲಿಯನ್ ಹೆಚ್ಚು ವಿವ್ಯೂ ಗಳನ್ನು ಪಡೆದುಕೊಂಡಿದೆ.
ಮೌನಿ ರಾಯ್ ಕೊನೆಯದಾಗಿ ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಅಭಿನಯದ ಬ್ರಹ್ಮಾಸ್ತ್ರ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇನ್ನು ಅಬ್ಬಸ್ ಆಲಿಬಾಯಿ ಬುರ್ಮಾವಾಲಾ ಮಸ್ತನ್ ಮತ್ತು ಆಲಿಬಾಯ್ ಬುರ್ಮಾವಾಲಾ ಅವರ ಕ್ರೈಂ, ಸಸ್ಪೆನ್ಸ್, ಥ್ರಿಲ್ಲರ್ ಚಿತ್ರ 'ಪೆಂಟಾಹೌಸ್' ನಲ್ಲೂ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಬಾಬಿ ಡಿಯೋಲ್ ಮತ್ತು ಅರ್ಜುನ್ ರಾಂಪಾಲ್ ಕೂಡ ಪ್ರಮುಖ ಪಾತ್ರದಲ್ಲಿದ್ದಾರೆ. ಇದರ ಜೊತೆಗೆ ನಟಿ, ಸಂಜಯ್ ದತ್ ಅವರ 'ದಿ ವರ್ಜಿನ್ ಟ್ರೀ ಇನ್ ಆರ್ ಕಿಟ್ಟಿ'ಯಲ್ಲಿ ಕೂಡ ಕಾಣಿಸಿಕೊಳ್ಳಲಿದ್ದಾರೆ. 'ಕೆಜಿಎಫ್' ಚಿತ್ರದ ಹಿಂದಿ ವರ್ಷನ್ನಲ್ಲಿ ನಟಿ ಪ್ರಮುಖ ಹಾಡಿಗೆ ಹೆಜ್ಜೆ ಹಾಕಿದ್ದರು.
ಇದನ್ನೂ ಓದಿ: ಮಾರ್ಡನ್ or ಟ್ರೆಡಿಶನಲ್.. ಎರಡಕ್ಕೂ ಸೈ ಈ ನಾಗಿನ್ ನಟಿ; ಮನಸೆಳೆಯುವ ಮೌನಿ ಮೋಹಕ ನೋಟ ನೋಡಿ
