ಪ್ರತಿಷ್ಠಿತ ಪ್ರಶಸ್ತಿಯಲ್ಲಿ ಭಾರತೀಯರ ಸಾಧನೆ: ಏಕ್ತಾ, ವೀರ್ ಮುಡಿಗೇರಿದ 'ಎಮ್ಮಿ'​; ಶೆಫಾಲಿಗೆ ನಿರಾಶೆ

ನಿರ್ದೇಶಕಿ ಏಕ್ತಾ ಕಪೂರ್ ಮತ್ತು ಕಾಮಿಡಿಯನ್​ ವೀರ್ ದಾಸ್ 'ಎಮ್ಮಿ ಪ್ರಶಸ್ತಿ' ಗೆದ್ದುಕೊಂಡಿದ್ದಾರೆ. ಆದ್ರೆ ಅತ್ಯತ್ತಮ ನಟಿ ವಿಭಾಗದಲ್ಲಿ ನಾಮನಿರ್ದೇಶನಗೊಂಡಿದ್ದ ಶೆಫಾಲಿ ಶಾ ಅವರಿಗೆ ನಿರಾಶೆಯಾಗಿದೆ.

2023ರ ಪ್ರತಿಷ್ಠಿತ ಅಂತಾರಾಷ್ಟ್ರೀಯ 'ಎಮ್ಮಿ ಪ್ರಶಸ್ತಿ' ಪ್ರದಾನ ಸಮಾರಂಭ ಪ್ರಸ್ತುತ ನ್ಯೂಯಾರ್ಕ್ ನಗರದಲ್ಲಿ ನಡೆಯುತ್ತಿದೆ. ವಿವಿಧ ವಿಭಾಗಗಳಲ್ಲಿ ಪ್ರತಿಭಾನ್ವಿತ ಕಲಾವಿದರು ಈ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದ್ದಾರೆ. ಭಾರತದಿಂದ ಜಿಮ್ ಸರ್ಭ್, ವೀರ್ ದಾಸ್ ಮತ್ತು ಶೆಫಾಲಿ ಶಾ ನಾಮಿನೇಟ್​ ಆಗಿದ್ದರು. 14 ವಿವಿಧ ವಿಭಾಗಗಳಲ್ಲಿ 56 ನಾಮನಿರ್ದೇಶಿತರು 20 ವಿವಿಧ ದೇಶಗಳನ್ನು ಪ್ರತಿನಿಧಿಸಿದ್ದಾರೆ. 51ನೇ ಅಂತಾರಾಷ್ಟ್ರೀಯ ಎಮ್ಮಿ ಪ್ರಶಸ್ತಿ ಸಮಾರಂಭ ಸೋಮವಾರ (ಭಾರತದಲ್ಲಿಂದು) ನ್ಯೂಯಾರ್ಕ್​​ನಲ್ಲಿ ಪ್ರಾರಂಭವಾಗಿದ್ದು, ಭಾರತೀಯ ಕಲಾವಿದರು ಈಗಾಗಲೇ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.

• We have a Tie! The International Emmy for Comedy goes to "Vir Das: Landing” produced by Weirdass Comedy / Rotten Science / Netflix#iemmyWIN pic.twitter.com/XxJnWObM1y

  — International Emmy Awards (@iemmys) November 21, 2023 " class="align-text-top noRightClick twitterSection" data="

  We have a Tie! The International Emmy for Comedy goes to "Vir Das: Landing” produced by Weirdass Comedy / Rotten Science / Netflix#iemmyWIN pic.twitter.com/XxJnWObM1y

  — International Emmy Awards (@iemmys) November 21, 2023

  ">

  We have a Tie! The International Emmy for Comedy goes to "Vir Das: Landing” produced by Weirdass Comedy / Rotten Science / Netflix#iemmyWIN pic.twitter.com/XxJnWObM1y

  — International Emmy Awards (@iemmys) November 21, 2023

2023ರ ಇಂಟರ್​ ನ್ಯಾಷನಲ್ ಎಮ್ಮಿ ಅವಾರ್ಡ್ಸ್ ಗೆದ್ದುಕೊಳ್ಳುವ ಮೂಲಕ ಕಾಮಿಡಿಯನ್​ ವೀರ್​ ದಾಸ್ ಇತಿಹಾಸ ನಿರ್ಮಿಸಿದ್ದಾರೆ. ತಮ್ಮ ಜನಪ್ರಿಯ ಶೋ ''ವೀರ್ ದಾಸ್: ಲ್ಯಾಂಡಿಂಗ್​​''ಗಾಗಿ ಎಮ್ಮಿ ಕಾಮಿಡಿ ವಿಭಾಗದಲ್ಲಿ ವಿಜೇತರಾಗಿದ್ದಾರೆ. ಈ ಮೂಲಕ ಭಾರತದ ಕೀರ್ತಿ ಹೆಚ್ಚಿಸಿದ್ದಾರೆ. ಕಾಮಿಡಿ ವಿಭಾಗದಲ್ಲಿ ಎರಡು ದೇಶಗಳು ಪ್ರಶಸ್ತಿ ಪಡೆದಿವೆ. ವೀರ್ ದಾಸ್ ಅವರ ಕಾರ್ಯಕ್ರಮವಲ್ಲದೇ, ಹ್ಯಾಟ್​ ಟ್ರಿಕ್ ಪ್ರೊಡಕ್ಷನ್ಸ್ ನಿರ್ಮಾಣದ ''ಡೆರ್ರಿ ಗರ್ಲ್ಸ್ - ಸೀಸನ್ 3' ಕೂಡ ಹಾಸ್ಯ ವಿಭಾಗದಲ್ಲಿ ಪ್ರತಿಷ್ಠಿತ ಪ್ರಶಸ್ತಿ ಗೆದ್ದುಕೊಂಡಿದೆ. ಇಂಟರ್‌ ನ್ಯಾಷನಲ್ ಎಮ್ಮಿ ಅವಾರ್ಡ್ಸ್‌ ಈ 'ಟೈ ವಿಚಾರ'ವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದೆ.

ಹಾಸ್ಯ ನಟ ವೀರ್ ದಾಸ್ ಅವರ ವೃತ್ತಿಜೀವನದಲ್ಲಿ ಇದೊಂದು ಮಹತ್ತರ ಘಟ್ಟ. 'ವಿರ್ ದಾಸ್: ಲ್ಯಾಂಡಿಂಗ್' ಪ್ರೋಗ್ರಾಮ್​​ ಒಟಿಟಿ ಪ್ಲಾಟ್‌ಫಾರ್ಮ್ ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರದರ್ಶನಗೊಂಡಿದೆ. ಫ್ರಾನ್ಸ್‌ನ ಲೆ ಫ್ಲಾಂಬ್ಯೂ, ಅರ್ಜೆಂಟೀನಾದ ಎಲ್ ಎನ್‌ಕಾರ್ಗಾಡೊ ಮತ್ತು ಯುಕೆಯ ಡೆರ್ರಿ ಗರ್ಲ್ಸ್ ಸೀಸನ್ 3 ರೊಂದಿಗೆ ಸ್ಪರ್ಧೆ ನಡೆಸಿ ಅಂತಿಮವಾಗಿ ಪ್ರಶಸ್ತಿ ಗೆದ್ದುಕೊಂಡಿದೆ. ಅಂತಾರಾಷ್ಟ್ರೀಯ ಎಮ್ಮಿ ಪ್ರಶಸ್ತಿ ಸಮಾರಂಭಕ್ಕಾಗಿ, ವೀರ್ ದಾಸ್ ಅವರು ಬ್ಲ್ಯಾಕ್ ಟ್ರೆಡಿಶನಲ್​ ಬಂಧಗಾಲಾ ಡ್ರೆಸ್​​ ಧರಿಸಿದ್ದರು.

ಇನ್ನೂ ನಿರ್ದೇಶಕಿ ಏಕ್ತಾ ಕಪೂರ್ ಅವರು 51ನೇ ಅಂತಾರಾಷ್ಟ್ರೀಯ ಪ್ರಶಸ್ತಿಯಲ್ಲಿ ಡೈರೆಕ್ಟರೇಟ್​ ಅವಾರ್ಡ್ (Directorate Award) ಗೆದ್ದುಕೊಂಡಿದ್ದಾರೆ. ಪ್ರಶಸ್ತಿಯ ವಿಡಿಯೋವನ್ನು ಇನ್​​ಸ್ಟಾಗ್ರಾಮ್​​​ನಲ್ಲಿ ಹಂಚಿಕೊಂಡಿದ್ದಾರೆ. "ಭಾರತ ನಾನು ನಿಮ್ಮ ಎಮ್ಮಿ ಅನ್ನು ಮನೆಗೆ ತರುತ್ತಿದ್ದೇನೆ" ಎಂಬ ಶೀರ್ಷಿಕೆಯೊಂದಿಗೆ ತಮ್ಮ ಸಂತಸ, ಹೆಮ್ಮೆಯನ್ನು ವ್ಯಕ್ತಪಡಿಸಿದ್ದಾರೆ. ಏಕ್ತಾ ಕಪೂರ್ ಅವರು ಇಂಟರ್​ನ್ಯಾಶನಲ್​​ ಎಮ್ಮಿ ಡೈರೆಕ್ಟರೇಟ್ ಪ್ರಶಸ್ತಿಯನ್ನು ಗೆದ್ದ ಮೊದಲ ಭಾರತೀಯ ಮಹಿಳಾ ನಿರ್ದೇಶಕಿ. ಇದು ಚಲನಚಿತ್ರ ಉದ್ಯಮಕ್ಕೆ ಅವರ ಕೊಡುಗೆಗಳನ್ನು ಎತ್ತಿ ತೋರಿಸುತ್ತದೆ.

• View this post on Instagram

  A post shared by Shefali Shah (@shefalishahofficial)

ಇದನ್ನೂ ಓದಿ: ಪ್ರತಿಷ್ಟಿತ ಎಮ್ಮಿ ಪ್ರಶಸ್ತಿ ಗೆದ್ದ ಭಾರತದ ವೀರ್​ದಾಸ್: ವಿಜೇತರ ಪಟ್ಟಿ ಹೀಗಿದೆ

ಆದಾಗ್ಯೂ, ಶೆಫಾಲಿ ಶಾ ಅವರು ಅತ್ಯತ್ತಮ ನಟಿ ವಿಭಾಗದಲ್ಲಿ ಪ್ರಶಸ್ತಿಯನ್ನು ಗೆಲ್ಲಲಿಲ್ಲ. 'ಲಾ ಕೈಡಾ'ನಲ್ಲಿನ ಅತ್ಯುತ್ತಮ ಅಭಿನಯಕ್ಕಾಗಿ ಕಾರ್ಲಾ ಸೌಜಾ ಅವರು ಈ ಪ್ರಶಸ್ತಿಯನ್ನು ಗೆದ್ದುಕೊಂಡರು. ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರಸಾರವಾದ ವೆಬ್ ಸರಣಿ 'ದೆಹಲಿ ಕ್ರೈಮ್ ಸೀಸನ್ 2' ರಲ್ಲಿನ ಅಭಿನಯಕ್ಕಾಗಿ ಶೆಫಾಲಿ ಶಾ ನಾಮನಿರ್ದೇಶನಗೊಂಡಿದ್ದರು. ಆದ್ರೆ ಅಂತಿಮವಾಗಿ ಪ್ರಶಸ್ತಿ ಕಾರ್ಲಾ ಸೌಜಾ ಪಾಲಾಯಿತು.

ಇದನ್ನೂ ಓದಿ: ಭಾರತೀಯ ಚಿತ್ರರಂಗಕ್ಕೆ ನೀಡಿದ ಕೊಡುಗೆಗಾಗಿ ಮಾಧುರಿ ದೀಕ್ಷಿತ್​ಗೆ 'ವಿಶೇಷ ಮನ್ನಣೆ'

ತನುಜ್ ಚೋಪ್ರಾ ನಿರ್ದೇಶಿಸಿದ್ದ 'ದೆಹಲಿ ಕ್ರೈಮ್ ಸೀಸನ್​​ 2' ರಲ್ಲಿ ಶೆಫಾಲಿ ಶಾ ನಾಯಕಿ ಪಾತ್ರ (ಡಿಸಿಪಿ ವರ್ತಿಕಾ ಚತುರ್ವೇದಿ) ವನ್ನು ನಿರ್ವಹಿಸಿದ್ದರು. ರಾಜೇಶ್ ತಿಲಾಂಗ್ ಮತ್ತು ರಸಿಕಾ ದುಗ್ಗಲ್ ಸಹ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಎಸ್‌ಕೆ ಗ್ಲೋಬಲ್ ಎಂಟರ್‌ಟೈನ್‌ಮೆಂಟ್, ಗೋಲ್ಡನ್ ಕಾರವನ್ ಮತ್ತು ಫಿಲ್ಮ್ ಕಾರವನ್ ನಿರ್ಮಿಸಿದ್ದ ಈ ಶೋ ನೈಜ ಘಟನೆಗಳನ್ನಾಧರಿಸಿತ್ತು. ಮೊದಲ ಸೀಸನ್ 2012ರ ದೆಹಲಿ ಗ್ಯಾಂಗ್‌ರೇಪ್‌ ಪ್ರಕರಣದ ತನಿಖೆಯ ಮೇಲೆ ಕೇಂದ್ರೀಕೃತವಾಗಿತ್ತು.