ಮುಂಬೈ: 'ಪಠಾಣ್' ಯಶಸ್ಸಿನಿಂದ ಮಿಂದೆದ್ದಿರುವ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಇದೀಗ ಹೊಸ ಲುಕ್ನೊಂದಿಗೆ ಕಾಣಿಸಿಕೊಂಡಿದ್ದಾರೆ. ಮುಂಬೈನ ಛತ್ರಪತಿ ಶಿವಾಜಿ ಮಹಾರಾಜ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇತ್ತೀಚೆಗೆ ನಟಿ ಹೊಸ ಹೇರ್ ಸ್ಟೇಲ್ನಲ್ಲಿ ಕಂಡುಬಂದರು. ನಟಿಯ ಹೊಸ ಲುಕ್ಗೆ ಅಭಿಮಾನಿಗಳು ಫಿದಾ ಆಗಿದ್ದು, ಮುಂದಿನ ಚಿತ್ರದ ತಯಾರಿಯಲ್ಲಿದ್ದಾರೆ ಎನ್ನಲಾಗಿದೆ.
ಕಿತ್ತಾಳೆ ಬಣ್ಣದ ಜಾಕೆಟ್ನಲ್ಲಿ ಮಿಂಚಿರುವ ದೀಪಿಕಾ ನಗುವಿನ ಆಭರಣ ತೊಟ್ಟು ಫೋಟೋಗ್ರಾಫರ್‌ಗಳಿಗೆ ಪೋಸ್ ಕೊಟ್ಟರು. ಹಸಿರು ಬಣ್ಣದ ಟೀ ಶರ್ಟ್, ಸನ್ಗ್ಲಾಸ್ ತೊಟ್ಟ ಚೆಲುವೆ ಹೊಸ ಚಿತ್ರಕ್ಕಾಗಿ ಹೇರ್ ಎಕ್ಸ್ಟೆನ್ಶನ್ (ಕೂದಲು ಉದ್ದ) ಮಾಡಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಹಿಂದಿನ ತಮ್ಮ ಎರಡು ಚಿತ್ರಗಳಾದ ಗೆಹರಿಯಾನ್ ಮತ್ತು ಪಠಾಣ್ ಚಿತ್ರದಲ್ಲಿ ಕಡಿಮೆ ಕೂದಲು ಅಂದರೆ ಶಾರ್ಟ್ ಹೇರ್ನಲ್ಲಿ ಮಿಂಚಿದ್ದರು.
ಸಾಲು ಸಾಲು ಚಿತ್ರ: 'ಪಠಾಣ್' ಸಿನಿಮಾದಲ್ಲಿ ಆ್ಯಕ್ಷನ್ ಪಾತ್ರಗಳಲ್ಲಿ ನಟಿಸಿರುವ ದೀಪಿಕಾ, ಬಾಲಿವುಡ್ ಸಿನಿಮಾ ಇತಿಹಾಸದಲ್ಲೇ ಅತಿ ಹೆಚ್ಚು ಗಳಿಕೆಯ ಚಿತ್ರದಲ್ಲಿ ನಟಿಸಿದ ಖ್ಯಾತಿ ಹೊಂದಿದ್ದಾರೆ. ಈ ಖುಷಿಯ ನಡುವೆ ಇದೀಗ 'ಫೈಟರ್' ಚಿತ್ರದ ಶೂಟಿಂಗ್‌ಗೆ ಮರಳಿದ್ದಾರೆ ಎನ್ನಲಾಗಿದೆ. ಇದೇ ಮೊದಲ ಬಾರಿಗೆ ಹೃತಿಕ್ ರೋಷನ್ ಅವರೊಂದಿಗೆ ಹೊಸ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರದಲ್ಲಿ ಅನಿಲ್ ಕಪೂರ್, ಕರಣ್ ಸಿಂಗ್ ಗ್ರೋವರ್ ಮತ್ತು ಅಕ್ಷಯ್ ಒಬೆರಾಯ್ ಪ್ರಮುಖ ಪಾತ್ರದಲ್ಲಿದ್ದು, ಮುಂದಿನ ವರ್ಷದ ಜನವರಿಗೆ ತೆರೆ ಕಾಣಲಿದೆ.
ಫೈಟರ್ ಹೊರತಾಗಿ ದೀಪಿಕಾ 'ಪ್ರಾಜೆಕ್ಟ್ ಕೆ'ಯಲ್ಲಿ ನಟಿಸುತ್ತಿದ್ದು, ಪ್ರಭಾಸ್ ಮತ್ತು ಅಮಿತಾಬ್ ಬಚ್ಚನ್ಗೆ ಜೊತೆಯಾಗುವರು. ಇತ್ತಿಚೆಗೆ ಬಹುತಾರಾಂಗಣದ ಚಿತ್ರದ ಪೋಸ್ಟರ್ ಅನ್ನು ದೀಪಿಕಾ ಹಂಚಿಕೊಂಡಿದ್ದರು. ಇದಾದ ಬಳಿಕ ಮತ್ತೆ ಶಾರುಖ್ ಖಾನ್ ಅವರ ಮುಂದಿನ ಚಿತ್ರ ಜವಾನ್ನಲ್ಲೂ ಕಾಣಿಸಿಕೊಳ್ಳಲಿದ್ದಾರೆ. ಮಹಾ ಶಿವರಾತ್ರಿಯಂದು ಚಿತ್ರದ ಪೋಸ್ಟರ್ ಶೇರ್ ಮಾಡಿರುವ ಸಿನಿಮಾ ತಂಡ ಸಂತಸದ ಸುದ್ದಿಯನ್ನು ಬಹಿರಂಗ ಮಾಡಿತ್ತು.
ಪಠಾಣ್ ವಿಶೇಷ ಚಿತ್ರ: 'ಪಠಾಣ್' ಕುರಿತು ಮಾತನಾಡಿರುವ ನಟಿ, "ಈ ಸಿನಿಮಾ ನನ್ನ ಸಿನಿಮಾ ಜೀವನದಲ್ಲಿ ವಿಶೇಷವಾಗಿರಲಿದೆ" ಎಂದರು. ಶಾರುಖ್ ಮತ್ತು ದೀಪಿಕಾ ಪಡುಕೋಣೆ ಜೊತೆಯಾಗಿ ನಟಿಸಿರುವ ನಾಲ್ಕನೇ ಚಿತ್ರ ಇದಾಗಿದೆ.
ಇದನ್ನೂ ಓದಿ: ಬಾಲಿವುಡ್ದಲ್ಲಿ ಬಾಹುಬಲಿ 2 ದಾಖಲೆ ಮುರಿದು ಮುನ್ನುಗ್ಗಿದ ಪಠಾಣ್..
