BSNL Recharge Plan: ದುಬಾರಿ ರೀಚಾರ್ಜ್‌ಗಳಿಂದಾಗಿ ಮೊಬೈಲ್ ಬಳಕೆದಾರರ ಜೇಬಿಗೆ ಕತ್ತರಿ ಬೀಳುತ್ತಿದೆ. ಟ್ರಾಯ್ ಆದೇಶದ ನಂತರ ಖಾಸಗಿ ಟೆಲಿಕಾಂ ಕಂಪೆನಿಗಳು ಕಾಲಿಂಗ್ ಮತ್ತು ಎಸ್ಎಮ್ಎಸ್ ಯೋಜನೆಗಳನ್ನು ಮಾತ್ರ ಹೊರತಂದಿವೆ. ಆದರೆ ಆ ರೀಚಾರ್ಜ್ ಬೆಲೆಗಳೂ ಸಹ ತುಂಬಾ ದುಬಾರಿಯಾಗಿವೆ. ಸರ್ಕಾರಿ ದೂರಸಂಪರ್ಕ ಕಂಪೆನಿ ಬಿಎಸ್ಎನ್ಎಲ್ ಅಗ್ಗದ ರೀಚಾರ್ಜ್ ಯೋಜನೆಗಳಿಗೆ ಹೆಸರುವಾಸಿಯಾಗಿದೆ. ಈ ಹಿನ್ನೆಲೆಯಲ್ಲಿ ದೇಶದ ಏಕೈಕ ಸರ್ಕಾರಿ ಕಂಪೆನಿಯಾದ ಬಿಎಸ್ಎನ್ಎಲ್ ಈ ಕೈಗೆಟುಕುವ ರೀಚಾರ್ಜ್ ಪ್ಲಾನ್ ಬಗ್ಗೆ ನಾವು ನಿಮಗೆ ಹೇಳಲಿದ್ದೇವೆ. ಇದು ಕೇವಲ 900 ರೂ.ಗಿಂತ ಕಡಿಮೆ ಬೆಲೆಯಲ್ಲಿ 6 ತಿಂಗಳ ಮಾನ್ಯತೆಯೊಂದಿಗೆ ಡೇಟಾ ಮತ್ತು ಕಾಲಿಂಗ್ ಬೆನಿಫಿಟ್ಸ್ ನೀಡುತ್ತಿದೆ.
ಬಿಎಸ್ಎನ್ಎಲ್ ₹897 ರೀಚಾರ್ಜ್ ಪ್ಲಾನ್: ನೀವು ದೀರ್ಘಾವಧಿಯ ಸಿಂಧುತ್ವ, ಕಾಲ್, ಡೇಟಾ ಮತ್ತು ಎಸ್ಎಮ್ಎಸ್ ಸೌಲಭ್ಯಗಳನ್ನು ನೀಡುವ ಯೋಜನೆಯನ್ನು ಹುಡುಕುತ್ತಿದ್ದರೆ, ಬಿಎಸ್ಎನ್ಎಲ್ನ 897 ರೂ. ರೀಚಾರ್ಜ್ ನಿಮಗೆ ಉಪಯುಕ್ತವಾಗಬಹುದು.
ಕೇವಲ 897 ರೂ.ಗೆ ಬಿಎಸ್ಎನ್ಎಲ್ 180 ದಿನಗಳ ಸಿಂಧುತ್ವದೊಂದಿಗೆ ಬರುತ್ತದೆ. ಬಳಕೆದಾರರು ಈ ಪೂರ್ಣ ಸಿಂಧುತ್ವ ಅವಧಿಯಲ್ಲಿ ದೇಶಾದ್ಯಂತ ಫ್ರೀ ಕಾಲಿಂಗ್ ಬೆನಿಫಿಟ್ಸ್ ಪಡೆಯಲು ಸಾಧ್ಯವಾಗುತ್ತದೆ. ಇದರ ಜೊತೆಗೆ ಗ್ರಾಹಕರು ಪ್ರತಿದಿನ 100 ಎಸ್ಎಮ್ಎಸ್ಗಳನ್ನೂ ಸಹ ಪಡೆಯುತ್ತಾರೆ. ಈ ರೀಚಾರ್ಜ್ ಪ್ಲಾನ್ನ ಬೆನಿಫಿಟ್ಸ್ಗಳು ಇಲ್ಲಿಗೆ ಮುಗಿಯುವುದಿಲ್ಲ. ಇದರೊಂದಿಗೆ ಸರ್ಕಾರಿ ಕಂಪೆನಿಯು 90GB ಡೇಟಾ ಸಹ ನೀಡುತ್ತಿದ್ದು, ಇದನ್ನು 180 ದಿನಗಳವರೆಗೆ ಬಳಸಬಹುದಾಗಿದೆ.
ಇದನ್ನೂ ಓದಿ: ಅತ್ಯಂತ ಕೈಗೆಟುಕುವ ದರದಲ್ಲಿ ಮಾಸಿಕ ರೀಚಾರ್ಜ್ ಪ್ಲಾನ್ ಘೋಷಿಸಿದ Jio
ಬಿಎಸ್ಎನ್ಎಲ್ನ ಮತ್ತೊಂದು ಕೈಗೆಟುಕುವ ಪ್ಲಾನ್: ಬಿಎಸ್ಎನ್ಎಲ್ ತನ್ನ ಮತ್ತೊಂದು ಕೈಗೆಟುಕುವ ಪ್ಲಾನ್ನಲ್ಲಿ ದೀರ್ಘಾವಧಿಯ ಮಾನ್ಯತೆಯನ್ನು ನೀಡುತ್ತಿದೆ. ಆದರೆ ಅದರೊಂದಿಗೆ ಇತರ ಪ್ರಯೋಜನಗಳು ಸೀಮಿತವಾಗಿವೆ. ನಾವು ಬಿಎಸ್ಎನ್ಎಲ್ನ 797 ರೂ.ಗಳ ರೀಚಾರ್ಜ್ ಪ್ಲಾನ್ ಬಗ್ಗೆ ಮಾತನಾಡುತ್ತಿದ್ದೇವೆ. ಇದು 300 ದಿನಗಳ ಸಿಂಧುತ್ವದೊಂದಿಗೆ ಬರುತ್ತದೆ. ಅಂದ್ರೆ ಬಳಕೆದಾರರು ಪೂರ್ಣ 10 ತಿಂಗಳ ಮಾನ್ಯತೆಯನ್ನು ಪಡೆಯುತ್ತಾರೆ.
ಇನ್ನು ಈ ಪ್ಲಾನ್ನಲ್ಲಿ ಗ್ರಾಹಕರು ಕೇವಲ 60 ದಿನಗಳವರೆಗೆ ಮಾತ್ರ ಅನ್ಲಿಮಿಟೆಡ್ ಕಾಲ್ಸ್ ಬೆನಿಫಿಟ್ಸ್ ಪಡೆಯಲಿದ್ದಾರೆ. ಅದೇ ರೀತಿ ಡೇಟಾ ಮತ್ತು ಎಸ್ಎಮ್ಎಸ್ನ ಪ್ರಯೋಜನವು ಮೊದಲ 60 ದಿನಗಳವರೆಗೆ ಲಭ್ಯವಿರುತ್ತದೆ. ಈ ರೀಚಾರ್ಜ್ ಮಾಡುವುದರಿಂದ, ನೀವು ಪ್ರತಿದಿನ 100 ಎಸ್ಎಮ್ಎಸ್ ಕಳುಹಿಸಲು ಮತ್ತು ಮೊದಲ 60 ದಿನಗಳವರೆಗೆ ಪ್ರತಿದಿನ 2GB ಡೇಟಾವನ್ನು ಬಳಸಲು ಸಾಧ್ಯವಾಗುತ್ತದೆ.
ಬಿಎಸ್ಎನ್ಎಲ್ 1,198 ರೂ. ರೀಚಾರ್ಜ್ ಪ್ಲಾನ್: ಬಿಎಸ್ಎನ್ಎಲ್ನ ಈ ರೀಚಾರ್ಜ್ ಪ್ಲಾನ್ ವಿಶೇಷವಾಗಿ ದೀರ್ಘಾವಧಿಯ ಮಾನ್ಯತೆಗಾಗಿ ತರಲಾಗಿದೆ. ಇದರಲ್ಲಿ ಕಂಪೆನಿಯು 365 ದಿನಗಳ ಸಿಂಧುತ್ವ ನೀಡುತ್ತಿದೆ. ಅಂದರೆ ನೀವು ಇಂದು ಈ ರೀಚಾರ್ಜ್ ಮಾಡಿದರೆ 2026ರ ವರೆಗೆ ಮಾನ್ಯತೆಗಾಗಿ ನೀವು ಹೊಸ ರೀಚಾರ್ಜ್ ಮಾಡುವ ಅವಶ್ಯಕತೆಯಿಲ್ಲ. ಈ ರೀಚಾರ್ಜ್ ಪ್ಲಾನ್ ಕುರಿತು ಹೆಚ್ಚಿನ ಮಾಹಿತಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ.
