ನಾಗಿನ್ ಖ್ಯಾತಿಯ ನಟಿ ಮೌನಿ ರಾಯ್ ಅವರು ಕಿರುತೆರೆಯಿಂದ ಬಾಲಿವುಡ್ವರೆಗೂ ಸಖತ್ ಸದ್ದು ಮಾಡಿದ ನಟಿ. ಫ್ಯಾಷನ್ ಸೆನ್ಸ್ನಿಂದ ಅನೇಕರಿಗೆ ಸ್ಫೂರ್ತಿ ಕೂಡ ಆಗಿದ್ದಾರೆ. ಫ್ಯಾಷನ್ ಐಕಾನ್ ಅಂತಲೇ ಜನಪ್ರಿಯರಾಗಿರುವ ನಟಿ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಸಕ್ರಿಯರಾಗಿದ್ದಾರೆ. ಅಭಿಮಾನಿಗಳೊಂದಿಗೆ ಸಂಪರ್ಕ ಸಾಧಿಸಲು ಹೆಚ್ಚೆಚ್ಚು ಫೋಟೋಗಳನ್ನು ಹಂಚಿಕೊಳ್ಳುತ್ತೇ ಇರುತ್ತಾರೆ. ಇದೀಗ ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ, ಪರ್ವತ ಪ್ರದೇಶದಲ್ಲಿ ಕಳೆದ ಕ್ಷಣಗಳ ಒಂದು ನೋಟವನ್ನು ನೀಡುವ ವಿಡಿಯೋ ಹಂಚಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ವಿಡಿಯೋ ಹಂಚಿಕೊಂಡಿರುವ ಮೌನಿ ರಾಯ್, "ಪರ್ವತಗಳಲ್ಲಿ ಒಂದು ದಿನ" ಎಂಬ ಕ್ಯಾಪ್ಷನ್ ಕೊಟ್ಟಿದ್ದಾರೆ. ಸುಂದರ ಕ್ಷಣಗಳ ವಿಡಿಯೋದಲ್ಲಿ, ನಾಗಿನ್ ನಟಿ ನೈಸರ್ಗಿಕ ಸೌಂದರ್ಯ, ಸ್ಥಳೀಯ ಆಹಾರ ಮತ್ತು ಲಾಂಗ್ ಡ್ರೈವ್‌ಗಳನ್ನು ಆನಂದಿಸುತ್ತಿರುವುದನ್ನು ಕಾಣಬಹುದು. ಕನಿಷ್ಠ ಮೇಕ್ ಅಪ್, ಬ್ಯಾಕ್ಲೆಸ್ ವೈಟ್ ಡ್ರೆಸ್ನಲ್ಲಿ ಎಂದಿನಂತೆ ಮೌನಿ ಮನಸೆಳೆಯುತ್ತಿದ್ದರು. ಆದರೆ ಯಾವ ಸ್ಥಳ ಎಂಬುದನ್ನು ಬಹಿರಂಗಪಡಿಸಿಲ್ಲ.
ಬಹುಭಾಷಾ ನಟಿ ಈ ವಿಡಿಯೋವನ್ನು ಪೋಸ್ಟ್ ಮಾಡಿದ ತಕ್ಷಣ, ಅಭಿಮಾನಿಗಳು ಮತ್ತು ಸ್ನೇಹಿತರು ಕಾಮೆಂಟ್ ವಿಭಾಗಕ್ಕೆ ಸೇರಿ ತಮ್ಮ ಪ್ರೀತಿಯ ಮಳೆ ಸುರಿಸುತ್ತಿದ್ದಾರೆ. ಮೌನಿ ರಾಯ್ ಆತ್ಮೀಯ ಸ್ನೇಹಿತೆ, ನಟಿ ದಿಶಾ ಪಟಾನಿ ಕಾಮೆಂಟ್ ಸೆಕ್ಷನ್ನಲ್ಲಿ "ತುಂಬಾ ಸುಂದರ" ಎಂದು ಬರೆದು ಕೆಂಪು ಹೃದಯದ ಎಮೋಜಿಗಳನ್ನು ಹಾಕಿದರು. ಮತ್ತೊಂದೆಡೆ ಅಭಿಮಾನಿಯೊಬ್ಬರು, "ದಯವಿಟ್ಟು ನಾಗಿನ್‌ಗೆ ಹಿಂತಿರುಗಿ" ಎಂದು ಕೇಳಿಕೊಂಡಿದ್ದಾರೆ. ಮತ್ತೋರ್ವ ಅಭಿಮಾನಿ, "ಲವ್ ದಿಸ್ ಮೈ ಸಿಟಿ" ಎಂದು ಕಾಮೆಂಟ್ ಮಾಡಿದ್ದಾರೆ. ಉಳಿದಂತೆ ಅನೇಕರು ಪೋಸ್ಟ್‌ಗೆ ಪ್ರತಿಕ್ರಿಯಿಸಲು ಹೃದಯ ಕಣ್ಣುಗಳಿರುವ ಎಮೋಜಿ, ಫೈಯರ್ ಮತ್ತು ರೆಡ್ ಹಾರ್ಟ್ ಎಮೋಜಿಗಳನ್ನು ಬಳಸಿದ್ದಾರೆ.
ಇದನ್ನೂ ಓದಿ: 'ಟಾರ್ಚರ್ ಟೈಮ್': 'ಸಿಟಾಡೆಲ್' ಶೂಟಿಂಗ್ ವೇಳೆ ಸಮಂತಾ ಹೀಗಂದ್ರು!
ನಟಿ ಮೌನಿ ರಾಯ್ ಸಿನಿಮಾ ವಿಚಾರ ಗಮನಿಸುವುದಾದರೆ, ಅಕ್ಷಯ್ ಕುಮಾರ್ ಜೊತೆ ಗೋಲ್ಡ್‌ ಚಿತ್ರದಲ್ಲಿ ನಟಿಸುವ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದರು. ಅದಕ್ಕೂ ಮುನ್ನ ನಾಗಿನ್ ಧಾರಾವಾಹಿಯಲ್ಲಿ ನಟಿಸುವ ಮೂಲಕ ಮನೆ ಮಾತಾಗಿದ್ದರು. ರಣ್ಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ, ಅಯಾನ್ ಮುಖರ್ಜಿ ನಿರ್ದೇಶನದ ಬ್ರಹ್ಮಾಸ್ತ್ರದಲ್ಲಿ ಕಾಣಿಸಿಕೊಂಡರು. ಮೌನಿ ಅವರು ಈ ಚಿತ್ರದ ಅಭಿನಯಕ್ಕೆ ಸಾಕಷ್ಟು ಮೆಚ್ಚುಗೆ ಮತ್ತು ಪ್ರೀತಿಯನ್ನು ಸಂಪಾದಿಸಿದರು. ಇದಲ್ಲದೇ ಸಿನಿಮಾಗಳಲ್ಲಿನ ವಿಶೇಷ ಹಾಡುಗಳಲ್ಲಿ ಸೊಂಟ ಬಳುಕಿಸಿ ಸಾಕಷ್ಟು ಸದ್ದು ಮಾಡಿದ್ದಾರೆ. ಮುಂದೆ ವೈಜ್ಞಾನಿಕ, ಹಾರರ್ ಕಾಮಿಡಿ ಸಿನಿಮಾ 'ದಿ ವರ್ಜಿನ್ ಟ್ರೀ'ಯಲ್ಲಿ (The Virgin Tree) ಕಾಣಿಸಿಕೊಳ್ಳಲಿದ್ದಾರೆ. ಸಂಜಯ್ ದತ್, ಪಲಕ್ ತಿವಾರಿ ಮತ್ತು ಸನ್ನಿ ಸಿಂಗ್ ಅವರೊಂದಿಗೆ ಕೆಲಸ ಮಾಡಲಿದ್ದಾರೆ.
ಇದನ್ನೂ ಓದಿ: ಮನೆಯೊಂದು ಎರಡು ಪಾತ್ರ: 'ಅಥಿ ಐ ಲವ್ ಯು' ಪ್ರೇಮಕಥೆ
ನಟಿ ಮೌನಿ ರಾಯ್ ಸಿನಮಾಗಿಂತ ಹೆಚ್ಚಾಗಿ ಸೋಷಿಯಲ್ ಮೀಡಿಯಾ ಪೋಸ್ಟ್ ಮೂಲಕ ಸುದ್ದಿಯಲ್ಲಿರುವ ನಟಿ. ಸಾಮಾಜಿಕ ಜಾಲತಾಣದಲ್ಲಿ ಬಗೆಬಗೆಯ ಚಿತ್ರಗಳನ್ನು ಹಂಚಿಕೊಳ್ಳುವ ಮೂಲಕ ಜನಮನ ತಲುಪುತ್ತಾರೆ. ಇನ್ಸ್ಟಾಗ್ರಾಮ್ನಲ್ಲಿ 27 ಮಿಲಿಯನ್ ಫಾಲೋವರ್ಸ್ಗಳನ್ನು ಸಂಪಾದಿಸಿರುವ ಮೌನಿ ರಾಯ್ ಈವೆರೆಗೆ 3,058 ಪೋಸ್ಟ್ಗಳನ್ನು ಶೇರ್ ಮಾಡಿದ್ದಾರೆ. ಪ್ರತೀ ಫೋಟೋಗಳಲ್ಲೂ ತಮ್ಮ ಸೌಂದರ್ಯ ಪ್ರದರ್ಶಿಸಿದ್ದಾರೆ. ಸದ್ಯ ಹಂಚಿಕೊಂಡಿರುವ ಈ ವಿಡಿಯೋ ಕೂಡ ಆನ್ಲೈನ್ನಲ್ಲಿ ವೈರಲ್ ಆಗುತ್ತಿದೆ. ಅಭಿಪ್ರಾಯಗಳು ವ್ಯಕ್ತವಾಗುತ್ತಲೇ ಇದೆ.
