ಮಕ್ಕಳಿಗಾಗಿ ಗಂಧದ ಗುಡಿ ಟಿಕೆಟ್​ ಬೆಲೆ ಇಳಿಕೆ: ಚಿತ್ರದ ಬಗ್ಗೆ ಮಾತನಾಡಿ, ಬಹುಮಾನ ಗೆಲ್ಲಿ!

ಪುನೀತ್ ರಾಜ್‌ಕುಮಾರ್ ಅಭಿನಯದ ಗಂಧದ ಗುಡಿ ಚಿತ್ರವನ್ನು 07-11-2022 ಸೋಮವಾರದಿಂದ 10-11-2022 ಗುರುವಾರದವರೆಗೂ ಸಿಂಗಲ್​ ಸ್ಕ್ರೀನ್​ ಥಿಯೇಟರ್​ಗಳಲ್ಲಿ 56 ರೂಪಾಯಿಗಳಿಗೆ ಹಾಗೂ ಮಲ್ಟಿಪ್ಲೆಕ್ಸ್​ಗಳಲ್ಲಿ 112 ರೂಪಾಯಿಗಳಿಗೆ ಪ್ರದರ್ಶನ ಮಾಡಬೇಕೆಂದು ನಿರ್ಧರಿಸಲಾಗಿದೆ. ನಿನ್ನೆಯಿಂದ ಕಡಿಮೆ ಬೆಲೆಗೆ ಶಾಲಾ ಮಕ್ಕಳು ಚಿತ್ರ ವೀಕ್ಷಿಸುತ್ತಿದ್ದಾರೆ.

ದಿವಂಗತ ನಟ ಪುನೀತ್​ ರಾಜ್​ಕುಮಾರ್​ ಅವರ ಕನಸಿನ ಸಾಕ್ಷ್ಯ ಚಿತ್ರ 'ಗಂಧದ ಗುಡಿ'. ಪವರ್​ ಸ್ಟಾರ್​ ಇಹಲೋಕ ತ್ಯಜಿಸಿ ಕಳೆದ 29ಕ್ಕೆ ಒಂದು ವರ್ಷವಾಗಿದ್ದು, 28ರಂದು ಈ ಚಿತ್ರ ಬಿಡುಗಡೆ ಆಗಿ ವ್ಯಾಪಕ ಮೆಚ್ಚುಗೆ ಗಳಿಸಿದೆ. ಎಲ್ಲಾ ಚಿತ್ರಮಂದಿರಗಳಲ್ಲಿಯೂ ಉತ್ತಮ ಪ್ರದರ್ಶನ ಕಾಣುತ್ತಿದೆ.

ಗಂಧದ ಗುಡಿ ಸಾಕ್ಷ್ಯಚಿತ್ರವನ್ನು ವಿಶೇಷವಾಗಿ ಮಕ್ಕಳು ನೋಡಬೇಕು ಎಂಬುದು ಪುನೀತ್​ ರಾಜ್​ಕುಮಾರ್ ಅವರ ಆಸೆ ಆಗಿತ್ತು. ಹಾಗಾಗಿ ಮಕ್ಕಳಿಗೆ ಅನುಕೂಲ ಆಗುವ ರೀತಿಯಲ್ಲಿ ಟಿಕೆಟ್​ ಬೆಲೆಯನ್ನು ಕಡಿಮೆ ಮಾಡಲಾಗಿದೆ. ಈ ಕುರಿತು ಪಿಆರ್​ಕೆ ಪ್ರೊಡಕ್ಷನ್ಸ್​ ಮಾಹಿತಿ ಹಂಚಿಕೊಂಡಿದೆ.

"ಗಂಧದಗುಡಿ ಅಪ್ಪು ಅವರ ಒಂದು ಕನಸು. ಕರ್ನಾಟಕದ ವನ್ಯ ಸಂಪತ್ತು ಹಾಗೂ ಪ್ರಕೃತಿ ಸೌಂದರ್ಯವನ್ನು ಕನ್ನಡಿಗರಿಗೆ ಪರಿಚಯಿಸುವ ಅವರ ಹಂಬಲ ಈ ಸಿನಿಮಾ ರೂಪಗೊಳ್ಳಲು ಕಾರಣ. ಅಪ್ಪು ಅವರ ಉದ್ದೇಶ ಈ ಸಿನಿಮಾ ಎಲ್ಲ ಕನ್ನಡಿಗರು ನೋಡಬೇಕೆಂಬುದು. ಅದರಲ್ಲೂ ಮಕ್ಕಳು ನೋಡಬೇಕೆಂಬುದು. ಈ ಸಲುವಾಗಿ ನಮ್ಮ ಚಿತ್ರತಂಡ ಎಲ್ಲರೊಡನೆ ಚರ್ಚಿಸಿ ವಿತರಕರ ಹಾಗೂ ಪ್ರದರ್ಶಕರ ಸಹಕಾರದೊಂದಿಗೆ ಗಂಧದ ಗುಡಿಯನ್ನು 07-11-2022 ಸೋಮವಾರದಿಂದ 10-11-2022 ಗುರುವಾರದವರೆಗೂ ಸಿಂಗಲ್​ ಸ್ಕ್ರೀನ್​ ಥಿಯೇಟರ್​ಗಳಲ್ಲಿ 56 ರೂಪಾಯಿಗಳಿಗೆ ಹಾಗೂ ಮಲ್ಟಿಪ್ಲೆಕ್ಸ್​ಗಳಲ್ಲಿ 112 ರೂಪಾಯಿಗಳಿಗೆ ಕರ್ನಾಟಕ ರಾಜ್ಯಾದ್ಯಂತ ಪ್ರದರ್ಶನ ಮಾಡಬೇಕೆಂದು ನಿರ್ಧಾರ ಮಾಡಿದ್ದೇವೆ. ನಮ್ಮ ಮಕ್ಕಳ ನಾಳೆಗಳಿಗಾಗಿ ಕಾಡನ್ನು ಸಂರಕ್ಷಿಸೋಣ, ಗಂಧದಗುಡಿಯನ್ನು ತೋರಿಸೋಣ" ಎಂದು ಅಶ್ವಿನಿ ಪುನೀತ್​ ರಾಜ್​ಕುಮಾರ್​ ಪೋಸ್ಟ್​ ಮಾಡಿದ್ದಾರೆ. ನಿನ್ನೆಯಿಂದ ಕಡಿಮೆ ಬೆಲೆಗೆ ಪ್ರದರ್ಶನ ಆರಂಭಗೊಂಡಿದ್ದು, ಗುರುವಾರದವರೆಗೂ ಅವಕಾಶ ಇದೆ.

• ಪ್ರೀತಿಯ ಮಕ್ಕಳೇ, #ಗಂಧದಗುಡಿ ಚಿತ್ರದಲ್ಲಿನ ನಿಮ್ಮ ನೆಚ್ಚಿನ ದೃಶ್ಯವನ್ನು ಕುರಿತು... ನೀವು ಮಾತನಾಡುವ ಒಂದು ವಿಡಿಯೋವನ್ನು ಮಾಡಿ.
  
  Dear kids, post a video talking about your favourite moment from the film #GandhadaGudi. pic.twitter.com/PSquwFmRdj

  — PRK Productions (@PRK_Productions) November 7, 2022 " class="align-text-top noRightClick twitterSection" data="

  ಪ್ರೀತಿಯ ಮಕ್ಕಳೇ, #ಗಂಧದಗುಡಿ ಚಿತ್ರದಲ್ಲಿನ ನಿಮ್ಮ ನೆಚ್ಚಿನ ದೃಶ್ಯವನ್ನು ಕುರಿತು... ನೀವು ಮಾತನಾಡುವ ಒಂದು ವಿಡಿಯೋವನ್ನು ಮಾಡಿ.
  
  Dear kids, post a video talking about your favourite moment from the film #GandhadaGudi. pic.twitter.com/PSquwFmRdj

  — PRK Productions (@PRK_Productions) November 7, 2022

  ">

  ಪ್ರೀತಿಯ ಮಕ್ಕಳೇ, #ಗಂಧದಗುಡಿ ಚಿತ್ರದಲ್ಲಿನ ನಿಮ್ಮ ನೆಚ್ಚಿನ ದೃಶ್ಯವನ್ನು ಕುರಿತು... ನೀವು ಮಾತನಾಡುವ ಒಂದು ವಿಡಿಯೋವನ್ನು ಮಾಡಿ.
  
  Dear kids, post a video talking about your favourite moment from the film #GandhadaGudi. pic.twitter.com/PSquwFmRdj

  — PRK Productions (@PRK_Productions) November 7, 2022

ಪಿಆರ್​ಕೆ ಪ್ರೊಡಕ್ಷನ್​ ಟ್ವೀಟ್: ಕರೆದಿದೆ ಗಂಧದಗುಡಿಯಿದು ಮಕ್ಕಳೇ, ಪ್ರಕೃತಿಯೊಂದಿಗೆ ನಡೆಯುವ ಬನ್ನಿರೇ, ಅಪ್ಪು ಕಂಡ ಕನಸಿನ ಜೊತೆಗೆ, ಇದುವೇ ನಿಮಗೆ ನಮ್ಮಯ ಕೊಡುಗೆ...ಎಂದು ಪಿಆರ್​ಕೆ ಪ್ರೊಡಕ್ಷನ್​ ಟ್ವೀಟ್ ಮಾಡಿದೆ.

ಪ್ರೀತಿಯ ಮಕ್ಕಳೇ, ಗಂಧದಗುಡಿ ಚಿತ್ರದಲ್ಲಿನ ನಿಮ್ಮ ನೆಚ್ಚಿನ ದೃಶ್ಯವನ್ನು ಕುರಿತು, ನೀವು ಮಾತನಾಡುವ ಒಂದು ವಿಡಿಯೋ ಮಾಡಿ ಹಂಚಿಕೊಳ್ಳಿ ಎಂದು ಸಹ ಪಿಆರ್​ಕೆ ಪ್ರೊಡಕ್ಷನ್​ ಟ್ವೀಟ್ ಮಾಡಿದೆ. ಈ ವಿಡಿಯೋವನ್ನು ಸೋಶಿಯಲ್​ ಮೀಡಿಯಾ ಅಧಿಕೃತ ಖಾತೆಗಳಾದ ಪಿಆರ್​ಕೆ ಪ್ರೊಡಕ್ಷನ್​, ಪಿಆರ್​ಕೆ ಆಡಿಯೋ, mudskiper ಗೆ ಟ್ಯಾಗ್​ ಮಾಡಿ ಹಂಚಿಕೊಳ್ಳಬೇಕು. ವಿಶೇಷ ವಿಡಿಯೋ ಮಾಡಿದವರಿಗೆ ವಿಶೇಷ ಬಹುಮಾನ ಮತ್ತು ನಿರ್ಮಾಪಕಿ ಅಶ್ವಿನಿ ಪುನೀತ್​ ರಾಜ್​ಕುಮಾರ್, ನಿರ್ದೇಶಕ ಅಮೋಘ ವರ್ಷ ಅವರೊಂದಿಗೆ ಮಾತನಾಡುವ ಅವಕಾಶ ದೊರೆಯುತ್ತದೆ. ನವೆಂಬರ್​ 14ರಂದು ಮಕ್ಕಳ ದಿನಾಚರಣೆ ಹಿನ್ನೆಲೆಯಲ್ಲಿ ಈ ಕಾರ್ಯಕ್ರಮವನ್ನು ಚಿತ್ರ ತಂಡದ ವತಿಯಿಂದ ಹಮ್ಮಿಕೊಳ್ಳಲಾಗಿದೆ.

ಅಮೋಘವರ್ಷ ನಿರ್ದೇಶನದ ಗಂಧದ ಗುಡಿ ಚಿತ್ರವನ್ನು ಅನೇಕ ಗಣ್ಯರು, ಚಿತ್ರರಂಗದವರು ವೀಕ್ಷಿಸಿ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ನಮ್ಮ ಪ್ರಕೃತಿ ಸೌಂದರ್ಯವನ್ನು ತೆರೆ ಮೇಲೆ ಅಮೋಘವಾಗಿ ತೋರಿಸಲಾಗಿದೆ ಎಂದು ಚಿತ್ರದ ಬಗ್ಗೆ ಹಾಡಿ ಹೊಗಳುತ್ತಿದ್ದಾರೆ.