RCB ಜೆರ್ಸಿ ಸೀನ್​ ಕಟ್​ ಮಾಡಿ: ಜೈಲರ್​ ನಿರ್ಮಾಪಕರಿಗೆ ದೆಹಲಿ ಹೈಕೋರ್ಟ್​​ ಆದೇಶ!

ಚಿತ್ರದಲ್ಲಿನ ಆರ್​ಸಿಬಿ ಜೆರ್ಸಿ ಸೀನ್​ ಕತ್ತರಿಸುವಂತೆ ಜೈಲರ್​ ನಿರ್ಮಾಪಕರಿಗೆ ದೆಹಲಿ ಹೈಕೋರ್ಟ್​​ ಆದೇಶಿಸಿದೆ.

ಭಾರತದ ಜನಪ್ರಿಯ ನಟ ರಜನಿಕಾಂತ್​ ಮುಖ್ಯಭೂಮಿಕೆಯ ಜೈಲರ್​ ಸಿನಿಮಾ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಮುಂದುವರಿಸಿದೆ. ಬಾಕ್ಸ್​ ಆಫೀಸ್​ನಲ್ಲಿ ಆ್ಯಕ್ಷನ್​ ಕಾಮಿಡಿ ಸಿನಿಮಾ ಸಖತ್​ ಸದ್ದು ಮಾಡಿದೆ. ಮೂರು ವಾರಗಳು ಪೂರ್ಣಗೊಳ್ಳುವ ಮುನ್ನವೇ ಜಾಗತಿಕ ಗಲ್ಲಾಪೆಟ್ಟಿಗೆಯಲ್ಲಿ 600 ಕೋಟಿ ರೂ. ಗಡಿ ದಾಟಿದೆ. ಸಿನಿಮಾಗೆ ಎಲ್ಲೆಡೆಯಿಂದ ಜೈಕಾರ ಕೇಳಿ ಬರುತ್ತಿದ್ದು, ಇದೀಗ ಹೊಸ ಸುದ್ದಿಯೊಂದು ಕೇಳಿ ಬಂದಿದೆ. ಐಪಿಎಲ್​ ತಂಡ ಆರ್​ಸಿಬಿ ಯ ಜೆರ್ಸಿಯನ್ನು ಚಿತ್ರದಲ್ಲಿ ತೋರಿಸಲಾಗಿದ್ದು, ಈ ದೃಶ್ಯವನ್ನು ತೆಗೆದುಹಾಕುವಂತೆ ದೆಹಲಿ ಹೈಕೋರ್ಟ್ ಚಿತ್ರತಂಡಕ್ಕೆ ಆದೇಶಿಸಿದೆ.

• The Delhi High Court has ordered Rajanikanth's Jailer movie team to remove the scene where the RCB jersey was shown. pic.twitter.com/u9S9k13uci

  — Mufaddal Vohra (@mufaddal_vohra) August 28, 2023 " class="align-text-top noRightClick twitterSection" data="

  The Delhi High Court has ordered Rajanikanth's Jailer movie team to remove the scene where the RCB jersey was shown. pic.twitter.com/u9S9k13uci

  — Mufaddal Vohra (@mufaddal_vohra) August 28, 2023

  ">

  The Delhi High Court has ordered Rajanikanth's Jailer movie team to remove the scene where the RCB jersey was shown. pic.twitter.com/u9S9k13uci

  — Mufaddal Vohra (@mufaddal_vohra) August 28, 2023

ದೇಶ ಮಾತ್ರವಲ್ಲದೇ ವಿಶ್ವಾದ್ಯಂತ ಸಿನಿಪ್ರಿಯರ ಗಮನ ಸೆಳೆದಿರುವ ಜೈಲರ್​ ಸಿನಿಮಾದಲ್ಲಿ ಐಪಿಎಲ್​​ನ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಜೆರ್ಸಿಯನ್ನು ತೋರಿಸಲಾಗಿದೆ. ಇದೀಗ ಈ ದೃಶ್ಯವನ್ನು ಚಿತ್ರದಿಂದ ತೆಗೆದುಹಾಕುವಂತೆ ದೆಹಲಿ ಹೈಕೋರ್ಟ್ ತನ್ನ ಆದೇಶದಲ್ಲಿ ತಿಳಿಸಿದೆ. ನ್ಯಾಯಾಲಯದ ಈ ಆದೇಶ ಚಿತ್ರಕ್ಕೆ ದೊಡ್ಡ ಹೊಡೆತವಾಗಿ ಪರಿಣಮಿಸಿದೆ. ಈ ಸೀನ್​ ಕತ್ತರಿಸಲು ಜೈಲರ್​ ನಿರ್ಮಾಪಕರಿಗೆ ಸೆಪ್ಟೆಂಬರ್ 1ರ ವರೆಗೆ ಸಮಯ ನೀಡಲಾಗಿದೆ.

ಏನಿದು ಪ್ರಕರಣ: 600 ಕೋಟಿ ರೂ. ಗಡಿ ದಾಟಿರುವ ಜೈಲರ್​ ಸಿನಿಮಾದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಜೆರ್ಸಿಯನ್ನು ನಕಾರಾತ್ಮಕವಾಗಿ ತೋರಿಸಲಾಗಿದೆ ಎಂಬ ಗಂಭೀರ ಆರೋಪವಿದೆ. ಈ ಕುರಿತು ಆರ್​ಸಿಬಿ ತಂಡದ ಮಾಲೀಕರು ದೆಹಲಿ ಹೈಕೋರ್ಟ್​ನಲ್ಲಿ ಅರ್ಜಿ ಸಲ್ಲಿಸಿದ್ದಾರೆ. ಚಿತ್ರದಲ್ಲಿ ಖಳನಾಯಕ ಆರ್​ಸಿಬಿ ಜೆರ್ಸಿ ಧರಿಸಿದ್ದು, ಆರ್​ಸಿಬಿಯ ಇಮೇಜ್​ ಹಾಳಾಗುತ್ತಿದೆ. ಈ ಸೀನ್​ ಮಾಡಲು ನಮ್ಮಿಂದ ಯಾವುದೇ ಅನುಮತಿ ಪಡೆದಿಲ್ಲ ಎಂದು ಅರ್ಜಿಯಲ್ಲಿ ತಿಳಿಸಿದ್ದಾರೆ.

ಬಿಡುಗಡೆ ಆದಾಗಿನಿಂದಲೂ ಸಿನಿಮಾ ಸಖತ್​ ಸುದ್ದಿಯಲ್ಲಿದೆ. ಬಾಕ್ಸ್​ ಆಫೀಸ್​ ಕಲೆಕ್ಷನ್​ ಸಂಖ್ಯೆ ಅಭಿಮಾನಿಗಳು ಸೇರಿದಂತೆ ಚಿತ್ರರಂಗದವರ ಹುಬ್ಬೇರಿಸಿದೆ. 20 ದಿನಗಳಾದರೂ ಸಿನಿಮಾ ಥಿಯೇಟರ್​ಗಳಲ್ಲಿ ಪ್ರದರ್ಶನ ಮುಂದುವರಿಸಿದೆ. ವಿಶ್ವಾದ್ಯಂತ 600 ಕೋಟಿ ರೂ. ಗಳಿಸಿದ್ದರೆ, ಭಾರತೀಯ ಬಾಕ್ಸ್​ ಆಫಿಸ್​ನಲ್ಲಿ 350 ಕೋಟಿ ರೂ. ದಾಟುವಲ್ಲಿ ಚಿತ್ರ ಯಶಸ್ವಿ ಆಗಿದೆ.

ಇದನ್ನೂ ಓದಿ: ಭಾರತದ ವೈಜ್ಞಾನಿಕ ಶಕ್ತಿಯನ್ನು ವಿಶ್ವಕ್ಕೆ ಪರಿಚಯಿಸಲು ಬಯಸುವೆ: ದಿ ವ್ಯಾಕ್ಸಿನ್​ ವಾರ್​ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ

ಜೈಲರ್ ಯಶಸ್ಸಿನಲ್ಲಿರುವ ರಜನಿಕಾಂತ್​ ತಮ್ಮ ಮುಂದಿನ ಪ್ರಾಜೆಕ್ಟ್​ ವರ್ಕ್ ಶುರು ಮಾಡಿದ್ದಾರೆ. ತಲೈವರ್​ 170 ಎಂಬ ತಾತ್ಕಾಲಿಕ ಶೀರ್ಷಿಕೆಯುಳ್ಳ ಸಿನಿಮಾವನ್ನು ಜೈ ಭೀಮ್ ಖ್ಯಾತಿಯ ಟಿ.ಜೆ ಜ್ಞಾನವೆಲ್ ನಿರ್ದೇಶಿಸಿದ್ದಾರೆ. ಲೈಕಾ ಪ್ರೊಡಕ್ಷನ್ಸ್​ ಬಂಡವಾಳ ಹೂಡಲಿರುವ ಈ ಸಿನಿಮಾದಲ್ಲಿ ಅಮಿತಾಭ್​ ಬಚ್ಚನ್​​, ಫಹಾದ್​ ಫಾಸಿಲ್​​​, ಮಂಜು ವಾರಿಯರ್​, ಶರ್ವಾನಂದ್​ ಸೇರಿದಂತೆ ಹಲವರು ಕಾಣಿಸಿಕೊಳ್ಳಲಿದ್ದಾರೆ.

ಇದನ್ನೂ ಓದಿ: ದೊಡ್ಡ ಮಟ್ಟದಲ್ಲಿ ಅನಾವರಣಗೊಳ್ಳಲಿದೆ ಬಹುನಿರೀಕ್ಷಿತ 'ಜವಾನ್'​ ಟ್ರೇಲರ್​: ಎಲ್ಲಿ? ಯಾವಾಗ?