ಗದರ್ 2 ಸಿನಿಮಾ ಯಶಸ್ವಿ ಪ್ರದರ್ಶನ ಮುಂದುವರಿಸಿದೆ. ಬಾಕ್ಸ್ ಆಫೀಸ್ ಕಲೆಕ್ಷನ್ ಸಂಖ್ಯೆ ಹೆಚ್ಚಿನವರ ತಲೆತಿರುಗುವಂತೆ ಮಾಡಿದೆ. ಪ್ರೇಕ್ಷಕರು ಮಾತ್ರವಲ್ಲದೇ ಚಿತ್ರರಂಗದವರೂ ಕೂಡ ಸಿನಿಮಾಗೆ ಮನಸೋತಿದ್ದಾರೆ. ಇದೀಗ ಬಾಲಿವುಡ್ ಹಿರಿಯ ನಟಿ ಡಿಂಪಲ್ ಕಪಾಡಿಯಾ (Dimple Kapadia) ಕೂಡ ಸಿನಿಮಾ ವೀಕ್ಷಿಸಿದ್ದಾರೆ.
ಎರಡು ವಾರಗಳ ಬಳಿಕ ಸಿನಿಮಾ ವೀಕ್ಷಣೆ: ಒಂದು ಸಮಯದಲ್ಲಿ ನಟಿ ಡಿಂಪಲ್ ಕಪಾಡಿಯಾ ಮತ್ತು ನಟ ಸನ್ನಿ ಡಿಯೋಲ್ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ವದಂತಿ ಹಬ್ಬಿತ್ತು. ಇದೀಗ ಡಿಂಪಲ್ ಸನ್ನಿಯ ಸಿನಿಮಾ ವೀಕ್ಷಿಸಿದ್ದಾರೆ. ಬಿಡುಗಡೆ ಆದ ಎರಡು ವಾರಗಳ ಬಳಿಕ ಮಂಗಳವಾರದಂದು ಮುಂಬೈನ ಥಿಯೇಟರ್ನಲ್ಲಿ ಬ್ಲಾಕ್ಬಸ್ಟರ್ ಸಿನಿಮಾ ವೀಕ್ಷಿಸಿದ್ದಾರೆ.
ಡಿಂಪಲ್ ಕಪಾಡಿಯಾ ವಿಡಿಯೋ ಶೇರ್: ಮಂಗಳವಾರದಂದು ಪಾಪರಾಜಿಯೋರ್ವರು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ನಟಿ ಡಿಂಪಲ್ ಕಪಾಡಿಯಾ ಅವರ ವಿಡಿಯೋವನ್ನು ಶೇರ್ ಮಾಡಿದ್ದಾರೆ. ಚಿತ್ರಮಂದಿರದಿಂದ ನಟಿ ನಿರ್ಗಮಿಸುತ್ತಿರುವುದುದನ್ನು ಈ ವಿಡಿಯೋದಲ್ಲಿ ಕಾಣಬಹುದು. ಡಿಂಪಲ್ ಬಿಳಿ ಶರ್ಟ್, ಕಪ್ಪು ಪ್ಯಾಂಟ್, ಕ್ಯಾಪ್ ಧರಿಸಿದ್ದರು ಜೊತೆಗೊಂದು ಹ್ಯಾಂಡ್ ಬ್ಯಾಗ್ ಹಿಡಿದಿದ್ದರು. ಥಿಯೇಟರ್ನಿಂದ ಹೊರಬುತ್ತಿದ್ದಂತೆ ನಟಿಯ ಸುತ್ತ ಪಾಪರಾಜಿಗಳು ಸುತ್ತುವರೆದರು. ಆದ್ರೆ ಡಿಂಪಲ್ ಸೀದಾ ತಮ್ಮ ಕಾರಿನೆಡೆಗೆ ನಡೆದರು.
ಸನ್ನಿ ಡಿಂಪಲ್ ಡೇಟಿಂಗ್ ವದಂತಿ: ಹಲವು ವರ್ಷಗಳ ಹಿಂದೆ ನಟಿ ಡಿಂಪಲ್ ಕಪಾಡಿಯಾ ಅವರು ನಟ ಸನ್ನಿ ಡಿಯೋಲ್ ಜೊತೆ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ಊಹಾಪೋಹಗಳು ಎದ್ದಿತ್ತು. 1973 ರಲ್ಲಿ ಡಿಂಪಲ್ ನಟಿ ರಾಜೇಶ್ ಖನ್ನಾ ಅವರನ್ನು ಮದುವೆಯಾದರು. ದಂಪತಿಗೆ ಟ್ವಿಂಕಲ್ ಮತ್ತು ರಿಂಕೆ ಎಂಬ ಇಬ್ಬರು ಮಕ್ಕಳಿದ್ದಾರೆ. ನಟ ಸನ್ನಿ ಡಿಯೋಲ್ 1984 ರಲ್ಲಿ ಪೂಜಾ ಅವರನ್ನು ಮದುವೆಯಾದರು. ದಂಪತಿಗೆ ಕರಣ್ ಮತ್ತು ರಾಜ್ವೀರ್ ಎಂಬ ಇಬ್ಬರು ಪುತ್ರರಿದ್ದಾರೆ.
ಇತ್ತೀಚೆಗಷ್ಟೇ ನಿರ್ಮಾಪಕ ಕರೀಂ ಮೊರಾನಿ ಅವರ ಬರ್ತ್ ಡೇ ಪಾರ್ಟಿಯಲ್ಲಿ ಸನ್ನಿ, ಡಿಂಪಲ್ ಭಾಗಿಯಾಗಿದ್ದರು. ಕಾರ್ಯಕ್ರಮದಲ್ಲಿ ಇಬ್ಬರೂ ಪ್ರತ್ಯೇಕವಾಗಿ ಗುರುತಿಸಿಕೊಂಡಿದ್ದಾರೆ. ಈ ಹಿಂದೆ ಅರ್ಜುನ್, ಆಗ್ ಕಾ ಗೋಲಾ, ಮಂಜಿಲ್ ಮಂಜಿಲ್, ನರಸಿಂಹ, ಗುನ್ಹಾ ದಂತಹ ಸಿನಿಮಾಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ.
ಇದನ್ನೂ ಓದಿ: ಶಿವಣ್ಣ, ರಿಷಬ್ ಶೆಟ್ಟಿ, ಯೋಗರಾಜ್ ಭಟ್ ಸೇರಿ ಸಿನಿ ಗಣ್ಯರಿಂದ ಚಂದ್ರಯಾನ 3ರ ಯಶಸ್ಸಿಗೆ ಶುಭ ಹಾರೈಕೆ
ಅನಿಲ್ ಶರ್ಮಾ ನಿರ್ದೇಶನದ ಗದರ್ 2ನಲ್ಲಿ ಸನ್ನಿ ಡಿಯೋಲ್ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿದ್ದಾರೆ. ಅಮಿಷಾ ಪಟೇಲ್ ಚಿತ್ರದ ನಾಯಕ ನಟಿ. ಸ್ಪೆಷಲ್ ಸ್ಕ್ರೀನಿಂಗ್ನಲ್ಲಿ ಭಾಗಿಯಾಗುವ ಸಲುವಾಗಿ ಸನ್ನಿ ಡಿಯೋಲ್ ಸದ್ಯ ಲಂಡನ್ನಲ್ಲಿದ್ದಾರೆ.
ಇದನ್ನೂ ಓದಿ: ಹ್ಯಾಪಿ ಬರ್ತ್‌ಡೇ! ಸ್ಯಾಂಡಲ್ವುಡ್ ಜನಪ್ರಿಯ ನಟ ಡಾಲಿ ಧನಂಜಯ್ ಸಿನಿಪಯಣ
