ಬಹುಭಾಷೆಗಳಲ್ಲಿ ಛಾಪು ಮೂಡಿಸಿರುವ ಮಲಯಾಳಂ ಸ್ಟಾರ್ ದುಲ್ಕರ್ ಸಲ್ಮಾನ್ ಅವರಿಗಿಂದು ಹುಟ್ಟುಹಬ್ಬದ ಸಂಭ್ರಮ. ನಟನ ಮುಂಬರುವ ಸಿನಿಮಾ ಬಗ್ಗೆ ಅಭಿಮಾನಿಗಳಲ್ಲಿ ಕುತೂಹಲವಿದೆ. ಜೊತೆಗೆ ನಟ ಹಿಂದಿ ವೆಬ್ಸರಣಿಯಲ್ಲಿ ನಟಿಸುತ್ತಿರುವುದು ನಿಮಗೆಲ್ಲ ಗೊತ್ತೇ ಇದೆ. ಚಲನಚಿತ್ರ ನಿರ್ಮಾಪಕ ಜೋಡಿ ರಾಜ್ ಮತ್ತು ಡಿಕೆ ಅವರ 'ಗನ್ಸ್ ಆಂಡ್ ಗುಲಾಬ್ಸ್‌' ಸಿರೀಸ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಬಹುನಿರೀಕ್ಷಿತ ಸರಣಿಯ ಪ್ರೋಮೋ ವಿಡಿಯೋವನ್ನು ತಯಾರಕರು ಹಂಚಿಕೊಂಡಿದ್ದಾರೆ. ಜೊತೆಗೆ ಟ್ರೇಲರ್ ದಿನಾಂಕವನ್ನು ಕೂಡ ಬಹಿರಂಗಪಡಿಸಿದ್ದಾರೆ.
1970ರ ದಶಕದ ಹಾಡುಗಳು, ರೊಮ್ಯಾಂಟಿಕ್, ಹುಚ್ಚು ಪ್ರೀತಿ, ಭಯಾನಕ ಹೀಗೆ ಕೆಲವು ಘಟನೆಗಳನ್ನು ಡಿಫರೆಂಟ್ ಆಗಿ ಪ್ರೋಮೋದಲ್ಲಿ ತೋರಿಸಲಾಗಿದೆ. 'ಗನ್ಸ್ ಅಂಡ್ ಗುಲಾಬ್ಸ್‌' ಅಂದರೆ ಗನ್ ಮತ್ತು ಗುಲಾಬಿ. ಇವರೆಡನ್ನೂ ಜೊತೆಯಾಗಿ ತೋರಿಸಿದ್ದು, ಪ್ರೀತಿ ಮತ್ತು ದ್ವೇಷದಂತಿದೆ. ಸಿನಿಮಾದಲ್ಲಿ ರಾಜ್ಕುಮಾರ್ ರಾವ್, ದುಲ್ಕರ್ ಸಲ್ಮಾನ್, ಆದರ್ಶ್ ಗೌರವ್, ಟಿಜೆ ಭಾನು ಮತ್ತು ಗುಲ್ಶನ್ ದೇವಯ್ಯ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ದುಲ್ಕರ್ ಸಲ್ಮಾನ್ ಪ್ರೋಮೋ ವಿಡಿಯೋ ಹಂಚಿಕೊಳ್ಳಲು ಇನ್ಸ್ಟಾ ವೇದಿಕೆ ಬಳಸಿಕೊಂಡರು. "ರಾಜ್ ಮತ್ತು ಡಿಕೆ ರಚಿಸಿದ ಈ ನಂಬಲಾಗದ ಜಗತ್ತನ್ನು ವರ್ಣಿಸಲು ಒಂದು ಪದವಿದ್ದರೆ ಅದು ಮನರಂಜನೆ. 'ಗನ್ಸ್ ಅಂಡ್ ಗುಲಾಬ್ಸ್‌' ಟ್ರೇಲರ್ ಆಗಸ್ಟ್ 2 ರಂದು. ನೆಟ್ಫ್ಲಿಕ್ಸ್ನಲ್ಲಿ ಮಾತ್ರ" ಎಂದು ಕ್ಯಾಪ್ಶನ್ ನೀಡಿದ್ದಾರೆ. ಡಿಕ್ಯೂ ತಮ್ಮ ಹುಟ್ಟುಹಬ್ಬದಂದೇ ಸಿಹಿ ಸುದ್ದಿಯನ್ನು ಹಂಚುವ ಮೂಲಕ ಅಭಿಮಾನಿಗಳಿಗೆ ಟ್ರೀಟ್ ನೀಡಿದ್ದಾರೆ. ಆಗಸ್ಟ್ 2 ರಂದು 'ಗನ್ಸ್ ಆಂಡ್ ಗುಲಾಬ್ಸ್‌' ಟ್ರೇಲರ್ ಬಿಡುಗಡೆಯಾಗಲಿರುವುದಾಗಿ ತಿಳಿಸಿದ್ದಾರೆ.
ಇದನ್ನೂ ಓದಿ: ಪ್ರೇಕ್ಷಕರ ಗೆದ್ದ 'ಬ್ರೋ': ಪವನ್ ಕಲ್ಯಾಣ್ - ಸಾಯಿ ತೇಜ್ ಕಾಂಬೋಗೆ ಉತ್ತಮ ರೆಸ್ಪಾನ್ಸ್
ಪ್ರೋಮೋ ವಿಡಿಯೋದಲ್ಲೇನಿದೆ?: 'ಗನ್ಸ್ ಅಂಡ್ ಗುಲಾಬ್ಸ್‌' ಪ್ರೋಮೋ ರೆಟ್ರೋ ಸಂಗೀತದೊಂದಿಗೆ ಪ್ರಾರಂಭವಾಗುತ್ತದೆ. ಗುಲಾಬಿಗಳ ಜೊತೆಗೆ ಒಡೆದ ಕೋಲ್ಡ್ ಡ್ರಿಂಕ್ಸ್ ಬಾಟಲಿಗಳನ್ನು ತೋರಿಸುತ್ತದೆ. ರಾಜ್ಕುಮಾರ್ ಅವರ ಒಂದು ನೋಟವು ಹೊಸ ಅವಾತರದಲ್ಲಿ ಕಂಡಿದೆ. ಡಿಫರೆಂಟ್ ಕೇಶ ವಿನ್ಯಾಸ ಮತ್ತು ಕೈಯಲ್ಲಿ ಬಂದೂಕು ಹಿಡಿದು ನಿಂತಿದ್ದಾರೆ. ‘ಗುಲಾಬ್‌ಗುಂಜ್ 6 ಕಿಮೀ’ ಎಂಬ ಮೈಲಿಗಲ್ಲು ಫಲಕವನ್ನು ಅಲ್ಲಿ ತೋರಿಸಲಾಗಿದೆ. ಮೋಷನ್ ಪೋಸ್ಟರ್ನಂತೆ ವಿಡಿಯೋವನ್ನು ಡಿಸೈನ್ ಮಾಡಲಾಗಿದೆ.
ಲೋಹದ ಉಪಕರಣಗಳು, ಗಾಜಿನ ವಸ್ತುಗಳು, ಸುಗಂಧ ದ್ರವ್ಯಗಳು, ಕಾರ್ಡ್‌ಗಳ ಪ್ಯಾಕ್, ಹಳೆಯ ಕ್ಯಾಸೆಟ್, ಪ್ರೇಮ ಪತ್ರ, ಚಾಕು, ಬೋರ್ಡ್ ಹೀಗೆ ಕೆಲವೊಂದು ವಸ್ತುಗಳನ್ನು ಹಾರುವಂತೆ ತೋರಿಸಲಾಗಿದೆ. 'ವಾಯು ಆಟೋ ವರ್ಕ್ಸ್' ಎಂದು ಬರೆದಿರುವ ಸೈನ್ ಬೋರ್ಡ್ ಕೂಡ ಇದೆ. ಗುಲ್ಶನ್ ಅವರನ್ನು 1970ರ ಕೇಶವಿನ್ಯಾಸ ಮತ್ತು ಆಗಿನ ಉಡುಪಿನೊಂದಿಗೆ ತೋರಿಸಲಾಗಿದೆ. ದುಲ್ಕರ್ ಸಲ್ಮಾನ್ ವಿಲನ್ ರೀತಿಯಲ್ಲಿ ಕಾಣಿಸಿದ್ದಾರೆ. ಈ ವೆಬ್ಸಿರೀಸ್ನಲ್ಲಿ ಶ್ರೇಯಾ ಧನ್ವಂತರಿ ಮತ್ತು ಪೂಜಾ ಎ ಗೋರ್ ಕೂಡ ನಟಿಸಿದ್ದಾರೆ. ಇದು ನೆಟ್ಫ್ಲಿಕ್ಸ್ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ.
ಇದನ್ನೂ ಓದಿ: 'ಬಾಲಿ'ಯಲ್ಲಿ ಸಮಂತಾ ಜಾಲಿ: ಸ್ನೇಹಿತೆ ಜೊತೆಗಿನ ವಿಡಿಯೋ ಹಂಚಿಕೊಂಡ ಸೌತ್ ತಾರೆ
