ಹೈದರಾಬಾದ್: ನಟ ಕಾರ್ತಿಕ್ ಆರ್ಯನ್ ಅವರ ಮುಂಬರುವ ಚಿತ್ರದ ಕುರಿತು ಹೊಸ ಪ್ರಕಟಣೆಯನ್ನು ತಮ್ಮ ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಂನಲ್ಲಿ ಪ್ರಕಟಿಸಿದ್ದಾರೆ. ಕಾರ್ತಿಕ್ ಆರ್ಯನ್ ಮತ್ತು ಕಿಯಾರಾ ಅದ್ವಾನಿ ಅವರ ನಟನೆಯ ಬಹು ನೀರಿಕ್ಷಿತ ಚಿತ್ರ 'ಸತ್ಯ ಪ್ರೇಮ್ ಕಿ ಕಥಾ' ಸಿನಿಮಾದ ಟೀಸರ್ ಅನ್ನು ಹಂಚಿಕೊಂಡಿದ್ದಾರೆ. ಸಿನಿಮಾದಲ್ಲಿ ಇಬ್ಬರ ಪಾತ್ರ ಪರಿಚಯದ ಟೀಸರ್ ಇದಾಗಿದ್ದು, ಇಬ್ಬರ ಮುದ್ದಾದ ಜೋಡಿಗೆ ಜನರು ಮತ್ತೊಮ್ಮೆ ಅಭಿನಂದನೆ ತಿಳಿಸಿದ್ದಾರೆ. ಈಗಾಗಲೇ ಈ ಜೋಡಿಯ ಕೆಮಿಸ್ಟ್ರಿ ಹಿಟ್ ಆಗಿದ್ದು, ಈ ಚಿತ್ರದಲ್ಲಿ ಲವರ್ಗಳಾಗದೇ ದಂಪತಿಗಳಾಗಿ ಮಿಂಚಲಿದ್ದಾರೆ. ಟೀಸರ್ನಲ್ಲಿ ಇಬ್ಬರ ಅದ್ಧೂರಿ ಮದುವೆ ಮತ್ತು ಚುಂಬನ ದೃಶ್ಯಗಳು ಕೂಡ ಕಂಡು ಬಂದಿವೆ.
ಇನ್ನು ಚಿತ್ರದ ಟೀಸರ್ ವಿಡಿಯೋ ಹಂಚಿಕೊಂಡ ಅವರು, 'ಆಕೆಯದು ಕಣ್ಣೀರು ಇರಬಹುದು.. ಆದರೆ... ಕಣ್ಣು ನನ್ನದು'' ಎಂದು ಬರೆದಿದ್ದಾರೆ. ಕಾರ್ತಿಕ್ ಅವರ ಧ್ವನಿ ಮೂಲಕ ಚಿತ್ರದ ಟೀಸರ್ ಆರಂಭವಾಗಲಿದೆ. ಬ್ಯಾಕ್ಗ್ರೌಂಡ್ನ ರೋಮ್ಯಾಟಿಂಕ್ ಟ್ಯೂನ್ ಮತ್ತಷ್ಟು ಹಿತ ನೀಡುತ್ತದೆ. ಪ್ರೀತಿಸಿದ ಹೃದಯಗಳು ಮದುವೆ ಕಥಾನಕವನ್ನು ಈ ಚಿತ್ರವನ್ನು ಹೊಂದಿದೆ.
- " class="align-text-top noRightClick twitterSection" data="
">
ಪ್ರೀತಿ, ಮದುವೆ ಕುರಿತಾದ ಈ ಮುದ್ದಾದ ರೋಮ್ಯಾಂಟಿಕ್ ಚಿತ್ರ ಇದೆ ಜೂನ್ 29ರಂದು ತೆರೆಗೆ ಬರಲು ಸಜ್ಜಾಗಿದೆ. ಈ ಚಿತ್ರವನ್ನು ಸಮೀರ್ ವಿಧ್ವಾನ್ ನಿರ್ದೇಶಿಸುತ್ತಿದ್ದು, ಸಜೀದ್ ನಡಿಯದ್ವಾಲ್ ಅವರು ನಿರ್ಮಿಸಿದ್ದಾರೆ. ಈ ಚಿತ್ರದ ಟೀಸರ್ ಅನ್ನು ಕಾರ್ತಿಕ್ ಮತ್ತು ಕಿಯಾರಾ ಅದ್ವಾನಿ ಇಬ್ಬರು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಚಿತ್ರದಲ್ಲಿ ಸುಪ್ರಿಯ ಪಾಠಕ್ ಕಪೂರ್, ಗಜರಜ್ ರಾವ್, ಸಿದ್ಧಾರ್ಥ್ ರಂಧೇರಿಯಾ, ಅನೂರಾದ ಪಟೇಲ್, ರಾಜ್ಪಾಲ್ ಯಾದವ್, ಶೇಖ್ ತಲ್ಸನಿಯಾ ಕೂಡ ಇದ್ದಾರೆ.
ಈ ಹಿಂದೆ ಚಿತ್ರದ ಹೆಸರನ್ನು 'ಸತ್ಯನಾರಾಯಣ್ ಕಿ ಕಥಾ' ಎಂದು ಹೆಸರಿಡಲಾಗಿತ್ತು. ವಿಷ್ಣುವಿನ ಹೆಸರಾದ ಸತ್ಯನಾರಾಯಣ ಹೆಸರು ಇಟ್ಟ ಹಿನ್ನೆಲೆ ಆಕ್ಷೇಪವನ್ನು ಚಿತ್ರತಂಡ ಎದುರಿಸಿದ ಬೆನ್ನಲ್ಲೇ ನಿರ್ದೇಶಕ ಸಮೀರ್ ವಿದ್ವಾನ್ ಹೆಸರನ್ನು ಮರು ನಾಮಕರಣಗೊಳಿಸಿದರು.
ಇಬ್ಬರ ಜೋಡಿಯ ಎರಡನೆ ಚಿತ್ರ: 'ಸತ್ಯಪ್ರೇಮ್ ಕಿ ಕಥಾ' ಚಿತ್ರ ಈ ಜೋಡಿಗಳಿಗೆ ಎರಡನೇ ಚಿತ್ರವಾಗಿದೆ. ಈ ಮೊದಲು 2022ರಲ್ಲಿ ತೆರೆಕಂಡ 'ಭೂಲ್ ಬುಲಯ್ಯ-2' ಚಿತ್ರದಲ್ಲಿ ಈ ಜೋಡಿ ಮೊದಲ ಬಾರಿಗೆ ಒಟ್ಟಿಗೆ ನಟಿಸಿದ್ದರು. ಈ ಚಿತ್ರ ದೊಡ್ಡ ಸಕ್ಸಸ್ ಕಾಣುವ ಜೊತೆಗೆ ಇಬ್ಬರ ಜೋಡಿಗೆ ಮೆಚ್ಚುಗೆ ಕೂಡ ವ್ಯಕ್ತವಾಗಿತ್ತು. ಇವರ ಇಬ್ಬರ ನಡುವಿನ ಕೆಮಿಸ್ಟ್ರಿ ಜನರಿಗೆ ಇಷ್ಟವಾದ ಹಿನ್ನೆಲೆ ಇದೀಗ ಮತ್ತೊಂದು ಚಿತ್ರದಲ್ಲಿ ಒಟ್ಟಾಗಿ ಕಾಣಿಸಿಕೊಂಡಿದ್ದಾರೆ.
ಕಿಯಾರಾ ಅದ್ವಾನಿ ಸಿದ್ದಾರ್ಥ್ ಮಲ್ಹೋತ್ರಾ ಜೊತೆಗೆ ಮದುವೆಯಾದ ಬಳಿಕ ಬಿಡುಗಡೆಯಾಗುತ್ತಿರುವ ಮೊದಲ ಚಿತ್ರ ಇದಾಗಿದೆ. ಸಿನಿಮಾ ಆಯ್ಕೆಯಲ್ಲಿ ಕಿಯಾರಾ ವಿಭಿನ್ನತೆ ಕಾಯ್ದುಕೊಳ್ಳುತ್ತಿದ್ದಾರೆ. ಸತ್ಯ ಪ್ರೇಮ್ ಕಿ ಕಥಾ, ಶೆಹಜಾದ್ ಚಿತ್ರಗಳಲ್ಲೂ ಅವರು ಬ್ಯುಸಿಯಾಗಿದ್ದಾರೆ. ಇನ್ನು ಕಾರ್ತಿಕ್ ಕೂಡ ಹನ್ಸಲ್ ಮೆಹ್ತಾ ಅವರ ಕ್ಯಾಪ್ಟನ್ ಇಂಡಿಯಾ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇದರ ಜೊತೆಗೆ ಕಬೀರ್ ಖಾನ್ ಅವರ ಹೆಸರಿಡದ ಚಿತ್ರಕ್ಕೆ ಸಹಿ ಹಾಕಿದ್ದಾರೆ.
ಇದನ್ನೂ ಓದಿ: ಸೊಸೆಯ ಮನೆ ನಿರ್ಮಾಣ ಹಂತದಲ್ಲಿರುವಾಗಲೇ ಹೊಸ ಅಪಾರ್ಟ್ಮೆಂಟ್ ಖರೀದಿಸಿದ ನೀತು ಕಪೂರ್!
