ಬಾಲಿವುಡ್ ನಟ ಕಾರ್ತಿಕ್ ಆರ್ಯನ್ ಅವರ ಮುಂಬರುವ ಬಹುನಿರೀಕ್ಷಿತ ಚಿತ್ರ 'ಚಂದು ಚಾಂಪಿಯನ್'. ಇದೀಗ ಸಿನಿಮಾದ ಫಸ್ಟ್ ಲುಕ್ ಬಿಡುಗಡೆಯಾಗಿದೆ. ಇದು ರಿಯಲ್ ಹೀರೋ ಮುರಳಿಕಾಂತ್ ಪೇಟ್ಕರ್ ಅವರ ಜೀವನಾಧಾರಿತ ಕಥೆಯಾಗಿದೆ. ಚಿತ್ರವನ್ನು ಕಬೀರ್ ಖಾನ್ ನಿರ್ದೇಶಿಸಿದ್ದಾರೆ. ಜುಲೈ 2024 ರಲ್ಲಿ 'ಚಂದು ಚಾಂಪಿಯನ್' ಬಿಡುಗಡೆಯಾಗಲಿದೆ. ಚಿತ್ರದ ಫಸ್ಟ್ ಲುಕ್ ಅನ್ನು ಕಾರ್ತಿಕ್ ಆರ್ಯನ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಕಾರ್ತಿಕ್ ಆರ್ಯನ್ ಅವರು 'ಸತ್ಯಪ್ರೇಮ್ ಕಿ ಕಥಾ' ಸಿನಿಮಾ ಯಶಸ್ಸಿನ ನಂತರ ಮತ್ತೊಂದು ಯೋಜನೆಯೊಂದಿಗೆ ಮರಳಿದ್ದಾರೆ. 'ಚಂದು ಚಾಂಪಿಯನ್' ಚಿತ್ರವು ಪ್ಯಾರಾಲಿಂಪಿಕ್ ವಿಜೇತ ಮುರಳಿಕಾಂತ್ ಪೇಟ್ಕರ್ ಅವರ ಜೀವನವನ್ನು ಆಧರಿಸಿದೆ. ಸಿನಿಮಾದ ಸಿದ್ಧತೆಗಳು ಕಳೆದ ತಿಂಗಳಿನಲ್ಲೇ ಪ್ರಾರಂಭಗೊಂಡಿದೆ. ಒಬ್ಬ ರಿಯಲ್ ಹೀರೋನ ಕಥೆಯನ್ನು ಇಟ್ಟುಕೊಂಡು ಕಬೀರ್ ಖಾನ್ ಅವರು ಸಿನಿಮಾ ಮಾಡುತ್ತಿದ್ದಾರೆ. ಕಾರ್ತಿಕ್ ಆರ್ಯನ್ ಅವರನ್ನು ಹೊಸ ಅವತಾರದಲ್ಲಿ ಕಾಣಲು ಸಿನಿ ಪ್ರೇಮಿಗಳು ಕಾತರರಾಗಿದ್ದಾರೆ.
ಕಾರ್ತಿಕ್ ಆರ್ಯನ್ ಸೋಷಿಯಲ್ ಮೀಡಿಯಾದಲ್ಲಿ 'ಚಂದು ಚಾಂಪಿಯನ್' ಫಸ್ಟ್ ಲುಕ್ ಅನ್ನು ಹಂಚಿಕೊಂಡಿದ್ದು, "ನಿಮ್ಮ ಎದೆಯ ಮೇಲೆ ಭಾರತ ಎಂದು ಬರೆದಾಗ ಅದು ವಿಶೇಷ ಭಾವನೆ" ಎಂದು ಕ್ಯಾಪ್ಶನ್ ನೀಡಿದ್ದಾರೆ. ಪೋಸ್ಟರ್ನಲ್ಲಿ ಯುವ ಸೂಪರ್ ಸ್ಟಾರ್ ಸಂಪೂರ್ಣ ವಿಭಿನ್ನ ನೋಟದಲ್ಲಿ ಕಾಣಿಸಿಕೊಂಡಿದ್ದಾರೆ. "ನಿಜವಾದ ಹೀರೋ ಆಗಿ ನಟಿಸುತ್ತಿರುವುದಕ್ಕೆ ಹೆಮ್ಮೆ ಪಡುತ್ತೇನೆ. #ಚಂದು ಚಾಂಪಿಯನ್ #ಫಸ್ಟ್ ಲುಕ್ ಆಗಸ್ಟ್ 1" ಎಂದು ಕ್ಯಾಪ್ಶನ್ಗೆ ಮತ್ತಷ್ಟು ಸೇರಿಸಿದ್ದಾರೆ.
ಇದನ್ನೂ ಓದಿ: ಬಿಗ್ ಬಾಸ್ನಲ್ಲಿ ಭಟ್ ಫ್ಯಾಮಿಲಿ: ಪುತ್ರಿ ಭೇಟಿಯಾದ ಮಹೇಶ್ ಭಟ್, ಇಂದು ಸೆಲೆಬ್ರಿಟಿ ಹೌಸ್ಗೆ ಆಲಿಯಾ ಭಟ್ ಎಂಟ್ರಿ
ಹಿಂದೆಂದೂ ನೋಡಿರದ ಡಿಫರೆಂಟ್ ಸ್ಟೈಲ್ನಲ್ಲಿ ಕಾರ್ತಿಕ್ ಆರ್ಯನ್ ಕಾಣಿಸಿಕೊಂಡಿದ್ದಾರೆ. ಒಬ್ಬ ರಿಯಲ್ ಹೀರೋನ ಕಥೆಯನ್ನು ಬೆಳ್ಳಿ ತೆರೆ ಮೇಲೆ ತರಲು ಬಾಲಿವುಡ್ ಚಿತ್ರತಂಡವೊಂದು ಪ್ರಯತ್ನಕ್ಕಿಳಿದಿದೆ. ಈ ಸಿನಿಮಾ ರಾಷ್ಟ್ರವನ್ನು ಹೆಮ್ಮೆ ಪಡುವಂತೆ ಮಾಡುವುದರಲ್ಲಿ ಸಂಶಯವಿಲ್ಲ. ಯುವ ಸೂಪರ್ ಸ್ಟಾರ್ ಫಸ್ಟ್ ಲುಕ್ನಿಂದ ಸಿನಿಮಾ ಮೇಲೆ ಜನರ ನಿರೀಕ್ಷೆ ಹೆಚ್ಚಾಗಿದೆ.
ಲಂಡನ್ನಲ್ಲಿ ಚಿತ್ರೀಕರಣ: ಚಂದು ಚಾಂಪಿಯನ್ ಚಿತ್ರೀಕರಣವು ಲಂಡನ್ನಲ್ಲಿ ಪ್ರಾರಂಭವಾಯಿತು. ಸಾಜಿದ್ ಮತ್ತು ವಾರ್ದಾ ನಾಡಿಯಾಡ್‌ವಾಲಾ, ಕಬೀರ್ ಖಾನ್ ಮತ್ತು ಕಾರ್ತಿಕ್ ಆರ್ಯನ್ ಅವರ ಉಪಸ್ಥಿತಿಯಲ್ಲಿ ಸಿನಿಮಾ ಮುಹೂರ್ತ ಸಮಾರಂಭ ಕಳೆದ ತಿಂಗಳು ಅದ್ಧೂರಿಯಾಗಿ ನೆರವೇರಿತ್ತು. ಫಸ್ಟ್ ಲುಕ್ ಹಂಚಿಕೊಂಡ ಕಾರ್ತಿಕ್ ಚಿತ್ರದ ಮೊದಲ ಶೆಡ್ಯೂಲ್ ಅನ್ನು ಪೂರ್ಣಗೊಳಿಸಿರುವುದಾಗಿ ತಿಳಿಸಿದ್ದಾರೆ. 'ಚಂದು ಚಾಂಪಿಯನ್' ಸಿನಿಮಾ 2024 ರಲ್ಲಿ ತೆರೆಗೆ ತರಲು ನಿರ್ಧರಿಸಲಾಗಿದೆ. ಮುರಳಿಕಾಂತ್ ಪೇಟ್ಕರ್ ಭಾರತದ ಮೊದಲ ಪ್ಯಾರಾಲಿಂಪಿಕ್ ಚಿನ್ನದ ಪದಕ ವಿಜೇತರಾಗಿದ್ದಾರೆ.
ಇದನ್ನೂ ಓದಿ:'ಕಾಲ್ಕೂಟ್' ಸ್ಕ್ರೀನಿಂಗ್: ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಂಡ ಲವ್ ಬರ್ಡ್ಸ್ ತಮನ್ನಾ- ವಿಜಯ್
