ಕನ್ನಡ ಚಿತ್ರರಂಗದಲ್ಲಿ ಹಾಡುಗಳಿಂದಲೇ ಸೆನ್ಸೇಷನ್ ಕ್ರಿಯೇಟ್ ಮಾಡಿರೋ ಚಿತ್ರ ಗಾಳಿಪಟ 2. ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ನಿರ್ದೇಶಕ ಯೋಗರಾಜ್ ಭಟ್‌ ಕಾಂಬಿನೇಶನ್‌ನಲ್ಲಿ ಬರ್ತೀರೋ ಬಹು ನಿರೀಕ್ಷಿತ ಚಿತ್ರ. ಈ ಹಿಂದೆ ಬಿಡುಗಡೆಯಾಗಿದ್ದ ಗಾಳಿಪಟ ಚಿತ್ರ ಸೂಪರ್ ಹಿಟ್ ಆಗಿತ್ತು. ಈಗ ಇದೇ ಜೋಡಿ ಮತ್ತೊಮ್ಮೆ ಜೊತೆಯಾಗಿ ಗಾಳಿಪಟ 2 ಪ್ರೇಕ್ಷಕರನ್ನ ನಕ್ಕು ನಲಿಸಲು ಸಜ್ಜಾಗಿದ್ದಾರೆ.
ಸದ್ಯಕ್ಕೆ ಗಾಳಿಪಟ 2 ಚಿತ್ರತಂಡ, ತಮ್ಮ ಸಿನಿಮಾದ ಪ್ರಚಾರದ ವೈಖರಿಯನ್ನು ಬಹಳ ಡಿಫ್ರೆಂಟ್ ಆಗಿ ಮಾಡುತ್ತಿದೆ. ಈಗಾಗ್ಲೇ ಎಕ್ಸಾಂ ಹಾಗೂ ದೆವ್ಲೇ ದೆವ್ಲೇ ಹಾಡುಗಳು ಸೂಪರ್ ಹಿಟ್ ಆಗಿದೆ. ಇದರ ಬೆನ್ನಲ್ಲೇ ಈ ಚಿತ್ರದಲ್ಲಿ ಬರುವ ಗಣೇಶ್, ದಿಗಂತ್ ಹಾಗು ಪವನ್ ಕುಮಾರ್ ಪಾತ್ರಗಳ ಪರಿಚಯಕ್ಕಾಗಿ ಚಿತ್ರತಂಡ ಬಹಳ ವಿನೂತನವಾಗಿ ಟೀಸರ್ ಕಟ್ ಮಾಡಿ ಗಮನ ಸೆಳೆಯಿತ್ತಿದೆ.
ಗಾಳಿಪಟ 2 ಚಿತ್ರದಲ್ಲಿ ಗಣೇಶ್, ತಮ್ಮ ನಿಜವಾದ ಹೆಸರಿನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಗಣೇಶ್ ಪಾತ್ರದ ಕ್ಯಾರೆಕ್ಟರ್ ಟೀಸರ್ನ್ನ ರಿಯಲ್ ಸ್ಟಾರ್ ಉಪೇಂದ್ರ, ಬಿಡುಗಡೆ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದರು. ಗಣೇಶ್ ಈ ಚಿತ್ರದಲ್ಲಿ ಕನ್ನಡ ಓದುವುದಕ್ಕೆ ಬಾರದೇ ಇರುವ ಹುಡುಗನ ಪಾತ್ರ ಇದಾಗಿದೆ. ಇದರಲ್ಲಿ ಲವ್ ಸ್ಟೋರಿ ಜೊತೆಗೆ ಫ್ಯಾಮಿಲಿ ಡ್ರಾಮ ನೋಡುಗರಲ್ಲಿ ಕುತೂಹಲ ಹುಟ್ಟಿಸಿದೆ. ಗಣೇಶ್ ಜೋಡಿಯಾಗಿ ವೈಭವಿ ಶಾಂಡಿಲ್ಯ ರೊಮ್ಯಾನ್ಸ್ ಮಾಡಿದ್ದಾರೆ.
ಗಣಿ ಬಳಿಕ ದೂದ್ ಪೇಡಾ ದಿಗಂತ್ ಪಾತ್ರ ಕೂಡ ವಿಭಿನ್ನವಾಗಿದೆ. ತಲೆ ಬುಡದಲ್ಲಿ ಉದ್ದವಾದ ಸಿಕ್ಕ ಜಡೆ ಬಿಟ್ಟುಕೊಂಡು. ಲವ್ ಸ್ಟೋರಿ ಫೇಲರ್ ಆಗಿರುವ ಸನ್ಯಾಸಿಯಾಗಿ ಕಾಣಿಸಿಕೊಂಡಿದ್ದಾರೆ. ದಿಗಂತ್ ಹಾಕಿರುವ ಕಾಸ್ಟೂಮ್ನಿಂದ ಹಿಡಿದು, ಡೈಲಾಗ್ವರೆಗೂ ಸಖತ್ ಇಂಪ್ರೇಸ್ ಆಗಿ ಕಾಣುತ್ತೆ. ದಿಗಂತ್ ಜೋಡಿಯಾಗಿ ಸಂಯುಕ್ತಾ ಮೆನನ್ ನಟಿಸಿದ್ದಾರೆ.
ಇವರಿಬ್ಬರ ಬಳಿಕ ಪವನ್ ಕುಮಾರ್ ಅಖಂಡ ಬ್ರಹ್ಮಚಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಬ್ರಹ್ಮಚಾರಿಯ ಜೋಡಿಯಾಗಿ ಶರ್ಮಿಳಾ ಮಾಂಡ್ರೆ ಸ್ವಲ್ಪ ಹಾಟ್ ಆಗಿ ಕಾಣಿಸಿಕೊಂಡಿದ್ದಾರೆ. ಸದ್ಯಕ್ಕೆ ಗಣಿ, ದಿಗ್ಗಿ ಹಾಗೂ ಪವನ್ ಕುಮಾರ್ ಕಾಣಿಸಿಕೊಂಡಿರುವ ಕ್ಯಾರೆಕ್ಟರ್ ಟೀಸರ್ಗಳು ನೋಡುಗರನ್ನ ಬೋಲ್ಡ್ ಮಾಡುವುದರ ಜೊತೆಗೆ. ಗಾಳಿಪಟ 2 ಚಿತ್ರದ ಮೇಲೆ ಮತ್ತಷ್ಟು ನಿರೀಕ್ಷೆಯನ್ನ ಹೆಚ್ಚು ಮಾಡಿದೆ.
ಈ ಚಿತ್ರದಲ್ಲಿ ಗಣೇಶ್, ದಿಗಂತ್ ಹಾಗೂ ಪವನ್ ಕುಮಾರ್ ವೈಭವಿ ಶಾಂಡಿಲ್ಯ, ಶರ್ಮಿಳಾ ಮಾಂಡ್ರೆ, ಸಂಯುಕ್ತಾ ಮೆನನ್, ಅಲ್ಲದೇ ರಂಗಾಯಣ ರಘು, ಅನಂತ್‌ ನಾಗ್‌, ಸುಧಾ ಬೆಳವಾಡಿ, ಬುಲೆಟ್ ಪ್ರಕಾಶ್ ಹೀಗೆ ದೊಡ್ಡ ತಾರಗಣವಿದೆ. ಗಾಳಿಪಟ 2 ಚಿತ್ರದ ಟ್ರೈಲರ್ ಇದೇ 31ಕ್ಕೆ ಬಿಡುಗಡೆ ಆಗುತ್ತಿದೆ. ಈ ಚಿತ್ರಕ್ಕೆ ಸಂತೋಷ್ ರೈ ಪಾತಾಜೆ, ಅರ್ಜುನ್ ಜನ್ಯ ಸಂಗೀತ ಇದೆ. ರಮೇಶ್ ರೆಡ್ಡಿ ಅವರ ಸೂರಜ್ ಪ್ರೊಡಕ್ಷನ್ಸ್ ಅದ್ಧೂರಿಯಾಗಿ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಆಗಸ್ಟ್ 12ಕ್ಕೆ ಗಾಳಿಪಟ 2ಸಿನಿಮಾ ಬಿಳ್ಳಿ ಪರದೆಯಲ್ಲಿ ಹಾರಾಟ ಮಾಡಲಿದೆ.
ಇದನ್ನೂ ಓದಿ : ಮದುವೆಯಾದ ಬಳಿಕ ನಾಗ ಚೈತನ್ಯ ಜೊತೆ ಇದ್ದ ಮನೆಯನ್ನೇ ಖರೀದಿಸಿದ ಸಮಂತಾ!
