ಸಿನಿ ಲೋಕದ ತಾರೆಯರು ಐಷಾರಾಮಿ ಮನೆ, ಫ್ಲಾಟ್, ಕಾರು ಖರೀದಿಸುತ್ತಾ ಸುದ್ದಿಯಲ್ಲಿರುತ್ತಾರೆ. ಇದೀಗ ಆ ಸಾಲಿಗೆ ಬಾಲಿವುಡ್ ನಟ ಕಾರ್ತಿಕ್ ಆರ್ಯನ್ ಕೂಡ ಸೇರಿದ್ದಾರೆ. ಮುಂಬೈನ ಬೆಲೆಬಾಳುವ ಜುಹು ಪ್ರದೇಶದಲ್ಲಿ ಈಗಾಗಲೇ ಅವರ ಕುಟುಂಬ ವಾಸವಿರುವ ಅಪಾರ್ಟ್ಮೆಂಟ್ನ ಅದೇ ಕಟ್ಟಡದಲ್ಲಿ ಮತ್ತೊಂದು ಐಷಾರಾಮಿ ಅಪಾರ್ಟ್ಮೆಂಟ್ ಅನ್ನು ಖರೀದಿಸಿದ್ದಾರೆ. ಮೂಲಗಳ ಪ್ರಕಾರ, ನಟ ಜೂನ್ 30 ರಂದು 17.50 ಕೋಟಿ ರೂ. ಬೆಲೆ ಬಾಳುವ ಈ ಅಪಾರ್ಟ್ಮೆಂಟ್ ಅನ್ನು ಕೊಂಡುಕೊಂಡಿದ್ದಾರೆ.
ವರದಿಗಳ ಅನುಸಾರ, ಕಾರ್ತಿಕ್ ಆರ್ಯನ್ ಅವರು ಜುಹುವಿನ ಸಿದ್ಧಿ ವಿನಾಯಕ್ ಸೊಸೈಟಿಯ ಎರಡನೇ ಮಹಡಿಯಲ್ಲಿ 1536 ಚದರ ಅಡಿ ವಿಸ್ತೀರ್ಣದ ಆಸ್ತಿಯನ್ನು ಖರೀದಿಸಿದ್ದಾರೆ. ನಿಖರವಾದ ಮೌಲ್ಯ 7.49 ಕೋಟಿ ಎಂದು ಹೇಳಲಾಗಿದ್ದರೂ, ಅಪಾರ್ಟ್ಮೆಂಟ್ ಅನ್ನು 17.50 ಕೋಟಿ ರೂ ಪ್ರೀಮಿಯಂ ದರದಲ್ಲಿ ಖರೀದಿಸಲಾಗಿದೆ ಎಂದು ವರದಿಯಾಗಿದೆ. ಇದಲ್ಲದೇ ಆರ್ಯನ್ ಅವರ ಕುಟುಂಬವು ಅದೇ ಕಟ್ಟದಲ್ಲಿ 8ನೇ ಮಹಡಿಯ ಐಷಾರಾಮಿ ಅಪಾರ್ಟ್ಮೆಂಟ್ನಲ್ಲಿ ವಾಸವಿದ್ದಾರೆ.
ಜಯೇಶ್ ಮತ್ತು ಕೇತಕಿ ದೋಷಿ ಅವರಿಂದ ಫ್ಲಾಟ್ ಖರೀದಿಸಿದ ನಂತರ ಕಾರ್ತಿಕ್ ಸ್ಟ್ಯಾಂಪ್ ಡ್ಯೂಟಿ ಪಾವತಿಸಿದ್ದಾರೆ ಎಂದು ವರದಿಯಾಗಿದೆ. ಅಪಾರ್ಟ್ಮೆಂಟ್ ಜೊತೆಗೆ ಎರಡು ಪಾರ್ಕಿಂಗ್ ಸ್ಥಳಗಳನ್ನು ನಟ ಖರೀದಿಸುವ ನಿರೀಕ್ಷೆಯಿದೆ. ಕಾರ್ತಿಕ್ ಆರ್ಯನ್ ಅವರು ತಮ್ಮ ಅಪಾರ್ಟ್ಮೆಂಟ್ನ ಅಗತ್ಯತೆಗಳನ್ನು ನೋಡಿಕೊಳ್ಳುವ ಜವಾಬ್ದಾರಿಯನ್ನು ತಾಯಿ ಡಾ. ಮಾಲಾ ತಿವಾರಿಗೆ ನೀಡಿರುವುದಾಗಿ ತಿಳಿದು ಬಂದಿದೆ. 2019 ರಲ್ಲಿ ಕಾರ್ತಿಕ್ ವರ್ಸೋವಾದಲ್ಲಿ 459 ಚದರ ಅಡಿ ಅಪಾರ್ಟ್‌ಮೆಂಟ್‌ಗಾಗಿ 1.60 ಕೋಟಿ ರೂಪಾಯಿ ಹೂಡಿಕೆ ಮಾಡಿದ್ದರು.
ಇದನ್ನೂ ಓದಿ: Salaar: 100 ಮಿಲಿಯನ್ ವೀಕ್ಷಣೆ ದಾಟಿದ 'ಸಲಾರ್' ಟೀಸರ್; ಆಗಸ್ಟ್ ಕೊನೆಯಲ್ಲಿ ಟ್ರೇಲರ್ಗೆ ಮುಹೂರ್ತ
ಇನ್ನೂ ಕಾರ್ತಿಕ್ ಆರ್ಯನ್ ಸಿನಿಮಾ ವಿಚಾರವಾಗಿ ನೋಡುವುದಾದರೆ, ಸದ್ಯ ಅವರು 'ಸತ್ಯಪ್ರೇಮ್ ಕಿ ಕಥಾ' ಯಶಸ್ಸಿನಲ್ಲಿದ್ದಾರೆ. ಇದಲ್ಲದೇ 'ಚಂದು ಚಾಂಪಿಯನ್' ಸಿನಿಮಾ ಘೋಷಿಸಿದ್ದಾರೆ. ಕಬೀರ್ ಖಾನ್ ಮತ್ತು ಸಾಜಿದ್ ನಾಡಿಯಾಡ್ವಾಲಾ ಅವರ ಸಹಯೋಗದಲ್ಲಿ ಈ ಸಿನಿಮಾ ಮೂಡಿಬರಲಿದೆ. ಈ ಚಿತ್ರದಲ್ಲಿ ಆರ್ಯನ್‌ಗೆ ಜೋಡಿಯಾಗಿ ಶ್ರದ್ಧಾ ಕಪೂರ್ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ಇದಲ್ಲದೇ, ಕಾರ್ತಿಕ್ ಅವರ ಕೈಯಲ್ಲಿ ಆಶಿಕಿ 3 ಕೂಡ ಇದೆ.
'ಸತ್ಯಪ್ರೇಮ್ ಕಿ ಕಥಾ': ಕಾರ್ತಿಕ್ ಆರ್ಯನ್ ಮತ್ತು ಕಿಯಾರಾ ಅಡ್ವಾಣಿ ಜೋಡಿಯ ರೊಮ್ಯಾಂಟಿಕ್ ಮ್ಯೂಸಿಕಲ್ ಲವ್ಸ್ಟೋರಿ ಸಿನಿಮಾ 'ಸತ್ಯಪ್ರೇಮ್ ಕಿ ಕಥಾ'. ಚಿತ್ರವು ಸಮೀರ್ ವಿದ್ವಾನ್ಸ್ ನಿರ್ದೇಶನದಲ್ಲಿ ಮೂಡಿ ಬಂದಿದೆ. ಚಿತ್ರದ ಶೀರ್ಷಿಕೆಯೇ ನಟ ನಟಿಯ ಹೆಸರು. ಸತ್ಯಪ್ರೇಮ್ ಆಗಿ ಕಾರ್ತಿಕ್ ಆರ್ಯನ್ ನಟಿಸಿದರೆ, ಕಥಾ ಆಗಿ ಕಿಯಾರಾ ಅಡ್ವಾಣಿ ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಗಜ್ರಾಜ್ ರಾವ್, ಸುಪ್ರಿಯಾ ಪಾಠಕ್, ಶಿಖಾ ತಲ್ಸಾನಿಯಾ, ರಾಜ್ಪಾಲ್ ಯಾದವ್, ಸಿದ್ಧಾರ್ಥ್ ರಾಂಧೇರಿಯಾ ಮತ್ತು ಅನುರಾಧಾ ಪಟೇಲ್ ಕೂಡ ಅಭಿನಯಿಸಿದ್ದಾರೆ.
ಇದನ್ನೂ ಓದಿ: 'ಜನರ ಭಾವನೆಗಳಿಗೆ ಧಕ್ಕೆಯನ್ನುಂಟು ಮಾಡಿದ್ದಕ್ಕಾಗಿ ಕ್ಷಮೆಯಾಚಿಸುತ್ತೇನೆ': ಆದಿಪುರುಷ್ ಡೈಲಾಗ್ ರೈಟರ್
