2023ರ ಬಹುನಿರೀಕ್ಷಿತ ಚಿತ್ರ ಬಾಲಿವುಡ್ ನಟ ಆಯುಷ್ಮಾನ್ ಖುರಾನಾ ಅವರ 'ಡ್ರೀಮ್ ಗರ್ಲ್ 2'. ಇದು ಅವರ ಬ್ಲಾಕ್ಬಸ್ಟರ್ 'ಡ್ರೀಮ್ ಗರ್ಲ್'ನ ಮುಂದುವರಿದ ಭಾಗವಾಗಿದೆ. ಇದೀಗ ಚಿತ್ರ ತಯಾರಕರು 'ಡ್ರೀಮ್ ಗರ್ಲ್ 2' ನಿಂದ ಪೂಜಾ ಪಾತ್ರ ಕೈಬಿಟ್ಟಿದ್ದಾರೆ. ಆದರೂ ಹೆಚ್ಚು ಗಮನ ಸೆಳೆದದ್ದು ಪೋಸ್ಟರ್ಗೆ ಆಯುಷ್ಮಾನ್ ಅವರ ಪತ್ನಿ ತಾಹಿರಾ ಕಶ್ಯಪ್ ಅವರ ಪ್ರತಿಕ್ರಿಯೆ. ಚಿತ್ರದಲ್ಲಿ ಒಂದಲ್ಲ, ಎರಡು ಪಾತ್ರದಲ್ಲಿ ಬೆರಗುಗೊಳಿಸುವ ನಟನ ಪಾತ್ರಕ್ಕೆ ಅನೇಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇನ್ಸ್ಟಾದಲ್ಲಿ ಪೋಸ್ಟರ್ ಹಂಚಿಕೊಂಡಿರುವ ಆಯುಷ್ಮಾನ್ ಖುರಾನಾ, "ಇದು ಕೇವಲ ಮೊದಲ ನೋಟ. ಕನ್ನಡಿಯಲ್ಲಿರುವ ವಸ್ತುಗಳು ಕಾಣಿಸಿಕೊಳ್ಳುವುದಕ್ಕಿಂತ ಹೆಚ್ಚು ಸುಂದರವಾಗಿರುತ್ತದೆ! ಡ್ರೀಮ್ ಗರ್ಲ್ 2 ಆಗಸ್ಟ್ 25" ಎಂದು ಕ್ಯಾಪ್ಶನ್ ನೀಡಿದ್ದಾರೆ. ಪೋಸ್ಟ್ ಅನ್ನು ಹಂಚಿಕೊಂಡ ತಕ್ಷಣ ಅಭಿಮಾನಿಗಳು ಮತ್ತು ಬಿಟೌನ್ ಸೆಲೆಬ್ರಿಟಿಗಳು ಚಿತ್ರದ ಮೇಲಿನ ಪ್ರೀತಿಯನ್ನು ತೋರಿಸಲು ಕಾಮೆಂಟ್ ವಿಭಾಗವನ್ನು ಬಳಸಿಕೊಂಡರು. ಆಯುಷ್ಮಾನ್ ಖುರಾನಾ ಅವರನ್ನು 2 ಅವತಾರದಲ್ಲಿ ಕಂಡ ಸಿನಿ ಪ್ರೇಕ್ಷಕರು ಫುಲ್ ಖುಷಿಯಾದರು.
ಪೋಸ್ಟ್ಗೆ ಸಾವಿರಾರು ಹೃದಯ ಮತ್ತು ಫೈರ್ ಎಮೋಜಿನೊಂದಿಗೆ ಆಯುಷ್ಮಾನ್ ಅವರ ಪತ್ನಿ ತಾಹಿರಾ ಕಶ್ಯಪ್ ಅವರ ಕಾಮೆಂಟ್ ಎದ್ದು ಕಾಣುತ್ತಿದೆ. ಪೋಸ್ಟರ್ಗೆ ಪ್ರತಿಕ್ರಿಯಿಸಿದ ಆಯುಷ್ಮಾನ್ ಅವರ ಪತ್ನಿ ಮತ್ತು ಲೇಖಕಿ ತಾಹಿರಾ ಕಶ್ಯಪ್, ಕಾಮೆಂಟ್ ವಿಭಾಗದಲ್ಲಿ ಹೃದಯ ಕಣ್ಣುಗಳ ಎಮೋಜಿ ಮತ್ತು ಫೈರ್ ಎಮೋನಿನೊಂದಿಗೆ ಪೂಜಾ ಅವರ ನೋಟಕ್ಕೆ ಪ್ರತಿಕ್ರಿಯಿಸಿದರು. ಅದೇ ರೀತಿ ಅನೇಕ ಅಭಿಮಾನಿಗಳು ಆಯುಷ್ಮಾನ್ ಅವರ ಸ್ತ್ರೀ ನೋಟವನ್ನು ಕಂಡು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: Buddhivantha 2: ಉಪೇಂದ್ರ ಫ್ಯಾನ್ಸ್ಗೆ ಗುಡ್ ನ್ಯೂಸ್ - ಬುದ್ಧಿವಂತ 2 ರಿಲೀಸ್ ಡೇಟ್ ಫಿಕ್ಸ್!
ಪೋಸ್ಟರ್‌ನಲ್ಲಿ ಆಯುಷ್ಮಾನ್ ಗ್ಲಾಮರಸ್ ಮಹಿಳೆಯಂತೆ ಕಾಣುತ್ತಿದ್ದು, ಅದರಲ್ಲಿ ಲಿಪ್‌ಸ್ಟಿಕ್ ಹಚ್ಚಿಕೊಳ್ಳುತ್ತಿದ್ದಾರೆ. ಮೊದಲ ನೋಟ ಹಂಚಿಕೊಂಡ ನಟ, ಆಗಸ್ಟ್ 25 ಕ್ಕೆ ಒಂದು ತಿಂಗಳ ಕೌಂಟ್‌ಡೌನ್‌ನೊಂದಿಗೆ ಚಿತ್ರದ ಬಿಡುಗಡೆಯ ದಿನಾಂಕವನ್ನು ಸಹ ಉಲ್ಲೇಖಿಸಿದ್ದಾರೆ. ಆಯುಷ್ಮಾನ್ ಪೂಜಾ ಪಾತ್ರದೊಂದಿಗೆ ಮರಳಿರುವುದು ಅಭಿಮಾನಿಗಳಿಗೆ ಸಂತಸ ನೀಡಿದೆ. ಈ ಸಿನಿಮಾವನ್ನು ರಾಜ್ ಶಾಂಡಿಲ್ಯ ನಿರ್ದೇಶಿಸಿದ್ದಾರೆ. ಚಿತ್ರವು ಆಗಸ್ಟ್ 25 ರಂದು ತೆರೆ ಕಾಣಲಿದೆ.
ನಿಜವಾಗಿಯೂ ಜುಲೈನಲ್ಲೇ ಸಿನಿಮಾ ಬಿಡುಗಡೆಯಾಗಬೇಕಿತ್ತು. ಆದರೆ, ಸಿನಿಮಾಗೆ ಅಗತ್ಯವಿರುವ ವಿಎಫ್ಎಕ್ಸ್ ಕೆಲಸದಿಂದಾಗಿ ವಿಳಂಬವಾಯಿತು. ಡ್ರೀಮ್ ಗರ್ಲ್ 2 ಗೆ ವಿಎಫ್ ಕೆಲಸವು ನಿರ್ಣಾಯಕವಾಗಿದೆ. ಸಿನಿಮಾದ ಕುರಿತು ಈ ಹಿಂದೆ ಮಾತನಾಡಿದ್ದ ಬಾಲಾಜಿ ಟೆಲಿಫಿಲ್ಮ್ಸ್ ಲಿಮಿಟೆಡ್‌ನ ಜಂಟಿ ವ್ಯವಸ್ಥಾಪಕ ನಿರ್ದೇಶಕಿ ಏಕ್ತಾ ಕಪೂರ್, "ಡ್ರೀಮ್ ಗರ್ಲ್ 2 ನಲ್ಲಿ ಆಯುಷ್ಮಾನ್ ಖುರಾನಾ ಅವರ ಪಾತ್ರವು ಪರಿಪೂರ್ಣವಾಗಿ ಕಾಣಬೇಕು ಎಂದು ನಾವು ಬಯಸುತ್ತೇವೆ. ಅದಕ್ಕಾಗಿಯೇ ವಿಎಫ್ಎಕ್ಸ್ ಕೆಲಸವನ್ನು ಪರಿಪೂರ್ಣಗೊಳಿಸಲು ಹೆಚ್ಚುವರಿ ಸಮಯ ತೆಗೆದುಕೊಳ್ಳುತ್ತಿದ್ದೇವೆ" ಎಂದು ತಿಳಿಸಿದ್ದರು. ಈ ಚಿತ್ರಕ್ಕೆ ಅನನ್ಯಾ ಪಾಂಡೆ ಕೂಡ ಸೇರಿಕೊಂಡಿದ್ದಾರೆ.
ಇದನ್ನೂ ಓದಿ: BAD: ಟೈಟಲ್ನಿಂದಲೇ ಸದ್ದು ಮಾಡ್ತಿರುವ ಚಿತ್ರ.. ಕಾಮ ಪ್ರತಿನಿಧಿಸುವ ಪಾತ್ರದಲ್ಲಿ ಅಪೂರ್ವ ಭಾರದ್ವಾಜ್
