ಬಾಲಿವುಡ್ನ ಪ್ರತಿಭಾನ್ವಿತ ಕಲಾವಿದರಾದ ಹೃತಿಕ್ ರೋಷನ್ ಹಾಗೂ ದೀಪಿಕಾ ಪಡುಕೋಣೆ ಮುಖ್ಯಭೂಮಿಕೆಯ ಮುಂದಿನ ಬಹುನಿರೀಕ್ಷಿತ ಸಿನಿಮಾ 'ಫೈಟರ್'. ಸ್ಟಾರ್ ನಟ ನಟಿ ತಮ್ಮ ಮುಂಬರುವ ಚಿತ್ರದ ಇಟಲಿ ಶೂಟಿಂಗ್ ಶೆಡ್ಯೂಲ್ ಪೂರ್ಣಗೊಳಿಸಿದ್ದಾರೆ.
ಇಟಲಿ ಶೂಟಿಂಗ್ ಶೆಡ್ಯೂಲ್ ಕಂಪ್ಲೀಟ್: ನಿರ್ದೇಶಕ ಸಿದ್ಧಾರ್ಥ್ ಆನಂದ್ ಬುಧವಾರ ರಾತ್ರಿ ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ಇಟಲಿಯ ಶೂಟಿಂಗ್ ಪೂರ್ಣಗೊಂಡಿರುವುದಾಗಿ ಚಿತ್ರದ ಅಪ್ಡೇಟ್ಸ್ ಅನ್ನು ಹಂಚಿಕೊಂಡಿದ್ದಾರೆ. ಆದರೆ, ಇಟಲಿಯಿಂದ ಫೈಟರ್ ಸೆಟ್ನ ಕೆಲ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ಇದೀಗ ಇನ್‌ಸ್ಟಾಗ್ರಾಮ್‌ನಲ್ಲಿ ಫ್ಯಾನ್ಸ್ ಪೇಜ್ ಒಂದು ಫೈಟರ್ ಸಿನಿಮಾ ಸಾಂಗ್ ಶೂಟಿಂಗ್ನ ಕ್ಷಣವನ್ನು ಪೋಸ್ಟ್ ಮಾಡಿದೆ.
ಫೈಟರ್ ಸೆಟ್ನ ಫೋಟೋ ವೈರಲ್: ವೈರಲ್ ಆಗುತ್ತಿರುವ ಫೋಟೋ, ವಿಡಿಯೋಗಳನ್ನು ಡ್ಯಾನ್ಸಿಂಗ್ ಸ್ಟಾರ್ ಹೃತಿಕ್ ರೋಷನ್ ಅವರ ಫ್ಯಾನ್ಸ್ ಫೇಜ್ಗಳು ಶೇರ್ ಮಾಡುತ್ತಿವೆ. ಇದರಲ್ಲಿ ಸಿನಿಮಾದ ಸಾಂಗ್ ಶೂಟ್‌ನ ಫೋಟೋ ಕೂಡ ಇದೆ. ಫೋಟೋ ಅಸ್ಪಷ್ಟವಾಗಿದ್ದರೂ, ಇದು ಕಡಲತೀರದಲ್ಲಿ ಹಾಡಿನ ಚಿತ್ರೀಕರಣ ನಡೆದ ಕ್ಷಣ ಎಂಬುದು ಮಾತ್ರ ಸ್ಪಷ್ಟ. ಫೈಟರ್ ತಂಡ ಕಡಲ ತೀರದಲ್ಲಿ ಕಾಣಿಸಿಕೊಂಡಿದೆ. ಅಪಾರ ಸಂಖ್ಯೆಯ ನೃತ್ಯಗಾರರು ಜೊತೆಗಿದ್ದಾರೆ. ಫೋಟೋದಲ್ಲಿ ರೆಡ್ ಶರ್ಟ್‌ನಲ್ಲಿರುವ ವ್ಯಕ್ತಿ ಬಹುಶಃ ಹೃತಿಕ್ ರೋಷನ್ ಇರಬಹುದೆಂದು ಸಾಮಾಜಿಕ ಜಾಲತಾಣ ಬಳಕೆದಾರರು ಅಂದಾಜಿಸುತ್ತಿದ್ದಾರೆ.
ಫೈಟರ್ ಚಿತ್ರದ ಇಟಲಿ ಶೂಟಿಂಗ್ ಶೆಡ್ಯೂಲ್, ಹೃತಿಕ್ ಮತ್ತು ದೀಪಿಕಾ ಅವರ ಸಾಂಗ್ ಶೂಟಿಂಗ್ನಿಂದ ಪ್ರಾರಂಭವಾಗಿತ್ತೆಂದು ಮೂಲಗಳು ಮಾಧ್ಯಮಗಳಿಗೆ ತಿಳಿಸಿವೆ. ಇದು ವಾರ್ ಚಿತ್ರದ ಘುಂಗ್ರೂ ಹಾಡಿನಂತೆಯೇ ಇರಲಿದೆ ಎಂದು ಕೂಡ ತಿಳಿಸಿದ್ದಾರೆ. ಪ್ರಮುಖ ತಾರಾಗಣ ಈ ಹಾಡಿನಲ್ಲಿ ಅತ್ಯುತ್ತಮವಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂಬುದು ಚಿತ್ರತಂಡದ ವಿಶ್ವಾಸ. ಬಾಸ್ಕೊ ಮತ್ತು ಸೀಸರ್ ನೃತ್ಯ ಸಂಯೋಜನೆ ಮಾಡಿದ್ದು, ಹಲವು ಹುಕ್ ಸ್ಟೆಪ್ಗಳಿವೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ: ಅಭಿಮಾನಿಗಳೊಂದಿಗೆ ಅಮೀರ್ ಖಾನ್.. ನೆಟ್ಟಿಗರ ಮನಗೆದ್ದ ಸೂಪರ್ ಸ್ಟಾರ್ ವಿಡಿಯೋ ನೋಡಿ
ಮುಂದಿನ ಜನವರಿಗೆ ಸಿನಿಮಾ ಬಿಡುಗಡೆ: ಹೃತಿಕ್ ರೋಷನ್ ಹಾಗೂ ದೀಪಿಕಾ ಪಡುಕೋಣೆ ಜೊತೆ ಚಿತ್ರದಲ್ಲಿ ಕರಣ್ ಸಿಂಗ್ ಗ್ರೋವರ್ ಮತ್ತು ಅಕ್ಷಯ್ ಒಬೆರಾಯ್ ಕೂಡ ಕಾಣಿಸಿಕೊಳ್ಳಲಿದ್ದಾರೆ. ಆ್ಯಕ್ಷನ್ ಪ್ಯಾಕ್ಡ್ ಮೂವಿ ಮುಂದಿನ ವರ್ಷ ಅಂದರೆ 2024ರ ಜನವರಿ 2ರಂದು ತೆರೆಗಪ್ಪಳಿಸಲಿದೆ.
ಇದನ್ನೂ ಓದಿ: ಬಾಕ್ಸ್ ಆಫೀಸ್ ಪೈಪೋಟಿ: ಚಂದ್ರುಮುಖಿ 2, ವ್ಯಾಕ್ಸಿನ್ ವಾರ್, ಫುಕ್ರೆ 3 ಕಲೆಕ್ಷನ್ ಡೀಟೆಲ್ಸ್ ಇಲ್ಲಿದೆ
ಇನ್ನೂ ನಟಿ ದೀಪಿಕಾ ಪಡುಕೋಣೆ ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಜೊತೆ ಕಲ್ಕಿ 2898 ಎಡಿ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಬಿಗ್ ಬಿ ಅಮಿತಾಭ್ ಬಚ್ಚನ್, ಸೌತ್ ಸೂಪರ್ ಸ್ಟಾರ್ ಕಮಲ್ ಹಾಸನ್, ದಿಶಾ ಪಟಾನಿ ಅವರಂತಹ ಸ್ಟಾರ್ ನಟರು ಈ ಚಿತ್ರದಲ್ಲಿದ್ದಾರೆ. ಮತ್ತೊಂದೆಡೆ ನಟ ಹೃತಿಕ್ ರೋಷನ್ ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾ ವಾರ್ 2ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಜೂನಿಯರ್ ಎನ್‌ಟಿಆರ್ ಜೊತೆ ಸ್ಕ್ರೀನ್ ಶೇರ್ ಮಾಡಿದ್ದಾರೆ ಹೃತಿಕ್.
