'ಕಿರಿಕ್ ಪಾರ್ಟಿ'. ಇದು ಕನ್ನಡ ಚಿತ್ರರಂಗದ ಯಶಸ್ವಿ ಸಿನಿಮಾಗಳಲ್ಲೊಂದು. ಒಂದೊಳ್ಳೆಯ ಕಥೆ ಇದ್ದರೆ ಪ್ರೇಕ್ಷಕ ಪ್ರಭುಗಳು ಜೈ ಅಂತಾರೆ ಅನ್ನೋದನ್ನು ಸಾಬೀತುಪಡಿಸಿದ ಸಿನಿಮಾವಿದು. ರೊಮ್ಯಾಂಟಿಕ್-ಕಾಮಿಡಿ ಸಿನಿಮಾ 2016ರ ಡಿಸೆಂಬರ್ 30ರಂದು ತೆರೆಕಂಡು ಚಿತ್ರಮಂದಿರಗಳಲ್ಲಿ ಧೂಳೆಬ್ಬಿಸಿತ್ತು. ಇಂದಿಗೂ ಅನೇಕರ ಮೆಚ್ಚಿನ 'ಕಿರಿಕ್ ಪಾರ್ಟಿ' ತೆರೆಕಂಡು ಏಳು ವರ್ಷಗಳಾಗಿದ್ದು, ಇದೇ ಶೈಲಿಯ ಮತ್ತೊಂದು ಚಿತ್ರ 'ಬ್ಯಾಚುಲರ್ ಪಾರ್ಟಿ' ಬಿಡುಗಡೆಗೆ ಸಿದ್ಧಗೊಳ್ಳುತ್ತಿದೆ.
'ಕಿರಿಕ್ ಪಾರ್ಟಿ': 'ಕಿರಿಕ್ ಪಾರ್ಟಿ' ಸಿನಿಮಾವನ್ನು ಕಾಂತಾರ ನಟ ರಿಷಬ್ ಶೆಟ್ಟಿ ನಿರ್ದೇಶಿಸಿದ್ದರು. 777ಚಾರ್ಲಿ ಖ್ಯಾತಿಯ ರಕ್ಷಿತ್ ಶೆಟ್ಟಿ ಮತ್ತು ನ್ಯಾಶನಲ್ ಕ್ರಶ್ ಜನಪ್ರಿಯತೆಯ ರಶ್ಮಿಕಾ ಮಂದಣ್ಣ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದರು. ಸಂಯುಕ್ತ ಹೆಗ್ಡೆ, ಪ್ರಮೋದ್ ಶೆಟ್ಟಿ, ಅಚ್ಯುತ್ ಕುಮಾರ್, ಅರವಿಂದ್ ಅಯ್ಯರ್, ಧನಂಜಯ್ ರಂಜನ್, ಚಂದನ್ ಆಚಾರ್ ಪ್ರಮುಖ ಪಾತ್ರ ಮಾಡಿದ್ದರು. ರಶ್ಮಿಕಾ ಮಂದಣ್ಣ ಮತ್ತು ಸಂಯುಕ್ತ ಹೆಗ್ಡೆ ಅವರಿಗಿದು ಚೊಚ್ಚಲ ಚಿತ್ರವಾಗಿತ್ತು. ರಕ್ಷಿತ್ ಶೆಟ್ಟಿ ನಟನೆ ಮಾತ್ರವಲ್ಲದೇ ಕಥೆ, ನಿರ್ಮಾಣದ ಜವಾಬ್ದಾರಿಯನ್ನೂ ಹೊತ್ತಿದ್ದರು. ಕರ್ಮ್ ಚಾವ್ಲಾ ಕ್ಯಾಮರಾ ವರ್ಕ್ ನಿಭಾಯಿಸಿದ್ದರೆ, ಸಚಿನ್ ಬಿ.ರವಿ ಎಡಿಟಿಂಗ್ ಮಾಡಿದ್ದರು. ಬಿ.ಅಜನೀಶ್ ಲೋಕನಾಥ್ ಅವರ ಸುಮಧುರ ಸಂಗೀತ ಚಿತ್ರದ ಮೆರುಗು ಹೆಚ್ಚಿಸಿತ್ತು.
-
Sometimes, we come across an experience that gives us more than what we ask for! #KirikParty was that for so many of us ♥️ So many minds came together to write their destiny with this movie and the audience accepted it with so much affection. I promise we will keep striving to… https://t.co/2Gp73PN7gb
— Rakshit Shetty (@rakshitshetty) December 30, 2023 " class="align-text-top noRightClick twitterSection" data="
">Sometimes, we come across an experience that gives us more than what we ask for! #KirikParty was that for so many of us ♥️ So many minds came together to write their destiny with this movie and the audience accepted it with so much affection. I promise we will keep striving to… https://t.co/2Gp73PN7gb
— Rakshit Shetty (@rakshitshetty) December 30, 2023Sometimes, we come across an experience that gives us more than what we ask for! #KirikParty was that for so many of us ♥️ So many minds came together to write their destiny with this movie and the audience accepted it with so much affection. I promise we will keep striving to… https://t.co/2Gp73PN7gb
— Rakshit Shetty (@rakshitshetty) December 30, 2023
'ಬ್ಯಾಚುಲರ್ ಪಾರ್ಟಿ': ಕಾಲೇಜು ದಿನಗಳ ಕಥೆಯಾದ ಹಿನ್ನೆಲೆಯಲ್ಲಿ ಈ ಸಿನಿಮಾ ಯುವಕರನ್ನು ಹೆಚ್ಚು ಆಕರ್ಷಿಸಿತ್ತು. ಹಾಡುಗಳು ಬಹದಿನಗಳ ಕಾಲ ಸದ್ದು ಮಾಡಿದ್ದವು. ನಾಲ್ಕು ಕೋಟಿ ರೂ. ಬಜೆಟ್‌ನ ಈ ಸಿನಿಮಾ ಸರಿಸುಮಾರು 50 ಕೋಟಿ ರೂ. ಸಂಪಾದಿಸುವಲ್ಲಿ ಯಶಸ್ಸು ಕಂಡಿತ್ತು. ಇದೀಗ ಇದೇ ಶೈಲಿಯಲ್ಲಿ ನಿರ್ಮಾಣಗೊಂಡಿರುವ ಬ್ಯಾಚುಲರ್ ಪಾರ್ಟಿ 2024ರ ಜನವರಿ 16ಕ್ಕೆ ತೆರೆಕಾಣಲಿದ್ದು, ಪ್ರೇಕ್ಷಕರಿಗೆ ಸಾಕಷ್ಟು ಕುತೂಹಲವಿದೆ.
ಇದನ್ನೂ ಓದಿ: ಚಿತ್ರರಂಗದಲ್ಲಿ 7 ವರ್ಷ ಪೂರೈಸಿದ ರಶ್ಮಿಕಾ ಮಂದಣ್ಣ: 'ಕಿರಿಕ್ ಪಾರ್ಟಿ' ಚೆಲುವೆಯ ಸಿನಿಪಯಣ
ರಕ್ಷಿತ್ ಶೆಟ್ಟಿ ಹೀಗಂದ್ರು: ರಕ್ಷಿತ್ ಶೆಟ್ಟಿ ಅವರ ಚಲನಚಿತ್ರ ನಿರ್ಮಾಣ ಸಂಸ್ಥೆ 'ಪರಂವಃ' ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಎಕ್ಸ್ನಲ್ಲಿ ವಿಡಿಯೋವೊಂದನ್ನು ಶೇರ್ ಮಾಡಿದೆ. 'ಕಿರಿಕ್ ಪಾರ್ಟಿ' ಸಿನಿಮಾದ ಹಾಸ್ಯಭರಿತ ಕ್ಷಣಗಳನ್ನು ಇದು ಒಳಗೊಂಡಿದ್ದು, ನಿಮ್ಮನ್ನು ನಕ್ಕು ನಲಿಸುತ್ತದೆ. ವಿಡಿಯೋ ಹಂಚಿಕೊಂಡ ಪ್ರೊಡಕ್ಷನ್ ಹೌಸ್, ಸಿನಿಮಾ ಏಳು ವರ್ಷ ಪೂರೈಸಿರುವ ಸಂತಸ ಹಂಚಿಕೊಂಡಿದೆ. ಇದೇ ವಿಡಿಯೋ ಹಂಚಿಕೊಂಡಿರುವ ರಕ್ಷಿತ್ ಶೆಟ್ಟಿ, ''ಕೆಲವೊಮ್ಮೆ, ನಾವು ಕೇಳುವುದಕ್ಕಿಂತ ಹೆಚ್ಚಿನ ಅನುಭವ ಸಿಗುತ್ತದೆ. ತಮ್ಮ ಭವಿಷ್ಯ ರೂಪಿಸಿಕೊಳ್ಳುವ ಹಾದಿಯಲ್ಲಿ ಅನೇಕ ಮನಸ್ಸುಗಳು ಈ ಸಿನಿಮಾಗೆ ಬಂದು ಸೇರಿದವು. ಪ್ರೇಕ್ಷಕರು ಬಹಳ ಪ್ರೀತಿಯಿಂದ ಸ್ವೀಕರಿಸಿದರು. ನಿಮ್ಮೆಲ್ಲರಿಗೂ ನಾವು ಅಂಥದ್ದೇ ಅನುಭವಗಳನ್ನು ನೀಡಲು ಪ್ರಯತ್ನಿಸುತ್ತೇವೆ ಎಂದು ನಾನು ಭರವಸೆ ನೀಡುತ್ತೇನೆ'' ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ರಕ್ಷಿತ್ ಶೆಟ್ಟಿ 'ಬ್ಯಾಚುಲರ್ ಪಾರ್ಟಿ'ಗೆ ನಿಮಗಿದೆ ಆಹ್ವಾನ; ಜ.26ರಂದು ಥಿಯೇಟರ್ಗೆ ಬನ್ನಿ
ಬ್ಯಾಚುಲರ್ ಪಾರ್ಟಿ ತಂಡ: 'ಕಿರಿಕ್ ಪಾರ್ಟಿ' ಸಿನಿಮಾದ ಬರಹಗಾರ ಅಭಿಜಿತ್ ಮಹೇಶ್ ಅವರು ಬ್ಯಾಚುಲರ್ ಪಾರ್ಟಿ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ತಮ್ಮ ನಿರ್ದೇಶನದ ಚೊಚ್ಚಲ ಚಿತ್ರಕ್ಕೆ ಸಂಭಾಷಣೆ, ಕಥೆ-ಚಿತ್ರಕಥೆ ಬರೆದಿದ್ದಾರೆ. ಅಮಿತ್ ಗುಪ್ತಾ ಸಾಥ್ ನೀಡಿದ್ದಾರೆ. ದಿಗಂತ್, ಯೋಗಿ ಹಾಗೂ ಅಚ್ಯುತ್ ಕುಮಾರ್ ಪ್ರಮುಖ ಪಾತ್ರದಲ್ಲಿದ್ದಾರೆ. 2024ರ ಜನವರಿ 26ರಂದು ಸಿನಿಮಾ ತೆರೆಗೆ ಬರಲಿದೆ.
