ಸುಮಲತಾ ಬರ್ತಡೇ ಪಾರ್ಟಿ: ಒಂದೇ ವೇದಿಕೆಯಲ್ಲಿ ದರ್ಶನ್-ಸುದೀಪ್, ರಾಜಿ ಸಂಧಾನದ ಕುರಿತು ಅಭಿಮಾನಿಗಳ ಕುತೂಹಲ

Sumalatha birthday party: ನಿನ್ನೆ ಸಂಜೆ ನಡೆದಿರುವ ಸಂಸದೆ ಸುಮಲತಾ ಅಂಬರೀಶ್​ ಅವರ ಬರ್ತ್ ಡೇ ಪಾರ್ಟಿಯಲ್ಲಿ ಚಾಲೆಂಜಿಗ್​ ಸ್ಟಾರ್ ದರ್ಶನ್​ ಮತ್ತು ಅಭಿನಯ ಚಕ್ರವರ್ತಿ ಸುದೀಪ್​​ ಕಾಣಿಸಿಕೊಂಡರು.

ಬೆಂಗಳೂರು: ಒಂದು ಸಮಯದಲ್ಲಿ ಕನ್ನಡ ಮಾತ್ರವಲ್ಲದೇ ಬಹುಭಾಷಾ ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದು, ಸದ್ಯ ಸಂಸದೆಯಾಗಿ ಸೇವೆ ಸಲ್ಲಿಸುತ್ತಿರುವ ಸುಮಲತಾ ಅಂಬರೀಶ್​ ಅವರು ಇಂದು 60ನೇ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ.

ಸುಮಲತಾ ಬರ್ತ್ ಡೇ ಪಾರ್ಟಿಯಲ್ಲಿ ದರ್ಶನ್ - ಸುದೀಪ್: ಮಂಡ್ಯದ ಗಂಡು ದಿ. ಅಂಬರೀಶ್ ಪತ್ನಿಗೆ ಸೋಷಿಯಲ್​ ಮೀಡಿಯಾದಲ್ಲಿ ಶುಭಾಶಯಗಳ ಮಹಾಪೂರವೇ ಹರಿದುಬಂದಿದೆ. ನಿನ್ನೆ ಸಂಜೆ ಬೆಂಗಳೂರಿನ ಖಾಸಗಿ ಹೋಟೆಲ್​ನಲ್ಲಿ ಬರ್ತ್​ ಡೇ ಪಾರ್ಟಿ ಹಮ್ಮಿಕೊಳ್ಳಲಾಗಿತ್ತು. ಸೆಲೆಬ್ರೇಶನ್​ಗೆ ಚಾಲೆಂಜಿಗ್​ ಸ್ಟಾರ್ ದರ್ಶನ್​ ಮತ್ತು ಅಭಿನಯ ಚಕ್ರವರ್ತಿ ಸುದೀಪ್​​ ಸಾಕ್ಷಿಯಾಗಿದ್ದರು. ಇವರಿಬ್ಬರ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ಸಖತ್​ ಸದ್ದು ಮಾಡುತ್ತಿದೆ.​

• Challenging Star @dasadarshan and Abhinaya Chakravarthy @KicchaSudeep were spotted together after a six-year hiatus at the celebration of #Sumalatha 's Birthday #KicchaSudeep #DarshanThoogudeepa #KichchaSudeepa #DBoss #Kiccha46 #Kaatera pic.twitter.com/7q2qkpbA0C

  — Bhargavi (@IamHCB) August 27, 2023 " class="align-text-top noRightClick twitterSection" data="

  Challenging Star @dasadarshan and Abhinaya Chakravarthy @KicchaSudeep were spotted together after a six-year hiatus at the celebration of #Sumalatha 's Birthday #KicchaSudeep #DarshanThoogudeepa #KichchaSudeepa #DBoss #Kiccha46 #Kaatera pic.twitter.com/7q2qkpbA0C

  — Bhargavi (@IamHCB) August 27, 2023

  ">

  Challenging Star @dasadarshan and Abhinaya Chakravarthy @KicchaSudeep were spotted together after a six-year hiatus at the celebration of #Sumalatha 's Birthday #KicchaSudeep #DarshanThoogudeepa #KichchaSudeepa #DBoss #Kiccha46 #Kaatera pic.twitter.com/7q2qkpbA0C

  — Bhargavi (@IamHCB) August 27, 2023

ಕನ್ನಡ ಚಿತ್ರರಂಗದಲ್ಲಿ ಬಹುಬೇಡಿಕೆ ಸ್ಟಾರ್​ಗಳಾಗಿ ಗುರುತಿಸಿಕೊಂಡಿರುವ ನಟರಾದ ದರ್ಶನ್ ಹಾಗೂ ಸುದೀಪ್ ಮತ್ತೆ ಒಂದಾಗುತ್ತಾರಾ? ಎಂಬ ಪ್ರಶ್ನೆ ಸೆಲೆಬ್ರಿಟಿಗಳೂ ಸೇರಿದಂತೆ ಅಭಿಮಾನಿಗಳಲ್ಲಿ ಮೂಡಿದೆ.‌ ಒಂದು ಕಾಲದಲ್ಲಿ ಆಪ್ತ ಸ್ನೇಹಿತರಾಗಿದ್ದ ಸುದೀಪ್ ಹಾಗೂ ದರ್ಶನ್ ಜೋಡಿ ಹೆಚ್ಚಿನ ಸಭೆ-ಸಮಾರಂಭ, ಕ್ರಿಕೆಟ್ ಹೀಗೆ ಜುಗಲ್ ಬಂಧಿಯಾಗಿ ಗುರುತಿಸಿಕೊಂಡಿದ್ದರು. ಆದ್ರೀಗ ಇಬ್ಬರೂ ಪರಸ್ಪರ ಅಂತರ ಕಾಯ್ದುಕೊಂಡಿದ್ದಾರೆ. ವೈಯಕ್ತಿಕ ಮನಸ್ತಾಪ ಎಂಬುದು ಅಭಿಮಾನಿಗಳ ಊಹೆ. ಇದೀಗ ಈ ಕುಚಿಕುಗಳು ಮತ್ತೆ ಒಂದಾಗುತ್ತಾರಾ? ಎಂಬ ಪ್ರಶ್ನೆ ಮೂಡಿದೆ‌‌. ಇದಕ್ಕೆ ಕಾರಣವಾಗಿದ್ದು ಆ ಒಂದು ಬರ್ತ್ ಡೇ ಪಾರ್ಟಿ.

ಹೌದು, ಹಿರಿಯ ನಟಿ ಹಾಗೂ ಸಂಸದೆಯಾಗಿ ಸುಮಲತಾ ಅವರ ಜನ್ಮದಿನ ಹಿನ್ನೆಲೆ, ನಿನ್ನೆ ಖಾಸಗಿ ಹೋಟೆಲ್​ನಲ್ಲಿ ಬರ್ತಡೇ ಪಾರ್ಟಿ ಹಮ್ಮಿಕೊಳ್ಳಲಾಗಿತ್ತು. ಸ್ಯಾಂಡಲ್​ವುಡ್ ಸ್ಟಾರ್ಸ್ ಈ ಪಾರ್ಟಿಯಲ್ಲಿ ಭಾಗಿಯಾಗಿದ್ದರು. ನಿರ್ಮಾಪಕ ರಾಕ್​ಲೈನ್ ವೆಂಕಟೇಶ್, ನಟ ರಕ್ಷಿತ್ ಶೆಟ್ಟಿ ಸೇರಿದಂತೆ ಸಿನಿರಂಗದ ಹೆಚ್ಚಿನ ಗಣ್ಯರು ಆಗಮಿಸಿದ್ದರು. ಹಲವು ವರ್ಷಗಳ ಬಳಿಕ ದರ್ಶನ್ ಹಾಗೂ‌ ಸುದೀಪ್ ಇಬ್ಬರೂ ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದು ವಿಶೇಷವಾಗಿತ್ತು.

ಇದನ್ನೂ ಓದಿ: 60ನೇ ವರ್ಷದ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಸುಮಲತಾ ಅಂಬರೀಶ್: Photos​ ನೋಡಿ

ಸುಮಲತಾ ಅವರ ಕೇಕ್ ಕಟ್ ಬಳಿಕ ಒಂದೇ ಸ್ಥಳದಲ್ಲಿ ಇವರಿಬ್ಬರ ವಿಡಿಯೋ, ಫೋಟೋ ಕ್ಲಿಕ್​ ಆಗಿದ್ದು ಅವು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ. ಎಲ್ಲಾ ದ್ವೇಷ ಮರೆತು ಮತ್ತೆ ಒಂದಾಗುತ್ತಾರಾ? ಎಂಬ ಗುಸು-ಗುಸು ಕೇಳಿಬರುತ್ತಿದೆ. ಅವರ ಅಭಿಮಾನಿಗಳು ಒಂದಾಗುವಂತೆ ಸಾಮಾಜಿಕ ಜಾಲತಾಣದಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ದರ್ಶನ್ ಹಾಗೂ ಮಾಧ್ಯಮ ಪ್ರಮುಖರ ನಡುವೆ ರಾಜಿ ಸಂಧಾನ ಮಾಡಿಸಿದ್ದ ರಾಕ್ ಲೈನ್ ವೆಂಕಟೇಶ್, ಸುದೀಪ್ - ದರ್ಶನ್ ಮಧ್ಯೆ ಪ್ರವೇಶಿಸಿ ರಾಜಿ ಸಂಧಾನ ಮಾಡಿಸುತ್ತಾರಾ? ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಮೂಡಿದೆ.

ಇದನ್ನೂ ಓದಿ: ಅದ್ಧೂರಿಯಾಗಿ ವರಮಹಾಲಕ್ಷ್ಮಿ ಹಬ್ಬಾಚರಿಸಿದ ಯಶ್​ ರಾಧಿಕಾ ದಂಪತಿ: Photos!