ಸಂದೀಪ್ ರೆಡ್ಡಿ ವಂಗಾ ಅವರ 'ಅನಿಮಲ್' ಚಿತ್ರಮಂದಿರಗಳಲ್ಲಿ ಧೂಳೆಬ್ಬಿಸುತ್ತಿದೆ. ಪ್ರಮುಖ ಪಾತ್ರ ನಿರ್ವಹಿಸಿರುವ ಬಾಬಿ ಡಿಯೋಲ್ ಕೆಲ ಆಶ್ಚರ್ಯಕರ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ಆ್ಯಕ್ಷನ್ ಸೀಕ್ವೆನ್ಸ್ ಒಂದರಲ್ಲಿ ಬಾಬಿ ಡಿಯೋಲ್ ಪಾತ್ರವಾದ ಅಬ್ರಾರ್ ಮತ್ತು ರಣ್ಬೀರ್ ಕಪೂರ್ ಪಾತ್ರವಾದ ರಣ್ವಿಜಯ್ ಮುಖಾಮುಖಿಯಾಗುತ್ತಾರೆ. ಇಬ್ಬರೂ ಶರ್ಟ್‌ಲೆಸ್ ಆಗಿದ್ದು, ಫೈಟ್‌ನಲ್ಲಿ ತೊಡಗುತ್ತಾರೆ. ಇತ್ತೀಚೆಗೆ ಈ ಸೀನ್ ಬಗ್ಗೆ ಸಂದರ್ಶನವೊಂದರಲ್ಲಿ ಬಾಬಿ ಡಿಯೋಲ್ ಮಾತನಾಡಿದ್ದಾರೆ. ಎರಡು ಪಾತ್ರಗಳ ನಡುವೆ ಪ್ರೀತಿ - ದ್ವೇಷ ಇತ್ತು. ಇದು ನಿರ್ದೇಶಕ ಸಂದೀಪ್ ರೆಡ್ಡಿ ವಂಗಾ ಅವರ ನಿರ್ದೇಶನ ಶೈಲಿಯ ಪ್ರತಿಫಲ ಎಂದು ತಿಳಿಸಿದ್ದಾರೆ.
ನಿರ್ದೇಶಕರು ಥಿಯೇಟ್ರಿಕಲ್ ಆವೃತ್ತಿಯಿಂದ ಪ್ರಮುಖ ಸೀನ್ ಒಂದನ್ನು ತೆಗೆದುಹಾಕಿದ್ದಾರೆ. ನೆಟ್‌ಫ್ಲಿಕ್ಸ್ ನಲ್ಲಿ ಬಿಡುಗಡೆಯಾದಾಗ ಆ ಸೀನ್ ಸಿಗಬಹುದು ಎಂದು ಬಾಬಿ ಡಿಯೋಲ್ ಚಿತ್ರದಲ್ಲಿನ ಪ್ರಮುಖ ಕ್ಷಣವೊಂದನ್ನು ಬಹಿರಂಗಪಡಿಸಿದ್ದಾರೆ. ಅಬ್ರಾರ್ ಪಾತ್ರವನ್ನು ನಿರ್ದೇಶಕರು ವಿವರಿಸಿದ ರೀತಿಯನ್ನು ಬಾಬಿ ಡಿಯೋಲ್ ಸಂದರ್ಶನದಲ್ಲಿ ನೆನಪಿಸಿಕೊಂಡರು. ''ಇಬ್ಬರು ಸಹೋದರರು ಒಬ್ಬರನ್ನೊಬ್ಬರು ಕೊಲ್ಲಲು ಬಯಸುತ್ತಾರೆ, ಆದರೂ ಅವರನ್ನು ಬಂಧಿಸುವ ಪ್ರೀತಿ ಅಲ್ಲಿರುತ್ತದೆ. ನಾನು (ಸಂದೀಪ್ ರೆಡ್ಡಿ ವಂಗಾ) ಕ್ಲೈಮ್ಯಾಕ್ಸ್ ಸೀಕ್ವೆನ್ಸ್ ಅನ್ನು ಈ ಪ್ರೀತಿ ತಿಳಿಸುವ ಹಿನ್ನೆಲೆ ಹಾಡಿನೊಂದಿಗೆ ಚಿತ್ರೀಕರಿಸಲಿದ್ದೇನೆ" ಎಂದು ನಿರ್ದೇಶಕರು ವಿವರಿಸಿದ್ದರು ಎಂದು ಬಾಬಿ ಡಿಯೋಲ್ ತಿಳಿಸಿದರು.
ಈ ಎರಡೂ ಪಾತ್ರಗಳ ಚುಂಬನದ ದೃಶ್ಯವೂ ಚಿತ್ರದಲ್ಲಿತ್ತು ಎಂಬುದನ್ನು ನಟ ಬಹಿರಂಗಪಡಿಸಿದರು. ಮಾತು ಮುಂದುವರಿಸಿದ ಬಾಬಿ ಡಿಯೋಲ್, "ನಿರ್ದೇಶಕರು ನನ್ನಲ್ಲಿ ಹೀಗೆ ತಿಳಿಸಿದ್ದರು - ನೀವು ಜಗಳವಾಡುತ್ತೀರಾ, ಇದ್ದಕ್ಕಿದ್ದಂತೆ ಅವರಿಗೆ (ರಣ್ಬೀರ್)ಗೆ ಕಿಸ್ ಕೊಡುತ್ತೀರಾ. ನೀವು ಗಿವ್ ಅಪ್ ಮಾಡುವುದಿಲ್ಲ, ಕೊನೆಗೆ ಅವರು ನಿಮ್ಮನ್ನು ಕೊಲ್ಲುತ್ತಾರೆ' ಎಂದು ದೃಶ್ಯವನ್ನು ವಿವರಿಸಿದ್ದರು. ಅದಾಗ್ಯೂ, ಕಿಸ್ ಸೀನ್ ಅನ್ನು ತೆಗೆದುಹಾಕಲಾಗಿದೆ. ನೆಟ್‌ಫ್ಲಿಕ್ಸ್ ಆವೃತ್ತಿಯಲ್ಲಿ ಲಭ್ಯವಾಗಬಹುದೆಂದು ನನಗನಿಸುತ್ತಿದೆ'' ಎಂದು ಬಾಬಿ ಡಿಯೋಲ್ ಮಾಹಿತಿ ಹಂಚಿಕೊಂಡಿದ್ದಾರೆ .
ಅಬ್ರಾರ್ ಮತ್ತು ರಣ್ವಿಜಯ್ ಶರ್ಟ್ ಹಾಕದೇ ಒಬ್ಬರ ಮೇಲೊಬ್ಬರು ಮಲಗಿರುವಂತಿರುವ ಸೀನ್ ಕೌಟುಂಬಿಕ ಬಂಧಗಳೊಂದಿಗೆ ಹೆಣೆದುಕೊಂಡಿದೆ ಎಂದು ಬಾಬಿ ಡಿಯೋಲ್ ವಿವರಿಸಿದರು. ಅದಾಗ್ಯೂ ಸೀನ್ನ ಅಭ್ಯಾಸದ ಅವಧಿಯಲ್ಲಿ ಈ ನಿರ್ದಿಷ್ಟ ಸೀನ್ ಅನ್ನು ಫೈಟ್ ಸೀಕ್ವೆನ್ಸ್ನ ನಿರ್ದಿಷ್ಟ ಭಾಗವಾಗುವುದು ಎಂದು ಸಂದೀಪ್ ರೆಡ್ಡಿ ವಂಗಾ ತಿಳಿಸಿದ್ದರು. 'ಬಾಬಿ ನೀವು ರಣ್ಬೀರ್ಗೆ ಗುದ್ದಿ, ನಂತರ ಅವರ ಮೇಲೆ ಮಲಗಬೇಕು' ಎಂದು ನಿರ್ದೇಶಕರು ತಿಳಿಸಿದ್ದರು. ಇದು ನನ್ನನ್ನು ಪವರ್ಫುಲ್ ಆಗಿ ತೋರಿಸುವ ದೃಶ್ಯ. ಅದಾಗ್ಯೂ, ನಾಯಕ ಯಾವಾಗಲೂ ಕೊನೆಯಲ್ಲಿ ಗೆಲ್ಲುತ್ತಾನೆ ಎಂಬುದು ಖಚಿತ. ಇನ್ನು ನಾನು ಜಿಪ್ ಅನ್ನು ಬಿಚ್ಚಿರುವ ಸೀನ್ ಕೂಡ ಸಂದೀಪ್ ಅವರದ್ದೇ. ಅವರ ಪ್ರತಿ ಪಾತ್ರಗಳೂ ಗುಣಮಟ್ಟದ್ದೇ ಆಗಿರುತ್ತದೆ ಎಂದು ತಿಳಿಸಿದರು.
ಇದನ್ನೂ ಓದಿ: ಯಶ್ ರಾಧಿಕಾ ಪುತ್ರಿ ಐರಾ ಗ್ರ್ಯಾಂಡ್ ಬರ್ತ್ಡೇ ಸೆಲೆಬ್ರೇಶನ್ - ವಿಡಿಯೋ ನೋಡಿ
ಅನಿಮಲ್ ವಿಶ್ವಾದ್ಯಂತ 750 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್ ಮಾಡುವ ಮೂಲಕ ಈ ವರ್ಷ ಅತಿ ಹೆಚ್ಚು ಗಳಿಸಿರುವ ಸಿನಿಮಾಗಳಲ್ಲಿ ಸ್ಥಾನ ಪಡೆದುಕೊಂಡಿದೆ. ಅದಾಗ್ಯೂ, ಚಿತ್ರದಲ್ಲಿನ ಮಹಿಳೆಯರ ಚಿತ್ರಣ ಮತ್ತು ವಿಷಕಾರಿ ಪುರುಷತ್ವದ ವೈಭವೀಕರಣಕ್ಕಾಗಿ ಸಾಕಷ್ಟು ಟೀಕೆಗಳನ್ನು ಸ್ವೀಕರಿಸಿದೆ. ಇದಕ್ಕೆ ಪ್ರತಿಕ್ರಿಯಿಸಿದ ಬಾಬಿ ಡಿಯೋಲ್, ಅನಿಮಲ್ ಸಿನಿಮಾ ಜಗತ್ತಿನಲ್ಲಿರುವ ಕ್ರೌರ್ಯದ ಬಗ್ಗೆ ಜಾಗೃತಿ ಮೂಡಿಸುತ್ತಿದೆ ಎಂದು ತಿಳಿಸಿದರು.
ಇದನ್ನೂ ಓದಿ: 'ಮುಂಗಾರು ಮಳೆ' ಚಿತ್ರೀಕರಣದ ಮನೆಯಲ್ಲಿ ಹಳೆಯ ನೆನಪುಗಳನ್ನು ಮೆಲುಕು ಹಾಕಿದ ಪೂಜಾ ಗಾಂಧಿ
