ಬಾಲಿವುಡ್ನ ಖ್ಯಾತ ನಿರ್ಮಾಪಕ ಕರಣ್ ಜೋಹರ್ ನಡೆಸಿಕೊಡುವ ಜನಪ್ರಿಯ ಕಾರ್ಯಕ್ರಮ ''ಕಾಫಿ ವಿತ್ ಕರಣ್'' ಸೀಸನ್ 8ರ ಹೊಸ ಪ್ರೋಮೋವನ್ನು ಅನಾವರಣಗೊಳಿಸಲಾಗಿದೆ. ಎರಡನೇ ಸಂಚಿಕೆಯ ಪ್ರೋಮೋ ಬಿಡುಗಡೆಗೊಂಡಿದ್ದು, ಪ್ರೇಕ್ಷಕರು ಕುತೂಹಲ ವ್ಯಕ್ತಪಡಿಸಿದ್ದಾರೆ.
ಬಾಲಿವುಡ್ ಜನಪ್ರಿಯ ಸಹೋದರ ಜೋಡಿ ಸನ್ನಿ ಡಿಯೋಲ್ ಹಾಗೂ ಬಾಬಿ ಡಿಯೋಲ್ ಅವರು ಕಾಫಿ ವಿತ್ ಕರಣ್ ಸೀಸನ್ 8 ರ ಎರಡನೇ ಸಂಚಿಕೆಯ ಅತಿಥಿಗಳು. ರಣ್ವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ದಂಪತಿ ಆಗಮನದ ಮೂಲಕ ಗ್ರ್ಯಾಂಡ್ ಓಪನಿಂಗ್ ಪಡೆದಿರುವ ಚಾಟ್ ಶೋ ಡಿಯೋಲ್ ಬ್ರದರ್ಸ್ ಮೂಲಕ ಮತ್ತಷ್ಟು ಮನರಂಜನೆ ನೀಡಲು ಸಜ್ಜಾಗಿದೆ.
ಇದೀಗ ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ, ಐಕಾನಿಕ್ ಸಹೋದರ ಜೋಡಿ ಸನ್ನಿ ಡಿಯೋಲ್ ಮತ್ತು ಬಾಬಿ ಡಿಯೋಲ್ ಕಾಣಿಸಿಕೊಂಡಿದ್ದಾರೆ. ಪ್ರೇಕ್ಷಕರು ಸಹ ಆಕರ್ಷಕ ಚರ್ಚೆಯನ್ನು ನಿರೀಕ್ಷಿಸಬಹುದಾಗಿದೆ. ಮುಂದಿನ ಸಂಚಿಕೆಯ ಸಂಭಾಷಣೆಯ ವಿಷಯಗಳು ಸನ್ನಿ ಡಿಯೋಲ್ ಅವರ ಇತ್ತೀಚಿನ ಬ್ಲಾಕ್‌ ಬಸ್ಟರ್ ಹಿಟ್ ಗದರ್ 2 ಕುರಿತಾಗಿದೆ. ಜೊತೆಗೆ ಬಾಬಿ ಡಿಯೋಲ್ ಅವರ ವೃತ್ತಿಜೀವನದಲ್ಲಿ ಸಲ್ಮಾನ್ ಖಾನ್ ಅವರ ಪ್ರಮುಖ ಪಾತ್ರದ ಕುರಿತಾಗಿಯೂ ಇದೆ. ಅಲ್ಲದೇ, ಕರಣ್ ಜೋಹರ್ ನಿರ್ದೇಶಿಸಿ, ನಿರ್ಮಾಣ ಮಾಡಿರುವ ಇತ್ತೀಚಿನ ಸೂಪರ್ ಹಿಟ್ ಸಿನಿಮಾ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿಯಲ್ಲಿ ಡಿಯೋಲ್ ಸಹೋದರರ ತಂದೆ ಧರ್ಮೇಂದ್ರ ಅವರ ಆನ್-ಸ್ಕ್ರೀನ್ ಕಿಸ್ ಬಗ್ಗೆಯೂ ಮಾತನಾಡಿದ್ದಾರೆ.
ಇದನ್ನೂ ಓದಿ: ಕನ್ನಡ ಬಿಗ್ ಬಾಸ್: ನಾಮಿನೇಷನ್ ಪಾಸ್‌ಗಾಗಿ ಕಾದಾಟ - ಪ್ರೋಮೋ ನೋಡಿ!
ಪಾಪ್ಯುಲರ್ ಪ್ರೋಗ್ರಾಮ್ನ ನಿರೂಪಕ ಕರಣ್ ಜೋಹರ್ ಅವರು ಈ ಲೆಜೆಂಡರಿ ಸ್ಟಾರ್ಸ್ ಕಾರ್ಯಕ್ರಮದಲ್ಲಿ ಭಾಗವಹಿಸಿರುವುದರ ಬಗ್ಗೆ ತಮ್ಮ ಉತ್ಸಾಹ ವ್ಯಕ್ತಪಡಿಸಿದ್ದಾರೆ. ಸನ್ನಿ ಆ್ಯಂಡ್ ಬಾಬಿಗೆ ಆತ್ಮೀಯ ಸ್ವಾಗತ ಕೋರಿದ್ದಾರೆ. ಡಿಯೋಲ್ ಬ್ರದರ್ಸ್ ಕೂಡ ಸಖತ್ ಸ್ಟೈಲಿಶ್ ಆಗೇ ಎಂಟ್ರಿ ಕೊಟ್ಟಿದ್ದಾರೆ. ಮೂವರ ಮಾತುಕತೆ ನೋಡುಗರ ಗಮನ ಸೆಳೆದಿದೆ.
ಇದನ್ನೂ ಓದಿ: ಅನನ್ಯಾ ಪಾಂಡೆ ಜನ್ಮದಿನ: ಹಿರಿಯ ನಟ ಚಂಕಿ ಪಾಂಡೆ ಪುತ್ರಿಯ ಸಿನಿ ಪಯಣ ಹೀಗಿದೆ!
ಪ್ರೇಕ್ಷಕರಲ್ಲಿ ಪ್ರೋಮೋ ಕುತೂಹಲ ಮೂಡಿಸಿದ್ದು, ಸಂಪೂರ್ಣ ಸಂಚಿಕೆ ವೀಕ್ಷಿಸಲು ಪ್ರೇಕ್ಷಕರು ಎದುರು ನೋಡುತ್ತಿದ್ದಾರೆ. ಡಿಸ್ನಿ + ಹಾಟ್‌ಸ್ಟಾರ್‌ನಲ್ಲಿ ಪ್ರತಿ ಗುರುವಾರ ಈ ಶೋ ಹೊರಬೀಳಲಿದೆ. ಇದೊಂದು ಕಂಪ್ಲೀಟ್ ಎಂಟರ್ಟೈನ್ಮೆಂಟ್ ಪ್ಯಾಕ್ಡ್ ಶೋ ಆಗಿದ್ದು, ನವೆಂಬರ್ 2 ರಂದು ಸೀಸನ್ 8ರ ಮೊದಲ ಸಂಚಿಕೆ ಬಿಡುಗಡೆ ಆಗಿದೆ. ಗ್ರ್ಯಾಂಡ್ ಓಪನಿಂಗ್ಗೆ ಬಾಲಿವುಡ್ನ ಪವರ್ಫುಲ್ ಕಪಲ್ ದೀಪಿಕಾ ಪಡುಕೋಣೆ ಹಾಗೂ ರಣ್ವೀರ್ ಸಿಂಗ್ ಆಗಮಿಸಿದ್ದರು. ಮುಂದಿನ ಡಿಯೋಲ್ ಬ್ರದರ್ಸ್ ಶೋಗಾಗಿ ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿದ್ದಾರೆ.
