ಬಾಲಿವುಡ್ ಬಹುಬೇಡಿಕೆಯ ನಟಿ ಕಿಯಾರಾ ಅಡ್ವಾಣಿ 31ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಪತಿ ಸಿದ್ದಾರ್ಥ್ ಮಲ್ಹೋತ್ರಾ ಜೊತೆಯಲ್ಲಿ ಬರ್ತ್ಡೇ ಆಚರಿಸಿಕೊಂಡಿದ್ದಾರೆ. ಸ್ನೇಹಿತರು ಮತ್ತು ಕುಟುಂಬದವರೊಂದಿಗೆ ಸೇರಿ ಕೇಕ್ ಕತ್ತರಿಸಿದ್ದಾರೆ. ಕಿಯಾರಾ ಅವರ ಸ್ನೇಹಿತರೊಬ್ಬರು ಬರ್ತ್ಡೇ ಆಚರಣೆಯ ಫೋಟೋಗಳನ್ನು ಇನ್ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ.
ಫೋಟೋದಲ್ಲಿ ಕಿಯಾರಾ ಅಡ್ವಾಣಿ ಕೇಕ್ ಕತ್ತರಿಸಲು ಕುಳಿತಿರುವುದನ್ನು ಕಾಣಬಹುದು. ತೆರೆದ ಕೇಶವಿನ್ಯಾಸ ಮತ್ತು ಮೇಕಪ್ ಇಲ್ಲದ ನೋಟದಲ್ಲೂ ಸುಂದರವಾಗಿ ಕಾಣುತ್ತಿದ್ದಾರೆ. ಅವರು ಕುಳಿತಿರುವ ಡೈನಿಂಗ್ ಟೇಬಲ್ ಹಿಂಬದಿಯ ಕನ್ನಡಿಯಲ್ಲಿ ಸಿದ್ದಾರ್ಥ್ ಮಲ್ಹೋತ್ರಾ ಅವರನ್ನು ಕಾಣಬಹುದು. ಪಾರ್ಟಿಗೆ ಕ್ಯಾಂಡಲ್ಸ್ ಮತ್ತು ಬಣ್ಣ ಬಣ್ಣದ ಬಲೂನುಗಳು ಮೆರುಗು ನೀಡಿದ್ದವು. ಅವುಗಳ ಮೇಲೆ "ನಾವು ನಿಮ್ಮನ್ನು ಪ್ರೀತಿಸುತ್ತೇವೆ" ಎಂದು ಬರೆಯಲಾಗಿದೆ.
ಕಿಯಾರಾ ಅಡ್ವಾಣಿ ಬರ್ತ್ಡೇ ಕೇಕ್ ನೋಡಲು ತುಂಬಾ ಸುಂದರವಾಗಿದೆ. ಮೂರು ಹಂತದಲ್ಲಿ ಇರುವ ಈ ಕೇಕ್ ಮೇಲೆ 'ಬಾರ್ನ್ ಟು ಶಾಪಿಂಗ್' ಮತ್ತು 'ಹ್ಯಾಪಿ ಬರ್ತ್ ಡೇ ಕಿ' ಎಂದು ಬರೆಯಲಾಗಿದೆ. ಪೋಟೋಗಳನ್ನು ನೋಡುವಾಗ ಬರ್ತ್ಡೇ ಸೆಲೆಬ್ರೇಷನ್ ತಡರಾತ್ರಿ ಮಾಡಿದಂತಿದೆ. ಕಿಯಾರಾ ಕಣ್ಣು ಮುಚ್ಚಿ, ಕೈಯಲ್ಲಿ ಚಾಕು ಹಿಡಿದು ಕೇಕ್ ಕತ್ತರಿಸಿದಂತೆ ಫೋಟೋದಲ್ಲಿ ಕಾಣುತ್ತಿದೆ.
ಇದನ್ನೂ ಓದಿ: ಥಿಯೇಟರ್‌ಗಳಲ್ಲಿ 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಹವಾ; 3ನೇ ದಿನದ ಕಲೆಕ್ಷನ್ನಲ್ಲಿ ಏರಿಕೆ
ಪತಿಯೊಂದಿಗೆ ವಿದೇಶದಲ್ಲಿ ಕಿಯಾರಾ: ಕಳೆದ 2 ದಿನಗಳ ಹಿಂದೆ ಕಿಯಾರಾ ಅಡ್ವಾಣಿ ತಮ್ಮ ಜನ್ಮದಿನದ ಸಲುವಾಗಿ ಪತಿ ಸಿದ್ದಾರ್ಥ್ ಮಲ್ಹೋತ್ರಾ ಜೊತೆ ವಿದೇಶಕ್ಕೆ ತೆರಳಿದ್ದಾರೆ. ಗುರುವಾರ ತಡರಾತ್ರಿ ಮುಂಬೈ ವಿಮಾನ ನಿಲ್ದಾಣದಲ್ಲಿ ಬಾಲಿವುಡ್ ಸೆಲೆಬ್ರಿಟಿ ಕಪಲ್ ಪಾಪರಾಜಿಗಳ ಕಣ್ಣಿಗೆ ಕಾಣಿಸಿಕೊಂಡಿದ್ದರು. ಆ ವೇಳೆ ಸಿದ್ ಕಿಯಾರಾ ಕ್ಯಾಶುವಲ್ ಲುಕ್ನಲ್ಲಿದ್ದರು.
ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಕಿಯಾರಾ ಅಡ್ವಾಣಿ ಫೆಬ್ರವರಿಯಲ್ಲಿ ಹಸೆಮಣೆ ಏರುವ ಮೂಲಕ ಅಭಿಮಾನಿಗಳ ಸಂತಸಕ್ಕೆ ಕಾರಣರಾದರು. ವಿವಾಹಕ್ಕೂ ಮುನ್ನ ಈ ಬಾಲಿವುಡ್ ಲವ್ ಬರ್ಡ್ಸ್ ಎಲ್ಲಿಯೂ ತಮ್ಮ ಪ್ರೀತಿಯ ಗುಟ್ಟನ್ನು ಬಿಟ್ಟುಕೊಟ್ಟಿರಲಿಲ್ಲ. ಆದ್ರೆ ಈ ಜೋಡಿ ಡೇಟಿಂಗ್ನಲ್ಲಿರಬಹುದು ಎಂಬ ಗುಸುಗುಸು ಹರಡಿತ್ತು. ಸಿನಿಮಾ ಈವೆಂಟ್ಗಳು, ಪಾರ್ಟಿಗಳಲ್ಲಿ ಒಟ್ಟಿಗೆ ಕಾಣಿಸಿಕೊಳ್ಳುವ ಮೂಲಕ ಡೇಟಿಂಗ್ ವದಂತಿಗಳಿಗೆ ತುಪ್ಪ ಸುರಿದಿದ್ದರು.
ಕಿಯಾರಾ ಅಡ್ವಾಣಿ ಸಿನಿಮಾ: ಕಿಯಾರಾ ಅಡ್ವಾಣಿ ನಟಿಸುತ್ತಿರುವ ಮುಂಬರುವ ಬಹು ನಿರೀಕ್ಷಿತ ಸಿನಿಮಾ 'ಗೇಮ್ ಚೇಂಜರ್‌'. ಆರ್ಆರ್ಆರ್ ಸ್ಟಾರ್ ರಾಮ್ಚರಣ್ ಜೊತೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಚಿತ್ರಕ್ಕೆ ಶಂಕರ್ ಆಕ್ಷನ್ ಕಟ್ ಹೇಳಿದ್ದಾರೆ. ನಟಿಯ ಕೊನೆಯ ಸಿನಿಮಾ 'ಸತ್ಯಪ್ರೇಮ್ ಕಿ ಕಥಾ' ಮೆಚ್ಚುಗೆಯನ್ನು ಸ್ವೀಕರಿಸಿದೆ. ಬಹು ಬೇಡಿಕೆಯಿರುವ ನಟಿಯರ ಪೈಕಿ ಕಿಯಾರಾ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ. ಜೊತೆಗೆ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನೂ ಸಂಪಾದಿಸಿದ್ದಾರೆ.
ಇದನ್ನೂ ಓದಿ: Jaggesh: ರಜನಿ 'ಜೈಲರ್' ಜೊತೆ ಜಗ್ಗೇಶ್ 'ತೋತಾಪುರಿ 2' ಸಿನಿಮಾ ಬಿಡುಗಡೆ; ಯಾವಾಗ ಗೊತ್ತೇ?
