''ಚಿ.ತು ಯುವಕರ ಸಂಘ'' ಸಿನಿಮಾಗೆ ಜೋಗಿ ಪ್ರೇಮ್, ಅಧ್ಯಕ್ಷ ಶರಣ್ ಸಾಥ್

''ಚಿ.ತು ಯುವಕರ ಸಂಘ'' ಸಿನಿಮಾಗೆ ನಿರ್ದೇಶಕ ಪ್ರೇಮ್​ ಮತ್ತು ನಟ ಶರಣ್​ ಬೆಂಬಲ ಕೊಟ್ಟಿದ್ದಾರೆ.

''ಚಿ.ತು ಯುವಕರ ಸಂಘ'' ಪೋಸ್ಟರ್

'ಚಿ.ತು ಯುವಕರ ಸಂಘ' ಅಧ್ಯಕ್ಷ ಸಿನಿಮಾದಲ್ಲಿ ಶರಣ್ ಮತ್ತು ಚಿಕ್ಕಣ್ಣ ಕಟ್ಟಿದ್ದ ಒಂದು ಸಂಘ. ಇದೀಗ ಅದೇ ಸಂಘದ ಹೆಸರಿಟ್ಟುಕೊಂಡು, 'ಅಧ್ಯಕ್ಷ' ಫ್ಲೇವರ್​ನಲ್ಲಿ ಪಕ್ಕಾ ಹಳ್ಳಿ ಶೈಲಿಯಲ್ಲಿ ಔಟ್ ಅಂಡ್ ಔಟ್ ಎಂಟರ್​ಟೈನ್ಮೆಂಟ್ ಪ್ಯಾಕೇಜ್ ರೆಡಿ ಆಗಿದೆ. ಕಂಪ್ಲೀಟ್​ ಎಂಟರ್​ಟೈನ್​ಮೆಂಟ್​ ಸಿನಿಮಾ ವೀಕ್ಷಿಸಲು ಸಿನಿಪ್ರಿಯರು ಸಹ ಕಾತರರಾಗಿದ್ದಾರೆ.

• " class="align-text-top noRightClick twitterSection" data="">

ಇತ್ತೀಚೆಗಷ್ಟೇ ರಿಲೀಸ್ ಆಗಿರುವ 'ಚಿ.ತು ಯುವಕರ ಸಂಘ' ಟೀಸರ್ ಸಿನಿಪ್ರಿಯರ ಗಮನ ಸೆಳೆದಿದೆ. ಯುಟ್ಯೂಬ್​​​ನಲ್ಲಿ 5 ಲಕ್ಷಕ್ಕೂ ಹೆಚ್ಚು ವೀವ್ಸ್ ಜೊತೆಗೆ ಅತ್ಯುತ್ತಮ ಪ್ರತಿಕ್ರಿಯೆಗಳನ್ನೂ ಪಡೆದುಕೊಂಡಿದೆ. ಸ್ಯಾಂಡಲ್​ವುಡ್ ಅಂಗಳದಲ್ಲಿ ಮೂಡಿ ಬರುತ್ತಿರುವ ಸಿನಿಮಾಗಳ ಸಾಲಲ್ಲಿ ನಿರೀಕ್ಷೆ ಜೊತೆ ಭರವಸೆ ಹುಟ್ಟಿಸಿದೆ ಚಿ.ತು ಯುವಕರ ಸಂಘದ ಟೀಸರ್. ಈ ಟೀಸರ್​ನಲ್ಲಿ ಎಲ್ಲ ಪಾತ್ರಧಾರಿಗಳನ್ನು ಸ್ಟಾರ್ ಡೈರೆಕ್ಟರ್ ಜೋಗಿ ಪ್ರೇಮ್ ಪರಿಚಯಿಸಿರೋದು ವಿಶೇಷ. ಈ ಮೂಲಕ ಚಿತ್ರತಂಡಕ್ಕೆ ತಮ್ಮ ಬೆಂಬಲ ಸೂಚಿಸಿದ್ದಾರೆ. ಟೀಸರ್ ಲುಕ್ ಇಂಪ್ರೆಸಿವ್ ಆಗಿದೆ. ಅಧ್ಯಕ್ಷ ಫ್ಲೇವರ್ ಇರೋ ಈ ಚಿತ್ರವನ್ನು ಖುದ್ದು ಅಧ್ಯಕ್ಷ ಶರಣ್ ಅವರೇ ಮೆಚ್ಚಿ ಕೊಂಡಾಡಿದ್ದಾರೆ.

''ಚಿ.ತು ಯುವಕರ ಸಂಘ'' ಸಿನಿಮಾ ಬಗ್ಗೆ ಮಾತನಾಡಿರುವ ಅಧ್ಯಕ್ಷ ಖ್ಯಾತಿಯ ಶರಣ್, ಟೀಸರ್​ ಚಿತ್ರದ ಪಾತ್ರ ಮತ್ತು ಕಥೆ ಕುರಿತು ಸಣ್ಣ ಸುಳಿವು ಬಿಟ್ಟುಕೊಟ್ಟಿದೆ. ಬಹಳ ಪಾಸಿಟಿವ್​ ಆಗಿ ಕಥೆ, ಟೀಸರ್​ ಹೆಣೆದಿದ್ದಾರೆ. ನನಗಂತೂ ಈ ಟೀಸರ್​ ಬಹಳಾನೇ ಇಷ್ಟ ಆಯ್ತು ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

'ಚಿ.ತು ಯುವಕರ ಸಂಘ' ಚಿತ್ರದ ನಾಯಕನಾಗಿ ಸನತ್ ಕಾಣಿಸಿಕೊಂಡಿದ್ದು, ವಿರಾನಿಕ ಶೆಟ್ಟಿ ನಾಯಕಿಯಾಗಿ ಅಭಿನಯಸಿದ್ದಾರೆ. ತುಕಾಲಿ ಸಂತು, ಮಹಂತೇಶ್, ಸಲ್ಮಾನ್, ಕುರಿ ಪ್ರತಾಪ್, ಬಲರಾಜವಾಡಿ, ಬಿರಾದಾರ್ ಸೇರಿದಂತೆ ಹಲವರು ಚಿತ್ರದ ತಾರಾ ಬಳಗದಲ್ಲಿದ್ದಾರೆ.

ಇದನ್ನೂ ಓದಿ: 'Chef ಚಿದಂಬರ' ಮಾತಿನ‌‌‌ ಮನೆಯಲ್ಲಿ ಅನಿರುದ್ಧ್ ಜತ್ಕರ್: ಡಬ್ಬಿಂಗ್ ಕೆಲಸ ಚುರುಕು

ಚಿ.ತು ಯುವಕರ ಸಂಘ ಚಿತ್ರವನ್ನು ಶಿವು ರಾಮನಗರ ನಿರ್ದೇಶಿಸಿದ್ದು, ಕಮರೊಟ್ಟು ಚೆಕ್ ಪೋಸ್ಟ್ ಖ್ಯಾತಿಯ ಚೇತನ್ ರಾಜ್ ನಿರ್ಮಾಣ ಮಾಡಿದ್ದಾರೆ. ಐ ಲವ್ ಯೂ ಖ್ಯಾತಿಯ ಸಂಗೀತ ನಿರ್ದೇಶಕ ಕಿರಣ್ ತೋಟಂಬೈಲ್ ಸಂಗೀತ ಸಂಯೋಜಿಸಿದ್ದಾರೆ. ಟೀಸರ್​​ನಿಂದಲೇ ಸದ್ದು ಮಾಡುತ್ತಿರುವ 'ಚಿ.ತು ಯುವಕರ ಸಂಘ'ದ ಹಾಡುಗಳನ್ನು ಸದ್ಯದಲ್ಲೇ ರಿಲೀಸ್ ಮಾಡಲು ಚಿತ್ರತಂಡ ಯೋಜಿಸುತ್ತಿದೆ.

ಇದನ್ನೂ ಓದಿ: ಬಿಗ್​​ ಬಾಸ್​​ ಮನೆಗೆ ವಾಪಸ್​​ ಬರುತ್ತಿದ್ದಂತೆ ವರ್ತೂರು ಸಂತೋಷ್​ರನ್ನು ಹೊರ ಕಳುಹಿಸಲಿಚ್ಛಿಸಿದ ಸ್ಪರ್ಧಿಗಳು!

ಪ್ರೇಕ್ಷಕರ ಅಭಿರುಚಿಗೆ ತಕ್ಕ ಸಿನಿಮಾಗಳು ನಿರ್ಮಾಣವಾಗುತ್ತಿದೆ. ಕಥೆ ಮೇಲೆ ಸಿನಿಮಾ ಯಶಸ್ಸು ನಿರ್ಧಾರವಾಗುತ್ತಿದೆ. ಒಂದೊಳ್ಳೆ ಕಂಟೆಂಟ್​ ಇದ್ರೆ ಸಾಕು ಅಂತಿದ್ದಾರೆ ಕನ್ನಡಿಗರು. ಪ್ರೇಕ್ಷಕರ ಆದ್ಯತೆಗೆ ತಕ್ಕಂತೆ ಚಿತ್ರಗಳು ನಿರ್ಮಾಣಗೊಳ್ಳುತ್ತಿದ್ದು, 'ಚಿ.ತು ಯುವಕರ ಸಂಘ' ಕಂಪ್ಲೀಟ್​ ಎಂಟರ್​ಟೈನ್​ಮೆಂಟ್​ ಸಿನಿಮಾ ಆಗಿದೆ. ಹೆಚ್ಚಿನ ಮಾಹಿತಿಯನ್ನು ಚಿತ್ರತಂಡ ಶೀಘ್ರದಲ್ಲೇ ಹಂಚಿಕೊಳ್ಳಲಿದೆ.