ಮಹೇಶ್ ಬಾಬು. ದಕ್ಷಿಣ ಚಿತ್ರರಂಗದ ಬಹುಬೇಡಿಕೆಯ ಪ್ರಸಿದ್ಧ ನಟ. ಆಗಸ್ಟ್ 9ರಂದು ಟಾಲಿವುಡ್ ನಟ 48ನೇ ವಸಂತಕ್ಕೆ ಕಾಲಿಡಲಿದ್ದಾರೆ. ಕಳೆದ ಕೆಲವು ವರ್ಷಗಳಿಂದ ವಿದೇಶದಲ್ಲಿ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ಇವರು ಈ ಬಾರಿಯೂ ಹೊರ ದೇಶದಲ್ಲೇ ಬರ್ತ್ ಡೇ ಸೆಲೆಬ್ರೇಟ್ ಮಾಡಿಕೊಳ್ಳಲು ಮುಂದಾಗಿದ್ದಾರೆ.
ಮಹೇಶ್ ಬಾಬು ಕುಟುಂಬ ಎರಡು ವಾರಗಳ ಹಿಂದೆ ಲಂಡನ್ ಪ್ರವಾಸಕ್ಕೆ ತೆರಳಿದ್ದು ನಿಮಗೆ ಗೊತ್ತೇ ಇದೆ. ಇದೀಗ ಸೂಪರ್ ಸ್ಟಾರ್ ಕುಟುಂಬ ಸಮೇತ ಸ್ಕಾಂಟ್ಲೆಂಡ್ಗೆ ಭೇಟಿ ಕೊಟ್ಟಿದ್ದಾರೆ. ಸ್ಕಾಂಟ್ಲೆಂಡ್ನ ಗಾಲ್ಫ್ ರೆಸಾರ್ಟ್ ಒಂದರಲ್ಲಿ ತಮ್ಮ ಹುಟ್ಟುಹಬ್ಬ ಆಚರಿಸಲು ನಿರ್ಧರಿಸಿದ್ದಾರೆ ಎಂಬ ಮಾಹಿತಿ ಇದೆ.
ಮಹೇಶ್ ಬಾಬು ಜನ್ಮದಿನ ಆಚರಿಕೊಂಡ ಬಳಿಕವೂ ಒಂದು ವಾರಗಳ ಕಾಲ ಅಲ್ಲೇ ತಂಗಲಿದ್ದಾರಂತೆ. ಆಗಸ್ಟ್ 16ರಂದು ತವರಿಗೆ ವಾಪಸಾಗಲಿದ್ದಾರೆ. ಅಲ್ಲಿಂದ ಮರಳಿದ ಬಳಿಕ ತಮ್ಮ ಮುಂದಿನ ಬಹುನಿರೀಕ್ಷಿತ ಪ್ರಾಜೆಕ್ಟ್ ಗುಂಟೂರು ಕಾರಂ ಚಿತ್ರೀಕರಣದಲ್ಲಿ ಭಾಗವಹಿಸಲಿದ್ದಾರೆ. ಆಗಸ್ಟ್ 20ಕ್ಕೆ ಗುಂಟೂರು ಕಾರಂ ಶೂಟಿಂಗ್ ಸೆಟ್ಗೆ ಎಂಟ್ರಿ ಕೊಡಲಿದ್ದಾರೆ.
'ಗುಂಟೂರು ಕಾರಂ' ಸಿನಿಮಾ: ತ್ರಿವಿಕ್ರಮ್ ಅವರ 'ಗುಂಟೂರು ಕಾರಂ' ಸಿನಿಮಾ ಸೆಟ್ಟೇರಿದ ದಿನದಿಂದಲೂ ಹಲವು ಸವಾಲುಗಳನ್ನು ಎದುರಿಸುತ್ತಾ ಬಂದಿದೆ. ಕಲಾವಿದರಿಂದ ಹಿಡಿದು ಚಿತ್ರತಂಡದಲ್ಲಿ ಹಲವು ಬದಲಾವಣೆಗಳಾಗಿವೆ. ಈ ಹಿನ್ನೆಲೆಯಲ್ಲಿ ಚಿತ್ರೀಕರಣ ವಿಳಂಬವಾಗುತ್ತಿದೆ. ಕ್ಯಾಮರಾಮ್ಯಾನ್ ಕೂಡ ಬದಲಾಗುತ್ತಾರೆ ಎಂಬ ಸುದ್ದಿ ಇತ್ತೀಚೆಗಷ್ಟೇ ಹರಡಿತ್ತು. ಹಾಗಾಗಿ 10-12 ದಿನಗಳಲ್ಲಿ ಹೊಸ ಸಿನಿಮಾಟೋಗ್ರಾಫರ್ ಫೈನಲ್ ಮಾಡಿ ಶೂಟಿಂಗ್ ಶೀಘ್ರವೇ ಶುರುವಾಗಲಿದೆ ಎಂಬ ಮಾಹಿತಿ ಇದೆ. ನಾಯಕ ನಟನ ಹೊರತಾಗಿ ಇತರೆ ಪಾತ್ರಗಳ ಶೂಟಿಂಗ್ ಅನ್ನು ಶೀಘ್ರವೇ ಆರಂಭಿಸಲು ನಿರ್ಧರಿಸಲಾಗಿದೆಯಂತೆ. ನಟನ ಹುಟ್ಟುಹಬ್ಬದಂದು ಗುಂಟೂರು ಕಾರಂ ಚಿತ್ರದಿಂದ ಸರ್ಪ್ರೈಸ್ ಅನ್ನು ಸಹ ಅಭಿಮಾನಿಗಳು ನಿರೀಕ್ಷಿಸುತ್ತಿದ್ದಾರೆ. ಮಹೇಶ್ ಬಾಬು ಪೋಸ್ಟರ್ ಅಥವಾ ಸಿನಿಮಾದ ಸಣ್ಣ ವಿಡಿಯೋ ತುಣುಕು ಅನಾವರಣಗೊಳ್ಳುವ ಸಾಧ್ಯತೆ ಹೆಚ್ಚಿದೆ.
ಇದನ್ನೂ ಓದಿ: OMG 2 vs Gadar 2: ಒಂದೇ ದಿನ 2 ಸಿನಿಮಾ ತೆರೆಗೆ; ಮತ್ತೊಮ್ಮೆ ಅಕ್ಷಯ್ ಕುಮಾರ್ಗೆ ಹಿನ್ನಡೆ?
ಮಹೇಶ್ ಬಾಬು ಅವರ ಮತ್ತೊಂದು ಬಹುನಿರೀಕ್ಷಿತ ಚಿತ್ರ SSMB 29. ಇದು ತಾತ್ಕಾಲಿಕ ಶೀರ್ಷಿಕೆಯಷ್ಟೇ. ಆರ್ಆರ್ಆರ್ ಖ್ಯಾತಿಯ ಸ್ಟಾರ್ ನಿರ್ದೇಶಕ ಎಸ್.ಎಸ್.ರಾಜಮೌಳಿ ಜೊತೆ ಕೈ ಜೋಡಿಸಲಿದ್ದಾರೆ. ಸಿನಿಮಾ ಪ್ರೀ ಪ್ರೊಡಕ್ಷನ್ ಹಂತದಲ್ಲಿದ್ದು, ಸಾಕಷ್ಟು ತಯಾರಿ ನಡೆಯಬೇಕಿದೆ. ಚಿತ್ರವನ್ನು ಮಹೇಶ್ ಬಾಬು ಹುಟ್ಟುಹಬ್ಬದಂದು ಅಧಿಕೃತವಾಗಿ ಘೋಷಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಚಿಯಾನ್ ವಿಕ್ರಮ್ ನಟನೆಯ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ, ವಿಜಯ್ ಸೇತುಪತಿ?
